|
ممكن تشآركني برأيك ...!!! السلام عليكم هدخل ع الموضوع هلقيت فيه الي صآحب .. ف الحرب الأخيره ع غزة .اصيب ف رجله اليمين و اضطر انه يقصها من تحت الركبه ... هآد الشاب كان خآطب قبل الحرب و خآطب بنت عمه .. و تقريبا واخدها عن حب عآدي هلقيت بعد ما الشاب قام بالسلامة و رجله مقطوعه بس .. خطيبته طلبت منه انهم ينفصلو .. بحـجـة انه رجله مقطوعه و هي مش هتعرف تكمل معآه ... و طبعا انفصلوو ... طبعا كل انسآن الو تفكيره و رآأيه ف هيك شي .... هلقيت السؤال للبنات - هو انتي لو كنتي مكآن هالبنت شو هتعملي ف الموقف هآد .......؟؟ السؤال بشكـل عآم - هل الاعآقه اللي ممكن تصير بعد الارتبآط تؤثر ع العلاقه بين الشخصين ( سواء كان حب او خطوبه او زوآج ) .؟؟؟ احترآمي |
اولاً ربي يصبره لصاحبك ع الابتلاء فربي لايبتلي إلا المؤمن ..وأكيد رح يلاقي من هي تستاهله .. هلقيت السؤال للبنات - هو انتي لو كنتي مكآن هالبنت شو هتعملي ف الموقف هآد .......؟؟ صراحة موقف مو بسيط فالبنت لها أيضاً حرية اختيارها بس انا لو كنت مكانها صراحة ماتركته وكملت معاه بما أني حبيته بصدق خطيبي وتولعت فيه .. السؤال بشكـل عآم - هل الاعآقه اللي ممكن تصير بعد الارتبآط تؤثر ع العلاقه بين الشخصين ( سواء كان حب او خطوبه او زوآج ) .؟؟؟ أيوة بعض العلاقات تؤثر عليها الإعاقة وليس الكل .. وبالاخير أنا لااتهم البنت بالخيانة فهي ايضاً لها حرية القرار..وربنا يعينه للولد عن جد موقف صعب له.. إحترامي لك.. |
- هو انتي لو كنتي مكآن هالبنت شو هتعملي ف الموقف هآد .......؟؟ اولا كل واحده الها راي الخاص بس انا ازا حبيتو بصدق ما بتركو لانو الحب الحقيقي ما لازم يفشل |
- هل الاعآقه اللي ممكن تصير بعد الارتبآط تؤثر ع العلاقه بين الشخصين ( سواء كان حب او خطوبه او زوآج ) .؟؟؟ هي لو كانت بتحبو من الاصل ما كانت تركتو لنو الاعاقة ما بتؤثر على الحياة الزوجية خصوصا انها اعقة غير كاملة يعني ما بتعيق وظيفته كزوج وبعتقد رايح يكمل حياتو بشكل عادي تحياتي الك |
حسب الاعاقة ونوعها ' وحسب الشخص المعاق و وحسب البنت طب انا بحبش كلمة معاق ، خليني احكي عن هالشي حالة ، يعني الشخص ما بيعرف يتعامل مع كل الحالات يمكن هيا قررت ينفصلو عشان ما بتعرف تتعامل مع حالتو وهادا افضل عشان بالتالي اكيد مش حيعيشو براحة ، وحتنكد عليه عيشتو وحتنكد ع حالها ، بالنسبة لسؤالك اني لو اني مكانها ، الجواب بيتعمد ع الشخص من جهة الاعاقة بتحملها صحيح هي خسارة رجل ومش قليلة بس المهم اني بعرف اتعامل معها ومع احتياجاتو ، بس جوابي مش نفسو بكل الحالات متلا ازا الشب كان عندو شلل كلي ' اكيد ما حوافق لانو صعب علي اتعامل معو ومع احتياجاتو ، يعني مش منطق اوافق عليه واخلي عيشتي وعيشتو تعاسة بتعاسة . بس ممكن بنت تانية تكون قدها فهيكا بكون الجواب مختلف من شخص لتاني ، ونسيت احكي انو الاعاقة مش هي الي بتحكم ،، الاهم شخصية الشب . ازا ما عجبتني شخصيتو ما حوافق طبعا شكرا الك |
