|
مشاركتي بأجمل موضوع نقاشي .. نحن مراقبين .. بسم الله الرحمن الرحيم بتكلم عن موضوع مهم جداً لنا في هذا العصر وهو الإنترنت .. مواقع التواصل كالفيس بوك لو عملت بحث معلومات لشخص ما سأجد أكثر من 200صفحة من معلومات عن حياته مثل ..متى نام متى أستيقظ المود تبعه .. كم مرة أبتسم .. كم مرة زعل .. علق لمين .. مبسوط من مين .. بيحب مين ( علاقته العاطفية ) الموضوع خطير أيوة خطير لأن هذا المعلومات ممكن تشتغل في إيذاء الشخص أو في التدخل في خصوصياته أو في أمور أخرى الحذر الحذر فحياة الشخص أصبحت مسجلة .. ومن أكثر التطبيقات التي اشتهرت آخر سنة تقريباً السناب شات أغلب الشباب يستخدموه .. وهو مبني ع فكرة أمان إلي بترسله ويختفي بالمدة الي تحددها أنت فالشباب والشابات أخذوا راحتهم ويرسلوا صورهم الخاصة .. ولكن !! للأسف هناك تطبيقات وبرامج تسمح بحفظه ومن دون حتى المرسل يعرف .. تصدقون إن من خلال دقيقة وحدة يتم إرسال أكثر من 200000000مليون إيميل وتحميل أكثر من 50000ألف تطبيق جوال ومشاهدة أكثر من 20000000مليون صورة على برنامج فلكر وتسجيل دخول 270000ألف مستخدم فيس بوك إرسال أكثر من 100000تغريدة عمل بحث 2000000مليون مرة على قوقل ومشاهدة أكثر من 1000000فيديو يحصل في عالم الإنترنت خلال دقيقة واحدة فقط !!! ولسي ماتكلمت ع المنتديات .. انتشر فيها وبشكل كبير الحب والغزل والرسائل الخاصة مليئة بكلام الحب والغرام والي بتعتبر من الخصوصيات وهذا أبداً ما يسمى حب أول شئ في نظري أنا خواطر الصمت أنا .. انتي .. أنت. مراقبون أولاً من الله عز وجل ومن ثم الأمر أصبح مفتوح وكل الناس بيشوفوه وخصوصاً في الفيس فالاغلب بيحطوه للعام ومن ثم مدراء المنتديات وهذا خاص بالمنتديات .. موضوعي طويل بس بصراحة الأمر أصبح خطير وياريت نقرأه بالكامل .. ملاحظة * القصد من موضوعي ليس إنا نعيش بدون الإنترنت لا التكنلوجيا أصبحت مهمة في هذا العصر وهي مثل السكين سلاح ذو حدين يمكن تستخدمه في الفائده أو العكس السؤال هو .. وجهة نظرك ورأيك أنت بكل ما قرأته ؟؟ |
راح احكي عن الرقابه كبدايه رقابه الله سبحانه وتعالي وهي الي ﻻزم نحطها بالحسبان ونتذكر انو الله سميع بصير والرقابه الذاتيه : وهو انو اراقب نفسي بنفسي واحاسب نفسي واكون الناصح لنفسي وووو وهاي من اصعب النزاعات الي بتصير بالنفس البشريه بما انك حددتي موضوع الرقابه ع مواقع التواصل الاجتماعي ومنها المنتديات والفيس وووو انا معك انو ما في شي اسمو خصوصيه المستخدم وانو حسابك ممكن يتهكر او حتى يكون مراقب بخصوص العلاقات الي بتصير ع النت وانا حكيت رايي بهالموضوع باكتر من محل واكتر من موقع واكتر من مرة ومقتنعه فيه 100% النت وسيله اتصال وتواصل والعيب مو منها العيب بالناس الي بيستخدموها .. لو كل حدا فات باي حساب باسمو وبعمرو وبكل بياناتو وكان صادق بكل حركاتو