|
ممكن شوي ،!! مسا الخير ، هلأ ب اختصار في قصة صارت مع واحد قريبي استفزتني گتير وحابة شوف ارائكم فيها ، هلأ الشب وقت كان بالجامعة حب زميلة اله وبعد لاتخرج حكى لاهله يطلبوها اهله سألوه من اي عيلة هي فحكالهم المهم ابوه خبر اعمامه انو الولد بده نخطب اله فلانه ، هلأ انا عيلتي عندها شي بالنسبة الي بعتبره تخلف انو ما بتاخد ولا بتعطي لاي عيلة يعني محددة عائلات محددة وصعب جدا تلاقيهم اخدوا او اعطوا لغيرهم ، المهم اعمام الولد رفضوا البنت عشان عيلتها ، طبعا الشب اجى اعترض وحاول وما زبط معه ، فشو صار خطبوا اله وحدة من العيلة ، وهلأ صار معه ولد عمره شي خمس شهور ، وين المشكلة انو اكتشفنا انه متزوج البنت يلي حبها من دون علم حدا ، هلأ انا اكتر شي عصبني وقت عرفت انو ابوها للبنت جايب الشقة ع حسابه طيب السؤال هان انت كيف بتقبل على حالك تجوز بنت لشب دوون علم اهله ، ما بعرف انا حسيته باع بنته م جوزها بغض النظر عن كل شي يعني انت هيك بنظري طبعا قللت من كرامتها ، طبعا هلأ اهل الشب مصميين انو يطلقها بس المشكلة انها حامل بالتامن طلع الاخ متفق معها ومع اهلها انو يتجوز هديك البنت ليسكت اهله وتجوز حبيبته بعد شهر واحد من جوازه شو بتحكوا انتو !!!؟ |
بصراحة. القصة غريبة شوي.. الغلط من رأي ع اهل الشب لانه الشب يلي بدو يتزوج مو عيلتو... اللوم كله ع الاهل بس متل ما حكيتي في تخلف عند بعض العائلات. عوافي |
يسلمو الغلط من الاهل |
ع فكره مع احترامي هادا شب م عندو رجوله ولى اخلاق الي بيتجوز وحده بدون علم الناس وابوها هادا قواد وديوث انو يقبل هيك شي وعمرو عادات الناس م بيكون اسمها تخلف لانو لما يعطو لبعض ويجوزو بعض بنفس العيله بكون عشان يضمن للبنت حياه احسن ويكونو عرفين مين بيناسبو اما هيك تصرف من الشب مش مقبول نهائيا ومتل م عندو خوات لو برضاها ع اختو تتجوز بهيك طريقه يبقى صحتين لالو |
مابعرف شو بدي اقلك مدامو اتزوجها علي سنه الله ورسوله فليش الاعتراض وخاصه انو بدو هالبنت وحاب يعيش معها يمكن الباقي ينتقد بسبب التقاليد لكن دامو اتزوجها بالحلال خلص هدا رايي مشكوره نبض |
يعني مشكلي من الاخر هو الغلط من الاهل |
أول شي العادات والتقاليد ظالما ثاني شيء هو الشب مش راجل يتخذ قراره بنفسه هي حياته مش حيات أهله يعني هو إلي يقرر مين تكون شريكة عمره ولو هوا راجل ما كنا بنقرا هي القصة هلأ لأنه ما بسمح لتداول القصة على ألسن الناس ولو بخاف على البنت ما عمل هيك كان إتحدى العالم كله ليكون معها تقاليد ظالما وشب بينه وبين الرجولة مسافات هذه كل الموضوع شكراً لإطلاعنا ع القصة ودي |
اقتباس:
مهما الاهل غلطوا ما بحق اله يتجوز من دون علمهم وشو ذنب المسكينة يلي تجوزها نورتي |
اقتباس:
يمكن غلطوا بالبداية انهم رفضوا بس بعد موقف الاب حكيت كان معهم حق نورتي |
اقتباس:
انا معك حق انو غلطان لسه لو عارض اهله وتجوزها كانوا يمكن قبلوا بعدين بس هو هيك ظلم البنت يلي ضحك عليها وبرجع بحكي الحق مش عليه الحق ع ابو هديك يلي قبل هيك زواج ل بنته نورت |
| الساعة الآن 12:00 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.