هلقيت السؤال للبنات - هو انتي لو كنتي مكآن هالبنت شو هتعملي ف الموقف هآد .......؟؟ بصرآحةة مآ بكمل معوو شآن ممكن اي تصرف مني بكون بعفوي يفكر شفقةة :\ فـ بفضل أتركو :( - هل الاعآقه اللي ممكن تصير بعد الارتبآط تؤثر ع العلاقه بين الشخصين ( سواء كان حب او خطوبه او زوآج ) .؟؟؟ آيوآن بتآثر نفس السبب ييلي حكيتو لي بطلب مآ آكمل معو ^^ يسلمو خيو ع السؤآال ☺ وردة |
اقتباس:
ما شاء الله عليكي .. فهمآنه كلامك حلوو و معك حق فيه و حبيت انك تكملي مع خطيبك ف الموقف هآد و اكيد كل انسان ليه ظروفه ف هيك شغله.... كويس انه شاب . الشاب ع الأقل بلاقي حدا تاني يقبل فيه .. بس لو بنت لكآن ابصر تلاقي حدا يقبل بيها يسلمو لرأيك خوآطر استمتعت بمشآركتك كل الأحترآم خيتو |
اقتباس:
اكيد الحب بلغي اي شي تاني ممكن يصير بعديه ... و كل حدا اله رأيه و ظروفه ف هيك موقف اسعدني رأيك و توآجدك خيتو نوورتينا احترآمي |
اقتباس:
و معك حق ف كلامك فعلا لو كانت حبته بجد لكآنت ما تركته و الاعاقه هآي فعلا مش كبيرة كثير و ما بتأثر ع شي أسعدني توآجدك انس .. حبيبي نوورت واللهِ احترآمي لشخصك |
- هو انتي لو كنتي مكآن هالبنت شو هتعملي ف الموقف هآد .......؟؟ اكييد راح ابقى معاه لان الحب ما بياتي بالشكل ادا حبيت الشكخص مستحييييل اتركوا حتى وان اصاب بالشلل مو قصت رجله وبس السؤال بشكـل عآم - هل الاعآقه اللي ممكن تصير بعد الارتبآط تؤثر ع العلاقه بين الشخصين ( سواء كان حب او خطوبه او زوآج ) .؟؟؟ اه لان البنت ادا وافقت ما راح تكون راضية من الداخل وممكن يوقعوا مشاكل مثل الخيانة مثلا اصلا هاذ البنت ما كانت تحبوا من الاول انا متااكدة لو كانت تحبوا ما كانت راح تتركوا في مثل هاذ الموقف لان الحب مو بالشكل و الله هاذا هو رايي اخي تحياتي |
اقتباس:
بس انا شايف انه الأعاقه هون ما كانت كبيرة لدرجه انه بنت تطلب الانفصال .. يمكن لو كانت الاعاقه ف البنت .. لكان تقبلنا انه الشاب يطلب الانفصال لأنه الرجال بتجوز البنت لتخدمه و تشوف اموره و تهتم فيه و هيكاا مو العكس اللي بصير معك حق ف قصة كل حالة الها رأي تاني و الها كلام تاني .... و فعلا شخصية الشاب الها دور ف هيك شي برضه رآئع رأيك خيتوو اسعدتيني بمشآركتك الحلوة نوورتينا احترآمي |
اقتباس:
حلوة وجهة نظرك برضه ... بس يمكن لو كنتي بتحبيه كثير وهيكا .. هتكملي معه يسلمو لرأيك ننوش اسعدني توآجدك خيتوو نوووورتيـنـآ :137: احترآمي |
