|
ظاهرة الإنتحار .. إطرح رأيك السلام عليكم ورحمه الله وبركاته ظاهرة سلبية تعاني منها جميع المجتمعات العربية والغربية الا وهي ظاهرة .. ( الإنتحار ) ياريت تجاوبوا ع الأسئلة بالمنطق .. هل فكرت يوما من الايام بالانتحار ؟ ما الدوافع وراء الانتحار ؟ لماذا نسمع كل يوم عن حالات انتحار لاشخاص في ريعان الشباب شاركونا رأيكم في هذا الموضوع الخطير .. ودمتم بسعادة الدارين .. |
الحمد لله عمري ما فكرت انتحر ممكن يكون السبب انو فتاة تركها حبيبها او انو شب تعب من الحياة او اي سبب تانبي كل الاسباب بتدل على انو حياتهم صعبة وما صار متل ما بتمنو مع انو مافي ولاسبب يخلي الواحد انو يفكر لمجرد التفكير انو ينتحر اولا لانو حرام الله خلقنا لاسباب واهداف مش الواحد كل مابدو يصير معاه شغلة يفكر بالانتحار ظاهرة الانتحار انتشرت يمكن بسبب هالاوضاع الصعبة اللي بنعيشها سواء ازمات اقتصادية او عاطفية او اجتماعية او اي شي تاني الله يهدي الحميع لاتقء يارب لي هم كبييير بل قل يا ههم لي رب كبييييير واتوكل ع الله لانو هوو ما بكلف نفس الا وسعها والا بذكر الله تطمئن القلوووب اللهم ارح قلوب الجميع عوافي خيتوووو تحياتي الك |
اكيد كل واحد بعمر بفترة ضعف ويأس هاد شي طبيعي بس انو مش طبيعي انها توصل لمرحله الانتحار انا فكرت بالموت ورغبت فيه بس ما حاولت وﻻ ممكن احاول يمكن الاسباب الي بتدفع الشباب للانتخار كتيرة اهمها اليأس من رحمة الله بسبب ظروفنا القاسيه الماديه والمعنويه والسياسيه ووالاقتصاديه والاجتماعيه ووووو واكيد هالشي دليل ع ضعف الشخصيه وئله دبن بالدرجة الاولى يسلمو حبيبتي للطرح دوم مميزة ما ننحرم |
بدون مآ ججآوب مآ عمري و لـآ عمري بفككر بهيك تفكيرآإت ؟ ') ححرآم يعني مآ في مججآإل لـ نتآإقش ☺ ') يسلمو حبيبتي ع الموضوع ') الله يبعد المسلمين و المسلمآإت عن هيك شغلـآت ☺ ') ورده |
اقتباس:
ربي يعافيك ي عسولة حبيبتي ماشاء الله عليك ي عاقلة .. حبيت رأيك كثييير كل الشكر لمرورك الجميل |
هل فكرت يوما من الايام بالانتحار ؟كتفكير صحيح لكن كتنفيذ مستحيل ما الدوافع وراء الانتحار ؟ العيشة وعدم الرضا بالقدر لماذا نسمع كل يوم عن حالات انتحار لاشخاص في ريعان الشباب؟ اسباب تتعلق بالمراهقة كحب وخلافه او العيشة وعدم قدرته لفتح بيت والزواج الاحساس انه الدنيا واقفه بوجه ربنا يغير هالحال وان شاء الله يفرجها ع عباده |
هل فكرت يوما من الايام بالانتحار ؟ لا ولا مرة ما الدوافع وراء الانتحار ؟ كثير بسمع بهيك حالات واغلب الي سمعت فيهم بكون سببهم الحب والفراغ الكبير الي بكون عندهم لماذا نسمع كل يوم عن حالات انتحار لاشخاص في ريعان الشباب نفس الاسباب تقريبا اسئلة حلوة ومن واقعنا تسمي على طرح الاسئلة يعطيكي العافية |
اقتباس:
ربي يسلمك أسمى حبيبتي صحيح كلامك .. وأغلب الأسباب الي ذكرتيها تدفع ضعاف القلوب للانتحار ومثل ماقلتي هذا دليل على ضعف إيمانه وشخصيته .. مرورك أسعدني ياجميلة كل الشكر لك ي |
اقتباس:
اللهم آمين ربي يسلمك ننوش حبيبتي صحيح حرام وبيكون نهايته للنار خالد فيها ولكن الله منّ علينا بعقل ودين فيمن الواجب علينا نتناقش لحتي إذا واحد فكر بهذا الشئ يشوف إيش نحن نكتب .. والانتحار ظاهرة انتشرت كثييير بهالفترة ونسمع كل يوم خبر وانتحاريين .. مرورك أسعدني ننوش يارب نضل كلنا بهذا العقل والدين واقوياء ونسند بعض كل الشكر لك ي |
