منتديات بنات فلسطين - فترة الخطوبة تحت المجهر

1_ رأيك من إطالة فترة الخطوبة
برأيي انا بوافق على اطالة الخطوبة بحال انها كانت لصالح الخطيبين .
الاستعجال بالزواج ممكن يسبب الطلاق السريع للزوجين و زيادة سوء التفاهم بين الزوجين
فترة الخطوبة انوجدت للتعرف على الخطيبين اكتر لحتى ما يصير سوء فهم كبير و مشاكل كتير لقدام .
فترة الخطوبة هيا المحدد الاساسي للزواج وهي الفترة الانتقالية من حياة لحياة تانية
لهيك اطالة الفترة هاي حيكون لصالح الخطيبين
وما بجد خطا بهادا الشي ابدا .

2_ رأيك من غلاء المهور
فيك تقول هالشي اله اجابتين
الاولى انو الحق ع الاهل و ع الدولة .
الحق ع الدولة اكتر من الاهل .
نظرا لانو كل شي غالي عنا و علاء الاسعار كتير مو شوي
ف مثلا ال 4000 دينار ما حتجيب شي للبنت ويدوبك تجيب عفش صالة ومطبخ وبس .
و مستحيل اي اب يرضى انه تكون بنتو عايشة بفاهية وينقلها للعيش بمكان مش متل بيئتها
البنت ما حتقول انو اهلي بدهم مصلحتي
اهلي بدهم يرموني وبس .
تاني شي الاهل نفسهم الي بطلبو مبالغ هائلة للبنت اكتر من ال 5000 دينار مهر غير المقدم والماخر
و الشب يدوبك بقبض شي 300 دينار بالشهر
يعني الشب بدو ينحت حالو و حياتو لحتى يعيش بالحلال ويبني عائلة
غير انه رح يحس بالضيق من الزواج يكرهه مع الوقت
هالشي فتنة
وحيسبب مشاكل كتير و بيسبب العنوسة كتير والانحراف بشكل اكبر .
وكل هادا الشي سببه الحكومة و بعدها الاهل .

3_ رأيك بانه المتقدم للفتاة يكون موظف واحكي عن نفسك هل تقبلين بموظف أو بشخص يكون عنده دين واخلاق او المهم يكون رجل
هادي كلها تفاهات .
الدين والاخلاق تاتي بشكل اساسي
ومن بعدها بيجي المال و الوظيفة
ما نكذب ع حالنا ونقول لا الدين وبس .
لا
الفلوس لو كان مو مهمة اللنا
ف هي مهمة لباقي العالم
نحنا بدنا نشوف اولويتنا
وهي الدين
مشي الدين ف حنشوف ماله و وظيفته
و ع هوها بنحدد
نسبة الموافقة الاكبر بتكون ع الدين
وبعدها بتيجي المحددات الاخرى .
هادا رأيي

4_ نظرتك للجانب المالي للمتقدم الك يكون عالي او ماشي حاله او بدك تعيشي مثلك مثل باقي الصبايا فالافضل يكون مدير او موظف ماشي حاله
....

5_ نوع الشخصيات يلى انتى كفتاة بتعتبريها أولوية الك الشب يلى شخصيته جدية او شخصيته مثقفة او شخصيته منفتحة او يلى بكشر دايما
لو سألتني ك شب شو نوع الفتاة الي بعتبرها اولوية الي .
انها تكون بنت مثقفة فاهمة و واعية جدا .

برأيكم اسباب فسخ الخطوبة مين بكون السبب فيها الشب او البنت
50% منها السبب بيكون من المجتمع .
25% من الشب .
25% من البنت .
رضوخ الشب والبنت للعادات والتقاليد والعيب والمش عيب بيخلي الخطوبة وعلاقة الخطوبة محفوفة بالمخاطر والمشاكل وسوء التفاهم
ان كان هالسبب الاهل او الاصدقاء او غيرهم
احيانا الاهل لما يغصبو الشب او البنت ع الخطوبة والزواج من شخص
او تعمال الاهل انو هادا عمل هيك و هادا غلط و هادا مش حلو ومش ذوق ولازم يعمل هيك وهيك
او الاصدقاء انهم يقعدو ينصحو الشب او البنت نصائح خاطئة وهيك امور
الاشيا هاي هيا السبب الاكبر بتدهور الخطوبة بشكل كتير كبير
بعدها الشب والبنت اللهم نسبة قليلة من اسباب فسخ الخطوبة وممكن تكون من سوء تفاهم او عدم تقبل الشخص للاخر
وهادا اصلا الهدف تبع الخطوبة
اانو الشخصين يعرفو انهم هل مناسبين لبعض او لا .
ف برأيي انو الحق بيقع كامل ع المجتمع مش الشب او البنت .