|
سؤال 1 ممكن انت تغير نفسك عشانها حتي لو انت كنت مش مقتنع بهادا اللبس ؟ حسب طبيعه عملي في لبس رسمي ما بقدر اغيره بكيفي وكيف حدا ولبس الخروج البسورت متعود على لبس ولون محدد تقريبا بحب البلايز الاسود او الغامق والجينز مش معقول تحكيلي البس بلوزه صفرا وبنطلون اصفر او اخضر وارد عليها سؤال 2 لو طريقه كلامك مش عاجبها ممكن تغير اسلوبك في الكلام او نظامك بالحياه بشكل عام؟؟ انا نظامي وكلامي موزون وعامل لنفسي طريقه في الحياه شو الشي الي ما رح يعجبها بعد ما صار عمري 30 سنه سؤال 3 لو انت شايف انه لبسك وكلامك ونظامك عاجبينك كيف ممكن تتصرف بطلبها رح اسمع رايها واناقشها وافهمها انه الشي الي انا بلبسه وبعمله متعود عليه وما فيني غيره الا لو اقتنعت بشي هي صح فيه ممكن اعمله سؤال 4 هل بتعتبر هادا تدخل بشؤنك الخاصه وفرض رأي ولا ممكن تكون نصيحه وتاخد فيها ؟ لا مش تدخل اصلا ما في شي خاص بين الرجال وزوجته او حبيبته ولا حتى الطريقه بتعجبني ولا ما بتعجبني الشغله انه الانسان صعب يغير من لبسه من ناحيه اللون والكيفيه او طريقه كلامه وتعامله لمجرد انه ما بعجب حدا انا ما تعودت حدا يتدخل بحياتي لكن ما بعرف لما الانسان بتزوج ممكن يغير شغلات بحياته باقتناع منه مو فرض رأي |
سؤال 1 ممكن انت تغير نفسك عشانها حتي لو انت كنت مش مقتنع بهادا اللبس ؟ بغير ازا هاد ببسطه وبخلينا مرتاحين مع بعض او ازا كانت مشكلة ولازم اغيرها بغيرها طبعا للاحسن لانه هو اكيد بدو مصلحتي والا ما كان حكالي غيري هاد الطبع وهاد الاسلوب مو كرمالو كرمالي لحتى صير احسن سؤال 2 لو طريقه كلامك مش عاجبها ممكن تغير اسلوبك في الكلام او نظامك بالحياه بشكل عام؟؟ يمكن ازا هاد طبعي بالكلام والاسلوب فيمكن تكون صعبة شوي ويمكن يوم عن يوم اتغير تلقائي لاشعوريا سؤال 3 لو انت شايف انه لبسك وكلامك ونظامك عاجبينك كيف ممكن تتصرف بطلبها بالنسبة للبس فطبعا ما حد بتدخل بستايلي الخاص يمكن ازا كان مو محتشم وحكالي غيريه والبسي شي مستور فبغيرو مو لانه حكالي وطلب مني لا لانه هاد الصح برايي سؤال 4 هل بتعتبر هادا تدخل بشؤنك الخاصه انا بحب حد يهتم فيني ويلاحظ علي شو بلبس وشو بحكي وشو بعمل لحتى ازا فيني شي غلط وقلي ممكن تغيري فبغير ليش لا يعطيك العافية مؤيد |
لي عودة كتير حلوة الاسئلة مؤيد ودي |
اجوبتك جميله ملاك اكيد الانسان بحب حدا يهتم فيه بس ما بفرض رايه ويحسسه انه بفهم اكتر منه لكن ردودك عجبتني هاديه وراكزه بتدل على انك انسانه بتحبي الحياه بدون نكد |
نورتي ريما بنتظر اجوبتك |
| الساعة الآن 06:24 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.