|
الاسئلة : 1- بتحكي مع شباب ولا لا وما هي حدود علاقتك معهم بصراحة ؟راح احكي بصراحةة اكيد هون خلال مدة سنه تقريبا علاقتي مع كل الشباب محدودة الا اتنين ضفتهم فيس 2- هل من الممكن ان تحبين شخص عن طريق النت ومن دون ان تعرفي شخصيتة من تحبين أو حتى بعد ان تعرفين الشخصية ؟ اي ممكن / راح اتعرف عليه مع الوئت والكزب حبلو ئصير واخرتو ان كزاب راح يبين بس بدك تكوني حذرة 3-كم علاقة حب فاشله في حياتك حتى الآن وشو نصيحتك للبنات من خلال تجربتك بهيك علاقة فاشلة ؟ كان الي علاقتين وحدة ع ارض الواقع وخطبنا وتم فسخ الخطبه ووحدة ع النت وكمان فشلت الفشل ما بعرف نت او واقع في شي اسمو ئسمة ونصيب نصيحتي للبنات بس يكونو حذرين /النت وسيله تواصل وللتعارف ومنا شي حرام وﻻ عيب بس كوني حذرة شوي 4- يا ترى طلبتي تشوفي صورة شب على النت جاوبي بصراحة ؟ ﻻء ابدا 5- ما هي وجهة نظرك بالشباب اللي بيحكوو مع بنات على النت ؟ مين ما بحكي /الكل بحكي وما فيكم تغطو الشمس بغربال المفروض سؤالك يحدد شو نوع الحكي 6- خوف بعض الشباب من دخول خواتهم الى الانترنت والمنتدى ما رأيك في ذلك ؟ لانهم بكونو مبشعين بالنت ومفكرين الكل متلهم ناسيين انو في عالم نضيفة وبعدين ليش لالهم النت مسموح ولخواتهم ممنوع ؟!!! 7- هل حبيتي أو اعجبتي في شب من على النت ؟ اي اكيد 8- لو حبيتي وصارت علاقة حب مع شخص تصارحي أهلك في ذلك وادا لا السبب ؟ ازا وصل الموضوع لحد الارتباط اكيد راح صارحهم ما راح ارتبط من وراهم اكيد ههه 9- ما هي ردة فعلك ادا اخاك كشفك عم تحكي مع شاب ؟ اكيد راح يزعل وممكن يبهدلني واكيد انا راح ازعل ع زعلو بس ما بطلعلو يمنعني خصوصا انو عمري 21 سنه والي شخصيتي ومو تابعة لالو يناقشني ويحكي معي بمنطق 10- هل يحق لأخيك الاطلاع على جوالك وتفتيشه ومراقبتك وادا لا السبب ؟ طبعا ما بحئلو وﻻ بسمحلو الا ازا سمحلي هع 11- تسليتي بكام شاب وقلتيلوو بحبك وو وانتي اصلا ما بتحبيه ولا شي مجرد تسليه لا أكثر ؟ طريقة سؤالك مرفوضة صيغيه باسلوب راقي لاجاوبك 12- لماذا البنت لما تحكي مع شاب على النت بتعتبروا مثل اخوها اما الشاب بيفرق بينها وبين أخته ؟ هاد شي بيرجع للنيات وربنا اعلم بالنيات ممكن احكي مع شاب واعتبرو اخي واخي اكيد بحكي مع بنات وبعتبرهم خواتو بس بالنهايه لكل واحد ظروفو وبيئتو ما بزبط التشبيه اساسا 13- متى تقولي عن الشب انه مش محترم بصراحة ؟ ﻻزم اسئلتك تكون اكتر وضوح ع فكرة يعني ئصدك مو محترم واقع وﻻ نت ؟؟! 4- الخيانه يا ترى شو رأيك بالخيانه وخصوصا اذا كان شريك حياتك ؟ الخيانه اكتر شي بتوجع ومو بس من الشريك من الكل 15- كيف بتئدري تحكمي على الشب هنا بالمنتدى انه محترم وغير محترم بصراحة ؟ بطريئه اسلوبو وتعاملو مع الكل وبالنهايه الطبع يغلب التطبع ما تفكري انو احنا البنات غبيات ﻻ اطمني كتير واعيات وبنات جامعات وبنروح وبنيجي وفاهمين الدنيا 16- ما اهم المميزات التي تميز الشاب من وجهة نظرك أي ما هي مواصفات فتى احلامك المستقبلي ؟ غالبا بتمنى يكون صادق وكريم ومتعلم وع خلق ومستواه المادي مقبول يسلمو للاستضافة وبتمنى اكون ضيفة خفيفة الظل وارائي حتى لو اختلفنا فيها تحترميها تحياتي للجمييع .. |
1- بتحكي مع شباب ولا لا وما هي حدود علاقتك معهم بصراحة ؟بحكي بحدود 2- هل من الممكن ان تحبين شخص عن طريق النت ومن دون ان تعرفي شخصيتة من تحبين أو حتى بعد ان تعرفين الشخصية ؟ لا ابدا ما بأيد فكرة حب النت والتعارف والصداقات بين الشب والبنت هاي مش من مبادئي 3-كم علاقة حب فاشله في حياتك حتى الآن وشو نصيحتك للبنات من خلال تجربتك بهيك علاقة فاشلة ؟ لا ابدا انا مخطوبة وعلاقة معه الحمد لله ونصيحتي للبنات ما يوثقو بسهولة 4- يا ترى طلبتي تشوفي صورة شب على النت جاوبي بصراحة ؟ لا ابدا 5- ما هي وجهة نظرك بالشباب اللي بيحكوو مع بنات على النت ؟ مابعرف بس كل واحد والبيئة الي عايش فيها واخلاقو 6- خوف بعض الشباب من دخول خواتهم الى الانترنت والمنتدى ما رأيك في ذلك ؟ معهم حق لانو احيانا الانسان لما يكون يعاني من الفراغ يحس بالضعف ويمكن ينغر 7- هل حبيتي أو اعجبتي في شب من على النت ؟ لا ماحبيت ومابوثق بعالم النت بس في شباب ماشاء الله مابيختلطو كتير بالبنات وبيحكو بحدود بصراحة هدول اتمنى انو كل الشباب يكونو مثلهم 8- لو حبيتي وصارت علاقة حب مع شخص تصارحي أهلك في ذلك وادا لا السبب ؟ بيعرفو ههههه اكيد لازم يعرفو. هم ادرى بمصلحتي 9- ما هي ردة فعلك ادا اخاك كشفك عم تحكي مع شاب ؟ مارح يصير ان شاء الله 10- هل يحق لأخيك الاطلاع على جوالك وتفتيشه ومراقبتك وادا لا السبب ؟ عادي لانو بدو مصلحتي 11- تسليتي بكام شاب وقلتيلوو بحبك وو وانتي اصلا ما بتحبيه ولا شي مجرد تسليه لا أكثر ؟ لا كرامتي ومبادئي ماتسمحلي 12- لماذا البنت لما تحكي مع شاب على النت بتعتبروا مثل اخوها اما الشاب بيفرق بينها وبين أخته ؟ مابعرف 13- متى تقولي عن الشب انه مش محترم بصراحة ؟ ماتعاملت بحياتي مع شب وطلع مش محترم لانو اي خطوة لازم نعملها الف حساب 14- الخيانه يا ترى شو رأيك بالخيانه وخصوصا اذا كان شريك حياتك ؟ صعب هد السؤال لو يصارحني يمكن اسامحو اما اذا كلو من ورا ظهري فكل واحد بطريقو. 15- كيف بتئدري تحكمي على الشب هنا بالمنتدى انه محترم وغير محترم بصراحة ؟ من خلال طريقة تعاملو مع الاعضاء وتحفظو. 16- ما اهم المميزات التي تميز الشاب من وجهة نظرك أي ما هي مواصفات فتى احلامك المستقبلي يكون صريح ويتحمل هفواتي ومتحفظ شكرا الك ع الاسئلة بوركتي |
