افرض لو !!

مساكم ورد

مجموعه اسئله اجت ببالي

لو فرضت لو :

شفت بنت عم يدايئها شاب بالطريق العام شو بتعمل؟؟

لو انتي هالبنت الي عم يدايئك هالشب شو بتعملي؟

لو اخوك او اخوكي هم الي بدايئو هالبنت شو بتعملو؟



طيب افرض لو :

انت مع شله صحابك وعم بتحكي عن اعز صديق لالك بضهرو .. اطلعت وراك لئيتو موجود وسامعك؟

وانتي نفس الشي عم تنمي ع صاحبتك وكمان سمعتك شو بتعملي؟

طيب لو انت او انتي سمعتو صديقكم بحكو عنكم بضهركم شو بتعملو ؟؟



طيب افرض لو ؟

حبيبتك وروحك واغلى الناس عندك كتير حلوة وملفته للنظر وعليها كتير عيون ومنهم صديقك شو بتعمل؟

وانتي حبيبك كتير وسيم وصديقتك بتحبو شو بتعملي؟

لو انت او انتي هالصديقة وعارفة انو حبيبك ما بحبك وبحب صاحبتك شو بتعملي؟



طيب افرض لو :

نزلت السوق واتفاجئت انو اختك ماشيه مع شاب بالشارع شو ممكن تعمل؟

وانتي لو اخوكي مع بنت ع الطريئ شو بتعملي ؟



افرض لو :

عم بتسوء بسيارتك وفجاه خبطتك سيارة وطلع شوفير السيارة التانيه بنت ولا احلى شو بتعمل؟

طيب لو طلعت منا بنت بتغير موقفك ؟؟



هي مجرد افتراضات لا اكثر

للي بحب يشارك بافرض لو بكون سعيدة لمشاركتو


كل عام وانتو بخير

المصدر: منتديات بنات فلسطين - من قسم: الـטּـِقآشآتُ الجَّآدة والـפـوَآر..!