|
مشكلتي مع بياع اللبن ؟ يا ريت رأيكم السلام عليكم كيفكم عندي مشكله الها سنتين اليوم حليتها بطريقتي بدي شوف الي عملته صح ولا غلط انا انسان بسهر لل 1 او 2 وبنام شي ساعتين وبفيق بصلي الفجر وبرد برجع بنام وفي واحد ببيع لبن كل يوم الصبح عال 8 بيجي الحاره وببلش يصيح ياااااااااااااا لبن وما شاء الله صوته مركب امبليفاير متل سماعه الجامع يعني الحامل بتطرح من صوته تحملته كتير وكتير كمان كم مره حكيتله لا تصرخ تحت شباك غرفتي وهو لا حياة لمن تنادي اليوم ما عرفت انام ضليت صاحي لل3 صليت ورحت انام اليوم عال 8 شرف حضرته بلش يصرخ انا فقت من النوم متل الاهبل مصروع يعني فتحت الشباك وحكيتله ولك الله لا يعطيك عافيه الله يعدمك صوتك استحي على دمك عشان تبيع مرتبان لبن تصحي كل العالم ما عجبه طنشني قلتله انت ابوزفت رد علي بحكي معك ال شو الك عندي مش عاجبك .؟ مني كلمه منه كلمه رحت جبت سطل مي ودرته عراسه حكيتله هالمره مي المره الجاي اشي غير المي ههههههههه المعنى ببطن الشاعر وبهدلته وقليت قيمته السؤال هل من حق واحد عشان يبيع يصحي كل العالم بصوته ويدوش الدنيا؟ هل انا معي حق امنعه يصرخ بالحاره وتحت شباكي؟ لا تحكو مسكين بدو يعيش هو بلف نابلس كلها وصوته متل جرس المدرسه يلا اشوف جاوبوني الحكايه جد والله مش مزح هاااااااااا وي وي |
هههههههه احنا المسآكين وبدنا نعيش كمان ولا هو بس لحالو بدو يعيش انت حكيت معو مرة ومرتين وتعبت انا ما بلومك لآني تعرضت لهيك شي بس ما كان مية كانت مشكلة لا ما بطلع الو يعمل قلق في المنطقة مشان يبيع والي ما بحترم الناس وما بقدرها ما بكون منها وهاد ما احترمك مع انك سنتين وانت بتحكي معو انا من وجة نظري هو الي وصل حالو لهيك شيء ولهيك حل ولا يكون ع بآلك غلط وأخد جزآئوو وربنا يرحمنا جميعا برحمته |
عادي خليه يجي وينادي ويبيعَ اذا انت ممكن تنزعجَ من صوتهَ في اشخاص مع صوته راح يطلعوا يشتروَ وفش حدا بحبَ التعب وهالغلبةَ كلهآ لو الله مقدره كانَ ما لف بالشوارع هيكاَ , عشان بالاخر يطلع حدا يبهدلوآ لانه بدور ع رزقهَ ومش رآكن وقال البلدَ حالها .... المرة الجاي احكيلو خليكَ سايلنتَ |
لو انوو البيآع بوقف تحت شبآك غرفتك لكآن بنحكي انو لآزم سمع منك و بعد مكآنو بس الزلمة بلف الشوآرع و بلف على كل النآس عشآن يآكل و يأمن طلبآت اهل بيتو مش عشآن يزعجك بعدين لولاآ انو بترزق من هالمنطقة لكآن مآ بيجي كل يوم برأيي انت الغلطآن |
