|
جرأة شاب !! بداية الكلام السلام عليكم موضوعنا لليوم عبارة عن اسئلة للشباب وبتمنى من كل ئلبي تجاوبوو على الاسئلة بكل صدق وصراحة .. قبل ما استضيف أي شخص بدي من كل شخص يجاوب على الاسئلة يقول قبل .. والله العظيم أقول الحق .. اوك لحتى تكون صادق بالاجابه من دون لف ودوران .. الاسئلة بدها جرأة وصراحة يا اخوتي ..وبتمنى تجاوبوو بصراحة .. الاسئلة : 1- بتحكي مع بنات على النت ولا لا وما هي حدود علاقتك معهن ؟؟ 2- ويا ترى طلبت تشوف صورة بنت على النت جاوب بصراحة ؟؟ 3- ما هي وجهة نظرك بالبنات اللي بيحكوو مع شباب على النت ؟؟ 4- هل حبيت او اعجبت في بنت من ع النت ؟؟ 5- هل ترضى ان اختك تحكي مع شباب على النت وادا لا احكي لنا السبب ؟؟ 6- ما هي ردة فعلك لو لقيت أختك بتحكي مع شب على النت والسبب ؟؟ 7- وبترضى ان أختك تحب شاب من ع النت وادا لا احكي لنا السبب بصراحة ؟؟ 8- هل ترضى ان اختك تفرجي صورتها لشاب على النت وادا لا السبب ؟؟ 9- لماذا البنت لما تحكي مع شاب على النت بتعتبروا متل اخوها اما الشاب بيفرق بينها وبين اخته لا تحكيلي غلطانه جاوب على السؤال بصراحة ؟؟ 10- متى تقول عن البنت انها مش محترمة بصراحة ؟؟ 11- اتسلييت بكام بنت وقلتلها بحبك ووو وانت اصلا ما بتحبها ولا شي مجرد تسليه لا اكتر كنت بتضيع وئت بصراحة ؟؟ 12-كيف بتئدر تحكم على البنت هنا بالمنتدى انها محترمة وغير محترمة بصراحة ؟؟ 13- هل ترضى أن تسجل اختك في المنتديات وتشارك وادا لا احكي لنا السبب بصراحة ؟؟ 14- لو انت روميوو تختار مين تبقى جولييت .. مواصفات شريكة حياتك التي ترغب الإرتباط بها ؟؟ تحيااتي للجمييع .. |
أتوقع 2 بس يجآوبـو و البآقي ح يهربو هيهيهي ")) ! بدي إالنـآ كمآن متل هيك آسئلةة ئي :p حبيت الأسئلةة و أكيد ح كون متآبعةة ") ورده |
والله الأسئلة خيتيي بدها جرئة زآيدة .. لأنها مو بسييطة .. بتمنا فعلا يكونو صريحيين لحتى نشوف نظرت شباب بلادنا أو غيييرهم تمنياتيي بالتوفييييق وربييي يسهل هالأسئلة عليييهم وردآتييي إلك خيتيي ويعطيك العافيية ...~~ |
اقتباس:
معقوول ههههه !! لا ما في هروب الكل بدوو يجاوب على الاسئلة وبصدق وصراحة :75: وكل الاحترام لكل شخص يجاوب بصدق من دون لف ودوران .. واكيد حبييبتي رح اعمل موضوع خاص للبنات وبدها جرأة بس مو اليوم مرة ثانيه حبيبتي ان شاء الله رح تعجبكم كتير .. شكرا لمروورك حبييبتي نوورتي .. |
لي عوده للاجابات انا كتبت نص الاجوبه لكن ادن المغرب مضطر اخرج |
1- بتحكي مع بنات على النت ولا لا وما هي حدود علاقتك معهن ؟؟ بحكي بحدود الصداقه والاخوه واكيد الي بحكي معهم هون شايفين كلامي لانهم كلهم من المنتدى ما في حدا غريب 2- ويا ترى طلبت تشوف صورة بنت على النت جاوب بصراحة ؟؟ طلبت لكن في الاغلب انا ببعت صورتي وبطلب اي صوره منها حتى لو كانت محجبه مهو عشان ما اكون بحكي مع بنت بفكرها انثى بالاخر يطلع ابن عمي جعفر الي بحبني ههههههههههه 3- ما هي وجهة نظرك بالبنات اللي بيحكوو مع شباب على النت ؟؟ ما في اي اعتراض طالما البنت محترمه نفسها وهو محترم نفسه معها 4- هل حبيت او اعجبت في بنت من ع النت ؟؟ ايون صار هالشي 5- هل ترضى ان اختك تحكي مع شباب على النت وادا لا احكي لنا السبب ؟؟ انا اختي تعرفت على شب وتزوجته عن طريق النت طبعا بواسطه اخته وهلا عندها 3 ولاد وعايشه احلا عيشه لكن مش مقياس تجربه ونجحت 6- ما هي ردة فعلك لو لقيت أختك بتحكي مع شب على النت والسبب ؟؟ لو انا بثق فيها وعارف انها متربيه ما رح احكي شي انا عمري ما فت على اختي الا ادق الباب قبل افوت لاني متاكد من اخلاقها وكبر عقلها يعني لما اسمحلها تروح الجامعه وتختلط بالشباب بدي امنعها تحكي عالنت 7- وبترضى ان أختك تحب شاب من ع النت وادا لا احكي لنا السبب بصراحة ؟؟ شوفي الموضوع مربك مش كل الناس متل بعضها ولا كل المجتمعات متل بعضن انا عن نفسي ما بحب اختي تحب عالنت لكن الشي لو تم وصار ومتل ما فهمتك قبل واتفقو واجا خطبها واتزوجها خلص انا ما عندي مانع 8- هل ترضى ان اختك تفرجي صورتها لشاب على النت وادا لا السبب ؟؟ بصراحه لا ما برضى لانه مش كل الرجال برتكن عليهم في منهم ولاد حرام 9- لماذا البنت لما تحكي مع شاب على النت بتعتبروا متل اخوها اما الشاب بيفرق بينها وبين اخته لا تحكيلي غلطانه جاوب على السؤال بصراحة ؟؟ يعني انتي خليتي كل البنات ملائكه في علاقاات اخوه وفي صداقه وفي حب وفي جنون مو كل الناس متل بعضها ومش كل الناس ملائكه ولا كلهم شياطين وكل علاقه من بداياتها معروف الهدف منها يا اللعب يا الصدق وهالشي مو صعب اكتشافه يعني ما شاء الله بنات اليوم مو سهل ينضحك عليهم 10- متى تقول عن البنت انها مش محترمة بصراحة ؟؟ لما تحب واحد وتترك واحد وتتنقل من حضن لحضن لمجرد المتعه وما هدفها لا حب ولا زواج ولا ارتباط بتكون مش محترمه 11- اتسلييت بكام بنت وقلتلها بحبك ووو وانت اصلا ما بتحبها ولا شي مجرد تسليه لا اكتر كنت بتضيع وئت بصراحة ؟؟ انا حبيت 4 مرات عالنت وبصدق ولا ضحكت على حدا كل بنت كان هدفي منها الارتباط لكن للاسف ولا حب تكلل بالنجاح 12-كيف بتئدر تحكم على البنت هنا بالمنتدى انها محترمة وغير محترمة بصراحة ؟؟ الشغله سهله ما بدها شطاره البنت المحترمه ببان من كلامها ولعلمك كل البنات الي معنا هون محترمات وجدا كمان حتى البنت الدلوعه بتدلع لانها بنت لكن اكيد ما بتقصد اي شي بدلعها او بكلامها الناعم هي هيك شخصيتها نيجي نحكي عنها دلوعه ومش متربيه لاااااااا لازم نحسن الظن بالجميع 13- هل ترضى أن تسجل اختك في المنتديات وتشارك وادا لا احكي لنا السبب بصراحة ؟؟ اختي كانت مديره منتدى قبل تتزوج 14- لو انت روميوو تختار مين تبقى جولييت .. مواصفات شريكة حياتك التي ترغب الإرتباط بها ؟؟ انا خترت وخلاص وبكره كتب كتابي ما في داعي احط مواصفات شكرا للاسئله بدها جرأه فعلا |
اقتباس:
بصراحة انا ئصدت احط هيك اسئلة جريئة جدا وبصراحة انا كتبت الاسئلة لانه عم بتدور في رأسي من زمان وحابه اعرف اجابتها وكيف ينظرون لبنت النت والمنتدى وعلى أي اساس يحكمون بأنها غير محترمه .. مو الكل بس الأغلبيه !! كتير عم بسمع هاد الكلام وحابه اعرف السبب .. واختك يا ترى غير عن كل البنات .. وبعمرك نظرت الى تصرفاتك وتنتقذ نفسك قبل ان تنظر لتصرفات الآخرين وتنتقدهم .. خليينا نشوف شو رح يجاوبوو على الاسئلة حتى نعرف انهم على حق ام ماذا .. نورتي يا عسوولة تحياتي لك |
