|
يوم من حياة عضو مع " dark devil " .. يسعد مساكوا الجميع، اول ضيف معنا بهالموضوع، صاحب الغموض، http://www.bntpal.com/vb/avatars/u40...ine=1421797275 dark devil استضفتك لتعيشا يوم من حياتك اليوميه، وتحكيلنا كيف بتئضي هاليوم، وتصور اشياء لتفوتنا بالجو اكتر إذا عندك الرغبه طبعا، ببداية الموضوع اكتب اليوم مع التاريخ، وبحب اذكرك انه كل مشاركتك لازم تكون بمشاركه وحده مش اكتر، واكيد بعطي المجال للاعضاء يللي بيحب يعلئ او يحكي اشي .. بإنتظارك .. :137: |
اول شيء . يسلمو كتير على استضافتك الي سمرة . بيشرفني اني اكون ضيفك الاول . بتمنى اني ادخلكم بقلب يومي بشكل مناسب . بس مشاركة وحدة قليل :( يومي طويل بيكون احيانا . بيلزمو شي 3 مشارككات وهيك :$ بزبط ؟ ولا شرط انو مشاركة ووحدة ؟ |
استضفتك لانك من الاشخاص المميزين بالنسبه لإلي، فكرت شوي لاحظت كلامك مزبوط، ما بتزبط اني احدد المشاركات، لهيك رح خلي كل عضو ع راحته، يعني خد راحتك بالمشاركات، المهم انه تكون مبسوط وانت عم تشارك، ناطرينك .. :137: |
يسعدك سمرة . بيسعدني اكون مميز بنظرك . ان شاء الله من بكرا ببدأ اوثق يومي بالصور وبكتب تفاصيله و بنظمه وبرتبه بطريقة جيدة . يسلمو من تاني لاستضافتك الي . |
أحسنت سمرة إختيآرك للمشرف dark devil ما شاء الله حضور وتمييز .. ربي يعطيك العافيه ي وردة رح كون من متابعيينكم بإذن الله .. تحيآتي |
عوآفي عَ الإختيآر سمره دآرك ديفل من الأشخآص اللي ليهم تأثير كبير بالمنتدى يوم موفق دآرك متآبعة .~ |
اختيار موفق ورائع ونحن بالانتظار لروحك وابل من السعاده ولضيفك الكريم |
دارك من الشخصيات الجميلة والجدية هون منتظرينك اكيد يسلمو حبيبتي سمره اختيار راقي وجميل يعطيكم العافية |
اختيار موفق اثار يعطيك العافيه حبيبتي دارك ديفل صحيح انه تواجده قليل واحتكاكه قليل بالاعضاء لكن شخصيته حلوه وبعجبني فيه أفكاره ونقاشه بانتظاره |
بدايه فكرة الموضوع جدا حلوة وبتخلينا نتعرف ع بعض بشكل اكبر وتانيا الاختيار كان جدا بمحلو لشخصيه متل دارك ديفيل بانتظار ضيفك سمرة لنعيش يومو ساعة بساعة متابعة انا~~ |
الفكرةة راقتني كما قلت من قبل. واختيار الانيق دارك كان اختيار موفق . سأبقى متابعة معكم //~ |
اقتباس:
بيسعدني متابعتك . تحياتي الك .. |
اقتباس:
بييسعدني سماع هالشي منك . يسعدك . بيسعدني متابعتك .. |
اقتباس:
بتنور دائما .. |
اقتباس:
يسعدك يا رب . منورة دائما .. |
اقتباس:
يسعدك خيتو . يسلمو الك . تحياتي الك .. |
اقتباس:
بيسعدني متابعتك . تحياتي الك . |
فكرةة كتير حلوةة واختيار كتير مميز دارك صاحب شخصية حلوة كتير وبحب تواجده ب الانتظار ^^ |
اقتباس:
تحياتي الك ولوجودك .. يسدني متابعتك . |
اقتباس:
تحياتي الك . بتنوري . |
ابدأ يومي . يوم الاربعاء . 