| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
يافا وسيف ،
فيه منا ناس بتنولد وبتمها معلقة دهب , بتوخد دور المسيطر دايما , بس الناس الي ماكلين هوا من قبل ليكبروا هدول شو يعملو ؟ ما علينا , انا كنت
 |
| | LinkBack | أدوات الموضوع | انواع عرض الموضوع |
|
#1
04-04-2015
| ||||||||||||
| ||||||||||||
يافا وسيف ، فيه منا ناس بتنولد وبتمها معلقة دهب , بتوخد دور المسيطر دايما , بس الناس الي ماكلين هوا من قبل ليكبروا هدول شو يعملو ؟ ما علينا , انا كنت من النوع الثاني ..... اه انا سيف , انولدت يتيم , بحكو انه اليتيم يتيم الام , اه انا ابوي الي كان متوفي المهم بلاش طولة سيرة عليكم , ابوي مات لما ضربتو الكهربا بالمصنع الي كان يشتغل فيه , ولانه احنا م عنا واسطة م اخدنا تعويض غير 200 دينار ,,, هدول لما كان عمري شهر وقتها كفوني بامبرز لمدة شهرين بعدها امي صارت تشتغل خدامة بالبيوت , لحسن حظي اني كنت وحيد , بلشت امي تشتغل كل يوم تروح ع بيت , كانت توخدلي اواعي مستعملة , ولما يزيد معها مصاري تجبلي قضامة بما اني كنت اموت عليها , بتعرفو القضامة الحلوة ؟ ايوا هاي انا بعشقها ... كنت اسال امي , وين اهل ابوي ؟ طيب اهلك وينهم ؟ يما عادي خليهم يساعدونا !! عاجبتك حالتنا هاي ؟ كانت تسكت , تدمع , قلبها يبكي , وتبتسم ب مرارة وتقلي سيفو يا ماما يلا نني مرت الايام فينا , وامي من بيت لبيت بتشتغل , وانا المفروض اتحمل , ما عمري استحيت منها بمدرستي , مع انه كانوا ولاد الصف يلبسوا ويوكلوا احسن مني , بس انا كنت افتخر فيها , لانها مرأة جبارة , الي عملتلي ياه م حدا عملو لاولادو ... بيوم اجت امي علي , بتزكر كنت ترفيع سادس , كانت الدنيا عيد والتاريخ 29-9.... سيف ماما احنا بدنا نرحل ! لما حكتلي هاي الكلمة انصدمت , صح انه بيتنا بس غرفة وحمام ومطبخ , وبالشتا كل الدار بنحط ع ارضها "جاطات" مشان تنزل المي فيها , بس هالبيت كان غالي علي , بكل حيط فيه صوت ضحكة الي ولامي , صوت دموعها , ريحة ابوي , يلي م عمري شفتو , بس اتصورت شكله ع قد م امي كانت تحكيلي عنه , وين ي امي بدنا نروح , هو احنا لاقيين اشي يضبنا احسن من هالخربة ؟ كنت ساكت وامي بتقلي وين شارد , حكتلها لا ولا شي بس وين بدنا نروح يما ؟ حكتلي بالحرف الواحد : بدي ابلش اشتغل دوام كامل ب فيلا لل التاجر الفلاني , راح نوخد هناك غرفة وراتب راح يكون منيح وراح انقلك ع مدرسة م حدا بعرفك فيها ولا بعرف انه امك خدامة ! لما امي حكتلي انها بدها تنقلني ع مدرسة ما حدا بعرف فيها انه هي خدامة استغربت وارجعت قعدت افكر , م لقيت حالي غير حاضن امي وحاكيلها يما انا مش مستحي منك , انت بعيوني ولي بجرحك بكلمة راح ينذل الك ليطلب تسامحيه ! المهم نمنا , وبكرا حياة جديدة ي رب انا ولد صغير , وامي مسكينة , لا تفرجيني فيها ضرر وتصير حسرتها بقلبي زي ابوي ...... هاد دعائي كان كل صلاة , اه انا صف سادس وبصلي الحمدلله , امي ربتني اذا بدي اشي م اطلبه الا من ربنا رحنا ع بيت بشارع م عمري حلمت ادخله , فكرته خيال , فكرته اشي مش موجود ....... ايش هاد , الشوارع نظيفة ! عند كل بيت كلب حراسة , تنسيق الشجر , وما فيه ريحة مجاري هههههه اجيت همست لامي بقلها احنا صرنا بالجنة ! حضنتني وحكتلي يما لا تغتر بالمظاهر , فعلاً لما تعرفوا قصتي لقدام بتعرفوا انه ما بزبط تغتر بالمظاهر .. فتنا الفيلا -.- فيه مسبح , و ورد , وشغلات بتجنن , كبييييررررررة كثييير خفت اقرب ع المسبح اوقع واموت وانا وحيد امي , ضليت ماشي ماسك بايد امي وهي الخانوم تبعت البيت بتفرجيها بالبيت , كان عندها ولدين بنتها يافا وابنها جود ... يافا , عيونها وساع دباحة ! اه انا صف سادس بعد م شفتها صرت بقدر اكتب شعر هههه شعرها خروبي طويل وكانت بيضا ونعومتها بتجنن لما رحنا اجت يافا بدها تسلم ع امي حكتلها انها صف خامس يا الله شو انبسطت انها اصغر مني بسنة هههه م بعرف ليش مرقت الايام وابو جود ويافا مسافر م عمري شفتو وكل م اسال امي وينه تقلي انه تاجر ما بشوف ولادو الا بالعطلة اجت العطلة انا صرت سابع ويافا سادس ... اجت يافا دقت ع الشباك وبتقلي تعال حكتلي ... ام يافا كانت تسمحلها كتيييير تلعب معي بس جود دايما كل ما يشوفها بتلعب معي يجي يضربها وهي تبكي منه كنت افكر بغار مني بس يافا كانت تقلي هاد اناني بحب كلشي اله .... لما اجت يافا حكتلي سيف انا راح اسافر وين بدك تسافري ؟ راح نروح عند بابا 3 شهور وراح نرجع ع المدرسة , انا كنت بارد شو بفهمني يعني شو بدي اعمل , كنت صغير بس لما سافرت كبرت ! اه والله كبرت هههههههه معقول انا بحب بس انا صغير ! يافا ضلت غايبة 3 شهور , وانا بهدول ل 3 شهور قاعد ع المرجيحة بستناها لما امي حكتلي انهم راح يرجعوا كمان يومين كيفت بلشت اخطط شو بدنا نلعب ومتى وكيف وي الله قديش كنت مبسوط لما رجعوا اهلها , كنت برا بستناها تنزل من سيارة , نزل اخوها , وبعدين امها , وبعدها تسكر الباب انا نصعقت , وين البنت ؟ صرت الف وجهي بكل مكان بفكرها بتمزح معي متل عادتها بس م طلعت , بس لما شفت امي بتحكي لامها اصبري والله الله ليشيفها عرفت انه فيه اشي ... رحت لامي بقلها يافا مالها وينها ؟ سكتت وحكتلي ادعيلها ! يما وين يافا ولكو ايش فيه خبرتني امي انه ياافا مرضانة بالكبد الوبائي ولازمها علاج وضلت مع ابوها ..... طيب ليش هيك , اول ما بلشت احس بدنيا راحت يافا معقول تموت متل ابوي ! صرت كل يوم اصحا اهلوس بليل باسمها وامي تشربني مي وانام وهي بتقرا علي قران ي الله , مرقت السنين وتعالجت يافا بس كملت دراستها بامريكا رجعت هون لتقدم توجيهي بتعرفوا انا كم كان عمري ؟ كنت سنة اول جامعة , اه نجحت , وجبت معدل , واشتغلت ودرست وطلعت من الفيلا وامي هناك لسا كنت اضل افكر بس كيف بدي ازبط وضعي وامي تعيش ملكة وكيف بدي اشوف يافا بس ترجع اه انا ضليت افكر فيها واه انا بحبها , كبرت وانا بحبها بس الحرب النفسية مع حالي كانت مميتة معقول حبت ؟ متزكرتني ؟ لا لا هي ما راح تتطلع علي , هي معها مصاري وانا لا ... يافا رجعت , وعاملين حفلة استقبال الها , وابوها كمان رجع , لا تيجي اليوم يما انا مش فاضية هاد الكلام الي امي حكتلي ياه لما رنيت اقلها اني جاي اشوفها ... يافا اجت , وقفت الدنيا , ي الله بلشت اتذكر كلشي اتذكر دلعها هبلها ولما كانت تتضل تترجاني لاركبها وراي ع البسكليت لما مرة علمتني كيف ازرع ورد , وقتها اعطتني ياسمينه لهلا عندي سألتها ليش اسمك يافا ؟ حكتلي لانه لما ماما كانت حامل فيني قرأت رواية اسمها يافا وحبتها قديش كانت تدايق من اخوها جود وانانيتو , وقديش كانت تتحول لشرسة لما حدا يزعله وتدافع عنه ! لما كانت امها تمنعها تاكل شعر البنات لانه مضر , اجبلها ياه بالسرقة توكلو ورا الشجرة وانا اراقب ما حدا يشوفنا ولا لما كانت تسبح وتيجي تقلي تعال اعلمك اقلها بخاف المي تقلي انت بتخاف كلشي تلف وجهها وتهمسلي بس انا بدي اعيش ! كل شي كان اله طعمة تانية مع يافا لما امي حكت اسمها انا قلبي دق , طيب ي امي اجت يافا , بس تفضوا رنيلي اجيكي كان عندي امتحان تاني يوم , بس م قدرت ادرس هلا م فيه شي ببالي غير اني اتخيل شكل يافا هلا وقديشها هلا حلوة ! اسبوع ويافا بالبلد وانا مش قادر اشوفها ! اجا اليوم الي ام سيف حنت علي وحكتلي تعال يلا يما -.- رحت , وسمعت امي بتحكي مع ام يافا بتقلها انه يافا بدها استاذ رياضيات ! انا حسيتها فرصتي , واغتنمتها , وباعلى صوتي باحكي لام يافا خالتي انا بدرسها انا م انا بدرس هندسة وع التوجيهي جبت علامة كاملة فيه طبعا ام يافا ما بترفض طلب لسيف هناك حقد دفين فيه قلب جود علي بسبب حب امه الي بدي ابلش اعطي ليافا حصص اول حصة كمان شوي يافا بدها تدخل هلا عندي قلبي مقبوض وبعرق هههه وعيني هيك مش قادر ارفعهم وكاني مراهق بس شو حلو شعور ي الله دخلت الفاتـنة كانت عاملة شعرها سنبلة , عيونها متل م هم , نفس البرائة , كانت خجلانة لابسة بلوزة بيضا وبنطلون جينز , كانت اميرة بدون فستان ولا كعب سبحان الي خلقك قديشك اية من جمال قعدت ووجهها احمر وانا بتفحص شو متغير فيها كبرانة بس لساتها قصيرة شعرها لسا متل م هو هي ساكتة انا بصوتي الحنون سألتها يافا متزكرتيني ؟ صفنت فيني , هيك ببحة صوتها حكتلي سيف انت سيف ؟ اه اه انا سيف ي روح وعمر سيف ي عيووون سيف ي عشقه ي حياااته كلهااا ولك انا سييييف تعاااالي ع حضني ولك تعاااالي تعبت وانا متغرب عن وطني ! م قدرت اقلها هيك , لا بس ابتسمت ابتسامة خفيفة وحكتلها اي انا سيف يييييييييييييييييي كيفك شو اخبارك شو عامل هلا شو بتدرس شو صار معك لساتك ساكن هون طيب ليه م شفتك طول الاسبوع ي الله ولله مليت لحالي بتتزكر كيف كنا زمان كل هدول الاسئلة ورا بعض طيب ممكن شوي شوي مشان الحق اجاوبك ؟ لما شفتها حسيت انه فيه كلام كتير نفسي اقلها ياه , بس الي ما اله حظ لا يتعب ولا يشقا دخل ابوها اول مرة كنت بشوفو دخل بقلي ب شوفة حال انت الاستاذ ؟ حكتله اي انا راحت يافا المسحوبة من لسانها بتقله اه بابا هاد سيف ابن ام سيف ولا هو بقلها ام سيف الشغالة ! من متى ابن الشغالة بدرسك ؟ اليوم اخر حصة من بكرا بجبلك حدا تاني ههههههههههههههه بدكم شعوري ؟ لا لا ما راح احكي شعوري كل واحد فيكم يتخيل لو انه مكاني شو بعمل قمت انا حكتله بتضل متل ابوي شكرا الك , استئذنت منهم وروحت , اه فيه دموع :") البنت الي ضليت استناها 6 سنين انذليت قدامها من اول يوم ! ضليت ماشي مش عارف وين بدي اروح , اي والله مش عيشة ! لانه معاه مصاري بشوف حاله علي ؟ شو هالفراغ الي بعقلك يافا شافتني مذلول هي اكيد ما بتحبني ! هههههه تحب شو فيني ؟ اه ماشي انا حلو بس الهم مكبرني ايش بدها تحب ؟ مصاري ما عندي فيه وحدة بتترك رفاهية اهلها وبتيجي تعيش ب قبر حياتي ؟ بس والله انا راح اعملها كل شي نفسها فيه ! رنتلي امي وهي بتبكي اول مرة حسيت حالي بكرهها , بسببها خسرت اكتر اشي خلاني احب الدنيا بس بعدين استهيدت بالله صارت تتأسف مني حكتلها ي امي م صار شي متعود انا طلبت ام يافا تحكي معي , حكتلي اني من وقت م رحت وهي يافا زعلانة وم بتاكل وم بتحكي مع حدا انا بحكي بعقلي انا ما صرلي ساعةة طالع من عندهم بس صحتها ما بتسمح انها تزعل , وهي هلا عندها امتحانات حكيت لامها هي زعلت لانه ابوها صرخ فيها اكيد بتروق بعد يومين بس بعد يومين عرفت انها انـتكست وبالمستشفى وبدها دم , كيف ليش م بعرف متى وصلت المستشفى ولقيت حالي متبرع بدم الها ابوها جاي يتشكرني وبايده مصاري , اعطاني ياهم رميتها بوجهو وحكتله مش انا يلي بعمل الخير بمقابل ! انا بعمله وبرميه بالبحر بس اشكالكم انتو م بتعرف شو يعني خير وشو يعني حب ! سكت اه سكت حط عيونو بالارض وانا روحت ع داري .... ويافا بتسأل عن سيف معقول يافا بتحبني ؟ ترجتني ادرسها لتقدم امتحانها اشترطت ادرسها بمحل برا لانه ما بدي ادخل بيتهم وفعلا وافقت اصلا هيك احسن بشوفها براحتي صرت كل يوم حصة , كل يوم بشوفها , كل يوم تيجي من البيت جوعانة ومش ماكلة -.