نقطة ثانية يا اسمى القصة مش قصة انه البنت كانت بشغل او بالجامعة اطلع فيها الشب خلص وقعوا الاثنين بالحب ونحكي مهو هاى انسانة ومخلوقة وفطريا انه الشب اعجبها والبنت مش حجر او قطعة خشب ونحكي تحركت مشاعر البنت مثلا مش هيك القصة ومش هان مقصد السؤال



او نحكي الشب شاف زميلته بالشغل اعجبته وحبوا بعض وصار الحب وبالاخير طلقها او اتزوجها




الحب فطريا موجود بقلبي وبقلبك يا اسمى وبقلب كل عضو هان بس وين وكيف نستغل هالحب وما نلوثه هان المقصد وكمان السؤال الجوهري انه نعطي الحب لشخص بعد الزواج وانا مصر انه حب بعد الزواج مش شب حاطط صورته اوصورتها عالنت ونازل يوقع او توقع فى بنات او شباب الناس والزلمة روميو قالب فيها او جوليت عاملة فيها ونقول حب والزلمة مرهف او مرهفة باحساسه او احساسها لا ما هكذا الحب هؤلاء شياطين متحركة عالانترنت مستغلة اسم الحب وشياطين على ارض الواقع والتجربة خير برهان والحياة بتعلم وجرب اذا بدك انتا او انتي عشان تتعلم او تتعلمي وتتاكد او تتأكدي من هالحكي



المقصد الزمن اتغير واتغيرت مبادئ الناس معها الشاطر والشاطرة يلى بحفظ كرامته ومبادئه والحب يلى بقلبه




وضع الناس من ناحية المبادئ كارثي جدا حتى من ناحية الاحترام من ناحية المعاملة وبتحكيلى عن حب ونجاح حب




الحب فقط بعد الزواج فقط




احترامي لرأيك

ونقطة رابعة يا اسمى

الغرب وصل القمر وعمل اختراعات وأحنا كعرب عقلنا بصحن الفول وكيف أحب بنت وكيف اظهر مشاعرى لبنت وكيف نكون أبطال على بعض وما نحترم بعض ونم على بعض ونسب على بعض ونغلط على بعض وما يكون عنا اسلوب بين بعض




بدنا مية الف سنة ضوئية عشان نصير بنى أدمين


مشكلتنا بالحب وبالمبادئ وبالاحترام وبالاسلوب وبالضمير يعني بالعامية خليها على الله يا اسمى




احترامي

ونقطة خامسة وأخيرة يا اسمى الله فرق بين البنى أدمين والحيوانات بالعقل انتبهي ها بالعقل مش بالضمير والقلب

منح العقل لكل انسان ليش عشان لو طلع فرد بالمجتمع حرامي يتعلم منه وما يكون حرامي مثله عشان لو طلع فرد بالمجتمع فرد ناجح يتعلم منه انه يكون مثله ناجح وعشان يقدر يميز الانسان بين الصح والغلط النار لو وضعت ايدك فيها بتنحرق ليش لانه ربنا منح الك عقل تفكر فيه وتفكر بكل نتيجة لو وضعت ايدك بالنار




وهيك الحياة يعني بنت واضعة صورتها عالنت بدون عاطفة بدها تكون محترمة مثلا واقدر احكم انه الحب يلى بقلبها شريف مثلا ومش حاكية مع الف غيري مثلا بحكي كمثال




شب واضع صورته عالنت بالعقل بده يكون بنى ادم مثلا وانسان ناجح وابن ناس مثلا بالعقل الشغلة




طيب انا فرضا حبيت بنت خلص يعني أظمن انه البنت حتكون الي مثلا وحكون عنيد مع القسمة والنصيب مثلا هذا اذا ما هددها الشب وفضحها واذا ما فشلت العلاقة ودي ناس وهات ناس وحل ناس وصارت طوشة وقصة فى لحضة ما والعكس صحيح بالنسبة للبنت




الله اعطي للاجانب عقل واعطانا كعرب عقل احنا عقولنا مركزة بصحن الفول والفلافل وكيف احكي مع بنت وكيف البنت تحكي مع الشب




بالمقابل الغرب اعطوا عقولهم للانسانية وللتطور وللعلم


وبالنهاية ليس كل شيئ يلمع ذهب وليس كل ما ابتسم لك صديق او صديقة وهكذا الحب الملوث بزمن الاطفال وللاسف مبادئ واحترام وتقاليد بزمن جيل ضايع




ودمتم بخير

الموضوع جذبني بقوة ولفت إنتباهي

ام راس يابس على كل الاحوال الحب فاشل سواء عالنت او بالواقع



حتى لو حصل زواج ونجح الزواج تأكدي بعد الزواج فى لحضة ما الكارثة او بكلمة او بجملة من الزوج للزوجة حتكون مؤثرة عليها أكثر من الشب يلى تزوج مرته بدون حب يعني اتقدم الها من باب البيت




الرجولة مش بالحب الرجولة تحترم الفتاة وتتقدم الها من باب بيتها يا ام راس يابس بدون ما تحكي معها حرف واحد




احترم هاى النوعية من الرجال وارفع القبعة لهم احتراما

هههههههههه مالك ي زلمه مسكت بأسمى هيك اسئله والله صار بدها محامي ههههه


نرجع لموضوع النقاش

ع فكرة الحب احلى شي بلحياه

من حب الاهل والاصدقاء لحب النت للشب والعكس

ولكن مش حب هلايام الي هوا تبع الو مرحبا اهلين كيفك تمام انا بحبك وانا كمان لاء هادا استهبال اسمو وعمرو م بيصل لجواز

ولى حتى لخطوبه

انا بقصد الحب الحلو الي عنجد حب بيجي بعدو جواز وبيكون ناجح جدا وقليل جدا انو يفشل

لانو لتنين بيكونو بحبو بعض حب جد وم بقدرو يستغنو عن بعض لهيك بتحدو الظروف ليبقو مع بعض

اما التقليدي ع حسب ممكن تنجح العلاقه وممكن تفشل نصيب يعني


بلنسبه لسؤالك انا مش معارض ولكن مش حب هلايام اكيد الي ع فيس او منتدى وع جوال وبحبك وحشتيني وابصر شو لازم يكون حب صادق ليكمل بجواز

انا معارض لكلامك ماج يك فش حب اصلا فش عنا ضمائر حتى يكون فيه حب



كل من عليها خائن بالضمير وبالحب وبالاسلوب وبالمبادئ الا نسبة نادرة جدا

عفوا اخي

كل شخص يرى الامور بمنظوره


الأمين يأمن الناس

ولو انتا بتخون هتشوف الكل بيخون

ولو انتا م عندك ضمير هتشوف الكل م عندو ضمير

لانو طبيعي انو مش هتكون شايف انو كل الناس م عندها ضمير الا انتا م بتظبط بلعقل

بجد صار بدها محامي ماجيك هههه

انا لو الموضوع مستاهل كانت ترافعت عنك