|
شباب صبايا ممكن تتفضلوا.. السلام عليكم ورحمه الله وبركاته..كيفكم صبايا شباب ان شاء الله تكونوا بخير.. ما بعرف كيف ابتدى بالموضوع ؛ ومااحد يفهمني غلط كلامي مابيقصد أحد معين.. صراحة الكل هنا يتكلم عن الحب .. الأفلام والمسلسلات كلها عن الحب.. الشعر المسرحيات عن الحب.. سبحان الله ربي خلق الحب داخل قلوبنا .. طيب إيش معنى الحب برأيك أنت.. وكيف تعرف انك تحب شخص .. عشان الباقيين يعرفوا إيش معناه.. فالحب ليس حب جسده أو جسدها وإنما روحه أو روحها.. فبنات كثيرة وقعت في وهم الحب واكتشفت أنها ليست إلا لعبة تسلى فيها وبعدين رماها.. وكثير شباب كمان وقعوا ب وهم الحب واكتشف أنه ليس إلا أضحوكة تتسلى فيه عشان توصل لشي ثاني.. ياريت تجاوبوا بأريحية وصراحة .. كونوا بخير دائماً.. اختكم خواطر الصمت..:118: |
الحب بالنسبة لي هو شعور تجاه شخص معين مو لشكله بل لروحه و قلبة و عقله بتصيري تفكري بس به بس في شباب كثااار و بنات كثاار -منهم احنا- يعتبروه بس لعبة مشان التسلية و الشباب مشان حاجاتهم هذا هو رايي خيتوا |
اقتباس:
وأنا بحترم رأيك حبيبتي.. كل الشكر لطرح رأيك وصراحتك.. تحياتي.. |
بغض النظر عن اللي بصير هالأيآم هنحكي عن الحب اللي بين واحد و وحده الحب هون : انه حدا يعجب بشخص معين و يحب فيه حاجات معينه .. ومع الفتره يحس انه ما يقدر يمر يوم بدون ما يشوفه ... هلأ هون مو مهم يروح يكلمه و كدا .. لا المهم انه يكون بحبه بجد و يدعيله و يحب دايما يشوفه مبسوط ..بدون ما يقرب منه ( تهادو الحب بالدعآء ) اما لو كلمه و اتقربله .. فهنا بقدر يهتم فيه و يسآعده بكل شي و يحاول يفرحه دايما و يدعيله و يقدمله كل شي .. بدون مقآبل .. يعني مو لازم الطرف الأخر يعآمله نفس الشي .. هآد اسسمه حب اما اذا بدك تيجي الى ما يسمى بالحب هالأيآم زي انه وحده تكون فآتحه قلبها سبيل و عماله تحب شويه ف هآد و شويه ف هدآك و شغاله ليل نهار لتحكي معهم .. او العكس انه الشاب يكون هيك .. فهآد مش اسمه حب هآد اسمه تسليه .. اسمه قلة ادب .. اسمه انهم نآسيين ربنا و انهم هيتحآسبو ع كل شي عملوه .. بالنسبه للشخص المظلوم اللي ممكن يوقع ف حب شخص فآتح قلبه سبيل فهآد غلطآن .. لأنه أعطي هالحب كل طاقته و مشآعره .. و هآد غللط .. و هو عآرف انه كثير ناس بتتلاعب ف المشاعر بمسمى الحب .. فمش لازم انك تحب واحد .. يعني تتعلق فيه لدرجة كبيرة و هيكاا ... مش لازم تتعبو مشآعركو بشي فآضي لأنكو هتتحآسبو عليها عند ربنا من الأأخر البنت لو بدها تحب حدا بجد و تتعلق فيه. ملهاش غير تحب اللي هيجي يخطبها و بعدها يكلمها قدآم اهلها و قدآم ربنا عآدي لأنه بتحقله .. ... مو تحب حدا من الشارع و تحكي معاه من ورا اهلها و من قدآم ربنا عآدي و الشآب كذلك نفسي الشي ... اما لو حبيتو حداا مش من حقكو تكلموه لسا .. ف زي ما حكيت فوق .. ( تهادو الحب بالدعاء ) يسلمو ي خوآطر ع النقآش الجميل احترآمي |