وما لبس اي قناع يخفي حقيقتو كان ما في اي مشكله بس للاسف وبنسبه كبيرة النت صار متل الحفله التنكريه كل واحد بلبس القناع الي زوئو وممكن يغيرو باي وئت يعجبوو بس لنفرض انو كل الناس بتفوت النت بشخصيتها بلا كزب وﻻ تلوين واتنين اتعرفو ع بعض بنيه الارتباط والزواج في شي يمنع ؟؟؟!! طبعا ﻻء لانو باختصار النت وسيله مو اكتر كمان سؤال : فيكي تعيشي بلا نت ؟؟! كمان ﻻء لانو صار ضرورة من ضروريات الحياه معناتو وين الغلط ؟؟!! اكيد فينا احنا صح وﻻ ﻻء؟؟؟ يعني باختصار الي ما بخاف رقابه الله سبحانه وتعالى وما عندو رقابه ذاتيه مو سائل عن رقابه مدير المنتدى رايي فقط موضوع كتير واسع ويمكن صعب اوضح رايي من كل الجهات بس حاولت حسب قناعاتي يسلمو خواطر لاطرح موفقه |
متل مآ حكيتي إنو النت سلآح ذو ححدين و يلي بدو يعمل غلط بعملو لو ع النت أو بـ الوآقع $ ' ممكن ع النت آسهل خصوصآ لبعض الصبآيـآ و الشبآإب إنو مجآإال بخدعو بعض آككتر ؟ ') يعني بكون البنت بدهـآإ تحب إنو هيك بتثبت أنوثتهآإ و آسفةة لهآإد الكلمة بتكون مو مرغوبةة بـ الوآقع فـ بتلجآإ لهيك ححل مؤزي الهآ قبل مـآ يككون مؤزي لـ اهلهآ يلي تعبو بتربآيتهآإ ؟ ') الحب شي حلو و نـآهه معو و مآ ممكن ارتبط بـ زوآج تقليدي ؟ ') بس لمـآإ بدي ححب لـآزم اكون عآرفة إني قد هآإد الحب يلي نهآإيتو زوآإج ') فـ لو سآر معي هيك قصةة ممكن آخفي هآإد الشعور ليجي وقتو و آككون أوعى كمآإن ☺ ') و الضرر من النت مو بس هيك علـآقآت شي آكبر من هيك كمآإن بطل في خصوصيةة لآي ححدن ؟ ') يعني سـآر بدك تعرفي آخبآر بنت خالتكك بتفتحي فيسهآإ ههههه ') لو كل حدن استخدمو بـ الشي الصح عآإدي ') هيك فهمت موضوعك صح ؟ ') يسلمو حبيبتي ع الموضوع الوآقعي ☺ ') ورده |
معك حق اختوا خواطر الانترنت الوا فوائد كتيرة بس في الوا اخطار وسلبيات اكثر و بدل ان يكون الانترنت نعمة فهو قد اصبح نقمة واصبح الكل يستغله في اشياء خطيرة والكل اصبح يسيء استعماله و لازم يكون في حد لهي الظاهرة ولازم بدل ما نسيء استعماله يجب ان نستغله في اشياء لها فائدة وقيمة وليس في اشياء تافهة موضوع رائع خواطر تحياتي |
اقتباس:
ربي يسلمك أسمى حبيبتي .. أنا قلت ملاحظتي أنه صعب نقول نبطل نت لأنه هذا الشئ من الضروريات في عصرنا .. أما رأيك بالحب في مواقع التواصل رأيك وبحترمه حبيبتي بس فيه سؤال واحد مو موجه لك للعموم لو كان الرسول صلى الله عليه وسلم عندك وانتي بتكتبي لحبيبك في الفيس أو غيره من الكلام الي يمكن يكون فيه كلام بذي إيش حالك رح يكون .. ولنفترض مو الرسول أبوك أو أمك إيش حالك بيكون عادي ؟؟ بتقولوا مو ضروري بالنت يمكن بالحقيقة يصير هالشي أيوة معكم حق بس بالنت الواحد بياخذ راحته وبتزيد العلاقات فيه .. حبيت وجودك بوضوعي أسمى .. ورأيك فوق رأسي .. كل الشكر لك ي |
اقتباس:
ربي يسلمك .. بالعكس انتي اجيتي ع فكرة الموضوع بالضبط .. وهو ماصار فيه خصوصية ومثل ماحكيتي إذا بتعرفي أخبار أي أحد بتفتحي صفحته فالفيس أو انستقرام أو أو أو .. ورأيك جميل عن الحب فى المواقع التواصل والي بعتبرها من الخصوصيات .. حبيت كل طرحك حبيبتي ننوش .. كل الشكر لمرورك الحلو |
راح جاوبك ان سمحتي خواطر حكيتلك انو الرقابه الاهم هم الرقابه الالهيه والرقابه الذاتيه وحكيتلك لو كانت العلاقه بنيه الارتباط ! هلا انو بالنت العالم اوسع راح احكيلك غلط لسه بالواقع اخطر بكتير الحب شي سامي كتير وما بعرف نت او غيرو ومنو شي محرم ابدا وﻻ مكروه لكن الو قواعد واصول وهون الخلاف والاختلاف انا مع اي علاقه بهدف الارتباط مبنيه ع الصدق وع الصراحة بتمنى يكون رايي وصلك وبالنهايه الاختلاف امر طبيعي وضروري |
اقتباس:
أسعدني مرورك الطيب .. كل الشكر لك ي |
نحنا اللي بنتحكم بالجهاز مو هو اللي بيتحكم فينا متل التلفزيون والجوال بالزبط فيكي تشوفي المنيح وفيكي تشوفي القبيح والخيار ال بالاخر في ناس كتير تعرفو على بعض عن طريق الفيس او اي موقع اخر وتم الزواج وانا بعرف وحدة قريبة حبت شب وتزوجتو وسافرت لعندو لتركيا طبعا نسبة قليلة بتصير هيك بس متل ما الو فوائد كمان اضراره اكبر كتير بنات تسببتلهم مشاكل من وراه والشباب ماشالله مو مخليين حد بدورو على اي بنت لتصير ضحية بايديهم الله يهدي الجميع بس ما فينا طبعا نستغني عنو بس فينا كمان نستعملو لاشيا حلوة ومفيدة ومسلية مش اكتر تحياتي خواطر |
اقتباس:
صحيح لما نستشعر رقابة الله سبحانه وتعالى أكيد وبإذن الله رح نمشي على الصراط المستقيم بالحياة .. رأيك أسمى حبيبتي وفوق رأسي .. ومهما اختلفنا بيبقي الود .. كل الشكر لك مرة ثانية .. نورتيني حبيبتي .. |
اقتباس:
كلامك صحيح الملاك نحن الي بنتحكم بالجماد مو العكس .. خلينا نكون صريحين هذا العلاقة بتصير واحد من مئة .. أنا ضد العلاقات الغير شرعية إن كان بالنت أو بالواقع بس مثل ماقلت بالنت بياخذوا حريتهم أكثر وبتصير بلاوي ما بقدر أتكلم فيها .. نورتي حبيبتي ورأيك بحترمه .. |
مع إني مش كتير بحبذ إنه الواحد يحكي عن سيرة حياتة اليوميه بعالم النت، بالرغم من إنه في ناس اتعودت تكون واضحه وصريحه وتحكي كل اشي، بس إذا كان الإنسان قوي وقد حاله مستحيل يتعرض للمشاكل، والاهم من هيك لمن ميكنش في عندو "اعداء" سيعتا مفش اشي يخاف منه مهما كتب عن حياته بهالمواقع، بس مع هذا كله لازم يكون حذر لإنه في متل عنا بقول "في مين يحبك، في مين يكرهك"، حتى لو كان إنساني ويعامل كل البشر بمحبه وإحترام لا بُد يلاقي ناس ما بتحبلو الخير حتى لو مكنش في معرفه بينه وبين هالناس، لهيك لازم يتوقع انه يصير معه اي اشي "سلبي" قبل ما ينشر اي اشي عن حياته .. :137: |
رأيك في محله سمره وأنا بحترم رأيك تماماً نورتي الموضوع يا جميلة كل الشكر لك ي |