يسعد مساك، انا ركزت فالموضوع منيح، سنتين وانتوا ساكتين بالحاره؟ عشان هيك هو مبرد على حاله، لإنه مفش حدا كان يحكي معه غير شخص واحد من كل الحاره يللي هو انت، وهدا مش كافي !! يا بتتجمعوا كلكوا وبتحكوا معه يا رح يضل هيك، عشان هيك هو ولا مهتم، بعدين الانسان بشكل عام لازم يكون "زوء" يا ريت تركزوا ع هالكلمه وبغض النظر ان كان بياع، دكتور، طالب، اب، او شو ما كان، وحتى لو كانت هالحاره مصدر رزقه وكل يوم بيكسب مصاري، لازم يكون زوء بتصرفاته وحكياته، مش بس انه نبيع وناخد مصاري وخلص خلصنا !! بالنسبه إلي هدا انسان بلا زوء ! لمن حكيت معه مره ومرتين وثلاثه كيف بدك تتحمله؟ مع احترامي لآراء بائي الاعضاء .. وفي شغله لفتت نظري، انت حكيتله "هاي المره كبيت عليك مي بس المره الجاي مش مي"، ئلتله "المره الجاي"، وهدا بيأكد انه رح يرجع، يعني حكيتله هالحكي كونك متأكد انه مش رح يئطع فيه ورح يرجع، وهدا ان دل ع اشي، دل ع انه تصرفك من الاساس مكنش حل ! بياع بلا زوء متله بدو طرد من الحاره كلها، وفي حال تجمعتوا كلكوا وحكيتوه ومستوعبش وئتها مفش غير حل واحد تجيب الشرطه، صحيح يمكن الئصه مش محرزه لتكون الشرطه موجوده، بس على ما يبدو هالزلمي لا بيفهم ولا بيشحر عشان هيك بدو شرطه غير هيك بنحلش الموضوع، وهيك بسترجيش يفوت الحاره مره تاني، او يمكن رح يرجع يفوت بس "بأوقات محدده" يعني مش من ال 8 الصبح او من ال8 بس يوطي صوته ويحترم حياة بائي الناس، يعني رح يكون في "شروط" معينه، بدو يعيش او من حقه؟ عالعين وعالراس، اكيد كل واحد مقدر ظروف التاني، بس مش بطريئه تزعج حياة الناس، بس السؤال يللي بيطرح نفسه " هل كل الحاره مزعوجه منه متلك ولا بس حضرتك من كل الحاره؟" عالعموم بتمنى كون فدتك .. |
انا مع الصياد وميناس انت الغلطان مؤيد شو زنبو انو حضرتك بتسهر للصبح وبدك تنام للضهر هاد عم يدور ع رزئو واللبن بنباع الصبح بكير واكيد وراه عيله بدو يطعميها انا لو محلك بعتزر منو وكل يوم بشتري منو 2 كيلو حليب ههه |
انا معك مؤيد ومش مع الكل ورح ارد باختصار تنتهي حريتك عندما تبدء حرية الاخرين زي ما هو بدو يترزق احنا بدنا ناخد راحتنا داخل بيوتنا في عندو مليون حل مش ضروري يصرخ بأعلى صوته بالشارع بما انه اله سنتين يعني صار عندو زباين وبشترو منه كل فتره بهيك حاله...بروح ع بيوتهم بمواعيد مسبقه ووبيعهم اللبن في ناس احيانا بضطروك تكون هيك معهم وهاد منهم وبسسس هاد رأيي |
هو انا بنفع ارد على المشآركآت و لا ابقى سآكتة :136: |
بس ي ورد هدول عالم بعيشو ع بيع اللبن ووسيله الدعايه عندهم حنجرتهم ما فيكي تحكيلهم ما تترزئو لو ست بدها لبن واجا وراح وبلا ما ينادي كيف راح تعرف انو اجا !! يعني بدنا نتحمل بعض بهالظروف ونراعي انو العالم ما عم تشتغل والتاجر لو الو مصدر تاني ما بتحمل كلﻻم مؤيد او بهدلتو لالو نبعد شوي عن الشعارات ونحس ببعض اكيد ما راح حس بمؤيد لانو سهران وبدو ينام للضهر بس بدي احس مع التاجر الي يمكن من صلاه الفجر بلف مع بضاعتو وينادي ليبيع |
