|
أعضاء منتدى بنات فلسطين مراهقين !! السلام عليكم و رحمة الله وبركاته .. اليوم حبيت اكتب لكم ( شباب ) موضوع لطيف و ظريف ! في اسئلة محببه ان شاء الله الى قلوبكم ، نكتشف من خلالها اذواق و افكاركم ولنرى هل هي مجرد اجوبه ام افعال . نبتدي بطرح الاسئلة ولكم حُرية النقاش بها اذا احببتم . طبعا كل شخص يتكلم عن نفسه وشخصه اذا السؤال ( يخصه ) .. 1- ماهو تعريف المراهقه لديك ؟ 2- هل تعتقد ان اغلب الشباب تطول فترة مراهقته ؟ / بالنسبه للبنت كم العمر الافتراضي لمراهقتها ؟؟ 3- كيف ترى نفسك ضمن فئة الشباب ( كـ \ شخصية و كــ \ شاب ) ؟ وانتي كيف تقيمين نفسك بفترة المراهقة والان كشابه ) ؟؟ 4- ماهو السن المناسب لديك للارتباط المقدس ( الزواج ) ؟ 5 - في هذا الزمن هل يوجد مكان ( لـ \عنتر الرومنسي ! و الرجل الشجاع ! ) الذي يجازف بحياته لأخذ حبيبته في حين يكون هناك عائق ؟ وانتي / اتؤمنين بالفارس على الحصان الابيض هل تغيرت نظرتك عن الشباب بفترة المراهقة ؟؟ 6- اذ لم تكن انت الاب والام في شبابك تحب الدراسه ! هل ستجبر ابنك في يوم من الايام ! لاكمال الدراسه وهو لايحبذ اكمالها ؟ 7-كيف تستغل وقت فراغك ؟ و ؟ هل تنكر في شبابك ومراهقتك عدم الرغبه في ان تكون لديك صديقه / صديق ؟ وان وجد ماهو هدفك من صداقة الفتاة / الشاب ؟ 8- هل تستطيع ذكر رقم ( سنك ) العمر ؟ 9 - ماهو تحصيلك النهائي ؟ هل لديك وظيفه ؟ ام تسعى اليها ؟ 10 - هل تؤمن اذا عرفت نفسك ،تستطيع ان تكون شاب ورجل بمعنى الكلمه ام كونك ( جنسك ) ذكر فهو كاف وانتي كونك أنثى هل أثر ذلك على فترة مراهقتك وهل كنتي راضيه عم تعامل الاهل معك بتلك المرحله ؟؟! 11- انت الآن شاب وانتي شابه كلمة للمراهقين ولاولياء الامور ؟؟ |
يسلمو ملك ع الآسئلةة الجديده ') بدي جآوب بس شآن بدهم تفكير لـ المسآإء :p ورده |
لي عوووودة |
حبيبتي نانوش بتنوري باي وئت يسعد مساااكي |
بانتظارك دمعة وي ويلك ان ما رجعتي :2: |
1- ماهو تعريف المراهقه لديك ؟ وهي تغيرات في نمو الفرد الجسمي والعقلي والنفسي والاجتماعي 2- هل تعتقد ان اغلب الشباب تطول فترة مراهقته ؟ اه بتطول / بالنسبه للبنت كم العمر الافتراضي لمراهقتها ؟؟ و الله الحين بشوف البنت فاتح عينها من 12 و في اقل هاد حقيقي حسب ما بشوف .. 3- كيف ترى نفسك ضمن فئة الشباب ( كـ \ شخصية و كــ \ شاب ) ؟ وانتي كيف تقيمين نفسك بفترة المراهقة والان كشابه ) ؟؟ ههههـ و الله انا زي ما انا ما في فرق بين المراحل ههـ 4- ماهو السن المناسب لديك للارتباط المقدس ( الزواج ) ؟ حسب النصيب .. 5 - في هذا الزمن هل يوجد مكان ( لـ \عنتر الرومنسي ! و الرجل الشجاع ! ) الذي يجازف بحياته لأخذ حبيبته في حين يكون هناك عائق ؟ وانتي / اتؤمنين بالفارس على الحصان الابيض هل تغيرت نظرتك عن الشباب بفترة المراهقة ؟؟ عمــري ما فكرت او حلمت انو يكون ع حصان الابيض عادي تفكيري واقعي ههههـ كبيرة من يومي هههههههههـ21 انا ثابته ع نظريتي 6- اذ لم تكن انت الاب والام في شبابك تحب الدراسه ! هل ستجبر ابنك في يوم من الايام ! لاكمال الدراسه وهو لايحبذ اكمالها ؟ اولا امي اختارت تخصصي و الجامعه و انا بكره التخصص و الجامعه يلي انا فيها لهيك ما بجبرهم ع شي ما بحبوا ... 7-كيف تستغل وقت فراغك ؟ و ؟ هل تنكر في شبابك ومراهقتك عدم الرغبه في ان تكون لديك صديقه / صديق ؟ وان وجد ماهو هدفك من صداقة الفتاة / الشاب ؟ بستغل وقت فراغي ع التلفازيون .. او بكون قاعده مع بنات عمي من يوم يومي بحب يكون عندي اصدقائي 8- هل تستطيع ذكر رقم ( سنك ) العمر ؟ اذا قصدك عمري الحيــن فعمري 20 9 - ماهو تحصيلك النهائي ؟ هل لديك وظيفه ؟ ام تسعى اليها ؟ لساتني بالجامعه 10 - هل تؤمن اذا عرفت نفسك ،تستطيع ان تكون شاب ورجل بمعنى الكلمه ام كونك ( جنسك ) ذكر فهو كاف وانتي كونك أنثى هل أثر ذلك على فترة مراهقتك وهل كنتي راضيه عم تعامل الاهل معك بتلك المرحله ؟؟! الحمدلله راضيه 11- انت الآن شاب وانتي شابه كلمة للمراهقين ولاولياء الامور ؟؟ والله مش عارفه شكرا لك ملوكه حبيبتي شاطرة انا رديت عليكي بسرعه ما قلتلك بعدين صح هههههههههههـ |
اقتباس:
مهو لما شفتك مشاركة حكيت اكيد ردت لي عودة لانها صارت موضة هالايام ههههههه انبسطت لجراتك ولمشاركتك روووعة كل الاحترام لشخصك وردتي |
اقتباس:
ولو بعجبك انا هههههـ هههـ هيا شكلها موضه او اقولك مشغولين و انا فاضيه برد عليكي ههههـ حبيبتي بالقرب دائما انا تحياتي لعيونك |
1- ماهو تعريف المراهقه لديك ؟ المراهقة هي الفترة اللي بتجي بعد الطفولة اللي بصاحبها((( تغيرات في نمو الفرد الجسمي والعقلي والنفسي والاجتماعي))) متل ما ذكرت الاخت روعة الاحساس 2- هل تعتقد ان اغلب الشباب تطول فترة مراهقته ؟ / بالنسبه للبنت كم العمر الافتراضي لمراهقتها ؟؟ بعتقد بسن ال 12 او 13 بتمتد لسن ال 18 مثلا 3- كيف ترى نفسك ضمن فئة الشباب ( كـ \ شخصية و كــ \ شاب ) ؟ وانتي كيف تقيمين نفسك بفترة المراهقة والان كشابه ) ؟؟ كنت بفترة مراهقتي خجولة وانطوائية. مالي ع قصص البنات اللي بسني متل الاغاني وحب ابن الجيران وهالقصص الهبلة اكيد بتغير الواحد بس يعني بحس حالي راكزة وهيكا يعني 4- ماهو السن المناسب لديك للارتباط المقدس ( الزواج ) ؟ انسب سن بشوفه مناسب للزواج سن ال 24 او 25 بتكون البنت مخلصة دراستها الجامعية وبكون لحقت تشتغل ...لانو احيانا الزواج بمنع البنت من اكمال دراستها وناس كتير ما بتتقبل فكرة الشغل بس برأيي انو البنت ازا ما كملت دراستها.او ما اشتغلت بتضيع عحالها كتير شغلات 5 - في هذا الزمن هل يوجد مكان ( لـ \عنتر الرومنسي ! و الرجل الشجاع ! ) الذي يجازف بحياته لأخذ حبيبته في حين يكون هناك عائق ؟ وانتي / اتؤمنين بالفارس على الحصان الابيض هل تغيرت نظرتك عن الشباب بفترة المراهقة ؟؟ طبيعة مجتمعاتنا المحافظة ما بتخليكي تحلمي بهالشي يعني بعرف البيئة اللي انوجدت فيها.