أنا مش خاينةة انا كل لحظة عم موت ، "

#1 07-21-2015

" , لحظة , لٍ , أنا , أنت , انا , خاينةة , عہ , كل

عارف وقت حكيت الك بحبك كنت عارفة انك قدها ، كنت بعرف انك غير عن الكل ، كنت واثقة من جواتي انك حدا راح يحميني ويقف معي ، حدا هيحارب الكون كله عشاني حتى لو كنت انا غلط ، حدا راح يعتبرني ملكته يدللها يعمل الها كل شي بدها اياه ...

وثقت فيك يا كريم اكتر من حالي ، ولك انا اعتبرتك حالي اصلا ، م كنت خبئ عنك شي ، كنت جننك بحكيي المجنون وانا عم قلك كل تفاصيل يومي بالتفصيل الملل ، وانت تعقد تنفخ وتزهق وانا م اهتم وضل احكي واحكي لانو كنت بحب تكون عارف كل همسة كل حركة انا بعملها ..

بتتذكر هديك المرة وقت كنا بالملاهي وكنا فوق معلقين بالهوا بالمرجوحة بعد ما صار فيها عطل وقتها انت كنت خايف كتير عليا بس انا ما خفت ابدا ولا حسيت بخوف ، عارف ليش لاني كنت واثقة فيك ، حاسة بالامان وانت جنبي ومعي ، لاني بشوفك حياتي ودنيتي ولو متت بين ايديك وبحضنك ما راح بهمني ، لك بكفي انو راح شوفك اخر حدا ..

ع طول كانت مرتو لبابا دايقني وانت زي المجنون تكون عليا ، بتذكر وقت رنيت عليك وكنت ببكي منها لانها ع طول كانت تجرحني ، وقتها انت صرت تبكي معي متل طفل صغير حسيت وقتها قديه كنت بتحبني ، كنت راح تيجي تخطفني وتهرب فيا لبعيد وقتها صرنا نضحك فجأة ودخلنا حالة هسترية من الضحك ، ولك انت الوحيد يلي بسرق من جواتي الحزن وبخلي الضحكة مرسومة على وجهي ،

انت فرحي ولك انت حياتي وسعادتي وكل شي حلو بحياتي ، انت الحدا يلي م بدي من بعده حدا ، انت اختصار لمعني السعادة ..

كنا عايشين ايام يا كريم بعمرنا م راح ننساها كانت الاحلى كانت الجنون كله ، كيف كنا نركض تحت المطر ، كيف كنا ننفخ البالون ، كيف كنا ناكل الشوكولاته ونغرق حالنا فيها ، ولا هداك الشنب يلي كانت رغوة الكابتشينو تعمله الي وانت تطلع في وفجأة توقع من الضحك وانا اضحك معك وما اعرف انو عم اضحك ع حالي ، شو كانت حلوة هالأيام يا كريم وشو مشتاقة للحظة منها لحظة وحدة ،

بتتذكر وقت حكتلي جوري بدي متلك بنوتة صغيرة ضل دللها ههه وانا وقتها زي الهبلة قال غرت منها وهي الي هتكون بنتي هه شو كنت مجنونة ، ولك يا ريت جبت الك عشرة بنوتات ودللتهم وحبيتهم اكتر مني بس كنت الي ومعي ،

لليوم بتذكر هديك اللحظة وقت كنت مروحة من الجامعة واخدت صدمة مش قادرة انساها ، لاقيت عمي يلي كان مسافر ولا بعمري شفته اصلا هو وابنه جايين يطلبوا ايديا للاخ ابن عمي ، وقتها فتت غرفتي ع طول خبرتك فكرتني بعمل فيك مقلب م صدقتني الا وقت صرت عيط وقعدت تهدئ في وانا مش قادرة كانت فكرة اني كون لغيرك بتقتل يا كريم ، سكرت الخط معك ، بعدها فاات باابا ليخبرني ويقنعني بس انا رفضت وصرت ابكي بس م سمع مني حكالي بده يفوت هلأ محمد ابن عمك ليشوفك ، خطرت ببالي وقتها فكرة حكيت راح خبره انو بحب وهو عايش بره كان يعني عادي عنده ، وفات محمد وانا بكل قوة حكيت اله انا ما بدي اياك لانو بحب وقتها صدمتني ردة فعله وقتها رد بضحكة ،وبكل برود حكالي : هاد حب مراهقة وهبل وما بهمني وبكره راح تنسي بس انا بدي اياكي وطلع من الغرفة وانا بطلع فيه مصدومة ،

ما اوقحه يا كريم ، كيف بقبلها ع حاله م بعرف ، وقتها فات بابا عليا اخد جوالي واللاب وحكالي خلص مأ في جامعة ولا شي بكره كتب كتابك وهتسأفري مع عمك ع امريكا بس تكتبوا الكتاب ، م عرفت شو اعمل حاولت اهرب حاولت حاكيك ما قدرت يا كريم وانكتب كتابي وصرت لغيرك وسافرت وتركتك وتركت وكل شي ، ما اخدت الا حبنا جواتي ، كنت واقعة بنار يا كريم نار الخيانة وانا بفكر فيك وانا ع ذمة غيرك ونار اني مع انسان بلا كرامة مش قادرة اتحمل ايده تلمسني ،