بدي أتركـ الجآإمعةة و آبيع لبـن هيهيهي ") ! وآصصرخ كمآإن :110: لأشوف مين بدو يحكي معي :p خيو نت غلطآإن و مو غلطآإن ")) أحكيلك شيعني ؟ هلآ نآه ضد يلي بيبعو بهآإي الطريقةة وجد شي مؤزي ") خصوصآ ممكن حدن يكون مريض أو بدرس او او الخ ") !! بس كمآإن شبدو يعمل آكيد هآد منو بجيب فلوس !! لهيك لآزم تحملت شوي و نآديت وحكيتو و فهمتو بعد عن شبآإكي ☺ ")) شآن مآ تجرح إحسآسو و هيك ") هلآ نحنآإ مكآن مآ نحنآ سآكنين مآ في هيك شي بس لو آجآ حد بدآيئ ") بس مآ بحكي آبدآ ") هآد رأي حط سمآعآت ي آخي :p ورده |
اقتباس:
بس يا عمري هلا الست اللي بدها تشتري هو صار يعرفها لانه الله سنتين وعمل زباين...يروح عندها ع البيت يضرب الجرس.. انا كان في حد يبيع خوخ وهيك شغلات بحارتنا..ما كان ينادي كان يعرف البيوت اللي بتشتري منه ويضرب عليهم الجرس....بالاسبوع مره..او حسب ما بدهم احكيلك....انسي مؤيد وسهرو ما في حد مريض...ما في ست كبيره تعبانه...ما في طفل ما صدقت امه تنيمه!!!!!! |
لو بعرف كان زمان طرحت الموضوع لانه انا وبياع اللبن متل الضراير قبل ارد عليكم احنا في عنا شارع رئيسي وفي 5 دكاكين ببيعو من الابره للبن العصفور وتعرفو نابلس جبال من الشارع في كل 30 متر درج بنزل للحارات يعني هو بفوت بين البيوت الهادئه وبصرخ في الشارع ما الي عنده لو جاب كل عيتله يصرخو معه ومرته وولاده كمان انا ما حكيت كل اشي لهيك في منكم جاب الحق علي مفي منكم حس معي وشعر بوجعي انا ما بدي اشكيه للشرطه انا لو بدي اضره وأأذيه بتلتم انا وكم شب بالحاره ومنطعميه قتله مرتبه ما يقوم من سنه منها انا ما بدي لا شرطه ولا عنف اعطيته حلول يا بتبيع اللبن تاعك للدكاكين والي بده بشتري من الدكان او بتيجي عالسكت بترن جرس اي بيت وبتعطيه لبن بدون صوت يا عالم هو بدو يترزق وانا بدي انام في تعارض بالموضوع بيني وبينه هلا في منكم سال حدا غيرك معترض ؟ سؤال عجبني معزم رجال الحاره بنزلو الصبح على شغلهم وانا دوامي بعد الضهر مش مهم كم واحد ضده المهم كل الحاره نسوان بهادا الوقت والحاره حارتي مش حاره ابوه يعني بدو يمشي متل ما انا بدي هو عارف حاله غلطان بعد سطل المي لهيك حكى طيب هيني رايح حكيتله اسمع قبل تروح جاي علينا رمضان والناس كلها بتنام للضهر مش تعمل متل السنه المرئت تيجي تصحينا عال 8 والله بموتك فاهم هلا انا مش ضده لتفكروني شرير ولا ما عندي زوء مو بتحكو الاسلام علم الحضارات الزوء والفهم والعلم هادا لو في دوله بره او عند اليهود بسترجي يصرخ بحاره او بين البيوت هناك الكلب ممنوع حدا يزعجه والي بصرخ عليه بنسجن شهر وغرامه للكلب سمره انتي بتعرفي هالشي عندكم احنا معلش ما النا حريه النوم ولا الراحه في بيوتنا ليش لانه بدو يترزق يجعله لا اكل ولا شرب بعد راحتي انا في بيتي رح ارجع اشوف ردودكم للعلم اي حدا ممكن يشارك باكتر من رد الموضوع اعتبروه عام وشامل |