4\2\2015 بدأ يومي الساعة 10 تقريبا .. "يومها نمت الساعة 6 الصبح" يعني نمت 4 ساعات فقط . بدأ يومي بإتصال صديقي (محمد) لانه اتفقنا انو نلتقي للجامعة الساعة 10 . اتصل عليا وكنت نايم . فتحت خط و انا نايم كزلك . لا هو انتبه ولا انا انتبهت الا بعد شوي من الرد ع المكالمة انا انتبهت اني رديت عليه . قمت من السرير لحتى اكلمه . " مع انه معتاد اني لما اصحا اقعد ع السرير اقل تقدير ل نص او ربع ساعة " قالي تعال ع الجامعة يلا . بما انو الجامعة قريبة ع بيتنا جدا ف لما يوصلو اصدقائي ع الجامعة بيتصلو لحتى ابدأ اللبس واطلع . هي جامعتي من سطح بيتنا .. http://www.bntpal.com/vb/img/bntpal_1423127099_907.jpg لبست وجهزت نفسي ما افطرت . ورحت ع الجامعة ع محاضرة (محمد) كان (محمود) بيمشي معه وشفتهم . رحتلهم . ودخلنا المحاضرة تبعت (محمد) "مع اني ما بحضر محاضرات كتير بالجامعة و المادة هاي خلصتها والدكتور بيعرفنا انا و (محمود) وعارفنا مخلصين المادة" اسم الدكتور (احمد ابو الخير) رحت معهم و دخلت القاعة وكلو تمام .. الدكتور بدأ المحاضرة و مشي شوي فيها . شافني انا و(محمود) سكت وقال . الدكتور : هيه , محمود , ايش بتعمل هنا و مشي الدكتور لعنا وسلم عليه . "كل الي بالقاعة بيتطلعو ع محمود" الدكتور : لا هادا طالب عندي ومشهور . انا : طب ليش هوا مشهور وانا لا , مهو صاحبي :132: "محدش سمعني" :100: كملت المحاضرة و انا نص نايم وعيني بتغمض . وخلصت . وطلعنا من المحاضرة لكافتريا الجامعة . شي 5 دقايق . ورحنا مشوار صغير ل بيت (محمود) لانو بيتو قريب عن الجامعة كمان . رحنا لبيت (محمود) و قضا غرضه . بعد ما قضا غرضه مرينا ع "ستبس" لانو جنب بيتو تماما . هي المسافة من المول لبيتو . http://www.bntpal.com/up/uploads/bnt...3126832741.jpg بما اني ما افطرت ف بدي شيء يخليني نشيط لباقي يومي . ف كل واحد اشترى شي . انا اشتريت xL 500ml الحجم الكبير يعني . لانو الحجم الكبير هوا الي صار يمشي معي . لاني مدمن لهادا المشروب . هي مكان المشروب بالمول :64: http://www.bntpal.com/vb/img/bntpal_1423127100_203.jpg بعدها رجعنا للجامعة . رحنا لمكان بنسميه "الحديقة" هيو . http://www.bntpal.com/vb/img/bntpal_1423127099_980.jpg قعدنا هناك و كل واحد شرب واكل الي جابو . شربت ال xL بغضون دقيقتين :$ وقالولي كيف لحقت و انصدمو انو كيف شربتها بسرعة :64: حد يقلهم اني بحبها :132: بعدها بدينا نمشي ونلفلف بالجامعة . معروف عنا الطابق الارضي بالجامعة للفلفة . رحنا للطابق الارضي وقعدنا نمشي ونروح ونيجي ونحكي و نتسامر ونتهابل :/ هي المكان الي بنمشي فيه "بعد ما فضي" . http://www.bntpal.com/up/uploads/bnt...3126833513.jpg http://www.bntpal.com/up/uploads/bnt...3126833844.jpg بعدها تعبنا من كتر المشي حوالي ساعتين مشي ولفلفة بطوابق وحرم الجامعة . اخدنا بريك و قعدنا بالكفاتريا للساعة 2 . و وصلوني الشباب ع البيت . وروحنا . وهيك بينتهي صباح يومي و يومي الجامعي . يتبعــــ .. |
روحت انا للبيت . لما اروح البيت بيصير معي موقفين بشكل شبه يومي الموقف الاول ’ لما ادخل من المدخل الخارجي للبيت وافوت الدولم بيجيني (نعنع) يجري و ينويلي . لحتى احسس عليه و اللعب معو . بلعب معو شوي . وبخليه ينبسط :$ وبدخل البيت . هي صورة للموقف http://www.bntpal.com/vb/img/bntpal_1423128053_339.jpg الموقف التاني’ لما افوت مدخل البيت الداخلي . بلاقي (دعبول و ليلي) واقفين ع الباب بيستنو اطلعهم . بس ما بطلعم لانهم "قطط منزلية" بطلعهم ع ممر مفش فيه ببس وبراغيت . هي صورة للموقف . http://www.bntpal.com/up/uploads/bnt...3128011591.jpg بالبيت انا عامود اساس