1- بتحكي مع شباب ولا لا وما هي حدود علاقتك معهم بصراحة ؟ بحكي، واكيد بتعداش الحدود، بس بعرفش ليش بتركزوا على عالم النت، ممكن بحياتي اليوميه اصادف كل يوم شب واحكي معه، اعطيكي مثال، لمن افوت ع الدكانه والبياع بيكون شب بضطر احكي لإنه هو البياع ! او بأي محل، مع زميلي فالجامعه لمن احتاج لشغله او مساعده ممكن اطلب منه لحتى اطلب لازم احكي معه، او فالبنك او فالبريد او وين ما كان، مش رح يكون في مشكله فالموضوع بالمره لمن اكون "اخلاق" وملتزمه حدودي والنيه صافيه وطيبه .. 2- هل من الممكن ان تحبين شخص عن طريق النت ومن دون ان تعرفي شخصيتة من تحبين أو حتى بعد ان تعرفين الشخصية ؟ مفش هيك حب اصلا، لمن احب انسان من النت وئتها لازم اعرف عنه كل صغيري وكبيري واشوفه فالواقع كمان، لإنه بالحب لازم يكون في واقعيه وجديه فالموضوع، غير هيك بتتسماش علائه حئيئيه بالمره .. 3-كم علاقة حب فاشله في حياتك حتى الآن وشو نصيحتك للبنات من خلال تجربتك بهيك علاقة فاشلة ؟ صحيح إنه مرتبطه هالايام بس لسه موصلتش للحب او للعشق لدرجه انه اموت عليه، يعني مفش جواب محدد ع سؤالك هدا، لإنه ما بعرف شو مصير العلاقه يللي انا فيها حاليا، يا بيصير نصيب يا بيصيرش نصيب، يللي كاتبو ربنا بدو يصير بالنهايه ولعله خير .. 4- يا ترى طلبتي تشوفي صورة شب على النت جاوبي بصراحة ؟ انا بركز ع معاملة اللي ئبالي وطريئه حكياته واسلوبه بكل اشي، هالشغلات اهم من الصور .. 5- ما هي وجهة نظرك بالشباب اللي بيحكوو مع بنات على النت ؟ ما بيهمني غيري شو بيعمل، لإني بآمن بشغله يللي هي "حريه شخصيه" .. 6- خوف بعض الشباب من دخول خواتهم الى الانترنت والمنتدى ما رأيك في ذلك ؟ من حقه بس لمن هو بيفوت عالنت وهي لاء صار في تناقض هون .. 7- هل حبيتي أو اعجبتي في شب من على النت ؟ الاعجاب دايما موجود بحياة الانسان، يعني ممكن كل يوم نعجب بشخص، والاعجاب مالو علائه فالحب، الاعجاب اشي والحب اشي تاني، اعجبت بأشخاص كتير، بأفكارون بأسلوبن بنمط حياتون، اما حالة حب لدرجة عشق؟ لسه موصلتش لهيك حاله .. 8- لو حبيتي وصارت علاقة حب مع شخص تصارحي أهلك في ذلك وادا لا السبب ؟ انا مرتبطه هالايام، واهلي بيعرفوا، طالما في حدود وثقه .. 9- ما هي ردة فعلك ادا اخاك كشفك عم تحكي مع شاب ؟ اخوي بينبسط لمن يكون هالشب ابن حلال، ودايما بيحكيلي إذا في شب ابن حلال ورايدك ليش لاء، بس اهم اشي يكون ابن عيله، لسه ما حكيتله عن الشب اللي مرتبطه فيه، اكيد رح ينبسط لمن ائله .. 10- هل يحق لأخيك الاطلاع على جوالك وتفتيشه ومراقبتك وادا لا السبب ؟ عنا فالبيت مفش حدا بتدخل بخصوصيات التاني، يعني هالشغله ولا مره صارت، لإنه كل واحد بيحترم خصوصيات التاني .. 11- تسليتي بكام شاب وقلتيلوو بحبك وو وانتي اصلا ما بتحبيه ولا شي مجرد تسليه لا أكثر ؟ مستحيل اعملها، مشاعر الناس مش لعبه .. 12- لماذا البنت لما تحكي مع شاب على النت بتعتبروا مثل اخوها اما الشاب بيفرق بينها وبين أخته ؟ ممكن اعتبره صديق مقرب او زميل، اما اخ بمعنى الكلمه؟ اكيد لاء لإنه ولا حدا زي اخواتي الثلاثه المتزوجين .. 13- متى تقولي عن الشب انه مش محترم بصراحة ؟ لمن يكون مش محترم، الجواب بالسؤال نفسه ! 14- الخيانه يا ترى شو رأيك بالخيانه وخصوصا اذا كان شريك حياتك ؟ كتير صعبه واكيد رح افوت بصدمه وحاله نفسيه، ممكن تنوجد بسبب عدة شغلات مش شغله وحده، اهمها عدم وجود ثقه وإهمال وكذب وشك فالعلاقه .. 15- كيف بتئدري تحكمي على الشب هنا بالمنتدى انه محترم وغير محترم بصراحة ؟ من خلال طريئة اسلوبه فالحكي وتعامله مع الغير بس رح يضل في علامة إستفهام وسؤال، هل شخصيته هون هيي نفسها فالواقع؟ حتى لو كان ئليل زوق واخلاق يمكن يكون عم بيمثل وعامل حاله هيك لحتى يوصل لهدف معين كل اشي ممكن !! عالم الواقع مختلف كليا عن عالم النت .. 16- ما اهم المميزات التي تميز الشاب من وجهة نظرك أي ما هي مواصفات فتى احلامك المستقبلي ؟ لمن يكون "إنسان" وئتها كل الصفات الحميده بتكمن بشخصيته، مش كل شخص بيستحق نئول عنه "إنسان" .. شكرا ع الاسئله .. :137: |
- كيف بتئدري تحكمي على الشب هنا بالمنتدى انه محترم وغير محترم بصراحة ؟ من خلال طريئة اسلوبه فالحكي وتعامله مع الغير بس رح يضل في علامة إستفهام وسؤال، هل شخصيته هون هيي نفسها فالواقع؟ حتى لو كان ئليل زوق واخلاق يمكن يكون عم بيمثل وعامل حاله هيك لحتى يوصل لهدف معين كل اشي ممكن !! عالم الواقع مختلف كليا عن عالم النت إجابةْ جَميلةْ جِداً تستحقيْ الثناءْ والشُكر عليها |
اقتباس:
اوك حبيبتي رح استضيفك بعد الأخت زين اوك يا عسوولة واهلا وسهلا فييكي بأي وئت نوورتي كتير كتير |
اقتباس:
واهلا وسهلا فييكي بأي وئت نوورتي يا عسوولة .. |
اقتباس:
5- ما هي وجهة نظرك بالشباب اللي بيحكوو مع بنات على النت ؟ مين ما بحكي /الكل بحكي وما فيكم تغطو الشمس بغربال المفروض سؤالك يحدد شو نوع الحكي .. اي صحيح كلامك ما انتبهت ئصدت على الخاص حبيبتي حكي حب وغزل لمليون بنت وكلو كزب .. *** 6- خوف بعض الشباب من دخول خواتهم الى اﻻنترنت والمنتدى ما رأيك في ذلك ؟ ﻻنهم بكونو مبشعين بالنت ومفكرين الكل متلهم ناسيين انو في عالم نضيفة وبعدين ليش ﻻلهم النت مسموح ولخواتهم ممنوع ؟!!! يا عيني علييكي هاد اللي بدي اوصلوو ويمكن ئد ما شافوو بنات بحياتهم وكلهن بينضحك علييهن بكام كلمه حلوه .. بس حابه احكيلهم مو الكل متل بعض .. 