|
تخيلاتكم لو فلسطين مش محتله ؟ السلام عليكم العنوان يمكن يكون مكرر لكن المحتوى رح يكون مختلف كليا ومتجدد رح نتخيل انه فلسطين مش محتله وكل واحد يحكي شو تخيله ونظرته مو شرط رد واحد فيكم تكتبو اد ما بدكم ردود خلونا نتحيل وننبسط شوي يا ريت يتثبت من مشرف القسم لو صار عليه تفاعل انتشرووووووووو http://www.bntpal.com/vb/img/bntpal_1439414310_604.jpg |
لو فلسطين مش محتله كان ما في أنظمة ديكتاتورية تعمل بشكل مباشر وغير مباشر في خدمة الكيان الصهيوني |
لو فلسطين مش محتله لكانت تحققت الوحدة العربية أو شكل قريب من أشكال الوحدة كالإتحاد الاوروبي يجعل للأمة العربية شأن في العالم |
لو فلسطين مش محتله لكان حالنا كفلسطينيين أفضل بكثير مما نحن عليه ما كان حيكون في مشكلة لاجئين ومخيمات لاجئين تجري وراء معونات الاونروا ما كنا سنحتاج معبر رفح ولا معابر الضفة الغربية بلدنا وحدودنا وقت ما نحب نسافر ونرجع علي بلدنا بدل تحكم العدو المحتل والشقيق الذي يخدم حذاء العدو |
لو كانت فلسطين مش محتلة لكان الكل يعيش في سلام وهدوء وكمان لو كانت فلسطين مش محتلة لالتقيت بصديقتي مها ..لكن رح نلتقي انا وياها شي يوم موضوع حلو مؤيد يسلموووو |
نورتِ حنان الله يجمعك فيها وبكل احبابك |
لو فلسطين مش محتله كان في سياحه وبيجو علينا من كل الدول العربيه وبزورو الاقصى وبصلو فيه |
لو فلسطين مش محتله لا كان فيه فصائل ولا احزاب ولا فتح وحماس والجهاد كان كلنا ايد وحده والله اعلم ههههههههههههه |
مع أني مابحب كلمة لو لأنها تفتح عمل الشيطان بس حبيت فكرة الموضوع مؤيد بحييك عليها |
لو فلسطين مش محتله لسافرانا يدون عناء عنج احبابتا |
لو فلسطين مو محتلة كانت تحققت العدالة والوحدة العربية يعطيك العافية ع الموضوع اكتر من رااائع |
لو فلسطين مو محتلة للامست اجباهنا الأرض الطاهرة صلاة في المسجد الأقصى..# |
لو فلسطين مش محتلة لكان انتشر الامن والسلاام |
و فلسطين مش محتلة كان ما تبهدلناش بالسفر وما شفنا اشي اسمو جسر كل ما بدنا نروح على عمان وبجوز ما نوصل عمان بالمرة بنسافر من مطاراتنا كان عنا طيران فلسطيني وجناحاتو مطرزة وبنقدم مسخن وجبة بالطياره :112: |
لو فلسطين مش محتلةةةة يالله التخيل لحالووووو انبساط كنت بقدر ازور غزة والقدس متى مابدي ومن دوووون تصريح من حدا |
لو فلسطين مو محتلة لتطورت مواهب الشاب الفلسطيني ..# |
الفكره انا اخدتها من صديق عالفيس بوك بقول دايما كنت اتخيل لو فلسطين مش محتلة كيف رح تكون حياتي، يا ترى رح اكون بنفس الشغف والطموح وهالحب لفلسطين؟ اتخيلت كتير، وبكبسة وحدة على الفيسبوك خلّيت عشرات الآلاف يتخيلوا ويحلموا معي بفلسطين مش محتلة، ما توقعت هالقد يكون في اقبال عهالجملة، ما توقعت الاقي هالكم الكبير من الأحلام والأوجاع والقصص اللي انحطت عالصفحة، قرأت أحلام من فلسطينية من كل مكان، من المخيمات، من الغربة، من كل فلسطين المحتلة، كلنا توحدنا تحت حلم " لو فلسطين مش محتلة". |
مشكوووور خيووو ع الموضوع لو كانت فلسطين مش محتلة ما كان في اسرى واطفال بلا آبأء ولا زوجات بنتظرن ازواجهن بفارغ الصبر انهم يرجعو او لا |
لو فلسطين مش محتلة كان ما قضيناها مبحلقين بالأفق الغربي عشان نشوف خيال البحر او نشم ريحته |
جميل جميل أخ مؤيد وإن شاء الله يتحقق الحلم وتتحرر هذه الأرض الطاهرة من الانجاس غضب الله عليهم |