ليش احنا الرجال دائما متهمين وتحت المجهر الاصل تكون الاسئله كمان للبنات عشان يكون في عدل احنا بهمنا نعرف رايهم فينا وكيف عم يفكرو بعلاقاتهم معنا سواء صداقه او اخوه او حب |
شكرا اخي مؤيد على صراحتك وكل الاحترام لك..نورت اخي رح اختار شخص حتى يجاوب على الاسئلة وبكل صدق وصراحة تحياتي للجمييع .. |
اقتباس:
رح يكون في اسئلة جريئة جدا للبنات قريبا ان شاء الله ولا يهمك تحيااتي .. |
هلئ رح اختار الأخ الصياد لحتى يشارك ويجاوب على الاسئلة بكل صدق وصراحة ... بانتظارك اخي الصياد ... |
- بتحكي مع بنات على النت ولا لا وما هي حدود علاقتك معهن ؟؟ قليل جدا ونادر م بكون في علاقه بس لشي محدد 2- ويا ترى طلبت تشوف صورة بنت على النت جاوب بصراحة ؟؟ لاء طبعا 3- ما هي وجهة نظرك بالبنات اللي بيحكوو مع شباب على النت ؟؟ م بعرف بس الشي مش عادي خالص يعني الي عندها 20 شب وبتقلك هدول اخواتي هادا بنسبالي استهبال اخواتك ببيتك مو بلنت 4- هل حبيت او اعجبت في بنت من ع النت ؟؟ اه 5- هل ترضى ان اختك تحكي مع شباب على النت وادا لا احكي لنا السبب ؟؟ لا طبعا م برضى ليه لانو اختي غاليه جدا هتكون عليا ومش اي حدا يقدر يحكي معاها وتكون سهله والتعرف عليها سهل 6- ما هي ردة فعلك لو لقيت أختك بتحكي مع شب على النت والسبب ؟؟ م بيصير هلشي انا متأكد لانو احنا بشكل عام اتعودنا م نكون شي سهل بلعكس 7- وبترضى ان أختك تحب شاب من ع النت وادا لا احكي لنا السبب بصراحة ؟؟ لاء طبعا لانو حب سهل م في صعوبه نهائيا ومتل م حبها بسهوله هيتركها بردو بسهوله وانا م بخلي وم بسمح لحدا يجرح اختي هادا طبعا لو كان عندي اخت 8- هل ترضى ان اختك تفرجي صورتها لشاب على النت وادا لا السبب ؟؟ محلاني وانا راضي شو سبب لانو اختي مش فرجه لكام من شب م ألو لا شغله ولا عمله غير يطق حنك 9- لماذا البنت لما تحكي مع شاب على النت بتعتبروا متل اخوها اما الشاب بيفرق بينها وبين اخته لا تحكيلي غلطانه جاوب على السؤال بصراحة ؟؟ عنجد اكتر كلمه بتستفزني انتا متل اخي ي شيخه اخوه مين هادي ؟؟؟ ارحمونا عنجد هادي كلمه البنت بتضحك فيها ع حالها بس عشان تحكي مع شباب كتيره بتتعرفلي ع 50 شب وانتو والله متل اخواني 10- متى تقول عن البنت انها مش محترمة بصراحة ؟؟ لما تكون من شب لشب ورخيصه ومايعه ودلوعه بزياده 11- اتسلييت بكام بنت وقلتلها بحبك ووو وانت اصلا ما بتحبها ولا شي مجرد تسليه لا اكتر كنت بتضيع وئت بصراحة ؟؟ اعوذ بلله من هيك شي انا م بتسلى ببنات الناس ومتل م بحكي دايما الله يستر ع جميع البنات والي بيعمل هيك شي بيكون ابن حرام 12-كيف بتئدر تحكم على البنت هنا بالمنتدى انها محترمة وغير محترمة بصراحة ؟؟ من طريقه حكيها عن نفسها وبطريقه مزحها مع الشباب 13- هل ترضى أن تسجل اختك في المنتديات وتشارك وادا لا احكي لنا السبب بصراحة ؟؟ تشارك اه وين المشكله بس بقسم ألعاب واستراحه واترك م بقلبك وابصر شو لا طبعا اسرارها بضلها معاها مش تكون عرض مباشر لناس تانيه 14- لو انت روميوو تختار مين تبقى جولييت .. مواصفات شريكة حياتك التي ترغب الإرتباط بها ؟؟ والله م بفكر بهلموضوع نهائيا شايلو من راسي اسئله مش جريئه كتير حاولت كون صريح كتير بس م اجرح بحدا وهيك طلع معي ي ريت م كون ضيف تقيل |
