|
اقتباس:
اي معك حق لا تعطي حد هديه ليش انتي تعطيهم وهم لا ههههه تسلميلي حبيبتي على الورده والك متلها وكل عام وانتي بخير عسوله انبسطت بمشاركتك شكرا لالك |
يسعد مساكم يا أحلى اعضاء كيفكم وكيف رمضان معكم مر رمضان بسرعه ومو باقي الا اسبوع على العيد لهيك جبتلكم متل ما عودتكم اسئلة جديده وهالمرة رح تكون عن العيد بتمنى الجميع يجاوبوا عليها بصراحه يسعد مسآكِ خيتو الحمد لله خلص بسرعة ما حسينا فيه دائما اسئلتك جميلة وان شاء الله بنكون صريحين قدر المستطاع 1 / كيف تقضي يوم العيد الاول ؟ اتمنى ان تذكر برنامجك اليومي بالتفصيل اذا امكن ؟ اول شيء صلاة الفجر وصلاة العيد احيانا بشوف ابوي قبل الصلاة واحيانا بعد الصلاة وهو اول واحد بعيد عليه بعدين برجع بنام شيء ساعتين لاني ما بكون نايم ليلة العيد وبصحى ع 9 وبفطر مع ابوي واختي واخواني وبيجو علينا اخوااني المتزوجين وبفطرو عنا وبطلعو كلهم يعيدو وبلفوو و وانا بكون بالبيت انا واختي لانو ما بكون حدا بالبيوت كلها لانو احنا 3 بيوت جنب بعض وبكون انا استقبال وضيافه وبعد العصر بشي ساعة بطلع انا على العيلة وبلف لحالي ع خواتي المتزوجات ونسوان اخوتي وخالاتي و عماتي وبعد العشرة بشوف صحابي وبعدين كل عام وانتي بخير 2 / هل انت من الذين يسافرون في العيد ؟ واين ؟ لا ما بسافر 3 / هل انت من الذين يصلون صلاة العيد ؟ الحمد لله 4 / ماهي افضل اللحظات في يوم العيد الاول ؟ صلاة العيد وما بعد العصر 5 / من اول شخص تعايده ؟ الوالد 6 / ماهي العادة التي تحرص على فعلها في يوم العيد ؟ بنام بعد صلاة العيد شي ساعتين مشان اقدر استوعب الناس 7 / ماهي العادة التي تتمنى زوالها في يوم العيد ؟ ما في 8 / متى تذهب للسوق لقضاء احتياجات العيد ؟ قبل العيد بيومين ثلاثة 9 / هل تحرص ان تذهب لوحدك ام يذهب معك شخص اخر لشراء احياجات العيد ؟ مو شرط يكون معي حد . ولو كان مو غلط 10 / عندكك اكلة مفضله بتعملوها اول يوم العيد واذا في شو هي ؟ اول يوم بكون انا واختي وبنجيب جاهز 11 / ماهو الشي الذي تحرص ان تشتريه في ليلة العيد فقـط ؟ العطر واكتر من نوع 12 / كم معدل ماتصرفه لإحتياجات العيد فقـط ؟ ما بعرف تقريبآ من 400 لـ 700 . هدول الي انا سيبك من الي واعدهم وبدي اجيب الهم هههه الله المستعان 13/ هل انت من الاشخاص الذين يحرصون على المعايده عن طريق الرسائل ام المكالمات ؟ رسائل مكالمات . زيارات . بس صلة الرحم لازم زيارات 14 / ماهي الاشياء التي تحرص على فعلها ليلة العيد ؟ ليلة العيد . بكون مع صحابي كل سنة 15 / ماهي الهديه التي تحرص على تقديمها في يوم العيد ؟ ولـمن ؟ ما بقدم هدايا بالعيد . مهو يا هدايا يا عدية ... بكفي العدية 16 / ماهي العادات المتبعة لديكم في يوم العيد الاول ؟ عادي الامر طبيعي مثل كل الناس 17 / من من اعضاء المنتدى تتمنى يكون يشاركك فرحة العيد ؟ الكل بشكل عام 18 / وجه كلمه عيديه لعضوين فقط في المنتدى ؟ لـحبيب العمر .. كل عام وانت بخير اخي وكل عام وانت سعيد بحياتكً للبريئة .. كل عام وانتي بخير إختي اأم الآمير وألآمير بخير وسلامة 19 / عندك ثلاث وردات تهديها بمناسبة العيد لثلاث اعضاء ؟ لنــبض لننــوش وإلك خيتو لونلي بسـتآن ورود 20 / حلويات مفضله لك وبتحب تكون موجوده بالعيد ؟ بشكل عام بكون حلويات العيد الكعك . المعمول . والشغلات التاني انتي ادرى فيهم .... شكرآ لونلي الف عافية الك ع الطرح الجميل وكل عام وانتي بسعادة وصحة وخير وتحققي كل احلامك يآرب |
اقتباس:
وانت بالف خير وطن الله بعينك ويرزقك بالاحسن هيك هو العيد كله مصاريف هههه ان شاء الله بكون هالعيد حلو عليك وبتنبسط فيه شكرا كتير على بستان الورود والك متلهم كمان انت بتستاهل كل خير بحب اشوفك دايما بمواضيعي الله يسعدك يا رب شكرا لمشاركتك الحلوه نورتني |
1 / كيف تقضي يوم العيد الاول ؟ اتمنى ان تذكر برنامجك اليومي بالتفصيل اذا امكن ؟ اول يوم بنضل سهرانين للصبح بنام ساعة او ساعتين وبنصحى عال7 7 ونص بنلبس اواعي العيد انا والولاد وزوجي وبنطلع نعيد على دار حماي كلنا بنتجمع عندهم بنسلم عليهم وبنتعيد اهم شي هههه بروحو الرجال يعيدو على ولاياهم وبنضل نحنا بكون يوم ممل لانه شغل ومخلصين بس بنطبخ وبستنى اخواني ليجو عليي بالاغلب ما بنطلع اول يوم لبرة 2 / هل انت من الذين يسافرون في العيد ؟ واين ؟ سفر لا بس انا بروح ع اهلي عالخليل تاني يوم لنعيد عليهم 3 / هل انت من الذين يصلون صلاة العيد ؟ بصراحة لا ما بصليها 4 / ماهي افضل اللحظات في يوم العيد الاول ؟ لما يجو اهلي لعندي احلى شي اما باقي اليوم ف ممل كتير 5 / من اول شخص تعايده ؟ زوجي لانه اول واحد بشوفو وبعدها ماما بتصل عليها وبعيد عليها 6 / ماهي العادة التي تحرص على فعلها في يوم العيد ؟ باخد توتو وعبود وحلا وبصورهم بالاواعي الجديدة بالاستوديو 7 / ماهي العادة التي تتمنى زوالها في يوم العيد ؟ ما في 8 / متى تذهب للسوق لقضاء احتياجات العيد ؟ حسب المصاري بصراحة مرات قبل باسبوع ومرات قبل العيد بيومين طبعا عالملابس بحكي اما المخلوطة والملبس والقهوة والفواكة ف ليلة العيد بنجيبهم 9 / هل تحرص ان تذهب لوحدك ام يذهب معك شخص اخر لشراء احياجات العيد ؟ العيد هاد اخدت الولاد واشتريت لهم الملابس ما حد اجا معاي 10 / عندكك اكلة مفضله بتعملوها اول يوم العيد واذا في شو هي ؟ مرات جاج محشي او مقلوبة حسب 11 / ماهو الشي الذي تحرص ان تشتريه في ليلة العيد فقـط ؟ القهوة ومستلزمات العيد 12 / كم معدل ماتصرفه لإحتياجات العيد فقـط ؟ بصراحة كتير بكلفنا من لبس وعيديات واحتياجات عيديات لحال فوق ال1500 واللبس اكتر من الف لانه الولاد بدهم 13/ هل انت من الاشخاص الذين يحرصون على المعايده عن طريق الرسائل ام المكالمات ؟ امممم اكيد مسجات ومكالمات 14 / ماهي الاشياء التي تحرص على فعلها ليلة العيد ؟ بكمل شغل البيت 15 / ماهي الهديه التي تحرص على تقديمها في يوم العيد ؟ ولـمن ؟ ما بقدم هدايا بالعيد 16 / ماهي العادات المتبعة لديكم في يوم العيد الاول ؟ حكيت فوق 17 / من من اعضاء المنتدى تتمنى يكون يشاركك فرحة العيد ؟ المقربين لالي كم شخص صراحة 18 / وجه كلمه عيديه لعضوين فقط في المنتدى مو لعضوين للكل بحكيلهم عيد فطر سعيد وكل عام وانتو بالف خير *19 / عندك ثلاث وردات تهديها بمناسبة العيد لثلاث اعضاء ؟ لونلي طبعا مؤيد شي اكيد ميناس بكل بد 20 / حلويات مفضله لك وبتحب تكون موجوده بالعيد ؟ اكتر شي المعمول بعجوة وكل عام وانتو بالف خير يسلمو لونلي حلوة اسئلتك متل دايما احكيلنا انتي كيف بتقضي العيد وع وين بتروحي يسعد اوقاتك |
اقتباس:
ويخليلك اولادك يا رب وان شاء الله بكون عيد سعيد عليكم تسلميلي انتي وردودك هي الاحلى نورتيني يا قمر شكرا كتير على الورده كل عام وانتي بخير عسوله |
موضوع كتيرحلو وفي فرفشة اذا سمح لي الوقت ان شاءالله اشارك الله يسعدك يارب |
اقتباس:
شكرا لالك حضورك الاجمل بتنوريني برجعتك |
| الساعة الآن 04:28 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.