|
هل نحن بجد عائلة وحدة؟ السلام عليكم ورحمة الله وبركاته انا بلاحظ اشي لما يسجل عضو جديد على المنتدى اول اش بحكيه انو حابب ينضم ل عائلة منتديات بنات فلسطين والكل بجاوبو انو هون كلنا عائلة واحدة هل نحن بجد هون عائلة وحدة ؟ لما احنا هون عائلة وحدة ليش الحقد والكرهية مالية قلوبنا على بعض ؟ شو الاسباب الي بتادي للكراهية بين الاعضاء ؟ مع انو احنا بنعرف بعض بس من وراء الشاشة اتمنى من الجميع التفاعل تحياتي للجميع |
والله ي انس كلامك مظبوط جدا بس لا تنسى انو بردو في اخوه بتوصل معهم لامور اكتر من الكراهيه ومش ضروري الكل يحبك او الكل يكرهك لازم تلاقي النوعين والي بيحبني حياه الله والي بيكرهني بلناقص منو مش زعلان ع حدا |
واللهي متلك انـآه بستغرب ! يعني مكآن هونـآإ لـآ بنعرف بعض و لشي ! ") ! ممكن انـآه بحكي إزآ في هيك نآس بكون الغيره السبب !! ") ! حلو التنآإفس بس مو لدرجة الكره هه ! أندآري بـ الأضآفةة لـرأي إيزل ☺ يسلمو صمت اللقآء ") ! وردة |
صمت اختياآرك بيجنن لانو واقعي ..' احنا فعلا مجتمعين بمكان واحدد وهيككا بس احنا في عنا اعضاء ممكن يحقدو ويكرهوا .. للاسف في ناس هيك .. بس احنا لازم نعيش حياتنا صح احنا مع بعض بهالمكان مابنا كره وحقد يكون بينا .. بنا حب واحترام واخلاص .. عوافي لالكم |
بتووقع أخووي أنس .. هييك مكان المفروض ما يكوون فيي أي كره أو حقد لأنو ببساطة ما منعرف بعض إلا من وراا هالشاشات فلي الحقد الدنياا ما بتستااهل وربناا يبعدهم عناا إليي في قلووبهم ذرة حقد حلوو النقاش أخووي إحترآآمـــي إلِك ..~ |
اول ما دخلت على المنتدى حبيته حسيتهم اسرة وحده لكن مع الوقت لما تعمقت اكتر بين الاعضاء لاحظت الكره والحقد بين الاعضاء ويمكن موضوع اعضاء خلف الكواليس هو اللي بين هالشي اكتر للاسف انس الكره والحقد موجود ويمكن سببه الغيره اكتر شي مين بده يكون افضل واحسن صراحة بستغرب من اللي بعملوه ومن كلامهم بامكانا نكون عائلة في هالمنتدى لو فكر كل انسان انه هادا عالم داخلين عليه لحتى نتسلى ونغير جو ونضيف اشيا ومعلومات جديده النا ليش ما تكون قلوبنا صافيه وتعاملنا كويس بالاخير نحنا هون لحتى نخفف من الضغوطات اللي بتعرض فيها بواقعنا وعم بنفوت لحتى نغير جو ونتسلى بتمنى من الكل ينسوا خلافاتهم ويكونوا فعلا اسرة وحده لانه ما في شي مستاهل نقاش في محله انس شكرا لانك طرحته |
اظن انس انك بالغت بالموضوع ما وصلت لدرجة الحقد والكره يعني يمكن سوء فهم بين الاعضاء وخلافات بسيطة بس ابدا ما بتوصل لدرجة الحقد بعدين حتى العيله بالواقع بتصير بينهم مشاكل فما بالك بمنتدى يجمع ناس من مختلف البيئات !!! ما تكبرو الموضوع وخلو للسماحة وللعفو مكان يسلمو للطرح صمت ورداتي |
مزبوط متل ما حكو اللي قبلي الغيرة اكتر سبب ليكرهو بعض اه لا تستغربو وانه الواحد فيهم بدو يكون هو لوحدو بالقمة بكلشي وياخد اللي بدو ياه لاله وكلها بالاخر مصلحة بمصلحة انا بحكي الاغلب بس في اعضاء مريحين راسهم متلي وما بتدخلو بشي مو الهم وفعلا خلف الكواليس اثبتلنا اديه درجة الكره والحقد مالية ع قلوب بعض الاعضاء بتمنى تتصفى القلوب ونكون نحب بعض اكتر طرحك بمحله انس يعطيك العافية |
اقتباس:
وانا بعرف انو في هيك ناس ومثل ما قال المثل لا الي حبك بنالك قصر ولا الي كرهك حفرلك قبر شكرا لحضورك خالد تحياتي الك |
مصالح شو الملاك !؟ وعن اي قمة بتحكو احنا بعالم افتراضي ي جماعة وﻻ في مصالح وﻻ قمم والغيرة شي طبيعي ومنو شي محرم بعدين موضوع وراء الكواليس حكو انتقادات وبصراحة المتلقي هو الي كبر الموضوع يعني لو حدا حكا عني مغرورة متلا بكون حاقد علي ؟؟! ﻻ طبعا |
| الساعة الآن 08:58 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.