سوري اني جاوبت م كنت بعرف انو بلاختيار لو بدك احزفيه للرد |
رؤعةُ موضوعُ يعطيكُ العافيةُ متابعةُ |
يعطيكم العآفيية ..~~ |
1- بتحكي مع بنات على النت ولا لا وما هي حدود علاقتك معهن ؟؟ كنتَ بس بهذا الوقت قليل اذا حكيت مع حداَ سواء بنات او شبابَ والحدود بس المعرفة وقوتهـآَ 2- ويا ترى طلبت تشوف صورة بنت على النت جاوب بصراحة ؟؟د لا ما سبقَ وطلبتَ بس مع الثقةَ ببعتوآ بدون طلبَ " مش الكل " لكن بعمري ما طلبت صورة بنت 3- ما هي وجهة نظرك بالبنات اللي بيحكوو مع شباب على النت ؟؟ اذا حكيتَ بوافق ع هالشيءَ بكون كذاب , لكن لو حكت يكون بآطار الآحترام والآخوةَ 4- هل حبيت او اعجبت في بنت من ع النت ؟؟ صآر 5- هل ترضى ان اختك تحكي مع شباب على النت وادا لا احكي لنا السبب ؟؟ ما برضى , السبب لانه الاغلبية منـآ .... 6- ما هي ردة فعلك لو لقيت أختك بتحكي مع شب على النت والسبب ؟؟ راح تكون رد غير عادي ومش متوقع ., 7- وبترضى ان أختك تحب شاب من ع النت وادا لا احكي لنا السبب بصراحة ؟؟ مابرضى لا نت ولا غيرهَ الاغلبية ما بنوثقَ فيهمَ بالنتَ وبالاخير راح يطلع الها بنظرة سلبية وهيتزوج وحدة تانيةَ 8- هل ترضى ان اختك تفرجي صورتها لشاب على النت وادا لا السبب ؟؟ لا نت ولا غير النتَ لاني بالاساس ما بقبل انهـآ تحاكيَ شباب " لانهَ اكثر .... " 9- لماذا البنت لما تحكي مع شاب على النت بتعتبروا متل اخوها اما الشاب بيفرق بينها وبين اخته لا تحكيلي غلطانه جاوب على السؤال بصراحة ؟؟ عشـان ما تتحرمَ عليهَ اذا كانَ بده يحبهـآ هههه ما بعرفَ لانه انا اعتبرت اكثر من بنتَ آختي َ.. 10- متى تقول عن البنت انها مش محترمة بصراحة ؟؟ وقتَ مـآ يكونَ الحياءَ انعدمَ فيهـآ وضيعتَ آخلاقهآ وصار تعاملهآ مع الشبَاب بدونَ حدودَ .. 11- اتسلييت بكام بنت وقلتلها بحبك ووو وانت اصلا ما بتحبها ولا شي مجرد تسليه لا اكتر كنت بتضيع وئت بصراحة ؟؟ مـأ بعمريَ تسليتَ بحدآ وما بعمريَ بلشتَ بالحبَ مع حدآ من طرفيَ .. 12-كيف بتئدر تحكم على البنت هنا بالمنتدى انها محترمة وغير محترمة بصراحة ؟؟ حديثهـآ واسلوبهـآ بالحكيَ طريقةَ مشاركاتهآ مع الاعضاءَ الشبابَ وردهآ عليهمَ ومثل ما حكىَ مؤيدَ كل العضوآت هنآ محترمآت كثير ., 13- هل ترضى أن تسجل اختك في المنتديات وتشارك وادا لا احكي لنا السبب بصراحة ؟؟ لا والسببَ لانه بكل منتدى بدخلهَ بكون اغلبية الشباب المسجلينَ غرضهم البناتَ مش المشاركةَ 14- لو انت روميوو تختار مين تبقى جولييت .. مواصفات شريكة حياتك التي ترغب الإرتباط بها ؟؟ ما سبقَ وفكرتَ كيف بدي تكون الشخصيةَ الا راح ارتبطَ فيها َ ما بهمنيَ كيف تكونَ الآهم آخلاقهآ والآحترام يسلموآ ع الفكرة والاسئلةَ وهي فعلنَ جريئةَ وبآغلبيتها مربكةَ . ممكن اكون مآ جاوبتهآ بصراحة 100% يعطيكِ العافية .. |
ههههههههههههه يا خراشي وجهك احمر يا محمود عادي يا زلمه جاوب ما فيها شي وي وي يا ريت تجيبو ابو شكري يجاوب |
