جوري ، الجزء الاول

#1 04-07-2015

كنت مروحه من جامعتي تعبانة كتير ، شو بكرهو يوم الاربعاء لأنو عندي محاضرات كتير ، وبتأخر بجامعتي وانا لساتني بأول سنة وما بعرف حدا ، او تعرفوا انا ما بدي اعرف حدا لانو ما بصدق شي اسمه صداقه او حب على قد ما سمعت ، المهم وصلت على البيت وفتت بالعاده بلاقي امي عم تستناني طبعا هي على طول خايفة عليا وما بدها غيب عن عيونها لأنو انا كنت بنتها الوحيدة ، بعد ما بابا بطل يجيب ولاد و هي طبعا أكتفت في و بحب بابا لإلها ، المهم انا استغربت حكيت معقول تكون نامت !!صرت نادي ماما ماما وينك أنتي وما حدا رد ، زعلت كتير هي و لا مره ما كانت ناطره رجعتي ، رحت على غرفتي ورميت شنطتي وكتبتي على التخت ، وطلعت جوالي اشوف يمكن باعته إلي مسج بس ما لاقيت ، بصراحة انا هون خفت ، فأتصلت عليها إلا هو جوالها برن بالبيت حكيت يا الله كمان ناسيه جوالك ، رحت شوف جوالها ، الصوت كان جاي من غرفة الضيوف فتحت الباب لأشوف و هون أنصدمت ، كان في زينة و بالون وكيك و ناس كتير خالاتو و بناتهم و عماتو وولادهم وماما وبابا ، يا الله شو انا غبية كيف نسيت عيد ميلادي !! هالشي لأول مره يصير ، ماما اخدتني بحضنها وما بعرف ليش هالمره حسيت بخوف مش بأمان ، حسيت انو هاد اخر حضن هتحضني اياه ، وبابا متلها اخدني بحضنه وحملني ودار في حسيت حالي لسه بنت عمرها سنتين ، خالاتو طبعا كعادتهم والله صايره قمر يا جوري طبعا جوري انا نسيت خبركو اسمي المهم انا كعادتي وجهي صار آحمر ، اجت عمتي الكبيره يلي اسمها عبير كنت حبها كتير لانها كانت كتير طيبه المهم حضتني هي كمان و فجأة نادت على شب اسمه أحمد واجى أحمد وربي يحفظه لأحمد و يحفظهم عيونه لأحمد ، شو بدكو شو صار وقتها انا كأنو بحياتي م شفت شب هههه وفجأة اجى صوت عمتي قطع سرحاني بأحمد و هي بتحكيلي : جوري هاد ابني احمد أنتي ما بتعرفيه لأنه سافر من 8 سنين ليدرس و هلأ رجع دكتور ،ايوه عشان كده ما شفتك ولا مره انا هيك حكيت متل الهبله ، بابا نادى على عمتو فراحت وبقيت لوحدي معه و انا ماني عارفة شو راح احكي ، هو سألني كيفك وقديه عمرك وشو بدرس وطبعا حبو لأسمي ، وفجأة قلي : جوري أنتي بنت حلوة ، خود عاد هاد انا يلي ما بصدق قصص الحب رجف قلبي من كلمة حلوة !خلصت سهره عيد ميلادي وروح الكل الا عمتو عبير يلي ضلت لتساعدنا ، المهم انا قلتهم هاروح انام تعبانة حتى ما اعمل شي اهبل قدام احمد ، قمت لاروح ع غرفتي نادي علي : جوري ممكن دقيقة انا هون قلبي وقف قلتلو نعم ، قلي : ممك اخد فيسك لنحكي انا ما رديت عمتو ردت عني هههههه وحكتله : انا عندي بس نروح بعطيك اياه ..رحت على غرفتي قعدت بالتخت عيوني ل السقف فوق عم بفكر باحمد وما وعيت على حالي الا وماما بتصحيني الصبح قمت صليت وفتحت اللاب لاقيت طلب صداقة على الفيس من احمد قبلته لهو كان فاتح ، انا على طول حطيت اوف لاين ههههه ليش ما بعرف ، وبعدها جد سكرت وقمت حضر حالي ل الجامعة ، قبل ما اطلع بابا قلي : جوري يا روحي انا وامك بدنا نروح نزور صاحبي بالمستشفي ، قلته : استنوا لارجع وروح معكو ، رد : لا يا عمري لانه بده يسافر اليوم ، طبعا انا ادايقت وطلعت على الجامعة قلبي مقبوض كان نفسي ارجع على البيت واحضنهم ،

هاد اول جزء

المصدر: منتديات بنات فلسطين - من قسم: ابداعات أعضاء بنات فلسطين الشعرية والنثرية

[,vd K hg[.x hgh,g

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صورة غريبة ومدهشة ، تجميعي الجزء الاول	رفيقة ٱلقمر	غرائـب وعجائـب	10	03-18-2015 07:26 PM
ستظل في ذاكرتي مرسوما ~الجزء الاول	عشق !	ะ» رُكُن آلصۈرٍ ..!	6	09-23-2014 04:02 PM
من كتاب ِ::قاتل الاساطير :: الجزء الاول	المايسترو نمر	ابداعات أعضاء بنات فلسطين الشعرية والنثرية	3	04-09-2014 12:46 PM
اعضاء المنتدى و هم صغار الجزء الاول	عشق !	النكت والطرائف	28	02-14-2014 02:42 PM
الجزء الاول من/ ليل الغريب	محمود	الــشعـر والـشعـراء	4	07-18-2013 02:43 PM