منتديات بنات فلسطين - الزواج من صديقة أجنبية

منتديات بنات فلسطين (http://www.bntpal.com/vb/)

- - الزواج من صديقة أجنبية (http://www.bntpal.com/vb/t38832/)

الزواج من صديقة أجنبية

فرضا انتا مغترب

هل تتزوج أجنبية وتتدخلها الاسلام وترتدي الحجاب الشرعي

وخاصة من شاب مسلم يتم الزواج من فتاة أجنبية ويدخلها الاسلام

او انه الشب يبحث عن بنت من نفس الجالية فرضا الجالية الفلسطنية او فتاة عربية يتزوجها افضل من الزواج من فتاة أجنبية ويدخلها الاسلام
او المهم انه تكون عادلة مع الشب المسلم وتلتزم بدين الله وبالحجاب الشرعي ويحافظ عليها كزوجة اله

بإنتظار ردكم

رأيكم يهمني

او يعني الافضل الزاوج من عربية افضل من الزواج من أجنبية وادخالها الاسلام

ارجو التفاعل بالموضوع

ازآ الزوآج رح يخليك تدخل حد الإسلاآم
فهآد برأيي شي كتير منيح

و الزوآج من أجنبية شي وآقعي جداً
معظم الشبآب اللي بيدرسوو ببلاآد اجنبية
بس يرجعوو بكونو متزوجين

إشي عادي أخوي ..

بس الأفضل إنو يتزوج من بلدو
لأنو بيضل عارف شو أصل هالبنت هدييك يمكن بعد سنيين ما ترضى بحياتو
وتتركو وتروح ع بلدهاا
او ما تتحمل العييشة ببلدو يعني رح يكون سهل عليها تتركوو

ويعطيك العافيه ع النقاش

إحترآآمـــي ..~

بظن الشب العربي يللي بيتزوج اجنبيه، بيتزوجهاش بدون سبب،
اوك مش رح نختلف انه احتمال بسبب الحب يللي بيكون بيناتون،
بس اغلبية الشباب بيتزوجوا اجنبيات لإنه مع الوئت بيكتشفوا انه العربيات "نكديات"،
مع إنون نكديات من الاصل، بس هالاشي بيكتشفوه متأخر،
بعكس الاجنبيه، او خليني ائول بعكس "الاجانب" ككل، حياتون بسيطه مختلفه عن حياة العرب،
يللي بيعلقوا ع كل اشي وخصوصا النسوان، فكيف ما بدو يتزوج من اجنبيه حياتها عالبساطه ؟!
وبالنسبه مع او ضد؟ مع اذا رح تكون ست بيت مثاليه ليش لاء، واكيد تعتنق ديانة زوجها ..
شكرا :137: ..

انا مع الزواج بفتاة عربيه من دمي ولحمي لأن العرب متقاربين بالعادات والتقاليد

ولكن ليس ضد الزواج بفتاة اجنبيه وان كان هذا الزواج سبب بدخولها للأسلام ليش لا

المشكله لو خذيت فتاة اجنبيه ماعرف انقليزي ههههه ابلش بها

اشكرك اخي الغالي نقطه مهمه

عآإدي شيعني !!

عمو متزوج من وحده أجنبيةة و ضلت ع ديآإنتهآ شي ممكن 5 سنوآإت !!

و مع الوقت لحآإالهآ إقتنعت و سآإرت مسلمةة !! "))

و ع فكره مو نحنـآ بـ الأصصل مسلمين بحسهآإ سـآر عندهآ دين أككتر منآإ ")

ورده

ما في مشكلة ابدا ما دام رح تدخل الاسلام
عمي واخوي متزوجين اجنبيات ومبسوطين كتير بحياتهم
لكن رح اضيف شغلة على كلامي انه مش دايما هالعلاقة بتنجح وممكن تصير مشاكل خاصة اذا في اولاد بالموضوع
لانه لو صار طلاق رح يروحوا الاولاد لامهم وممكن يضيعوا خاصة لو كانوا بنات
لانه عاداتنا وتقاليدنا بتختلف كتير عنهم

سمعت بهالموضوع كتير بالفترات السابقة من حياتي .

بيقلك الشب " لسا اتجوز وحدة اجنبيه (ببلاش) وادخلها الاسلام وتعيشني (بسعادة) اكتر من العربية"

الفكرة بالابتعاد عن الزواج من العربيات وتفضيل الاجنبيات هوا

اولا المهر و الفلوس المطلوبة من الزوج لحتى ياخد البنت والزوجة .

تانيا انه رح تتاخد النزاعات الزوجية بينهم ع انها خلافات شخصية مش انها خلافات زوجيه , وفي فرق بين هالشيئين .

تالتا انه الشاب المتجوز بيسمع من الحماية ومن الاصدقاء والاقرباء كتير كلام بيخليه يندم ع اليوم الي اتجوز فيه .

نحنا الي خلينا الشباب تبتعد عن الزواج من العربيات والاتجاه للاجنبيات .

و نحنا السبب باننا خلينا نسبة العزوبة بين الفتيات تكبر بوططننا العربي .

ما اكتر شبابنا بالسويد و بألمانيا و بامريكا و بأسبانيا و بتركيا .

وما اكتر الي اتجوزو منهم من هناك .