|
هل يصل الإعجاب بفنان إلى تقبيل قدميه ؟ كتير منا بعجبو بفنان او مطرب او زعيم لكن هل ممكن يصل الامر الى تقبيل قدميه اليكم الموضوع بالتفصيل http://www.bntpal.com/vb/img/bntpal_1438976074_126.jpg يختلف الجماهير في أساليب التعبير عن إعجابهم بفنانهم المفضل، والتي قد تصل في بعض الأحيان إلى حد الهوس والخروج عن المألوف. فهناك من يقبل يد الفنان للتعبير عن حبه له، وهناك من يريد أن يلحق بأي جزء من جسمه فقط ليحظى بلمسة منه، ولكن قد يبلغ الإعجاب أكثر من ذلك، ليصل إلى تقبيل الأقدام، وهو ماحدث في حلقة برنامج "Coke Studio"، التي عرضتها MBC1، عندما قام المطرب الإسباني خوسيه جالفيز بتقبيل قدم نانسي عجرم، تعبيرا منه عن إعجابه الشديد بصوتها وأدائها في أغنية "حالي حال". وعلى الرغم من محاولات نانسي لإثناء خوسيه عن القيام بهذا العمل، إلا أنه كان الأسرع في الوصول إلى قدم نانسي لتقبيلها. ولم تكن هذه الحادثة هي الأولى من نوعها، فمن ينسى ما حدث مع كوكب الشرق الفنانة الراحلة أم كلثوم، عندما صعد المعجب وقام بتقبيل قدمها بكل قوة لدرجة أنها وقعت على المسرح. http://www.bntpal.com/vb/img/bntpal_1438976074_842.jpg وحدث الأمر نفسه مع المطربة اللبنانية صباح، عندما ارتمى أحد المعجبين أمامها وقام بتقبيل قدمها. فكيف تنظر إلى مثل هذه الطرق في التعبير عن الإعجاب، وهل هي بالفعل تتم بشكل عفوي، أم أنها تعبر عن هوس وحب مبالغ فيه؟ شاركنا رأيك.. |
هـآإد هبل و غبـآإء هيوتني نـآ بحب متلآ نآصيف زيتون واللهي مآ بسلم بالإيد عليه ؟ ') مين يعني هو ؟ !! وهو نآصيف ♥ ') يروح يبوس رجلين إمو أو آبو آحسن الـو ؟ ') ع الأقل مآ بخسر شي من كرآمتو ☺ ') ي عيبو ؟ ') يسلمو حبيب العمر ع الموضوع ') منظظر مستفز $' ورده |
اقتباس:
فش حدا فينا ما بعجبه فنان او مطرب لكن ما بتوصل لهالدرده من الغباء شكرا لرايك الجميل ننوش نورتِ |
هادا باختصار اسمه هبل وهوس في اكتر من طريقه يعبر فيها حد لحد عن اعجابه فيه بس مش متل هيك اسلوب يسلمو مؤيد على الموضوع |
هاد جنون رسمي واذا كان فنان يعني انا اصلا ما بعجب بفنان بشخصيتو ممكن اعجب بعملو بس مش في هو شخصيا الله يعين كل واحد ع عقلو بقال يقبل رجل فنان قال |
هذا ما يدعى مرض " البهايمر " شكرا زميل :136: |
اقتباس:
وانا نفس نفكيرك منعجب بفنان لكن ما منقدسه ولا منركعله ولا منبوس رجليه شكرا لرايك |
اقتباس:
اشكرك عسوله رايك جميل شكرا لمشاركتك |
اقتباس:
فعلا متل ما حكيت مرض البهايمر يسعدك ما اجمل مرورك |
فكيف تنظر إلى مثل هذه الطرق في التعبير عن الإعجاب، وهل هي بالفعل تتم بشكل عفوي، أم أنها تعبر عن هوس وحب مبالغ فيه؟ شاركنا رأيك عشناااااااا وياما حنشوف والله دنيا باخر وقت يعني شي مستهجن ومش مقبول نهائي وبنظري انا شخصيا تخلف وهوس او تفاهة ما بعرف ممكن توصل حالة تقبيل الايدي لشخصيات عظيمة...لرموز...لناس ضحوا بنفسهم كرمالنا بس الفنانين شو بقدمولنا -انا بحكي بوجه عام...وما قصدي الإساءة...وما بحب اقلل من شان أي انسان- مشكور اخ مؤيد عالموضوع احترامي |