ههههه انتَ شوفتوا احمر لانو انا شتفووَ اخضر ع ازرق هههه |
اقتباس:
اكيد يا شيخ مو متل اخي بنوب وما حدا بيئدر يكون متلوو ابدا انتوو ذئاب مو اكتر وغرباء طبعاا هاد رأيي وهاد اللي بدي اوصلو انه ما في شي اسمه اخي غير الأخ من امي وابي واكيد لما احكي اخي احترام لا اكتر وفهمك كفايه ... والاختلاط وين ما كان بالجامعة وغيروا بس الشاطرة اللي بتعرف تواجه وتحط حدود للغرباء .. وهدفي اني فرجي البنات حقيقة الشباب وانه اهم شي يا صبايا الاخلائ الاخلائ انتبهي على تصرفاتك واخلائك لانه كنز لا يتعوض بالنسبه لقسم الالعاب انا بحبوو كتير ومو شايف شي غلط بهاد القسم بما اني حاطه حد بيني وبين أي شخص .. كل الاحترام لألك ولصراحتك وصدقك تحياتي لك ... |
اكيد يا شيخ مو متل اخي بنوب وما حدا بيئدر يكون متلوو ابدا انتوو ذئاب مو اكتر وغرباء طبعاا هاد رأيي وهاد اللي بدي اوصلو انه ما في شي اسمه اخي غير الأخ من امي وابي واكيد لما احكي اخي احترام لا اكتر وفهمك كفايه ... مش اخوتك مقبوله مع انه اخوه في الدين والوطن والدم لكن ذئاب هاي مردوده عليكي لا تجمعي الشباب كلهم في سله وحده عشان ما احكي شي تزعلي منه يعني ما شاء الله انتو البنآت كلكم ملائكه ونحنا شياطين احنا ذئاب وانتو ضحايا طيب المهم خلي بالك من نفسك واوعي ذئب يفترسك سلامتك |
اقتباس:
اجوبة جميلة جدا ومقنع ولكن اختلف معك في نئطة انه ما بتسمح لأختك تسجل وتشارك في المنتديات يا اخي البنت المحترمة لو كانت بين مليون شب بتضل صاينة حالها ومحترمه .. واللي بتخاف الله مستحيل تعمل شي يغضب الله .. متلا الجامعة فيها اشكال وألوان شباب وبنات واختلاط واساتذة .. ولكن البنت المحترمة هي اللي بتحط حدود مع الناس كيف يتعاملو معها وبتمنع أي شخص الاقتراب منها .. على كل انت حر والله يستر على جميع البنات آمين يارب .. كل الاحترام لالك ولصراحتك وصدقك تحياتي لك .. |
اقتباس:
اول شي قبل لا تعلق على كلامي تفضل حضرتك وعلق على كلام الاخ ايزل لما قال .. عنجد اكتر كلمه بتستفزني انتا متل اخي* ي شيخه اخوه مين هادي ؟؟؟ ارحمونا عنجد هادي كلمه البنت بتضحك فيها ع حالها بس عشان تحكي مع شباب كتيره*.. ولا الشباب عادي يحكوو شو ما بدهم مسموح وممنوع حدا يرد عليهم لا اخي بدي اعلق واحكي شو ما بدي وانا هييك نظرتي لكل شخص بيحكي هييك شي ادا مو متل اختوو لكان متل شوو !! كلمة ذئب قليله جدا على هيك ناس .. اللي ما يحترمني ما بحترمووا بنوب وثاني شي هاد الرد موجه للاخ ايزل على كلامه مو لألك لهيك لا تتفلسف ولو بجد اخي كان رديت على كلامه بطريئة تفش الغل يمكن انت فهمت كلامي غلط ثالث شي شكرا على النصيحة الله يبعدهم عني جمييعاا رابع شي ما عاش اللي يفترسني خامس شي اللي بدوو يعلق على كلامي ويرد بدوو يتحمل ردي واكيد سلامتي من كل شر هاد اللي عندي قلته تحياتي .. |
اقتباس:
نوورتي يا عسولة واهلا وسهلا فييكي بأي وقت ربي يسعدك ... |
هلئ رح أختار الاخ بلوك ع البشر لحتى يشارك ويجاوب على الاسئلة بكل صدق وصراحة .. بانتظارك اخي بلوك ع البشر تحياتي للجمييع ... |