إيش معنى الحب برأيك أنت.. الحب انوآع .. حب الأهل .. الأصدقآء .. شريك الحيآةة .. مرآهقة .. النآس .. الحب بين اي اتنين عآديين رح احكي عن الحب اللي بتقصديه انتي بموضوعك الحب هو شعور كتير حلوو الحب هو .. اني اخآف على الشخص اللي بحبوو بغآر عليه من اي شي .. بحب اشوفو و احكيه عَ طوول بلآحظ غيآبوو .. بفرح لفرحوو .. ببكي عشآنوو بفتش على الشي اللي بريحوو اسآس الحب هو الإهتمآم هآد هو الحب بنظري لكن للأسف بسبب الفرآغ العآطفي الموجود و جهل البعض و قلة المعرفة هالفترةة او الجيل هآد ضيعوو معنى الحب الفترةة هآي البنت او الشب عم يفتشوو على اي حد ليكوون الشخص اللي يحبوه و كتير بأمنوو لهيك شغلآت و بكونوو ضحآياآ الحب الحقيقي لإلوو أسآس و شرووط و هم النقآط اللي ذكرتهم بالبدآية وكيف تعرف انك تحب شخص .. ازآ حسيت اني بخآف عليه بغآر عليه من اي شي .. بحب اشوفو و احكيه عَ طوول بلآحظ غيآبوو .. بفرح لفرحوو .. ببكي عشآنوو بفتش على الشي اللي بريحوو بكون بحبوو النقآش حلوو شكراً .~ |
الحب برايي : انو ئلبك يدئ لحدا معين وبيصير همك بس تشوفو ولو حتى من بعيد وتنبسط لفرحو وتزعل لزعلو ومو ضروري يكون معك بكفي يكون بمحيطك والحب مو بس بين بنت وشاب حب الاهل والصحبه والناس والحياه وكل شي حواليك وبستغرب من كتير ناس بعتبرو الحب مسخرة وحكي فاضي وجهرا بحكو بكره فلان يعني خجلان بكلمة بحبك ومبسوط بكلمة بكرهك !!! كيف بعرف انو الطرف التاني بحبني ؟! بسؤالو المتواصل عني / بغيرتو علي / اكون اول اهتماماتو يعني بكفي هيك كبدايه هههههه يسلمو خواطر للنقاش وردتي |
يعطيك العافيه على الموضوع رائع تحياتي لك |
مممممممممممممممم من لا يحب الا للمصلحه فهو لا يحب وانا عندي المعلومات الكافيه لانه مو اي محب هو فعلا يحب |
اقتباس:
ربنا يسلمك أخي.. نفس تفكيري .. أسعدني رأيك كثيير ..وصحيح مية بالمية .. كل الشكر لك لطرح رأيك.. |
اقتباس:
حلو رأيك البريئة.. صحيح هالايام ضيعوا معنى الحب بجد.. كل الشكر لطرح رأيك غاليتي.. تحياتي.. |
اقتباس:
حلو ملك.. أعجبني كثير رأيك.. يعطيكي العافية ع طرحه .. |
اقتباس:
ربنا يعافيك أخي.. كان ودي تطرح رأيك .. كن بخير.. |
اقتباس:
صحيح .. هالايام من سمع كلمة حلوة من شخص تعلق فيه وقال يحبني وأحبه .. يعطيك العافية أخي ع طرح رأيك.. إحترامي.. |
الحب يلي بدك نحكي عنـو ') هو : إنك تحب شي و تخآف تخسرو :30: تحب شي و تهتم فيه :59: تحب شي و بدك يآه يكون آحسن حدن و مبسوط21 متل حب أبوكِ , حب إمك , حب أخوكِ , صحبآتك , حبيبك ♥ ' و كمآن مو ضروري يكون الحب حب إنسآن هيههي :69: حبك لحآالك , حبك لـ حيآتك لـ شآحنك لـ آكلك لكل شي بخصك حبك إالي ههههه :138: يسلمو عسولة ع سؤالك ☺ ') ورده |
بالنسبة الي الحب هذي الايام مو هوا المعنى الحقيقي للحب ابدا حتى الي بنشوفه بالماضي كان شيء من اشياء الحب لكن الحب بطل اله معنى حقيقي الحب تضحية عطاء دون انتظار الحب اب و ام و عائلة اصدقاء الحب اسمى من ان يترجم ب لغة العصر الحالية .. |
اقتباس:
عجبتني حبك لشاحنك .. يا بنت انتي مرة نايس ..أكيد بموت فيكي عسولة أعجبني رأيك .. تحياتي.. |
اقتباس:
كل الشكر لطرح رأيك دارك ديفل .. إحترامي.. |
الحب انجذآ ب من طرفين ... # احيآنآ ينتهي بالزوآج واحيآنآ بالفرآق .. # آنآ ضد الحب عمومآ .. :) يعطيك العافية |
حلووو..وأنا بحترم رأيك حبيبتي.. كوني بخير.. |
الحب بنظري بالدرجة الاولى اهتمام وعطاء بدون ما تنتظر اي شي بالمقابل سواء كان هادا الحب حب الاهل او الاصدقاء او بين حبيبين الحب انك تخاف على الانسان اللي بتحبه تزعل لزعله وتفرح لفرحه تحسه بجد انه روحك لو شي دايقه هيكون بنفس الوقت هالشي بدايقك لكن للاسف في وقتنا بسبب الفراغ العاطفي اللي موجود تحول الحب للعبة وتسليه وفقد معناه وكل واحد بتلاقيه بقول هالكلمة بكل بساطه موضوع حلو حبيبتي جيهان شكرا لطرحه |