ناس بتجري ورا شهواتها بتتوقع تبوس شي غير الرجلين ؟ ممكن تكون حب عميق لهادا الفنان ما بعيب الحب المشابه لهيك امور عن فنان او فنانة او اي حد بشكل كبير جدا لكن ما يوصل لمرحلة الهوس الغير طبيعي |
هاد منو هوس .. هاد مرض وتخلف ع شويت تياسه احكي للواحد بوس ايد امك بحكيلك ضحك ع اللحيه بس بوس صورة لمطرب او ممتله بصير حنون وحبيب تبا شي مستفز فعلا عن نفسي بحب اسمع لمطرب او مطربه معينه وممكن بتمنى اشوفهم بس مو اكتر يسلمو مؤيد للطرح يعطيك العافيه |
طبعا الموضوع بالنسبه إلنا "هبل"، بس إذا منتعمق فالموضوع رح نكتشف إنه كل شخص بيعمل هيك هو إنسان "بسيط"، لإنه الإنسان البسيط بيتصرف ع طبيعته بكل إشي، وانا شخصيا بحترم هالنوعيه من البشر اكتر من اللي عندون نوع من الكُبره وبكونوا شايفين حالون، بس مش لازم تصرفاتون توصل لهيك، والمشكله إنه تصرفاتون متل هيك بتكون "لا إرادياً"، شو فينا نعمل للي بعمل اشي "لا إرادياً"؟ ولا اشي :)، عشان هيك لازم نعذرون .. :137: |
الله المستعان أسوأ حياة أن تكُون حياتُكَ كَحيَاة البَهائِم .. بلا هَدَفْ ! إنّهُ يألم كما يألم من له هدفْ و ليْتَ الذِي لا هدَفَ لهُ لا يتألــم أو يحزَنْ .. ! لكن شتَّــان بين الألمين !! ( إن تكونوا تألمون فإنهم يألمون كما تألمون و تــرجون من الله ما لا يرجُون )* وهم يطبقون هذا بتقبيل اقدام اناسٍ ؟؟؟ ما أروع أن توصف بالنزاهة أو الثقة أوالقوة فلتكن ببرنا بوالدينا وتقبيل اقدامهم لاننا ضيوف عندهم وليسوهم الضيوف انتِقاء يحمل معاني كثيرة بارك الله في عمرك وعملك |
قمة التخلف و الغباء و هدر الكرامة |
اقتباس:
ههههههههههه فعلا ناس تافهه لا شك بكلامك ابدا هلا غاردينيا نورتِ |
اقتباس:
انا مثلا بحب اسمع لكم مطرب لكن لا يمكن افكر اني اعشقهم هادا اسمه تخلف في التربيه مشكور اخي |
لآ حول الله فيه مثل عندنآ يقول 《تعيش تشوف العجآيب 》 عن جد عجآئب معجبة ولو يبقى في عمري شعرة ونص مآ أسلم على فنآن حتى ولو على خده عجبني ولآ حتى نحبه لكن في حدود الفن لآ غير الركوع لوحده لغير الله والوآلدين مذلة هدآهم الله وهدآنا إياهم عوآفي مؤيد على الطرح العجيب دمت بود |
اقتباس:
بتكبر الواحد على امه وابوه بحكي موضه قديمه شو ابوس ايده وبعشق الفنانات تبا للهبل والتفاهه شكرا لرأيك ملك روحي نورتِ |
اقتباس:
انا شايف انه التصرف قله وعي وهبل ليش ؟ لانه هادا الامغني هو انسان متلي متله ليش لاعشقه او اعبده تعرفي شو يعني بوس الرجل انحطاط في التفكير لدرجه عباده الفنان احترامي لرأيك سمره كل الشكر الك |
اقتباس:
انا هيك شايف للاسف كلام جميل ورايك صائب كل الاحترام الك اميره |
اقتباس:
لو عنده كرامه ما بعمل هالشي مشكوره للتعقيب نورتِ بسمه |
اعوذ بالله هيدا هبل وهوس فيهم وقلة ايمان يحشر المرء مع من احب فانتبهوا لمن تحبوا يسلمو مؤيد موضوع حلو ودي |
اقتباس:
ههههههههههه عكل حال ريما انا بعتقد هو اقرب للتقديس وهادا اشي بخوف اللهم اهدي شبابنا وبناتنا لما هو خير لهم في الدنيا والاخره اشكرك للتعقيب نورتِ |
| الساعة الآن 10:30 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.