طالعت غالبية ردود ومشاركات الأعضاء
ويبدو أن الكل متفق أننا مش عيلة واحدة

انا بصراحة ما كنت حابب أشارك في النقاش
لكن بما انك حاب تسمع رأيي فإسمع

أول شئ الحقد والكره وارد في أي مكان
سواء في عالم النت أو عالم الواقع
مثل ما أنت بتحب ناس في عالم النت وبتحب وجودهم وبتعتبرهم مهمين
ممكن يكون شعورك تجاه آخرين العكس
فالهوقت اعتقد اننا متفقين على أن المشاعر لا تتجزأ ولا تكون بمكان دون آخر
سواء نت او واقع
وما أحد يقول وراء شاشة
لأن ناس كثير كونت عائلة وأسرة من وراء الشاشة هذه

هذه نقطة

نقطة ثانية
ليش الكره والحقد موجود
سؤال جميل ووجيه


وأنا بسأل كل عضو بيكره أو بيحقد على عضو آخر
أنت ليش بتكره او بتحقد على العضو الفلاني
مختلف معاه في الرأي ، وجهة نظرك مخالفة لوجهة نظره ، أساء لك ، متجاهل وجودك ،
برأيي كلها مش مبررات حتى تحقد أو تكره عضو
إذا في عضو مختلف معاك في الرأي (لكل انسان رأيه وكل إنسان بيشوف الواقع من منظوره)
وجهة نظره مخالفة لوجهة نظرك ( هذا ما بيعني أنه على غلط وانك على حق )
أساء لك ( بإمكانك تعرفه غلطه وتضع حدود بينك وبينه حتى ما يتخطاها مرة ثانية )
متجاهل وجودك ( بإمكانك تتعامل معه بسطحية تامة مع بقاء الإحترام والحدود موجودة بينك وبينه )

وبعدين بوجهة نظري الإنسان اللي بيحقد أو بيكره إنسان ضعيف وقليل حيلة
في أشخاص كثير لا أحب وجودهم تمام / بإمكاني اتعامل معهم بسطحية وأكون لطيف معهم في نفس الوقت
وهذا مش نفاق
تعاملك بلطف مع شخص لا تحب وجوده ومضطر للتعامل معه لا يعني نفاقك وإنما يدل على أنك ناضج بما فيه الكفاية لتحمل هذا الشخص
وأتمنى من كل الأعضاء أنهم يتعاملوا مع بقية الأعضاء من هذا المنطلق

أنا كنت رقم واحد في المنتدى قبل ما أبيعه يعني المدير العام
أول عضو في المنتدى
تعاملت مع أعضاء كثير وشفت أعضاء كثير اختلفت مع أعضاء كثير وحظرت أعضاء كثير
لكن في نفس الوقت ما كرهتهم
وممكن يحصل سوء فهم بيني وبينك أو مشادة
وبعد ساعة تنزل موضوع تلاقيني برد على موضوعك وبشكرك عليه بكل أريحية وبدون أي حرج

فالمسألة مش محتاجة كره وحقد وبغض
احنا مش داخلين هنا حتى نكره ونبغض
مشكور صمت اللقاء على النقاش

لو سمحت اخي هل كان حبا
تعقيب بسيط لو ممكن
صحيح بتصير مشادات
واختلاف في الرؤى
وهادا شي طبيعي جدا
وبعدها منتقرب لبعض ومننسى
بحيث الواحد ما يحمل بقلبه شي
لكن اكون معك جدا صريح
مواضيع خلف الكواليس
بتعمل بعض الاشكالات
لو مش علي انا عند كتير اعضاء
هلا لا تحكيلي انتقاد ونصائح
انا شفت كلام بسم البدن
بخلي اي عضو يصير يحكي مع حاله
فانا رايي عشان لو حدا بكرهْ حدا مثلا
او مو عاجبه وجوده او ردوده او مواضيعه
يخلي هالشي لنفسه وما يطلقه للعلن
مش كل النفسيات متل بعض
في اعضاء ما بتحملو حدا يحكي عليهم كلمه
صحيح موضوع خلف الكواليس
بعمل حركه ولفت انتباه
لكن بعمل احباط عند البعض
لما حدا يدخل ويشوف اسمه
ما بحب تواجده
او ما بحب ردوده او مواضيعه
بصير يحكي مع حاله
صحيح بكون عضو من ضمن 100 عضو
لكن يا ريت
كل واحد عنده حساسيه ضد عضو
يخليها لنفسه
وبلا منها هيك مواضيع
ونكتر من الواضيع
الي بتجمع الاعضاء ما بتفرقهم
هادا رايي
انت بتعرف الواحد فينا
بدخل وقت قصير او حتى طويل
ليرفه عن نفسه وينبسط شوي
ويستفيد من معلومه او خبر
او يشارك براي
مش عشان يسمع راي الاخرين فيه
وشكرا يا ريت كون قدرت بين وجهه نظري

بدي أكون صريح ومتطاول هل مرة
أول سبب في الكره إنو البنات عندهم غيرة من بعض لكن ما بتبان
وكل بنت بتحكي مع شب بتخليه يحقد على البنت الثانية
للأسف بعض الشباب مستعد يخسر إحترام الجميع علشان خاطر بنت


ويبقى القول
المحبة والكره من الله
وبالنسبة لي كله موقع اول ما أسكر اللاب أو أسكر المنتدى
بنسى كل شي فيه


بس بدي أحكي نقطة مهمه
لازم ي شباب نكون أكثر رجولة
وي بنات نكون أكثر تحضر