هلاء متل م قالو الحب انواع ولكن احنا هون بس هنكون ع قد الحب الي بين الشب والبنت طبعا الي بيصير هلايام هادا مو حب هادا استهبال بنت وشب عملو لبعض لايك صارو يحبو بعض زمان كان الحب من اول نظره هلاء الحب من اول لايك او من اول تعليق زمان كان الواحد عشان يوصل لحبيبتو بدو 100 طريقه وعشان يلفت انتباها هلاء بنكز او رساله ع طول بيحبو بعض فهادا الي بيصير هلاء مجرد حرمان عاطفي والدليل انو الي بتحب هلاء ع النت اول م تترك حبيبها عشان عمل لايك لوحده تانيه بتروح بعد اسبوع تحب واحد جديد وهكذا بضلها عايشه حياتها تحب شباب ع النت اما الحب الحقيقي تبع زمان كان احلا من هيك بكتير كان اهتمام ..اشتياق بتحب تشوف الي بتحبو دايما مبسوط وسعيد تحسسو انك بتهتم فيه م تزعلو م تكون سبب بزعلو دايما تكون جنبو ..... تحاول تحسسو بشي من الامان وهو معك تخاف عليه حتى من نفسك تخاف عليه من كل شي لانو سمعتو من سمعتك م بعرف لو وضحت الصوره بلشكل المطلوب بس هادا الي قدرت قولو |
بالنسبه إلي الحب متل القوه المعنويه، يللي ممكن يحوّل من الاشي المُر للاشي الحلو، بكلامي بقصد كل انواع الحب .. اما إذا بدنا نيجي نحكي عن الحب يللي عم تقصديه انتي، "عشاق هالزمن"، صار الحب مالش معنى هالايام، لدرجه إنه بتلائي الانسان بيحب اكتر من مره ! على كل حال متل ما لسه في خير بهالدنيا بالرغم من كتر الشر، برضو في حب حقيقي "نادر" .. :137: |
اقتباس:
وصحيح بسبب الفراغ العاطفي تحول الحب لتسليه .. كل الشكر لك حبيبتي .. |
اقتباس:
وعجبني انك جبت الفرق بيت زماننا وزمن أول.. كل الشكر لك لطرح رأيك .. |
اقتباس:
وأنا بحترم رأيك .. إحترامي لك.. |
إيش معنى الحب برأيك أنت..ساتكلم بالقليل عن معنى حب الرجل للمرأة , هو شيء عظيم من اساسياته العطف , الموده , الاحترام ,حسن التعامل , .... الخ وكيف تعرف انك تحب شخص .. اكيد لا نحتاج الى دليل لنعرف من نحب ومن نبغض , ولكن بغض النظر عن تراهاتي العميقه فهو يبدء بنظره هائمه كضوء يمشي بين العيون بخط مستقيم , فاذا حصل هذا الامر فلن تترك هذا الشخص ابداً لانك وقعت في الحب الحقيقي بمعتقدي انه ليس هنالك تبرير لهذا الفعل المفتعل من شيء لا وجود له او غير مرئي الا انها الحقيقه التي تحصل نادرا مع ذو القلوب البيضاء والنيات السليمه اما الحب بشكل عام فالانسان اللامبالي باستطاعته ان يحب اليوم بسبب جمال او منظر جسد ولكن بنفس الوقت يستطيع ان يكره نفس الجمال ونفس الجسد لانه وجد من هو\هي اجمل , فيظل قلبه معلقا على جسر المودة والاشتياق هو الجار الى ذلك ولست اعني الشوق البعيد او شوق الحبيب ولكن شوق الروح التي تطلب المزيد اكتفي , |
كلام جميل ..وتعبيرك للحب كان أجمل فالحب عطف مودة وحسن التعامل.... مع أن وصفك كيف تعرف انك تحب ما دخل ببالي .. أسعدتني لطرح رأيك ماهر .. كل الشكر لك.. |
ما دمنا في فصل للنقاش , فهذا جواب غير مقنع , اعترف بذلك , الا انه سيقنعك الجواب فقط لو مررتي تلك المرحله , والا فان كل كلامي خال من المعرفة المدروسة احييكِ |
يمكن كلامك صح ماهر .. إحترامي لك .. دمت بسعادة.. |
| الساعة الآن 01:18 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.