- وانا لازم اطعميها هههههه ي الله لما تنسجم مع الاكل وتوكل بشراهة قديش كانت حلوة ولا لما تقعد تتدلع بدها شعر بنات ! نقعد نتزكر هبلنا زمان ضلينا ع هالحالة شهر ليلة امتحانها كان لازم اقلها اني بحبها بس خفت تتكركب بس تاني يوم استنيتها برا المدرسة لتطلع تركت صاحبتها واجت علي ملفهوووفة سيف انا زبطت ولك ي عيون سيف ي روحووو , يافا بدي اقلك اشي احكي لا تعالي نقعد بمكان المهم , بس قبل هالشي بدي اعطيكي اشي , اعطيتها الاسوارة الصوف الي عملتلي ياها قبل لتسافر , حكتلها يافا انا بحبك هي سكتت , صارت تبكي حكتلها مشان الله لا تبكي انا بسحب كلامي والله ! ي بنت اسكتي ليش بتبكي صارت تبكي بزياددة , لقيت بياع شعر البنات اشتريت منه عشرة ورحتلها سكتت وبلشت توكل وصلت لاخر واحد وحكتلي جد بتحبني ؟ اه ولك بحبك بس خلص انت ما بدك انا ما بغصبك ع شي طيب ازا بتحبني بدي كمان شعر بنااات انا صرخت وحكتلها بفتحلك مصنع كامل بس حبيني ! صفنت فيني وحكتلي أحبك !!! انت !!! انا هووون شهقت , ايوا البنت زي ابوها طلعت !!! لا لا ولا هي بتحكيلي ولك هو انا نسيتك مشان ارجع احبك ؟ انا بلمت ! شو قصدك ؟ هي بتقلي انا من قبل لاسفر وانت ببالي ولما شفتك روحي رجعت , اتطلعت علي وقامت تتمشى وانا جيت وراها بقلها يعني انت حبيبتي هلا ؟ هي بتقلي اه ولا ! حكتلها بتردي علي اه ؟ ولا حكتلي اكييييد ! حكتلها شعراتك هدول بس الي , اتحجبي سكتت , بعد ب تلت شهور حكتلي اجي ع مكان لقاءنا المعتاد رحت ’ ولا هي جاي ولابسة حجابها , ي الله بس نفسي اضمك !!!! *.* مررررت الايااام وانا وضعي اتحسن وصار الي اسمي وبطلت امي شغالة , بهدول ال اربع سنين الي كانت فيهم يافا بالجامعة ابوها اتوفا بسبب جلطة ع الدماغ ! صرت ابوها واخوها وكل شي خطبنا وتجوزنا واخوها لسا بكرهني !!! .... بتعرفو هلا ليه بحبني ؟ لانه ابني ع اسمه اه جبنا ولد وسميناه جود بس للاسف طلع نفسية متل خاله :") المصدر: منتديات بنات فلسطين - من قسم: قصص أدبية , روايات , حكايات , تاريخ الأدب والأدباء dhth ,sdt K k.dt  |
|
04-04-2015
| #2 | |
 
 |
القصة حلوه كتير استمتعت كتير وانا بقرأها احداثها حلوه ومشوقه والمهم كانت نهايتها سعيده يسلمو نبض على الانتقاء الرائع | |
| |
|
| الكلمات الدلالية (Tags) |
| يافا, نزيف |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| مدينة فلسطينية اسمها يافا-معلومات عن مدينة يافا-جافا الفلسطينية-اهم المدن الفلسطينية يافا | ناثرة الورد | ะ» فِلِسطِيـטּ وآلقَضِيـةٌ |▪●™ | 5 | 05-24-2014 10:32 AM |
| رهف وسيف | خالد | عـدسـة الأعضاء | 14 | 04-18-2014 11:14 AM |
| ....نزيف قلب وقلــم... | كبريآء ♠ | همس القوافي , النثر و الخواطر | 2 | 02-16-2014 09:59 AM |
| اسباب نزيف الانف - ما هي اسباب نزيف الانف وعلاجة | حيرتني | صِحِتِكـَ تِهُمٍنٍآ | 17 | 08-24-2013 07:21 PM |
| يافا والتاريخ صور جميله من مدينه يافا 1914_2014 | وجع الروح | ะ» فِلِسطِيـטּ وآلقَضِيـةٌ |▪●™ | 7 | 08-06-2013 08:35 AM |
الساعة الآن 05:47 PM