الحب اقوى من هيك بكتير، يعني يللي بدي اصلو انه هالبنت لو عنجد بتحبه من ئلبها كانت مستحيل تفكر تتركه بأصعب ظروفه، لإنه الحب بيتطلعش ع شكل الانسان ! وحتى لو كانت هاي نظرتي للحب بقدرش اجاوبك إلا لأكون عايشه بهالموقف، صعب تسأل هالسؤال لإنسان مش مجرب، ومن ناحه بيتعلق قديش "كبر الحب" يللي بيكون بيني وبينه، هالاشي إلو تأثير .. بدك الصراحه زعلت عليه للشب ويمكن بستاهلش هيك بنت، إنه بدل ما تقويه وتضل معه تركته، انت بتعرف انه لو ضلت معه شو كان صار؟ كان حبها زياده ويمكن كان عشقها عشق لإنه اليوم مستحيل تلاقي بنت تقبل بشب اجرو مقطوعه، فلو استمرت معه وقتها هالشب رح يضل "يقدرها" طول عمرو لحد ما يموت ركزلي ع كلمة "يقدرها" ! عشان هيك هي يللي خسرت، مع إنه من حقها تقرر وتفكر باللي بيريحها بس لو فكرت شوي كانت كسبت وكتير مش شوي ! شكرا .. :137: |
اقتباس:
و الحب بغطي ع اي شي تآني ... فعلا هي شكلها ما كانت تحبه بجد زي ما حضرتك اتفضلتي .... كلامك كثير حلووو و اعجبني كثير رأيك خيتوو يسلموو كثير لحضورك الأنيق و احترآمي لرأيك الجميل نوووورتي :137: |
اقتباس:
اختصرتي كل الكلام انتي فعلا هي الخسرآنه .. و معك حق لو ضلت و صبرت معاه لكآن كسبت كثيير .. كسبت تقدير جوزها الها و رضا ربنا عنها برضه ... حبيت رأيك و حضورك خيتو .. . دايما كلامك موزون و صحيح ما شاء الله عليكي اسعدني توآجدك يسلموو كثير نوورتيناا احترآمي :137: |
لو بحبو موش هسيبو لو كلو تئطع وبشكل عام صحيح ممكن تأثر الاعاقه ع العلاقه لكن طالما في حب وتفاهم بامكانهم يتخطو هالشي والله مايحط حد بهيك موقف نقاش مميز يعطيكم العافيه |
هلقيت السؤال للبنات - هو انتي لو كنتي مكآن هالبنت شو هتعملي ف الموقف هآد .......؟؟ طالما انا وافقت أرتبط فيه فأكيد هو خلوق وقد الحمل لانو م راح اقبل بحدا تافه ومو رجال فلهيك مو منطق اتركه مشان هيك سبب وراح اقتنع انو كل شي نصيب وانو هاد قدري وراح احكي هون شي اول مرة احكيه انو تقدم الي اسير محرر بس كان م بجيب ولاد مشان معه شي معين من أثر التعذيب بالكهربا انا قبلت واصريت بس هو بس شاف موقف اهلي تراجع ولولا هو تراجع كان انا هلأ معو وبنظري هالشي اقسى من انو يكون مقطوعة ايد او رجل السؤال بشكـل عآم - هل الاعآقه اللي ممكن تصير بعد الارتبآط تؤثر ع العلاقه بين الشخصين ( سواء كان حب او خطوبه او زوآج ) .؟؟؟ لا طبعا الا ان كان زواج مصلحة ، شوف انا بنظري الزواج شي مقدس. مش لعبة لهيك لازم نختار صح لانو لما بدي ارتبط بحدا لاخر عمري بدي أتاكد انو بالمره قبل الحلوة معي وبنظري الزواج طمأنية واستقرار وأمان اكتر من انو وسيلة اشباع عوافي خيي |
