| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
علاقات الحب قبل الزواج بين مؤيد ومعارض وانت ما هو رأيك ؟؟
بداية الكلام السلام علييكم الوقت متأخر اي بعرف بس مو عارفه انام بدون ما آخد رأيكم بهاد الموضوع علاقات الحب قبل الخطووبه والزواج ما هو رأيكم وهل ينتهي بالزواج ام
 |
| | LinkBack | أدوات الموضوع | انواع عرض الموضوع |
|
#1
04-02-2015
| |||||||||
| |||||||||
علاقات الحب قبل الزواج بين مؤيد ومعارض وانت ما هو رأيك ؟؟ بداية الكلام السلام علييكم الوقت متأخر اي بعرف بس مو عارفه انام بدون ما آخد رأيكم بهاد الموضوع علاقات الحب قبل الخطووبه والزواج ما هو رأيكم وهل ينتهي بالزواج ام ماذا .. انا بصراحة ضد الحب قبل الزواج لانه بحسوو فاشل وبعتبروا خيانه للزوج المستقبلي وحبييت آخد رأيكم بهاد الموضوع وفي شي تاني الصداقة بين الشب والبنت ما هو رأيكم بهاد الشي مو حرام يعني ما بعرف شو بدي احكي ولوين وصلنا المزح والضحك وغيروا مع الشباب .. يمكن انا بحكي بس مو لدرجه اني امزح وو لا في حدود بيني وبينهم ومستحيل اسمح لأي شخص الاقتراب او المزح معوو وما بدي حدا يزعل مني انا مو متكبره ولا شي بس بخاف ربي وبحاول ابعد لحتى ابعد عني الشبه او اي حدا يآخد عني فكره مو حلوه وبصراحة حابه افرجيكم فيديوو بيتعلق بهاد الموضووع بتمنى من كل ئلبي الكل يشاهد الفيديو لانه بجد كتيير عجبني وهلأ رح اترككم مع الفيديو ولكم الحق في التعلييق تحياتي للجمييع http://m.youtube.com/#/watch?v=tiqD1Mw_XoU المصدر: منتديات بنات فلسطين - من قسم: الـטּـِقآشآتُ الجَّآدة والـפـوَآر..! ughrhj hgpf rfg hg.,h[ fdk lcd] ,luhvq ,hkj lh i, vHd; ??  |
|
04-02-2015
| #2 | |
 
 | 
معارض للحب قبل الزواج ولخزعبلات المراهقين والمراهقات على الانترنت بالحب بالارتباط بعشيقة او عشيق وعذاب الحب وتركني حبيبى وتركتني حبيبى والى حبيبى او حبيبتى أو مخنوقة حبيبى بعيد عني او وضع صور لجذب الفتيات على الانترنت والعكس صحيح تأكدي مباشرة هؤلاء القوم مباشرة تحت خانة المعاقين فكريا وبالتربية ومعدومين الشخصيات ...إلخ البنت يلى بتحب على الانترنت وعايشة فيلم هولويدي تماما مثل قطعة الحلوى يلى بنزل عليها الذباب احترم الفتاة الطاهرة على الانترنت يلى ما بتعرف حب وخزعبلات وحبيبى وحبني وقصص فاضية وبالنهاية الحياة لا ترحم المغفلين والمغفلات الواقعين والواقعات بالحب او بغير الحب دمتي بعز | |
| |
|
04-02-2015
| #3 | |
|
أنا عن نفسي ضد هذا الشئ وما في حب قبل الزواج كذاب إلى يقول فيه حب الحب يجي بعد الزواج صدقوني أي اثنين يحبون ويتزوجون هذا شي يسبب الشكوك وراح تندمون عليه وإذا كان فيه شخص بيحب يروح يطلب ايدها ومابظن في هذا الزمن أحد يحب !! كله كذب وتسليه وخيانه أما بنسبه الصداقه مع شباب بنسبه لي انا زي أي أخ وبأدب واحترام كلام عادي بين الاثنين تسلمي حبيبتي عجبني الموضوع تحياتي | |
| |
|
04-02-2015
| #4 | |
