| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
أسئلة خفيفه خلينا نتسلى شوي
مساكم ورد وياسمين كيفكم يا حلوين زمان عنكم وعن الاسئله جايبتكم كم سؤال ان شاء الله يعجبوكم يلا خلينا نبلش برأيك اختلاف المستوى العلمي والدراسي بين الزوجين هل
| | LinkBack | أدوات الموضوع | انواع عرض الموضوع |
08-04-2015
| #8 | |
 حنين لرائحة زمن مضى ツ 
 |  برأيك اختلاف المستوى العلمي والدراسي بين الزوجين هل يؤثر على الحياة الزوجية؟ ممكن لإنه كل واحد رح يكون عقله مختلف عن التاني، وهالاشي إلو تأثير سلبي لإنه برأيي لازم يكون في توافق بين الزوجين من كل النواحي مش بس من ناحية المستوى التعليمي .. هل تميل أن تضع قرارك بناء على التحليلات أم بناء على مشاعرك ؟ بيتعلق بالموقف اللي انا موجوده فيه، مع إنه بفضل كل قرار أتخذه يكون نابع من عقلي وقلبي بنفس الوقت بس هالشغله مش دايما ممكن تزبط على ما يبدو لهيك حسب الموقف .. هل لأحلامك سقف معين ؟ ام انك انسان حالم لا تهزك المواقف ولا الصدمات ؟ الاحلام دايما في قدامها حاجز يعني السقف دايما موجود، ولمن تشوفي إنسان حالم حقق احلام معينه من هون منفهم انه هالانسان كسر هالحاجز، لهيك بيتعلق بالإنسان نفسه، بإيده بقيم هالسقف وبإيده بيخليه .. شو هي مساوىء البنت المتعلمه وشو ايجابياتها بنظرك ؟ مش كل بنت متعلمه تشوفيها فهمانه، اوكي مش رح نختلف إنه ايجابياتها كبنت متعلمه هو إنها حصلت ع الشهاده، بس يمكن كل شهادتها حبر على ورق، لإنه مش كل إنسان متعلم بيطلع فهمان يمكن شهادته كلها نسخ او واسطه ! وهاي مشكلة العرب فاهمين الثقافه غلط، المثقف مثقف بأخلاقه مش بشهادته يللي حاملها بإيده .. لإني اكتشفت من بعد تجاربي بالحياة إنه الانسان ممكن يكون خريج جامعة الحياة والمقصود "التجارب" .. شو الشي يلي ممكن يعدل مزاجك ؟ كل اشي حلو ممكن يعدل مزاجي، الطفل كمثال من الاشياء الحلوه بالدني لمن اشوفه بيعدل مزاجي، الورد كمثال من الاشياء الحلوه بالدنيا لمن اشوف ورده حلوه بيعدل مزاجي .. إلخ .. هل من الممكن ان يتأثر اسلوبك بسبب من حولك ؟ المفروض مش لازم اتأثر لإنه لازم كون واثقه من حالي كل الثقه، بس في مواقف ممكن تجبر الانسان انه يتأثر .. بتحب الاختلاط بالجيران وكيف علاقتك فيهم ؟ بشوف الجيران احيانا افضل من القرايب، مع انه العلاقه مش كتير قويه كونون بيعرفوا اهلي اكتر مني، ومع إنون موجودين عندي عالفيس، يعني في احترام اكيد، بس العلاقه عاديه .. شو اكثر شي مستاهل نزعل منشانه ؟ لمن تكون تعاملت مع اشخاص بستاهلوش وتكون عرفت هالاشي متأخر .. أكتر شي بـجذبك بـ شخصية البنت !!وشخصية الشب ؟؟ اكتر اشي بيلفت نظري بالشب والبنت سوى هو إنسانيتون ونضخ عقلون وبنفس الوقت نظافتون، بشمئز من الانسان العجق واللي مش نظيف ! ما بعرف إذا غيري رح يفسر هالاشي غرور، بس "النظافه من الايمان" فشو بيمنعون ينظفوا ع حالون ؟! شو اجمل شى عشته بحياتك ؟؟ كل شغله نجحت فيها بحياتي كانت احلى لحظه .. لا ترى العين عيباً اذا احب القلب ؟ شو رأيك بالمقولة وهل تتفق معها ؟ اكيد بتفق معها لإنه يللي بيحب شخص معين بيكون عم بيحب هالانسان يللي موجود جوات هالشخص، مش شكله حتى لو كان فيه مليون عيب .. لما تحكي رأيك بتحكيه بواقعيه او لـ يكون ردك مثالي .؟ انا بحبش اكون مثاليه لإنه بحس الانسان المثالي بيكون عم بعمل حاله مثالي مش إنه هوي بالفعل مثالي لأ، بحس إذا بكون مثاليه بكون مغطيه بقشوري، بكون عم بكتب رد معين بس جواتي اشي تاني ! حقي اكون ع طبيعتي واكتب كيف بحس وكيف بشعر تجاه اي موضوع وحتى لو بدو يكون جوابي سلبي المهم حكيت الواقع، طالما "انا إنسان" فا بيحقلي احكي الصراحه وابعد عن المثاليه يللي بتمنعني كون ع طبيعتي ! مشروع حابب تعمله ؟ حاليا مفش مشروع معين .. اول شي بتعملو اول ما تصحى من النوم ؟ بطوي لحافي وبغسل وجي وبفرشي .. شي ما فيك تستغني عنه ؟ كرامتي واهلي .. شكرا ع الاسئله عيوني، بحب هالنوعيه من الاسئله، شو رايك تشاركي؟ لإنه بعرف اجوبتك بهالمواضيع بتكون واقعيه ..  | |
 |
| الكلمات الدلالية (Tags) |
| أسئلة, خلينا, خفيفه, شوي, نتسى |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اسئله خفيفه مش محتاجه كتير تفكير | lonely heart | الـטּـِقآشآتُ الجَّآدة والـפـوَآر..! | 25 | 07-15-2015 10:55 PM |
| أسئله على الماشي خفيفه وحلوه | lonely heart | الـטּـِقآشآتُ الجَّآدة والـפـوَآر..! | 27 | 07-11-2015 05:54 PM |
| خلينا نفرفش | Bushra | النكت والطرائف | 12 | 06-08-2015 11:42 PM |
| خلينا نفرفش | Bushra | النكت والطرائف | 10 | 06-08-2015 09:29 AM |
| عائلة غزية ترزق بستة توائم وتسمي أحدهم أحمد الجعبري | كاتم الاحزان | ะ» فِلِسطِيـטּ وآلقَضِيـةٌ |▪●™ | 8 | 11-16-2013 03:24 PM |
الساعة الآن 10:07 AM
