منتديات بنات فلسطين

منتديات بنات فلسطين (http://www.bntpal.com/vb/)
-   الـטּـِقآشآتُ الجَّآدة والـפـوَآر..! (http://www.bntpal.com/vb/f4/)
-   -   كتير مشاكل بين الاهل وبتفترق العيلة بابسط الاسباب (http://www.bntpal.com/vb/t42780/)

مغرمة 06-24-2015 03:02 AM

كتير مشاكل بين الاهل وبتفترق العيلة بابسط الاسباب
 
صباآح الخير كيفكم ،،

رمضان كريم ،،
هلأ بهالشهر الفضيل بيحكو لازم صلة الارحام والعزايم وهيك شغلات ،،
بالواقع لازم الصلة مو بس بهالشهر ،،


عنا وما بنا نخبي ع بعض في اخوة بيكون وما بيتحاكو مع بعض وبتلائي العيلة متفرعة ومو ملتمة ،،
هلأ شو اسباب مجتمعنا هيك ؟؟
ليه احنا بنا نعرف بعض بالمناسبات ؟؟
ليه ما في علاقات قويةة بين الاقارب ؟؟
ليه بنختلف وبتصير العيلة كل حدا بجهة ؟؟


ازا عندك رأي احكيلي اياه

غاردينيا 06-24-2015 03:59 AM

هلأ شو اسباب مجتمعنا هيك ؟؟
يمكن مشاغل الحياة هي اللي بتلهينا عن بعض
الحياة صارت صعبة.يعني الشغل ماخد وقت كل شبابنا والرجال
حتى نحنا البنات عم نشتغل ويا دوب عايشين.ولما يرجعوا ما بكونوا خلق لطلعات وزيارات اجتماعية
بكون الواحد قرفان حاله صراحة



ليه احنا بنا نعرف بعض بالمناسبات ؟؟
متل ما ذكرت فوق.الحياة المعقدة اللي بنعيشها




ليه ما في علاقات قويةة بين الاقارب ؟؟
لانو الناس اتغيرت كتير...ما عاد في ناس تحب بعضها متل اول
ما عاد في طيبة ولا خير بقلوب الناس
والبعد اله عامل كتير مهم
يعني زمان كانت العيلة كلها مجموعة ببيت
همومهم واحدة .مشاكلهم واحدة اكلهم واحد
ولو مش بيت عيلوة بكونوا بنفس الحارة وهيك شي
بس اليوم كل واحد ساكن بجبل غير
عايش بدنيته لحالو وكانه مقطوع من شجرة




ليه بنختلف وبتصير العيلة كل حدا بجهة ؟؟
ما في اكتر من الخلافات بين القرايب.ما عاد حد اتحمل حد بهالدنيا
ناس عقولها صغيرة .غيرة بين السلفات
ل قصص الحما والكنة...غير عن الاولاد الصغار وقصصهم


هلا فينا نحنا ما نسكت عن هي الشي
وبس نندب حظنا على حالنا واحنا مكتفين ما بنعمل شي
لازم يكون التغيير منا نحنا
يعني نحنا اللي نحنن اهلنا على عماتنا وخالاتنا والجميع
لو في مشكلة ما نوقف عجنب وكانو الموضوع ما بخصنا
العيلة عزوة وسند
لازم نسعى نحنا لحل الخلافات اللي بين الكبار



كاني برمت كتير
اسفة للاطالة عزيزتي
بتمنى فدتك بشي.وما كنت حكيت عالفاضي

محمد علي قاسم 06-24-2015 08:10 PM

أختي الكريمة
هذا المشكل ليس ببلدكم فقط
فنحن عندنا في الجزائر كثيرة هي مشاكل الأسر
و لا تتوقف عند القطيعة فقط
فهي تصل حد الضرب إن لم اقل القتل
دون أدنى احترام لأواصر و قرابة الرحم
بسبب قطعة ارض أو حفنة من المال
عديدة هي أسباب تشتت الأهل و الأحباب
لكنها اجتمعت جميعا في سبب واحد
و هي سعينا جميعا وراء دنيا فانية
و ابتعاد الناس عن دينهم


شكرا لما جادت به اناملك


الساعة الآن 12:07 PM

Powered by vBulletin® Version 3.8.7
Copyright ©2000 - 2022, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2022 DragonByte Technologies Ltd. Runs best on HiVelocity Hosting.