1- بتحكيمع بنات على النت ولا لا وماهي حدود علاقتك معهن ؟؟ لا ,لاعلاقتي لي بهن 2- ويا ترى طلبت تشوف صورة بنت على النت جاوببصراحة ؟؟ لاوالله ماحصل ولا احب ان افعل هذا وان فعلت هذا لست رجلاً 3- ما هي وجهة نظرك بالبنات اللي بيحكوو مع شبابعلى النت ؟؟ فاضيات ولعبات وكذالك الشباب والشيطان مستمر بالأغواء 4- هل حبيت او اعجبت في بنت من ع النت ؟؟ نعم اعجبت بأسلوبها وطيبتها فقط من غير الحب 5- هل ترضى ان اختك تحكي مع شباب على النت وادا لااحكي لنا السبب ؟؟ لا ما ارضى لأختي الشي هذا لان اختي شرفي وعرضي واجب احفظ عليه 6- ما هي ردة فعلك لو لقيت أختك بتحكي مع شب علىالنت والسبب ؟؟ أقطع رأسها 7- وبترضى ان أختك تحب شاب من ع النت وادا لا احكيلنا السبب بصراحة ؟؟ هذا اذااختي عندها نت لا والف لا 8- هل ترضى ان اختك تفرجي صورتها لشاب على النتوادا لا السبب ؟؟ لايرضاه مسلماً عاقلاً اختي هذي ولن ارضى عليها بالسوء 9- لماذاالبنت لما تحكي مع شاب على النت بتعتبروا متل اخوها اما الشاب بيفرق بينها وبيناخته لا تحكيلي غلطانه جاوب على السؤال بصراحة ؟؟ البنت مهما تفعل الأضواء عليها امالشاب مهما يفعل ماحد ينتقده هنا المشكله 10- متى تقول عن البنت انها مش محترمة بصراحة ؟؟ ان كانت ذات تبرج وسفور وأظهار مفاتنها والله يستر على بنات المسلمين 11- اتسلييت بكام بنت وقلتلها بحبك ووو وانت اصلاما بتحبها ولا شي مجرد تسليه لا اكتر كنت بتضيع وئت بصراحة ؟؟ لاماحصل انا انسان انصح لا اتسلى 12-كيف بتئدر تحكم على البنت هنا بالمنتدى انهامحترمة وغير محترمة بصراحة ؟؟ الاخوات هنا محترمات جداً 13- هل ترضى أن تسجل اختك في المنتديات وتشارك وادالا احكي لنا السبب بصراحة ؟؟ ههههه والله انك مشكله يا اختي ورده لا اكيد لان اناتربيت ببيئة لاتعرف النت اصلاً 14- لو انت روميوو تختار مين تبقى جولييت ..مواصفات شريكة حياتك التي ترغب الإرتباط بها ؟؟ ذات القلب الصافي والعقل الرائع هذايكفيني يعطيكالف عافيه اختي ورده اسئله جميله صراحه |
بما انك ما بتحكي مع بنات وما عندك سوابق كل الاحترام والتقدير لشخصك .. اجوبة جميلة جدا من انسان محترم ولك الحق بكل شي قلته .. تحياتي لك ولصدقك وصراحتك ... وأي شخص يحب ان يجاوب على الاسئلة يتفضل .. اهلا وسهلا فييكم جمييعاا بأي وقت .. وبأنتظار الأخ بلوك ع البشر لحتى يجاوب على الاسئلة بكل صدق وصراحة تحيااتي للجميييع ... |
انتي صاحبه الموضوع ورده مو من حقي اعلق على اي عضو انتي فقط صاحبه الحق للتعليق على كل الاعضاء الي رح يشاركو عشان هيك انا رديت عليكي انتي ولانك ما علقتي على اول مشاركه الي لاني اول واحد رد عاسئلتك خطر في بالي انه ما عجبتك اجوبتي لهيك نزلتي بساحتنا وحكيتي ذئاب انا حكيت كلام ضمن الاصول والادب وما خرجت عن القانون اختي وبتضلي اختي ان رضيتي ولا ما رضيتي لانه كلنا اخوه في الاسلام واكيد الاخ الحقيقي ما بتعوض يمكن انا فهمت الرد للجميع مو لشخص محدد كمان انتي ما بصير تحكيلي لا تتفلسف خففي من الحده شوي انا عارف شو بكتب موفقه بضيوفك |
اقتباس:
لا اخي رديت عليك يمكن انت ما انتبهت واجوبتك جميلة جدا وبكفي احترامك للبنات تحياتي لك |