لو كانت فلسطين مش محتلةةة كان مافي انقسام كان مافي غزة وضفة اتكان كنا فلسطين وبس |
لو فلسطين مش محتلة كان 48، 67، 242 ، 181مجرد أرقام كان ما صار انتفاضه ولا قتل ولا دمار في غزه |
لو فلسطين مش محتلة كان ما في لاجئين و لا عنا 60 مخيم فلسطيني في لبنان وسوريا وفلسطين والأردن كان ما في ناس أمنية حياتها تشوف وطنها إلي كل العالم بقدروا يفوتوا عليه إلا همه |
لو فلسطين مش محتلة كان ما قلنا "انقذوا مخيم اليرموك عم بموت من الجوع لو فلسطين مش محتلة كان ما صارت المجازر ولا حرب المخيمات ولا صبرا وشاتيلا ولا تل الزعتر ولا دير ياسين ولا عنا ذكرى مؤلمة نتذكرها كل سنة اسمها النكبه |
لو فلسطين مش محتلةةة ما كان في لاجئييين وحق عوووودة كان كنا جميعنا في الوطن |
لو فلسطين مو محتلة لما انحرموا أطفال فلسطين من طفولتهم وبراءتهم..# |
لو كانت فلسطين مش ةحتلةةةة ما كان في اسرائيل هاي لحالها بتكفينا |
لو فلسطين مش محتلة لما كانت الفتن بين الناس وتكونت الاحزاب السياسية |
لو فلسطين مش محتلةةةة ما كان كل يوم بيوت بتنهدم ولا اطفال بتنحرق وافراد بتشردوووو |
كان رحنا على ايلات وحيفا ويافا وتل ابيب اللي اسماءهم كانت غير هيك بدون تصاريح ولا شي كان المرضى ما تغلبو لياخدو تحويلات وازونات لمشافي القدس كان وضعنا اكيد غير |
و فلسطين مش محتلة كان عنا لون هوية واحد ولون نمرة السيارة واحد وحكومة وحدة وعلم واحد ولون واحد مش أحزاب أشكال ألوان |
لو فلسطين مش محتلة كان بتسمع بالحسبة بتلاتة جنيه كيلو البندورة بخمسة جنيه سمك طازا من عكا بعشرة جنيه صندوق برتقان يافاوي على كيف كيفك |
لو فلسطين مش محتلة بتلاقي كراج تكسي بحيفا بنادي آخر راكب ع بيروت آخر راكب عدمشق آخر راكبين عحلب وبغزة بتسمع بكراج التكاسي آخر راكب عالقاهرة آخر راكب عأم الرشراش آخر راكب عالقدس وطبعاُ غير القطار اللي بكون شغال عالخط وعليه أزمة طبعا لأنو السياحة حتكون مزدهرة جداً في فلسطين |
لو فلسطين مش محتلة كان ما بنحكى عن الأصابع المملحة "بيجلا" ولا بنحكي عن الاشارة "رمزور " ولا بنحكي عن اللبن "شمينت" ولا في معبر وحاجز ومحسوم وطريق التفافي ومستوطنات و طريق الـ dco للناس الواصلين. |
لو كانت فلسطين مش محتلةةةة ما كان في فلاح انسلبت منو ارضو كان زرع زيتووووون كد مابدووو من دون خوووف وتردد |
لو كانت فلسطين مش محتلةةة ما كانت المنتجات الاسرائيلية غزت الاسواق وكان الونتجات الوطنية هي الاساس وهي اللي الناس بتشتريها بس اليووووم الكل بدووور عمنتجات اسرائيلية وما بسالو عن المنتجات الوطنية ابتدعمووووو في اقتصادهم ليييييييش بدي افهم انا |
لو كانت فلسطين مش محتلةةة ما كنا بنعاني كل يوم وما كنا بنتفتش ع المخصووووم وما كنا بمتل وضع اليووووم |
لو كانت فلسطين مش محتلةةةة ما كان في مخيمات كان كل واحد عايس في بيتوووو مبسووووط |
لو كانت فلسطيييين مش محتلةةةة ما كان في غربةةةةة وما كان شبابنا كل همهم انهم يسافرووو وما يرجعووو ما كانت هيك اوضاعنا ما كان في خونةةةة للوطن وما كان في فساد |
لو كانت فلسطين مش محتلةةةةة كان لسانا بنتعامل بالجنيه الفلسطيني ومافي داعية للشيكل الاسرائيلي |
| الساعة الآن 01:38 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.