واللي ما بترضى بغير الزواج التقليدي لهيك حاولت قد ما فيي جنب حالي من التورط بهيك احلام 6- اذ لم تكن انت الاب والام في شبابك تحب الدراسه ! هل ستجبر ابنك في يوم من الايام ! لاكمال الدراسه وهو لايحبذ اكمالها ؟ هلا اني اجبره عالدراسة بحد ذاتها اكيد رح اجبره الشهادة بمجتعنا ضرورية كتير ...بتعب سنتين ثلاثة او اربعة.وبعدها بعيش براحة ومستوى راقي اما اني اجبره ع التخصص.ابدا.هاد الشي برجع اله ولميوله 7-كيف تستغل وقت فراغك ؟ و ؟ هل تنكر في شبابك ومراهقتك عدم الرغبه في ان تكون لديك صديقه / صديق ؟ وان وجد ماهو هدفك من صداقة الفتاة / الشاب ؟ اممم .بحب اقرا كتير....بحضر برامج وثائقية كتير مع اني ما بحبها بشتغل بالبيت وهيكا يعني ما بقدر الواحد يكفي بدون اصدقاء.كانوالي رفقات بيجننوا بالنسبة للصداقة بين الشب والبنت هلا ايام الجامعة ما كنت احكي مع شباب نهائي.كانوا يحكوا عني معقدة بس ما بعرف اغلب صداقاتي كانت من المنتديات صراحة كانوا من الناس اللي بنحطوا عالجرح ببرى 8- هل تستطيع ذكر رقم ( سنك ) العمر ؟ هههه عادي بس ليش الاحراج يعني 29 9 - ماهو تحصيلك النهائي ؟ هل لديك وظيفه ؟ ام تسعى اليها ؟ معي بكالوريوس تاهيل رياضي اشتغلت بمجال التدريس(معلمة رياضة) بس حاليا قاعدة بالبيت بسبب ظروف 10 - هل تؤمن اذا عرفت نفسك ،تستطيع ان تكون شاب ورجل بمعنى الكلمه ام كونك ( جنسك ) ذكر فهو كاف وانتي كونك أنثى هل أثر ذلك على فترة مراهقتك وهل كنتي راضيه عم تعامل الاهل معك بتلك المرحله ؟؟! امممم.هلا اهلي من اصحاب الزمن الجميل متل ما بقولوا ربونا عالمثالية...وعلى مفاهيم ومعاني كتير ما عاد انوجدت بهالايام لهيك بلاقي صعوبة من اني اتاقلم مع الناس اللي عايشين بهالحياة 11- انت الآن شاب وانتي شابه كلمة للمراهقين ولاولياء الامور ؟؟ بالنسبة لأوللياء الامر يحاولوا قد ما فيهم يقللوا الفجوة بينهم وبين اولادهم الاولاد والبنات بهالمرحلة بيحتاجوا الهم اكتر من اي وقت مش غلط تقعد الام مع بنتها.وتفهمها اشياء كتيرة بتجهلها.بحجة انها صغيرة وفي امور ما لازم تحكي فيها اهم شي تكون الام صديقة لبنتها بهالمرحلة العمرية يسلمو ملوكة عالموضوع الحلو متلك انا اجلت كل اشغالي وعملت كاسة شاي مشان موضوعك |
1- ماهو تعريف المراهقه لديك ؟ المراهقة هي مرحلة اعداد الشخص لحياة المستقبل هي مرحلة التجارب الكثيرة والاكتشاف مرحلة الانتقال من طفل الى شاب و مرحلة عملية لتطبيق التربية الي ترباها في طفولته 2- هل تعتقد ان اغلب الشباب تطول فترة مراهقته ؟ / بالنسبه للبنت كم العمر الافتراضي لمراهقتها ؟؟ كل شخص وعنده وقت المراهقة تبعته بنظري انه فترة المراهقة بتستمر ل 20 سنة بداية من سن ال 12 للشاب و بتستمر ل 20 سنة كذلك من سن ال 10 سنوات او 11 للبنات 3- كيف ترى نفسك ضمن فئة الشباب ( كـ \ شخصية و كــ \ شاب ) ؟ وانتي كيف تقيمين نفسك بفترة المراهقة والان كشابه ) ؟؟ الشخص الوسطي غير متشدد و ملتزم بالدين لكن صاحب اخلاق و تربية حسنة من الشباب اصحاب المغامرة والحركيين جدا ك شاب ف انا عادي شكلا يعني 4- ماهو السن المناسب لديك للارتباط المقدس ( الزواج ) ؟ في سن ال 25 و فوق 5 - في هذا الزمن هل يوجد مكان ( لـ \عنتر الرومنسي ! و الرجل الشجاع ! ) الذي يجازف بحياته لأخذ حبيبته في حين يكون هناك عائق ؟ وانتي / اتؤمنين بالفارس على الحصان الابيض هل تغيرت نظرتك عن الشباب بفترة المراهقة ؟؟ لا مو موجود لا عنتر رومانسي ولا رجل شجاع كلها احاسيس شبابية و الصح منها هوا الي بينتهي بالزواج تغيرت نظرتي طبعا كنت اعتقد انه من السهل تحمل المسؤوليات ومن السهل اني اشتغل واني اجيب فلوس و انه الشباب افضل من الطفولة لكن تبين العكس تماما ,, 6- اذ لم تكن انت الاب والام في شبابك تحب الدراسه ! هل ستجبر ابنك في يوم من الايام ! لاكمال الدراسه وهو لايحبذ اكمالها ؟ اذا كانت عنده موهبة ف حقوم بتنميتها جنب الدراسة لكن حجبرهم على الدراسة لانها اساس لكل شيء في عالمنا و بتذكر ابويا قال مرة "الفلوس والدنيا بتجيبلك اراضي و مباني و بتوصلك للحكم و للسلطة القوية و بتحققلك كل شيء ممكن , لكنها ما حتعطيك شهادة صف اول" 7-كيف تستغل وقت فراغك ؟ و ؟ هل تنكر في شبابك ومراهقتك عدم الرغبه في ان تكون لديك صديقه / صديق ؟ وان وجد ماهو هدفك من صداقة الفتاة / الشاب ؟ فراغي بقضيه اما بالمشي او التصوير او سماع الاغاني ما بنكر احتياجي بفترة من الفترات لصداقة من الجنسين كلها اهداف نفسية و فضولية لتجربة الاحاسس هذي لكن حاليا صرت ما بحب اقيم العلاقات كتير 8- هل تستطيع ذكر رقم ( سنك ) العمر ؟ عمري 1 2 سنة 9 - ماهو تحصيلك النهائي ؟ هل لديك وظيفه ؟ ام تسعى اليها ؟ انا جامعي حصلت ع شهاادة الثانوية و بالطريق للحصول على شهادة الجامعة و بسعى لوظيفة طبعا 10 - هل تؤمن اذا عرفت نفسك ،تستطيع ان تكون شاب ورجل بمعنى الكلمه ام كونك ( جنسك ) ذكر فهو كاف وانتي كونك أنثى هل أثر ذلك على فترة مراهقتك وهل كنتي راضيه عم تعامل الاهل معك بتلك المرحله ؟؟! كوني ذكر غير كافي ابدا الرجولة الها كثير معاني الرجولة بتتحدد ب مقدرة الشخص ع التماسك و الصبر و تحمل المسؤولية صاحب اكتر من روح واحدة وبيستطيع التفريق بين الصح والخطا وكيف يتصرف بكل موقف على اكمل وجه الرجولة مواقف واكتر 11- انت الآن شاب وانتي شابه كلمة للمراهقين ولاولياء الامور ؟؟ المراهقين كلمتي لهم هي الانخراط بكل افكارهم وعدم حبس اي فكرة روح الفضول والرغبة الداخلية ما بفضل انكارها اكتشف وابحث عن الامور الي بتلفتك كان دينية او مادية او جسدية او روحية جرب كل شيء ولا تنتظر احد يقولك شو تعمل هذي مؤحلة تجارب و يفترض تتعلم منها دروس كثيرة و ما حد غير المراهق بيعرف بشو هو بيمر وبشو بيفكر للأهل بنصحهم انهم يهتمو بأولادهم في مراحل قبل المراهقة ومراقبتهم بطريقة غير مباشرة (بانهم يكتسبو ثقة اولادهم) لحتى يعرفو متى بيتخطا المراهق حدوده بالتفكير وللتدليل ع مناطق الصح والخطا للمراهق |
| الساعة الآن 07:53 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.