موضوع جرئ جدا يسلمو غاليتي متابعة معكم ودي |
بتحكي مع بنات على النت ولا لا نَعمْ وما هي حدود علاقتك معهن ؟؟ مَعْ 3 أشخاصْ بَحكيْ فَقطْ لا غيرْ = معروفينْ 2- ويا ترى طلبت تشوف صورة بنت على النت جاوب بصراحة ؟؟ نعمْ 3- ما هي وجهة نظرك بالبنات اللي بيحكوو مع شباب على النت ؟؟ انْ كانَ جوابيْ بالسلبْ فهذا يعنيْ أني انافضْ نفسْ لاني أتحدثْ معهمْ لهذا جَوابي كَ التاليْ لا يمنعْ انْ تتحدثْ ولكنْ بحدودٍ تضعُها هيَ بحيثُ لا تتعداها أبداً ويكونُ مُحتوي الحَديثْ في أمورٍ علميةْ وثقافيةْ بحيثُ يستفيدْ كِلا الطرفينْ ولا يمنعُ ايضاً الناحية العاطفيةْ ان كانتْ صادِقةْ 4- هل حبيت او اعجبت في بنت من ع النت ؟؟ نعمْ حَبيتْ وأعجبتْ 5- هل ترضى ان اختك تحكي مع شباب على النت وادا لا احكي لنا السبب ؟؟ كَما يُقالْ كَما تُدينْ تُدانْ ولكِنْ لا أعلمْ فنحنُ مجتمعُ شَرقيْ يغارُ على عِرضهِ كثيراً فَلا نقبلْ أنْ يُدنسْ أحدْ قٌداسةْ هذهِ الرابطة =العائلةْ يكفيْ لا أريدْ الخوضْ في امورٍ قدْ تُجرح البعضْ 6- ما هي ردة فعلك لو لقيت أختك بتحكي مع شب على النت والسبب ؟؟ هُناكْ شُروطْ للعقابْ وهيَ تبدأ بالنصحْ وتتوسطْ بالزجرِ والتهديدْ كَأن أخبر الوالدْ وانْ لمْ تكُفُ عن ذلكْ و تنتهيْ بالعقابْ البدنيْ 7- وبترضى ان أختك تحب شاب من ع النت وادا لا احكي لنا السبب بصراحة ؟؟ بِ الطبعِ لا بلا مؤاخذةْ أنْ قبلتْ بذلكْ فَ سأسْقُطْ من نظرِ المجتمعْ وممنْ حَوليْ كَوننا مجتمع شرقي مُحافِظْ يغارُ على عِرضِهْ 8- هل ترضى ان اختك تفرجي صورتها لشاب على النت وادا لا السبب ؟؟ نفسْ الجوابْ السابِقْ بالرغمْ من أنّها تَخرُجْ كثيراً وغيرُ مُنقبةْ ويراها الكثيرْ ولكن هذا يختلفْ فَ رُبما انْ ارتهُ الصورة عبر الانترنتْ تكونُ النتيجة صعبةْ وتتفاقمْ بالتدريجْ كانْ يَبدأ بالمغازلةْ وتنتهيْ بالمقابلةْ 9- لماذا البنت لما تحكي مع شاب على النت بتعتبروا متل اخوها اما الشاب بيفرق بينها وبين اخته لا تحكيلي غلطانه جاوب على السؤال بصراحة ؟؟ هههـ مينْ قالْ هيكْ هيَ تستطيعْ أنْ تُحددْ نوع وطبيعةْ العلاقةْ فيما بينهمْ لا أحدْ يستطيعْ جبرها على شئْ وانْ كانَ ذلكْ من طرف واحد كان تعتبرهُ أخاها ويعتبرها حبيبتهِ 10- متى تقول عن البنت انها مش محترمة بصراحة ؟؟ عندما تستغني عن الحياءْ والخجلْ وتتبدد أسمي معالمْ الأخلاقْ 11- اتسلييت بكام بنت وقلتلها بحبك ووو وانت اصلا ما بتحبها ولا شي مجرد تسليه لا اكتر كنت بتضيع وئت بصراحة ؟؟ ما اتسليتْ بسْ حبيتْ مرتينْ 12-كيف بتئدر تحكم على البنت هنا بالمنتدى انها محترمة وغير محترمة بصراحة ؟؟ عنِدما تجعلْ من قلبِها مرسيْ ترسو فيهِ كُلّ سفينةْ 13- هل ترضى أن تسجل اختك في المنتديات وتشارك وادا لا احكي لنا السبب بصراحة ؟؟أختيْ ما بتقعدْ ع النتْ الا للضرورةْ كَ بحوثْ علميةْ والخْ 14- لو انت روميوو تختار مين تبقى جولييت .. مواصفات شريكة حياتك التي ترغب الإرتباط بها ؟؟ تحيااتي للجمييع . جَميلةْ جِداً خلوقةْ تمتلكْ من الحسِ الفكاهيْ الشئْ القليلْ بحيثُ لا تتعدي نطاق الخجلْ والحياءْ الها غمازاتْ طيبة القلبْ تغارْ ولكنْ بحدودْ وبِشكلْ منطقيْ وموظفة ههههـ تنكح المراة لاربع لجمالها ولمالها ولحسبها ولدينها فاظفر بذاتِ الدين تربتْ يداك ههـ شكرا ع الاستضافةْ اسئلة صعبة وجريئةْ بشكل مش طبيعيْ هههههـ تعيديهاش. |