اناآ رح ارد على اللي بيحكي يجي ينده بصوت وآطي او عَ السآكت او يدق البيوت اللي بيشتروو منوو مؤيد او غيروو مين بيقبل على اختو او مرتوو تفتح البآب لأي شب بيآع خضرآ او حليب او اي شي !!! مآ بتوقع في زلمة بيرضآهاآ بس انو الست تنزل على الشارع تشتري قدآم النآس عآدي مآ بصير يدق عَ البيوت و لآزم يكون صوتو عآلي ليسمعوو النآس صوتوو اغلب النآس بيصحوو الصبح و بينزلوو على اشغآلهم و هآد شغلوو الصبح بعدين ممكن اصحآب المحلآت مآ بيرضوو يآخدوو منوو او بالطريقة هاي بيسترزق اكتر الأوضآع سيئة جداً و هلأ الزلمة بشوف وين بيكسب شيكل اكتر ليكون من نصيبوو |
"الضرب" بيحلش مشاكل إذا فكرت تلم الشباب طالما في شرطه بتحل الموضوع بتفاهم، وبعدين مين ئال انه إذا طلبت الشرطه رح يأذوه؟ ولا مره الشرطيين بفكروا بالعنف إلا إذا اضطروا، بالعكس بوجود الشرطه رح يصير تفاهم اكتر لإنه وئتها رح يحس البياع انه الموضوع صار جدي اكتر من اللازم ويبلش يعمل حساباته، لهالسبب انا ذكرت الشرطه فالموضوع بالرغم من إنه الئصه مش محرزه "بالمره" بس لإنك سبق وذكرت إنك طلبت منه اكتر من مره ومستوعبش حكيك .. لمن سالتك إذا في حدا غيرك معترض، كنت حاسه انك انت الوحيد اللي متدايق منه خصوصا لمن ذكرت انك اتحملته "سنتين"، لو "كل الحاره" مزعوجه كان "انطرد من زمان"، طالما في دكاكين واكيد هو عارف إنه بيئدر يبيع هناك او يدق ع بيوت الناس ويبيع، معناتها هدا واحد بلا زوء، مالهاش تفسير تاني، يا بتجيه بالعين الحمرا وتوئفه عند حده، يا رح يضل يزعج !! حتى لو كنت انت الوحيد يللي متدايئ منه بالحاره، بس انت مش مضطر تغير من اسلوب حياتك او تصير تفيق قبل ال 8 لحتى هالبياع يرضى، لو مفش دكاكين يبيع فيها كان ممكن اجيت ضدك، وكون معه .. عالعموم ان شاء الله إنه هالبياع يكون إستوعب حكيك هالمره .. الحياة بدها "الله والصبر" .. :137: |
ميناس مع احترامي الك لا بدو يصرخ ولا بدو يبيع عالسكت في دكاكين الكل بشتري منهم هو ممنوع يصرخ بالحاره لو الناس ساكته ما بدها مشاكل لكن انا بعرف انه الكل مدايق منه في مرضى وفي نايمين بهالوقت المشكله مش بس تحت شباكي انا قاصد اعمله مشكله ليبطل العاده كلها بكل الحارات صح هو بصرخ يعني انا هون انا ما بحكي انه الرجال اخلاقيا مش منيح انا عندي فوبيا منه يعني يا انا يا هو هالمره بكره لو انا ما فت المنتدى اكيد رح كون محبوس بالشرطه ههههههههههههههه |
لك مؤيد نحنا مو امريكا وضعنا الصعب اولى اولوياتنا وما برميك ع المر الا الامر فكرك لو هالرجال عندو مصدر رزء بديل بتحمل انك تبهدلو هالبهدله !! ارحمو من في الارض يرحمكم من في السماء |
