منتديات بنات فلسطين - أسئله حساسه للبنات والشباب,,!!

اقتباس:

المشاركة الأصلية كتبت بواسطة سمــره (المشاركة 1389465)

_ماسبب مضايقة الشاب للبنت في الاسواق ؟

بيتعلق كل شب كيف ببلش يفكر لمن يشوف بنت ماشيه فالشارع،
يمكن بدو يتحركش لحتى يتعرف عليها حتى لو كانت بشعه،
يمكن مستحليها،
يمكن فش عندو شغله يفكر فيها غير "جسم البنت"،
يمكن بدو عروس وبدو يحاول يحكي معها بنيه صافيه،
يمكن ويمكن ..

هل تعتقدين ان الشاب هو من يبدأ في معاكسة البنت اممممم؟؟

بهالزمن يللي صرنا عايشين فيه بطل في اشي اسمه خجل،
يعني متستغربيش اذا البنات هني يللي بتحركشوا فالشباب،
واغلب البنات بتتزوجوا من ورا هالشغله، بتتحركش ليتزوجها وبالاخر بتم الاشي !
واكيد هذا بئولش ان الشباب ملايكه،
في هيك وفي هيك ..

_ ماسبب عدم احتشام البنات اثناء خروجهن ؟؟

انا بشوف هذا السؤال بنسألش نوعا ما،
لإنه مش لازم نحكم ع البنت من لبسها هاي اولاً،
تانياً مش كل الناس عايشه بنفس البيئه،
في كتير ناس لبسون حوفشي يعني مش محتشم وهذا بئولش انون ولاد شوارع،
بس عشنو هيك البيئه يللي عايشين فيها واتعودوا عليها،
لهيك انا برأيي لازم نحترم كل انسان وين عايش،
حتى لو كان لبسو مختلف، هاي مش شغلتنا نحاسب الناس،
الله يللي بحاسب مش احنا ..
ورح اضيف "ثالثا"، الحكي يللي قلتو فوق بينطبقش ع كل الناس، يعني في بنات بتطلع من البنت مش محتشمه يمكن لإنها فلتانه،
وطالعه هيك لانو في براسها موال ..

هل تعتقدين ان الانفتاح هو سبب ظهور هذه الفتن مثل الكليبات والفضائيات الهابطة ؟؟

مش دايما الانفتاح ممكن يكون السبب،
لإنه في ناس من سيعة ما خلقوا وبتلاقي عندون هالحريه فاللبس يعني هيك عاداتون،
المجتمعات المتشدده اذا بتلاقيها متغيره يمكن من ورا تأثيرها بهالناس يللي عندون حريه فاللبس،
يعني بصيروا يقلدوا وشوي شوي بتفتحوا فاللبس،
ممكن الاشي يأثر سلبيا، وممكن ميأثرش بالمره وتلاقي الاشي كتير عادي،
يعني حسب ..

- هل تدخل اسرتك في انتقاء ملابسك يضايقك ويحسسك بعدم الرضا عن نفسك؟؟

لاء ومستحيل افكر بهاي الطريئه، لإنه اكتر شغله بتهمنى بحياتي ثقه اهلي في ورضاهون عني،
اي قطعه بفكر اشتريها بفرجي اهلي بالاول، بس اوئات بسالش اهلي لإنه صرت اعرف حدودي باللبس،
وانا اصلا من حالي بقبلش البس اشي شاذ "اكتر من اللازم"،
حلو انه البنت تهتم بحالها وتبين حالها وتكون مرتبه بس بنفس الوئت كل اشي ان زاد عن حده انقلب ضده ..

هل تعتقدين ان ملابس البنت تفرض احترامها عند الخروج من البيت ؟؟

اوك مش دايما لإنه المظهر ولا بعمرو ببينلك معدن الانسان،
يللي عايش ببيئه منفتحه شو نعمله؟ نغير عاداته متلا؟ لازم نحترم البيئه يللي هو عايش فيها،
بس للاسف العرب طرش اعذريني ع هالكلمه لإنه مش شاطرين غير يحكوا ع بنات الناس واتطلعي كيف لابسه ويا عيب الشوم،
ع اساس "كل" المحتشمات ملايكه، اكيد لاء ومش كلون بتكون نيتون صافيه،
سيبك يخي، كل واحد حر بحاله، تصرفاتون غلط او مش غلط في الله وهو بحاسب !!

- مامدى تاثير اصدقائك على طباعك وشخصيتك ؟؟

اكيد كبير، طول مفي احترام وثقه ومحبه وصدق يللي هالاشي اهم من مظهري الخارجي وئتا رح يحبوني اكتر،
واكبر بنظرون، ويكون في احترام اكتر بيناتنا ..

شكرا ع الاسئله لونلي،
يسعدك يغاليه،
شو رايك انتي كمان تجاوبي ع الاسئله؟

:51:

ما بعتقد سمره ممكن حد بده عروس يلجأ لهيك طريقه خاصة في مجتمعنا
وانا معك اللبس والمظهر عمره ما ببين معدن الانسان
والانسان المحترم محترم بتصرفاته وتعامله مو بلبسه
اجابات حلوه سمره
شكرا لجمال حضورك نورتيني
والله يسعدك يا رب

رح اجاوب على الاسئلة ولا يهمك