|
اللقب او النك نيم الخاص بالعضو صباحكم ورد احبتي لاحظت بالفترة الاخيرة تغيير كبير لالقاب الاعضاء لدرجة بطلت اعرف مين هو هاد العضو وخاصة لما غيب كم يوم وارجع الاقي نكنيمات جديدة انا ما كنت اعرفها السؤال هون ليه لما تسجلو باسم معين من الاول ما بكون عاجبكم وليه عم تغيرو وليه ما عم تثبتو بشي محدد يمكن موضوعي ما الو اهمية عند البعض بس بجد ليه كل هالتغيير وخاصة في منكم غير ورجع لاسمو الاصلي يمكن تقولولي حرية شخصية اوك بس ليه طيب والله في اعضاء ما عم اعرفهم من القابهم الجديدة بس هاد كل تحية الكم |
انا كمان متلك الملاك اعضاء بفكرهم جداد وبكتشف انهم ﻻء هاي فلانه او فلان هههههه احيانا تغيير الالقاب منو مشكله بس العضو بغير رمزيتو وتوقيعو ولقبو الاضافي كمان فبصير صعب انك تعرفي مين هو يعني رجاء الي يغير لقبو يترك رمزيتو لفترة لنتعرف عليه هيك رايي انا ما بعرف عنكم انتو عوافي الملاك |
وانا كمان في اعضاء بطلت اعرف مين هاد ومين هاد لنو بغيرو القابهم الاضافية كثير كمان مش عارف ليش بضلو يبدلو القابهم موضع ملفت للنظر ومهم كمان يسلمو تحياتي الك |
اقتباس:
حتى انتي غيرتي ورجعتي لاصلك ههههه بتمنى الكل يتقبل هالشي بس منا من باب المعرفة مو اكتر بالعضو نورتي |
اقتباس:
لازم يكون هناك ثبوت باللقب مو كل شوي بدي غير والله مو حلو هالشي نورت |
اقتباس:
وعملتو أسمى وهو إسمي وما غيرت رمزيتي وﻻ نكي الاضافي يعني كان واضح للكل انو أسمى = ملك روحي صوووح؟؟ |
موضوع عآدي و مآ فيوو شي طبعاً كل انسآن و عندوو سبب للتغيير عن نفسي مزآجية لأبعد حدود و بغير اللقب حسب المزآج لكن ألقآبي معروفة للكل و حآلياً مآ بتوقع غير البريئة ابداً تحيآتي عسولة |
هههههه فش حدا بغير قدي بس انا معروفة الكل ع طول بعرفني هههههه صح ولا لا يسسسلموا |
اقتباس:
لانه اسمك عرفناكي مو للقب غيرو قصدي |
اقتباس:
ومرة وحدة بغير ويمكن ما يكون لابئلو لهيك بس شغلة تعويد عالشخصية بريئة بلبئلك اكتر شي بجد نورتي |
اقتباس:
ارسيلك ع بر ما شبعتي القاب ولى خليكي راكزة شوي اتعودنا على نبض مو هيك ولا انا غلطانة |
اي اتعودنا بسس والله القصة مزاج وبضل نبض الأصل بس امبارح حدا غالي عليا خبرني انو هالأسم بليق عليا فما حبيت قله لا هههههه |
اكيد الاصل احلى وهالشي كمانا راجع الك برضو كل احترام كمان |
تسلمي خيتو الملاك ع اللفتة الحلوة فعلا صرت بلاحظ هالشي وانو ما بطولو بالاسماء الجديدة وبرجعو بغيروها بس هاي اكيد حرية شخصية ومزاجات ما عمرو اجا ببالي اغير اسمي تسلم اديكِ ما ننحرم مواضيعك الحلوة |
بصراحه انا بعتبرها حريه شخصيه ونوع من المزاجيه والتغيير لكن فعلا ما يغير كل المعلومات عشان نعرف مين لهلا في كتير اعضاء بتخربش فيهم بس عادي المهم هو يكون مرتاح واحنا ما منتعامل مع اسماء والقاب منعامل مع شخصيات لو يكون موضوع تغيير الالقاب واضح للجميع بكون افضل اشكرك ملاك للفت الانتباه واهتمامك |
ههههههن لا انا هاي الفترة ثابتة عليه ولا شو رأيك اغيرو :13: ابصر حسب المزاج بس انا مثلا مابغير لقبي خسب المزاج لانو ثابت لازم ولازم الكل بيعرفه.. مووضوع واقعي عوافي |
اقتباس:
عاجبني بس والله بطلت اعرف الاعضاء من القابهم نورت |
اقتباس:
وكل واحد حر يغير ولا ما يغير حتى انت غيرت وليكك رجعت لاصلك هههه مو احلى هيك يسلمو ع مرورك المتواضع |
انا برايي الادارة فيها تتصرف بهاد الموضوع عن طريق وضع بند في شروط المنتدى ينص على " يحق للعضو تبديل اسمه مرتين مدى الحياة .. والعضو لي بغير اسمو لازم يترك بتوقيعو اسمو السابق لمدة اسبوعين على الاقل مشان الناس تعرفو " يعني اسمي كماني المزاج غيرتو الى وسيم مثلا بكتب بتوقيعي " كماني المزاج سابقا " لمدة اسبوعين وهيك بيمشي الحال يعطيكي العافية :136: |
اقتباس:
شايف اللي بغيب كم يوم وبرجع بلاقي اسماء جديدة بتخربط وبسير التباس بالاعضاء بتمنى الادارة تنظر لرايك تحياتي الك |
نـآ بحككي هآإي حريةة شخصيةة !! آككيد بكون سبب خلآه يغير إسمو !! يسلمو الكك ع السؤآال ورده |
اقتباس:
احسن ما تجينا بطاقية الاخفا وما نعرفك منورة |
اكيد الشغله حريه شخصيه، بس انه انا شخصيا بحبذش هالشغله، الافضل كل واحد يضل ع لقب واحد من البدايه بيجي احلى واحسن بنفس الوئت، بس يمكن لإنون مع الوئت بيكتشفوا انه هاللقب ما بيعكس شخصيتون، ويمكن لإنون بيحبوا "التغيير"، مش غلط برضه .. ويمكن ويمكن .. انا شخصيا ولا مره غيرته، كنت سمره وبعدني سمره ورح اضل سمره .. شكرا :137: .. |
اقتباس:
يسلمو ع مرورك ننوش |
اقتباس:
ولا ممكن اني غير اسمي وبيرجع الموضوع لصاحب اللقب برضو يسعدك ي رب بحب تعليقاتك دايما |
| الساعة الآن 02:46 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.