11- تسليتي بكام شاب وقلتيلوو بحبك وو وانتي اصﻼ ما بتحبيه وﻻ شي مجرد تسليه ﻻ أكثر ؟ طريقة سؤالك مرفوضة صيغيه باسلوب راقي ﻻجاوبك .. ليش مرفوضة على اساس كل البنات ما شاء الله كلهن اخلائ في هيك وفي هيك مو بالنت وغير النت وانا كلامي موجه مو بس للبنات اللي بالمنتدى بعرف محترمات وكمان للزائر يعني هدفي البنت تنظر لتصرفاتها مو اكتر *** 13- متى تقولي عن الشب انه مش محترم بصراحة ؟ ﻻزم اسئلتك تكون اكتر وضوح ع فكرة يعني ئصدك مو محترم واقع وﻻ نت ؟؟! انا حكيت متى يكون مو محترم بشكل عام على النت والواقع *** 15- كيف بتئدري تحكمي على الشب هنا بالمنتدى انه محترم وغير محترم بصراحة ؟ بطريئه اسلوبو وتعاملو مع الكل وبالنهايه الطبع يغلب التطبع ما تفكري انو احنا البنات غبيات ﻻ اطمني كتير واعيات وبنات جامعات وبنروح وبنيجي وفاهمين الدنيا .. بجد بتحكي الحمدلله اطمنت علييهن ههههه تضربي متى حكيت عنهن انهن مو واعيات ما شاء الله عليهن بس المشكله انه الفسئ كله من بنات الجامعات اعذريني على صراحتي انا كمان بنت جامعة وبشوف كيف تصرفاتهن بالجامعة بالجامعة البعض بلا اخلائ مو الكل والاخلائ ما بتعرف بنت جامعة او بنت مدرسه او او .. البنت المحترمة شو ما كانت بتضل محترمه .. 16- ما اهم المميزات التي تميز الشاب من وجهة نظرك أي ما هي مواصفات فتى احﻼمك المستقبلي ؟ غالبا بتمنى يكون صادق وكريم ومتعلم وع خلق ومستواه المادي مقبول . ان شاء الله تتزوجي ابن الحلال اللي يستاهلك يا ئمر *** يسلمو لﻼستضافة وبتمنى اكون ضيفة خفيفة الظل وارائي حتى لو اختلفنا فيها تحترميها .. حاضر من عيوني رح احترمها هههه طريئتك بالكلام مو حلوة بنوب اكيد رأيك وبحترموو يا عسولة وكل شخص حر برأيه وبكلامه ليش متى ما احترمت رأي حدا !! اجوبة جميلة وصريحة جدا كل الاحترام لك .. نوورتي يا عسولة تحيااتي .. |
اقتباس:
عئبال الفرحة الكبيره الله يخلييكم لبعض حبيبتي وكل الأحترام لألك ولصراحتك نوورتي يا عسولة تحياتي .... |
اقتباس:
حبييت اجاباتك وصراحتك يا عسوولة البنت لما بدها تحب بدها تكون ئد الحب وتصارح اهلها بكل شي لحتى يعرفووا عنها كل صغيره وكبيره وما تغلط او الشب يستغلها لأهداف معيينه .. الصراحة والثقة اهم من كل شي .. الله يخلييكم لبعض حبييبتي وتنتهي العلاقة بالزواج ان شاء الله .. كل الأحترام لألك نوورتي كتيير كتيير تحياتي .. |
رح أختار الاخت زين لحتى تجاوب على الأسئلة بكل صدق وصراحة .. بانتظارك اختي زين تحيااتي للجمييع .. |
| الساعة الآن 03:53 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.