هل فكرت يوما من الايام بالانتحار ؟ بصراحة عالية ك هآجسس يراودك ساعة يأس كبيرة والشيطان كبير رغبة بالموت كلها مجرد خيالات مبعرف بس الواحد مافيو يتحكم بتفكيرو بس بالمقابل استحالةة هيك شى يسير والعياذ بالله .. ما الدوافع وراء الانتحار ؟ تحديدا م بعرف بس بالزبط الشخص يلى بينتحر شو م كانت الاسباب الوازع الدينى عندو ضعيف جدا لماذا نسمع كل يوم عن حالات انتحار لاشخاص في ريعان الشباب كمآنةة الايمان على المحكك ضعيف جداا .. آعذب التحايا لالك |
هل فكرت يوما من الايام بالانتحار ؟ أي بفترة طويلة بحياتي فكرت بالانتحار و كنت حنفذ الانتحار لكن شيء ما منعني . و كنت بفترة من الفترات صاحب فكرة انتحارية .. ما الدوافع وراء الانتحار ؟ برأيي انها دوافع كتير لما يكون المنتحر بمشكلة و منعزل عن العائلة بشكل أساسي وعن الأصدقاء بشكل ثانوي ف نظرته للاشياء تتغير وتاخد منحدر سيء وبتمر بالبكاء باليأس بالتلبد ومن بعدها التفكير بالأذى الجسدي لابعاد الأذى النفسي . ك شخص جربت الفكرة الانتحارية ف الانتحار هوا راحة للمنتحر الراحة بالانتحار بتكمن وقت اللحاق الأذى بالنفس على سبيل المثال انا لو جرحت نفسي . الوقت الي حرتاح فيه هوا وقت ما انا اجرح يدي مش بعد ما اجرحها تفريغ الغضب والاكتئاب بيكون بالجسد نفسه مش بطرق أخرى قلة الوعي اله دور كبير نظرا من انو المنتحر بيكون ذات خلق ضيق وحساس و تفكيره متجه للانتحار دائما لما يلاقي معضلة بحياته تعامله مع الأشياء كتير سيء وكل ما يواجه مشكلة بيلجأ للانتحار ك حل سهل للمشكلة ما عنده وعي فكري لحل المشكلة قلة الوعي الديني الي بيحرم أذية النفس والانتحار و قلة الايمان ع الرغم من كوننا بنصلي وبنصوم لكن وقتها بيبين انو عبادتنا مجرد طقوس لا اكثر ما امتلأنا بالايمان اللازم لحتى نبدد فكرة الانتحار من رأسنا . و اهمال العائلة والأصدقاء دوره كتير كبير وهوا الدور الأساسي لمنع او سماح حصول هاي الأشياء لماذا نسمع كل يوم عن حالات انتحار لاشخاص في ريعان الشباب أدرجت رأيي بالكامل فوق . بالإضافة انو أحيانا المجتمع بيكون اله سبب مع الشباب . لانه المجتمع منغلق جدا عندنا و بيحرم أشياء كتير ع الرغم من اباحتها و مجتمعنا المعقد الجاهل دينيا وفكريا سبب كتير كبير ب تعقد المشاكل للشباب وعدم القدرة على حلها بسبب تجبر الحكومات و المجتمع على حد سواء امام الشباب ف بيؤدي ل اتجاه للانتحار ك حل لكل هذي المشاكل |
اقتباس:
سلامتك من هذا العمل البشع والحمدلله إنك نفذت مستغربة كيف واحد مثلك يكون صاحب فكرة انتحارية أنت واحد واعي وشخصياً بحترمك وعندك مواهب كثيرة مثل ما قلت بيفكر المنتحر أنه يقوم بإلحاق الأذى بجسده لإلحاق الأذى بنفسه ولكن نسى عقوبة هذا العمل البشع وهو ناتج عن ضعف الشخص فعقوبته بالدنيا خسر حياته ونفسه وفي الآخرة في النار خالد فيها .. مثل ما قلت الشباب بتحاصرهم الضغوطات من كل جهه وهل الحل هو الانتحار ..؟ طبعاً لا فالإنسان المبتلي بيكون ربي يحبه ويختبر صبره ليرفعه في جناته .. سؤال فقط .. تخيل أمك تنتحر بعيد الشر ..! ماذا سيكون ردت فعلك أكيد رح تغضب عليها فما بالك برب العزة سبحانه يملكنا ويملك أنفسنا وبعدها نحن نفكر نقتل هذه النفس. ! بنصح كل شاب يعمل رياضة وينمي من مواهبه ليبعد عنه الطاقة السلبية .. الكلام ليس لك وحدك .. لي . لها .. له .. للكل يعطيك الف عافيه يا طيب نورتني بمرورك .. |
مين المجنون اللي بفكر ينتحر حرام عليه بارك الله فيكى ع التنبيه |
اقتباس:
وعيي وثقافتي الي انا فيها حاليا ما ا جت من يوم ولادتي . تجارب قاسية قاهرة أوصلت فيا لهادي الشخصية . و الفكرة الانتحارية كان بيوم من الأيام فكرتي لكني تخليت عن هالفكرة وتحولت تدريجيا لهادي الشخصية . والحمد لله تخلصت من هالفكرة . والحمد لله على المصاعب الي واجهتها بيوم .. يسلمو خيتو :) |
ربي يسلمك ويقوي قلبك أكثر وتكون شخصية مهمة في المستقبل .. أسعدني كثييير كلامك دارك ديفل معك حق وأنا مثلك وصلت بشخصيتي هذا من عدة تجارب ولحظات قاسية .. كل الشكر لك .. وأنا فخورة فيك بحق وليس مجاملة إحترامي لشخصك |
عمري بحياتي ما فكرت بالانتحار ولا ممكن افكر فيه ربنا حرم هالشي بالنسبه للاسباب كتيره من الاسباب 1/ اهمها طبعا ضعف الوازع الديني والجهل بالدين 2/ انه الاسره بتكون متشدده مع اولادها وبتفرض عليهم قيود كتيره ما بقدروا يتحملوها متل انه الاب يزوج بنته وهي صغيره وهي مو فاهمه شي بحياتها تروح لبيت زوجها ويكون هالانسان متسلط ويعاملها بقسوه 3/ الاوضاع المعيشه الصعبه وانه الواحد عايش في بطاله مو قادر يعمل اي شي او ما عنده هدفه يحققه فبهرب من مشاكله بالانتحار 4/ فشله في الدراسه والاحباط وهاي شفناها في الفترة الاخيره لما كانت تطلع نتائج التوجيهي 5/الفشل في علاقة حب 6/ ممكن يكون السبب مرض نفسي موضوع نقاشي حلو يسلمو حبيبتي جيهان |
اقتباس:
الله المستعان أختي نورتي المكان ياجميلة |
من قد وما سمعت وشفت بحياتي اكتشفت إنه مش كل إنسان بنتحر بكون يأسان بحياته بسبب ظروفه الصعبه لأ، كمثال، واحد من حارتنا وجيران بنفس الوقت عايش احلى عيشه يعني مليونير وبيلعب بالمصاري لعب بس إبنه انتحر !! ومن هون منفهم انه المصاري مش كل اشي بالدنيا طالما نفسيته كانت تعبانه كانت عدم كانت مخبي اشي، لإنه اهله لليوم ما بيعرفوا ليش انتحر ! واللي بعرفوا انه يللي بنتحر هذا غير مقبول عند ربنا، يعني بفوت ع النار بدل الجنه، ما بعرف اذا مزبوط .. ع كل حال لحتى ما يوصلش الانسان للإنتحار لازم يعيش ببيئه "مريحه" من كل النواحي، والاهم يكون مقتنع بكل اشي، ان كان بحياته او شخصيته او صحابه او حتى اهله وحياته معون، بس للاسف فش انسان راضي عن حياته ميه بالميه .. :137: |
اقتباس:
ربي يسلمك حبيبتي رانيا معك حق بالأسباب فالإنسان الضعيف يرى أن الحل الوحيد هو القضاء على حياته .. نورتيني ياجميلة 🌹 |
اقتباس:
صحيح سمرة وأنا طرحت هذا الموضوع. لأنه انتشر كثير بمجتمعاتنا .. واحد كمان بحارتنا مرتاح ولله الحمد وقام بإغلاق نفسه في غرفة وانتحر ولم يعلموا الناس إلا بصراخ أخته في الشارع .. يعني الواحد يكون عنده مشكلة بالحياة وليس ضروري الفقر مثل ماقلتي .. يمكن فشل ( عاطفي .. دراسي . . .) او يمكن مرض نفسي والضعيف هو من يفكر بانتهاء حياته والحمدلله الذي عافانا مما ابتلاهم.. أما أن المنتحر يدخل النار صحيح فقد قال رسول الله صلى الله عليه وسلم ..( من قتل نفسه بحديدة فحديدته في يده يجأ بها في بطنه في نار جنهم خالداً مخلداً فيها أبداً، ومن تحسى سماً فقتل نفسه فسمه في يده يتحساه في نار جنهم خالداً مخلدا فيها أبداً، ومن تردى من جبل فقتل نفسه فهو يتردى في نار جهنم خالداً مخلداً فيها أبداً. ) أما عن لا أحد مرتاح في حياته لأن هذا دار ابتلا واختبار وليس دار راحة ورضا وإنما نحن هنا للاختبار ودار الراحة في الجنة اسأل الله أن يرزقكي ويرزقنا جميعاً فردوسه الأعلى نورتي سمرة حبيبتي 🌹 |
| الساعة الآن 11:09 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.