إجابات صريحة راقت لي ربنا يحفظ جميع بنات المسلمين يعطيك العافية بلوك على البشر وردة..موضوع جميل وجريء في نفس الوقت بالتوفيق للجميع |
انتي م بتعرفيني لهيك م رح رد عليكي احنا ذئاب متل م بدك وانتو ملائكه الارض احنا الي بننشر الرزيله بلمجتماعات احنا اكثر اهل النار بس بدي اطلب منك طلب وتكوني جريئه وصريحه روحي قولي لاخوكي الحقيقي انا عندي 5 شباب ع الفيس متل اخوتي شوفي شو راح يرد عليكي لما تقرأي لالي رد حاولي تفهمي معناه م قدرتي هادا مش مشكلتي |
صحيحْ ايزيل نجنُ مجتمعْ شَرقيْ لا يَقبلْ الامور المشينةْ خاصة تلك التي تتعلق بالاخلاق والشَرفْ |
منا عارف اخي بلوك .... بس في ناس بتحب تعارض مش اكتر وانا مش من النوع الي بلاحق يعني لو بدها ترد ع ردي وتغلط خلص بنسبالي انتهى النقاش |
اقتباس:
نورتي حبيبتي ربي يسعدك |
اقتباس:
شكرا اخي لصراحتك وصدقك تحياتي لك |
اقتباس:
آمين يارب ..شكرا لمروورك الجمييل نوورتي حبيبتي .. |
اقتباس:
رح ارد عليك بكل ثقة بما انه ما عندي اخ والمسؤول عني هم عمامي وانا ما بستضيف أي شخص حتى بنات ولا يمكن .. فقط لصديقاتي واهلي وعمامي يعني بيعرفوو كل شي .. ولو حكييت لهم متل ما انت حكيت اكيد رح يزعلوو مني بس رح يوثقوو اكتر لاني صارحتهم بهاد الشي .. وبعدين انا ما بقبل على نفسي اني استضيف او احكي كلام بلا طعمه مع الشباب .. اكيد في حدود بيني وبينهم .. حتى بالمنتدى هون ما بحكي معهم فقط بهاد الموضوع يمكن حكيت وكلامي عادي جدا وعلى فكرة اهلي بيعرفووا اني بهاد المنتدى وامي بتعرف كل شي عني وعنا هاد الشي عادي بما انه في صراحة وثقة وخوف من الله .. واللي ما يعرفني يجهلني انا هون مو لحتى طق حنك مع الشباب ولا لحتى احب .. انا عندي هدف معين وكل انسان بيعرف كيف تصرفاته واخلائه ان كان شاب او بنت والغلط غلط ان كانت بنت او شاب .. انا لما حكيت اخي مو معناته يعني احكي معك او مع غيرك وطق حنك يعني استخدم الكلمه للمصلحة لا اخي فقط للاحترام مو اكتر .. ولما حكيت ذئب كانت لحظة غضب على كلامك وطريئة كلامك لو حكيت اني غريب عنك من دون ما تجرح يمكن ما صار اللي صار وانا باللعكس بحترم جدا الشاب اللي بيحترم وما بيعمل علاقات وما بيحكي مع بنات وكل الاحترام له .. لانه لو كل شاب يخاف على بنات الناس ويعتبرهن متل اخته وينصحهن ويهديهن اكيد رح تكون الدنيا بألف خير ويدخل الجنه من وراء ذلك مو يستغلهن ويضحك علييهن ويحكي معهن وكأنو الشي طبيعي .. هيك الشاب يشجع البنت على الغلط .. انا كان قصدي شي تاني لما تكون اخ لا تفهمني غلط بس يبدووا انت فهمت غلط .. على كل حصل خير واكيد انت غريب عني ولكن اخي في الاسلام تحياتي لك .. |
هلئ رح اختار الأخ مؤمن لحتى يجاوب على الاسئلة بكل صدق وصراحة بانتظارك اخي مؤمن تحياتي للجمييع ...* |
| الساعة الآن 03:16 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.