|
ممكن شوي من وئتكم ؟! كيفكم كل عام وانتو بخير ورمضان كريم علينا وعليكم حابه احكي بموضوع صار يمكن عادة ئبل شهر رمضان وهو ارتفاع اسعار اللحوم والخضروات وكل شي حابه افهم شي شو السبب ؟! مو ع اساس هو شهر الرحمة والتكافل شهر العبادة و الشعور مع الفقراء طيب تجارنا وين من كل هالحكي واحنا كمستهلكين شو دورنا ؟؟! وليش ساكتين !! لسه اسبوعين ع رمضان والاسعار شاطت نااار !! ارائكم |
بدي اشطف وراجعة في حكي كتير بدو ينحكي ههه |
هههههههههه اوك اشطفي وتعي ههههه |
احم احم خلصت يعطيني العافية هههه شوفي لاقلك الحق عالناس يلي بترضى بهيك وضع انو لشو يقبلوا بهيك شي وشو فرق رمضان لتغلى اسعار الخضرة !!! المفروض الناس تعمل اضطراب والله بعدين التجار م عندهم دين اغلبهم وبستغلوا حاجة الناس وبستغلوا رمضان والعيد كمواسم ارباح وبسس هههه |
اول شي يعطيكي العافيه ههه معك حئ بلي حكتيه بس السؤال الي ببالي الحكومة او السلطة او الجهة المسؤؤله شو ما كانت صفتها ليش هي كمان ساكته ؟! معئول الها مصلحة برفع الاسعار ؟؟! نورتيني نبض وردتي |
ولك ي اسمى خليها ع الله هي السلطة سأله عن حدن ربك بعين |
يخليلنا ياها من حكومة والله :13: |
ههههه ي شيخة يعدمنا حكومة غزة والضفة هههه خربوا بيتنا والله |
بالنسبة بوضعنا بغزةالتاجر ما عليه حق لما يكون ماخد بضاعتة بسعر غالي نظرا لانو الحكومة هي صاحبة اغلبية الاراضي الزراعية ب غزة ف السعر الي بتحطه الحكومة مجبور عليه التاجر و مجبور انه يكون في زيادة لحتى يعرف يوفر قوت يومه و هيك بيوصل السعر لدرجة عالية بالنسبة للمستلك و المواطن بالخارج عن غزة وغيره ما بعرف بصراحة شو الاسباب ازا كانت من قبل التجار نفسهم هما الي بيزيدو بالاسعار بامكان المواطنين الانقطاع عن السلعة الزايد سعرها لحتى يتطر التاجر ينزل بسعرها لحتى تنزل وتصير سهلة الوصول لكن برأيي هون ب غزة بالذات و ببلدي ف المسؤول هون بيكون بنسبة 80% بترجع للحكومة و 20% التاجر يعني المسؤول عن هادا الشيء الحكومة مش اي شخص تاني |
هالحكي بصير من زمان التجار باستنوا اي مناسبة لحتى يستغلوها ويزيدو اسعار البضائع والمنتجات الخاصه بهذه المناسبة لأنه المستهلك مجبور يشتريها بالاخير حتى لو كان سعرهآ زايد .. سوا رمضان او الاعياد وغيره كل هالاشياء استغلال لحاجة الناس |
بارتفاع الاسعار هاد الارتفاع ما برجع الامر بيد التجار هون برجع بيد السلطة لنو لما تدخل المنتجات الغذائية عنا السلطة الي بترفع ضريبتها مش التجارة الي بتحكمو بسعر السلعة بالنسبة النا احنا مين حكى انها السلطة سائلي عن الشعب المهم انهم هم تكون متوفر عندهم كل شي يعني الوزيز ولا رئيس الوزراء لما يكون راتبو 30 الف شيكيل بهمو ارتفاع الاسعار ولا بهمو ان كان في رمضان او غيرو ويمكن كمان ما بصومو |
التجآر بيستغلوو حآجة النآس لهيك بيرفعوو السعر لأنو لو بأيآم عآدية و المشتري شآف السعر غآلي مآ بيشتري لكن الوقت هآد مآ بيقدر مآ يشتري مهماآ كآن السعر و اكيد الحكومة عآجبهاآ هالشي عشآن هيك سآكتين الله يبعتلناآ مسؤولين بخآفوو الله تحيآتي |
لو أنهم تجار ناجحين مثل سيدنا محمد عليه الصلاة والسلام ولكن إسرائيل له دور كبير بهذا الموضوع تقديري اخت ملك روحي |
اقتباس:
بس احنا كمان علينا مسؤؤليه لما يعملو الناس هجوم ع الموﻻات برمضان كانهم الهم 11 شهر صايمين وبرمضان راح ياكلو ومو العكس بكون علينا حئ و بنستاهل صح؟؟ نورت اخي وردتي |
اقتباس:
طيب مو المفروض يكون في رقابه من الحكومة ؟! مو في شي اسمو تحديد الاسعار ! وﻻ هالشي راجع لضمائر التجار؟! نورت الصياد وردتي |
اقتباس:
والله معك حئ دام هالكبار باكلو ببلاش يموتو الشعب الله ﻻ يردهم ههههه نورت صمت وردتي |
اقتباس:
المسؤؤلين منن سائلين وﻻ فرئانه معهم اصلا نورتيني وردتي |
اقتباس:
كان ما وصلنا لهون !! كل الاحترام اخ علاء انرت |
اشي طبيعي بدها ترتفع الاسعار لإنه بهالشهر او اي مناسبه تانيه عيد الاضحى كمثال، الناس بتشتري كتير، يعني البياعين بكونوا عارفين انه الناس بدها تصرف، مع إنون لو بفكروا شوي بكسبوا كتير، بقصد لو ببيعوا بالرخص مش بالغلا .. وشغله تانيه إنه الاشي لمن يكون "جودته" منيحه يمكن بيستحق إنه يكون غالي، بس بنفس الوقت ممنوع يكون اناني لازم يحط حاله محل هالناس الفقيره ماديا، ع العموم الله يساعد الناس ويرزق كل محتاج، وخصوصا بفترة رمضان لإنه بعرف الاسلام كتير صعب عليهون الصوم، فكيف اللي معوش مصاري بالمره؟ شكرا ملك ع السؤال، ورمضان مبارك عالكل .. :137: |
وعليكي سمرة انو طبيعي يرتفع ما اختلفنا بس بحدود لما توصل كيلو اللحمة 70 شيكل بحدود 20$ وكيلو الجاج 25 شيكل واسعار الخضرة الضعف بكون في شي غلط صح وﻻ ﻻء ؟؟ نورتيني سمرة وردتي |
| الساعة الآن 10:27 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.