مرة سنة ونص لقدرت فوت نت كان عامل عليا منع من كل شي ، كان خايف انو حاكيك ، فتحت صفحتك وبس شفتها صرت ابكي وبحرقه ، كنت بتشوفني خاينة يا كريم فكرتني بعتك ورحت ما بتعرف انك ما عم تطلع من جواتي ، م قدرت حاكيك م قدرت ، وضلت هالغصة جواتي انك عم تشوفني حدا خاين ،بس انا مش خاينة يا كريم انا انجبرت وكل يوم عم موت

كتاآابةة اللحظةة

المصدر: منتديات بنات فلسطين - من قسم: ابداعات أعضاء بنات فلسطين الشعرية والنثرية

Hkh la ohdkmm hkh ;g gp/m ul l,j K " gS Hkj uہ

07-21-2015

أأأأأأأأأأأأأأأأأأأه و أأأأأأأأاأأأأأأأأأأأأأأأأأأاأأأأأأأأأأخ

لا تعليق الأن

07-21-2015

محلـآهم حككيآإتكك ☺ ')

كتير حبيت القصةة و كريم خطئـآن لـآزم آجـآ و خطبكك نقرتين لعرض الصورة في صفحة مستقلة

يسلمو عسولةة ع القصةة الممتعةة ولو نهآيتهـآإ مو حلوةة ☺ ')

ورده

07-21-2015

جدا مؤلمه ومؤثره مش عارفه شو احكي الا انو الله يصبرك ازا كان هالاسي صار معك

تحياتي وردة

07-21-2015

اكتفي بالتقييم

07-21-2015

لا تعليق ..!

07-21-2015

اقتباس:

المشاركة الأصلية كتبت بواسطة علاء فلسطين

أأأأأأأأأأأأأأأأأأأه و أأأأأأأأاأأأأأأأأأأأأأأأأأأاأأأأأأأأأأخ

لا تعليق الأن

ب انتظاره ، "

أنرت علاء

07-22-2015

هالحكيُ اشبه برسالةُةَ اكثرُ منو قصةَ ،
لكن جميلةُ بكل ابعادهاُ ، وبتحكي عن واقع الحب الصحيحُ ،
بتتخيلو الشب سوبرمان وبده ياخدك ويطيرو ويحارب الآرضَ بشكل بسيطُ
وبالآخير بتتزوج البنت شخص تانيُ والنهايةُ انجبرتُ والشبُ لو ترك
بكون غدار وخاينُ , حكي حلو ووصل واقع الحبُ بهذا الوقتَ،
يعطيكِ العــافيةُةَُ

07-23-2015

اقتباس:

المشاركة الأصلية كتبت بواسطة smile nnoush

محلـآهم حككيآإتكك ☺ ')

كتير حبيت القصةة و كريم خطئـآن لـآزم آجـآ و خطبكك نقرتين لعرض الصورة في صفحة مستقلة

يسلمو عسولةة ع القصةة الممتعةة ولو نهآيتهـآإ مو حلوةة ☺ ')

ورده

ههه انو شو خصني ولي ليجي يخطبني يخطبها هي هههه

حبيبتي ننوش حضورك حلو متل العادة

الله لا يحرمنا منه

نورتي

07-24-2015

اقتباس:

المشاركة الأصلية كتبت بواسطة مـزآل

جدا مؤلمه ومؤثره مش عارفه شو احكي الا انو الله يصبرك ازا كان هالاسي صار معك

تحياتي وردة

لا مش معي والحمد لله

القصة خيالية

أنرتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
"ضباط مصر" : الفريق "سامي عنان" لديه أدلة تقود "السيسى" للإعدام	خالد	الأפֿـُبآر والـأפـدَآث	7	06-28-2015 11:45 AM
لحظة بسسس ، " # فضفضة قلم ، "	رفيقة ٱلقمر	ابداعات أعضاء بنات فلسطين الشعرية والنثرية	16	06-18-2015 02:40 AM
حمامي : المصالحة مع "عملاء الاحتلال" مستحيلة وعلى حماس الاستعداد لـ "لدغة" أخرى	كاتم الاحزان	الأפֿـُبآر والـأפـدَآث	18	04-25-2014 10:49 PM
"حماس" توافق على اقامة مهرجان فتح في ملعبي "اليرموك" أو "فلسطين"	لمشتاقة لروحي	الأפֿـُبآر والـأפـدَآث	8	01-01-2014 08:03 PM

أنا مش خاينةة انا كل لحظة عم موت ، "

= 500) this.width = 500; return false;" /> عارف وقت حكيت الك بحبك كنت عارفة انك قدها ، كنت بعرف انك غير عن الكل ، كنت واثقة من جواتي