| أغلب قصص الحب يلي بعدها زواج بتكون فاشله.. احنا لو نفكر بمنطقية وجدية شوية بقصة معينة بنلائي هالشي انتهى بالفشل.. لانو فترة الحب كل شخص بيكون يفكر بالشخص يلي بحبو بطويئة بيخليه مايشوف عيوبه.. وبعد الزواج بتبدا مرحلة كشف. العيوب يلي بتنتهي غالبا بالفشل.. يسلمو ع النقاش | |
| |
|
04-02-2015
| #5 | |
|
والله بنظري مش شرط تكون فاشلة اقرب صحباتي حبت شب من تلات سنين وبالاخر ارتبطوا وهلأ عندهم طفلين هي الاغلب فاشلة بس مش دايما | |
| |
|
04-02-2015
| #6 | |
 
|
وكأن الحب شي تئدرو تتحكمو فيه !! وتختارو بعد او قبل الزواج ! المهم : احنا اليوم بمجتمع مفتوح والبنت بتدرس وبتشتغل وبتتعرف ع كتير ناس وشي طبيعي انو تعجب بحدا او تعجب حدا وكتير عالم اتزوجو اتعرفو على بعض بالشغل او بالجامعة ليش لنحكم انها فاشله !! عشتو هيك شي لتحكو فاشله متلا ع اساس الزواج التقليدي كتير ناجح مثلا ؟؟ الزواج قسمة ونصيب سواء عن حب او تقليدي انا شفت الفيديو وحكى شي مهم حكى عن الخلوة الشرعيه او غير الشرعيه وما بزن باي علاقة بين شاب وبنت بصير خلوة الا بحدود الشرع جيلنا مو جيل تافه او فاضي متل ما عم تحكو بالعكس جيل واعي وان كان في بعض الشواذ رايي فقط يسلمو للنقاش اختي | |
| |
|
04-02-2015
| #7 | |
| انتو حكيتو مع او ضد انا بدي احكي بمنظور اخر طيب ممكن نحكي شو السبب الي بخلي الشب البنت يحبو عالنت ؟ مو من ظلم الاهل والاب واضطهاد البنت مو من غلاء المهور وتكاليف الزواج المجنونه يعني معظم الشباب لا شغل ولا حتى فرصه عمل ومنين يجيب 50 الف دينار شقه جاهزه مفروشه و10 دينار تكاليف زواج ومهر بدو عشرين سنه ليجمعهم الا لو كان حظه منيح واجته فرصه للعمل بالخارج او اهله اغنياء انا ما ببرر الحرام لكن نعالج الاسباب اول بعدين منحكي حرام وحلال الحب ما بستأذن حدا الحب قدر ونصيب لكن المفروض من الي بحب بنت ما يضحك عليها ويكون صادق من البدايه وما يستغل طيبتها وضعفها وحاجتها اليوم انتهى عصر الزواج التقليدي باعتقادي لانه البنت اصبحت تختار زوجها بنفسها وكتير حالات حب عن طريق النت او خارج نطاق العائله في الشغل او الجامعه او ...الخ انتهت بالزواج ما نعمم بانه فاشل انا متاكد كل شي نصيب كما حالات الزواج التقليدي في نسبه فشل كبيره وكمان الحب عن طريق النت في نسبه فشل كبيره كل شي برجع للصراحه والحب الحقيقي الصادق انا هادا رايي شكرا اختي للنقاش | |
| |
|
04-02-2015
| #8 | |
|
آنـآ مع الحب قبل الزوآج ♥ ")) بس مو حب عن طريق النت ")) مع إنو ممكن يكون نآإجح إزآ كآإنو الطرفين صصآدقين بس برأي الشخصي غلط ^^ يسلمو يآ عسسل ") ورده | |
| |
|
04-02-2015
| #9 | |
| حنين لرائحة زمن مضى ツ