خيتي سمره لا تفكري الشرطه عنا بتحل وبتربط واحد سرق المسجد جبنا الشرطه لا معهم جهاز كشف بصمات ولا معهم الا دفتر وقلم هههههههه بتشك بمين بتفكر مين اله مصلحه حكيتله انا بشك انه الشيطان الي سرق المسجد لانه اكتر واحد اله مصلحه بحكيلي بتنكت حضرتك قلت ولا بدك اعطيك اسامي ولاد الحاره كلهم ولا عملو شي راحو وما رجعو ال شرطه اختي سمره انتي بتعطي حلول حسب معرفتك ومكان سكنك احنا عنا كل شي مختلف ماشيين على قانون ازا لم تكن زئبا اكلتك الزئابُ حلوه الزئاب عجبتني انا رايي بعد سطل المي وتهديد بشي غير سطل المي هههههههههههه ما رح ييجي بكره بوعدكم :75::75::75: |
اقتباس:
طيب يآ مؤيد شوفلوو شغلة غير هآي هههه مآ بتوقع في شغلة و تاركهاآ و بيشتغل بياع بين الحآرآت بعدين ليكك اعترفت عندك فوبياآ منوو يعني مهماآ كآن انت ما بتحبوو :64: |
وانا مين يرحمنني اسمى ؟؟؟؟ لا عنده سياره معبيها لبن وبيض وجبنه بقدر يبسط في اي مكان ويبيع متل الناس انتي عمرك شفتي صاحب دكان بلف بالحارات تعو اشترو من عندي ههههههههههههه بدي انااااااااااااااااااااام يا عالم افهموو وصوته مزعج لو يجيب مرته معه يمكمن اتحمل صوتها بكون ناعم اما صوته لاااااااا وربي نفسي تسمعوه عشان تعزروني انا رأيي يشغل موسيقى متل الي ببيعو شعر البنات وي وي |
نام بالليل وبلاه السهر :13: وي وي ههههههه |
نسيت احكيلكم انا ماخد الدعم من رجال الحاره بعرفو بالشي الي انا بعمله يعني نسوانهم متدايقين منه بس ما بصير مره تطلع تعترض لرجال |
ليش مكبرينَ القصة كأنها قضية رأي عام الزلمة بيجي بالكثير ربع ساعةَ وبروح مش متمركز بالحارة وبضل بنادي باعلى صوته ويزعج ف الناس |
صحيح محمود هو بيجي ربع ساعه بصحى الحاره كلها وبزعج الكل وما ببيع ولا شي وبروح للحاره التانيه مهو الي باكل العصى مش متل الي بعدها او بتفرج عليها صح محمود هههههههه |
اسمى احكيلي لا تاكل لا تشرب بس لا تحكي ما تسهر بزعل منك ههههههههههه وي وي |
لا ما هو يا مؤيد هذه حياة الكل ما هو عنا نفس الشيء مش واحد بس بيجي مليون يزعقوآ مثلو وآكثر ., انا عني ما بصحى ع صوت حدا وما في حدا سبق واعترض على حدا فيهم |
انت غلطان مؤيد ليش تيهدلو انت ما بتعرف ظروفه وليش بيجي يبيع اللبن بالحارة عندكم الزلمي بدو يعيش ويطعم اولاده وانت هيك بتقطع رزقه بعدين انت ما تسهر ل 3 نام بكير الله يسامحك بس |
يعني طلعتوني غلطان ههههههههه طب انا هلا حكيت بالجامع مع كل رجال الحاره وحكو معك حق الي بزعجك بزعجنا وهاي حاره خاصه مش شارع الله يستر من بكره نورتوووووووووو |
| الساعة الآن 01:43 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.