سؤالك اجابتو طويلة . اي ممكن تأثر الاعاقة بعد الزواج على العلاقة مهما كانت لكن بحالات محدودة مو دائما قول انه مجتمعنا طبيعي و انو اتربينا صح و انو مشينا ع الدين بطريقة صح وانو منتظمين بحياتنا و مثقفين و فهمانين الحياة . وقتها رح يكون الامر طبيعي جدا انو لو صارت اعاقة بعد الزواج انو ما يصير انفصال بعد العلاقة لكن نقيس ع هالشي الان المجتمع رح يحكي لما يزهق عن البنت او الشب لو كانو بعلاقة وواحد منهم معاق جسديا (شوفو هالبنت شكلو اهلها راميينها لواحد رجلو مكسورة او ايده او) (شكلها مستعجلة ع الزواج وبس بدها تتجووز واتجوزت واحد معاق) (شكلو عامل معها عملة لهيك ماخدها معاقة) (شكلو طالبين فيها قليل لانها معاقة) و هيك كلام كتير بمجتمعنا و بين العائلات نفسها هادا حيخلي واحد من الطرفين ما يتحمل كمية الحديث والقصص الي ممكن توصل لحد القذف بشرفهم ووقتها بيحصل الطلاق بعدها بيجي دور التربية العائلة الها دور والتربية الها دور لما يكونو التنين متفاهمين شو معنى الحب وشو معنى الحياة الزوجية او شو معنى العلاقة اصلا لانو لو كان عندهم معنى حققيقي و تربية حقيقية كان الطلاق ما صار ان كان من البنت والشب خصوصا انو اغلب العائلات بتحكي عن اعراض الناس وبتقذف ب هادا وبهادا والنميمة بتشتغل عندهم وطبعا هادا حيقلب الشيء علينا ومتل ما حكينا ع الناس حينحكا علينا بعد العائلة بيجي التثقيف الموجود بداخلنا وعقولنا لما يكون الانسان على غير دراية بالمشاعر و المنطق والصح والخطا شو الحلول المناسبة شو المواقف اللزم اتباعها بهيك امور ب الايمان بوجود المشاكل بكل علاقة ممكن تكون على وجه الارض الايمان بالقضاء والقدر كذلك انه الاعاقات مش ششيء معاب لا دينيا ولا دنيويا ولا شيء ابدا . وبعد كل هادا بيجي العلاقة نفسها هل هيا اصلا متماسكة او لا او تسستحق التضحية او لا ممكن يكون هالشي سبب كافي او قاطع لسلسلة من المشاكل المستعصية او شيء بيكشف حقائق تانية كلها تؤدي للطلاق لكن بنظري انو بعالمنا وعصرنا الحالي الامر يستحق انه يصير طلاق مشانه مع انه يفترض العكس تماما |
اقتباس:
حلوو كلامك ي نور ... فعلا معك حق لو الحب و التفآهم موجود .. هيقدرو يتخطو اي اعاقه ممكن تصير يسلموو كثير لرأيك الجميل نوورتينا خيتو اسعدني مرورك احترآمي لشخصك |
اقتباس:
رآئع كلامك ع فكرة ... و منيح انه اهلك مو وآفقو ع فكرة .. لأنو ربنا برضه فرض الزواج عشان التنآسل والكثرة .. و معك حق ف كلامك انه الزواج مو لعبه و لازم نختآر الحدا الصح .... فعلا الزواج هآد يعني حياتك .. يعني لازم تعرفي شو تختآري نوورتينا خيتوو و يسلمو كثير لرأيك الجميل و حضورك الأجمل احترآمي |
اقتباس:
والله كلام منطقي ي عبود فعلا كلامك صحيح ميه ميه ... لو هنمشي ع الصح و ع الدين .. الاعاقه ما بتأثر ع شي بس لو هنمشي مع مجتمعنا و قول النآس و ع تفكير النآس هلقيت هنلاقي فعلا الأفضل الانفصال ف هيك موآقف ما شاء الله ع مجتمعنا .. مش مخلي شي الا و بحكي فيه ... مع انه لو بدنا نقآرن حالنا ف الغرب .. هنلاقي الأمور هآي ف الغرب عآدي و ما فيها شي أعجبني كلامك خيوو نوووورتنا و يسلمو كثير لرأيك الجميل احترآمي :27: |
| الساعة الآن 01:26 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.