| مش كل علاقه بديت بالحب ونجحت بالنهايه، والعكس برضه مش كل تنين اخدو بعض بدون حب وفشلت حياتون الزوجيه، يعني مفش جواب محدد لإنه الشغله بتتعلئ ئديش في توافق بين التنين، وئديش فاهمين ع بعضون، وبظن هالشغلات لازم تتواجد ئبل الحب، وبغض النظر بأي مرحله بيكونوا جيزه او خطبه او كيف طبيعة العلاقه بيناتون، التوافق والتفاهم من كل النواحي اهم اشي لإنون من اسس السعاده الابديه، مع إنه احتمال كبير الحياة تتغير مستئبليا وتتغير حياتون فجأه للاسوأ، بس ما بظن الظروف الصعبه تكون عائق طالما "التفاهم" موجود بيناتون من بداية علائتون ببعض من ئبل الخطبه والجيزه .. اما بالنسبه للصداقه، لو مفش اشي اسمه صداقه كان مخلئوش هالكلمه بكل بساطه، يعني الصداقه موجوده بس مش بهالزمن يللي عايشينوا إحنا اليوم، بغض النظر ان كان صداقات بين شب وبنت، او بين بنت وبنت او بين شب وشب، لإنه بالنسبه إلي صاروا الناس مصالح مش اكتر، ع كل حال بستغربش اذا انوجدت صداقه حقيقيه بس بنسبه ئليله يمكن 1 بالميه من 99 !! شكرا ع السؤال ..  | |
| |
|
04-03-2015
| #10 | |
|
اسمى مع احترامي للجيل الصغير بالمنتدى ولكن مواليد عام 1990 الى مواليد 1995 جيل غير واعي نهائيا الا ما رحم ربي ولكن بشكل عام للاسف الجيل الصغير الحالي نهائيا غير واعي بعدين بتحكي وكأنه نظرتك إيجابية للحب وعلاقة الحب من طرفين بدى اسئلك سؤال شخصي اسمى انتى كاسمى بتقبلي على نفسك تحبي شب سواء من النت او الواقع وانتى حكيتي قسمة ونصيب يعني نفهم صارت الشغلة تجربة هيك شب يحب بنت وبالاخير قسمة ونصيب معنى الحكى الاشي او الحب غير مضمون بالنجاح بالنهاية بزواج الطرفين ردك يا اخت اسمى مناقض للواقع نهائيا جيل غير واعي الحب حاليا اصبحت حب مراهقين ومراهقات وللاسف والمؤسف حب تدمير بيوت واذا ما حصل تدمير بيوت حب فضيحة لطرف من الطرفين واذا ما حصلت فضيحة للاسف البنت بتكون كلعبة تحت ايد الشب والعكس صحيح احصائية خلال بدايات عام 2015 شفتها على دنيا الوطن نسبة الطلاق بالمجتمع الفلسطيني زادت نسبة البطالة زادت نسبة العنوسة زادت الى 125 الف بنت عانس بالمجتمع الفلسطيني للاسف القيم الاجتماعية شبه مدمرة وبتحكيلى جيل واعي اذا الجيل الكبير نوعا ما جيل مدمر وبعاني من البطالة والعنوسة والاحباط فما بالك الجيل لى اصغر منه ما بحكي مجتمعنا فاشل لا ابدا مجتمعنا ناجح ولكن فيه عدة عوامل واقعية كالبطالة العنوسة كل هاى الامور بتضرب باقي القيم وبتضرب جيل الشباب سواء الكبار والصغار ونتائج ضرب القيم وجود شريحة ضخمة فاشلة حتى بالحب بالتعليم بالقيم بالمعاملة بالاسلوب بالاحترام بين الناس بالنهاية حب هالايام عبارة عن خزعبلات (ومسخرة وفضايح وقلة أدب ) احترامي لرأيك اسمى | |
| |
|
| الكلمات الدلالية (Tags) |
| مؤيد, الحب, الزواج, رأيك, علاقات, ومعارض, وانت |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| غربان ذكيه تبني أعشاشها من علاقات الملابس | ﻏچـړﭜﮧ ♕ | عالم الحيوان والنبات | 14 | 12-16-2014 03:17 PM |
| قبل الزواج..وبعد الزواج | روحي فداكي يافلسطين | زوايا عامة | 15 | 02-01-2014 03:17 PM |
| بعد الزواج اين يذهب الحب للمناقشة | ابو ياسين | الـטּـِقآشآتُ الجَّآدة والـפـوَآر..! | 4 | 08-22-2013 11:22 PM |
الساعة الآن 11:32 PM