الله المستعان ذكرني موضوعك بشب اتصل على شيخ بحكيلو هل اعبد الله ام الانترنت .. يعني قصدو انو بنام وبصحى وهو يحلم بالانترنت الانترنت بكون مشكلة بالاحرى مصيبة اذا صار ياثر على حياتو ودينو وحياتو الاجتماعية الرقابة والتربية الصحيحة الهادور الانترنت لازم نعود اولادنا انو ايشي عادي متلو متل التلفزيون مابفرق ايشي عنو لوتربوا على هالايشي بشوفو طبيعي .. وتربوا تربية صحيحة وغرسنافي قلوبهم وعقلهم الايشي الصحيح بنشؤو صح وبردعو انفسهم عن الغلط نسال الله السلامة والعافية والصلاح لامة محمد بورِك انتِقائكِ ياطيبة |
موضوعك حلو حبيبتي جيهان فعلا كتير عم بنشوف من هالنوعيه وكتير من الناس بكتبوا كل شي عن حالهم شو عملوا وشو اكلوا ووين راحوا ... كل تفاصيل حياتهم عاملين متل المحطات الاخباريه وممكن هالاشيا تسببلهم مشاكل بعدين لو ما كان هالشخص حذر لانه مو كل الناس ممكن نثق فيهم خاصة في عالم النت نحنا بنعرف قديش في كتير اشخاص لابسين اقنعه ونحنا مو عارفين مين هم غير الكلام يلي هم بوصلولنا اياه ما لازم ننشر كل شي عن حالنا حلو الواحد يكون عنده خصوصيه وما ينشرها للكل ولازم يكون الانسان حذر وحريص ويكون رقيب على حاله وما يعمل شي غلط يعمل حساب لاهله ولربنا وانه ممكن شي مره يتهكر حسابه ويوقع في ايدين ناس مو منيحه النت بشكل عام ذو سلاحين وصار من اهم الامور بحياتنا بس وما فينا نستغني عنه مهم جدا كل انسان يختار الاشيا الصح ويوظفها في امور هو يستفيد منها بدل ما يجري ورا اشيا ممكن تضيعه وتخرب اخلاقه وتضيع وقته في اشيا ما في منها فائده لكن بعض النظر عن هادا الشي كل انسان بتحمل عواقب كل شي بعمله شكرا حبيبتي على النقاش الحلو يعطيكي العافيه الله يوفقك بالمسابقه |
وجهة نظرك ورأيك أنت بكل ما قرأته ؟؟ رأيي انوو عآلم الإنترنت خطير جداً بالنسبة للصور و المعلومآت الشخصية مآ بفضل تنزل على النت ابداً لأنوو في ولاد حرآم شغلتهم أذية النآس غير هيك الحب على النت نحنا بنحاكي بعض عن طريق الكتآبة مآ بنعرف النوآياآ كيف لهيك صعب يكون في ثقة كآملة و بدون ثقة مفيش حب في هالعصر هاد صعب العيشة بدون نت لكن نستخدموو بشكل سليم حتى ما نغضب ربناآ و مآ نسبب المشآكل لحآلناآ و نحناآ بالخير كلوو تحيآتي لكِ |
اقتباس:
آمين يارب .. أميرة بإيماني صدقيني وجودك في موضوعي أسعدني كثير .. رأيك جميل وفي محله وبحترمه كثير .. نورتيني يا غالية .. |
اقتباس:
رانيا رأيك جميل وفي محله مو لازم نثق بإشخاص وننشر خصوصياتنا للعالم كله .. حبيت مرورك ياراقية .. حضورك وتعليقك أسعدني يا قلبي |
اقتباس:
أولاد الحرام تكفي وصلتيلي الي نفسي أقوله بتوقع هالكلمة تكفي لأخذ الحيطة والحذر .. ميناس مرورك وتعليقك بموضوعي أسعدني بجد .. كل الشكر لك ي حبيبتي |
| الساعة الآن 03:16 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.