فيه . بمعنى . اغلب اعباء البيت محطوطة ع عاتقي . من مشتريات و تنظيف وجميع الامور بالمنزل تقريبا . حتى تجهيز الفطور او الغدا بساعد فيه احيانا . المهم رجعت ع البيت وبطبع الحال متعود بدخل البيت بدور ع حد من اهلي وبقلهم "اجيت" "و بيبدأ دش الطلبات كوني غبت عنهم فترة الجامعة". بنفذ طلباتهم مرة وحدة او ع حسب الاولوية والحاجة . بشتري متطلبات البيت من مكانين . دكانتين . الاولى على راس الشارع اسمو (مراد) . والتانية اخر الحارة من تحت اسمو (ابو جبة) . بجيب طلباتهم المنزلية من هدول المكانين . وانا راجع من عند (مراد) لقيت شخص بنص الشارع عم يتطلع عليا باستغراب . اتطلعت عليه و حسيت اني بعرفه . حاولت اتزكره . شوي وعرفته . طلع صديقي المقرب الي كان بصف رابع وخامس واسمه (ابراهيم) . شافني من بعيد وضحك . ابراهيم : عبد ؟ عبود : ابراهيم ؟؟ "سلمنا ع بعض" ابراهيم : كيف حالك , شو اخبارك . عبود :انا تمام انتا كيف حالك وين اراضيك .. .... الخ حكينا مع بعض شي ربع ساعة و حكينا عن كل شي . و انبسطت كتير بانه حكا معي وانو اتزكرنا بعض وايام الابتدائي و هيك . بعدها رجعت البيت وطبعا رحت المشاوير التانية لعند (ابو جبة) ورجعت للبيت . كانت الساعة صارت 3 . افطرت وقتها . "متعود افطر متأخر و اتغدا ع ال 7 او احيانا ما بتغدى" افطرت (حمص - بيض مقلي - عصير) بعدها قمت اغير واغسل . وتمددت ع ال 5 و نمت .. يتبعـــ ... |
صحيت على الساعة 7 ونص . على جية الكهربا . لما تيجي الكهربا . كل الي بفكر فيه هوا النت . "لانه مكان اشبه بالواقع بالنسبة الي , ولا يكتمل يومي بدونه" . صحيت و غسلت وتمام . وقعدت ع النت . شي نص ساعة . وبدأت الطلبات تاني . صرت اقضي طلب او طلبين واقعد شوي ع النت . لحد الساعة 10 تقريبا و انا اقوم بنفس الامر لانو اخويا الكبير كان بده "اكل لعصافيره" . عبارة عن "اكل اطفال من الصيدلية" و مقطوع نوع الاكل هادا بغزة . بس لقيته بعد جهد جهيد . رجعت للبيت . وقعدت ع النت . النت بقضي وقتي فيه ع 3 اماكن . "تمبلر - فيس - منتدى" بقضي وقتي بالنت ع هاي الاماكن . "التمبلر" من اكتر المواقع الي بنسا نفسي فيها و بتعمق فيها . اقرب المواقع ع قلبي بقعد فيه بالساعات بدون ملل . هوا والمنتدى . لحد ما صارت الساعة 12 تقريبا . واجتني دعوة من "البريئة" ع موضوع "البريئة & المحكمة !" اجيت اجاوب نصو لحد الساعة 1 الا ربع . قطعت الكهربا :132: وانحذف كل شيء :132: و رحت اتمددت ع سرير غرفة اهلي شوي . كنت نعسان شوي لاني ما نمت منيح . ف رحت اتمددت وبغضون دقايق كنت نايم . "من عوايدي كمان اني بنام أي مكان حتى عالكرسي لو كنت نعسان" :64: ف نمت و غفيت . صحيت ع ال 1 وربع . نقلت ع سريري . ونمت نومة عميقة . "مع اني متعود اسهر و انام ع ال 6 الصبح" :132: صحيت الساعة 7 قبل كم ساعة . وبدأت أرد ع استضافة البريئة . وهيني بكتب بيوم مبارح . وبس . هيك بكون عيشكم يوم من ايامي . "الروتينية" بتمنى اني ما كنت ممل :64: |
بصراحة دارك كتير حلو يومك جدا روعة وكتير جميل برامجك الله يعطيك الف عافية راقني بشدة ما قلته حتي الصور جميلة بجد روعة روعة برافو عليك ودي |
يوم حافل بجد هههه حبيت دعبول والبس التاني نسيت اسمو هههههه يعطيك الف عافيه دارك وانشالله كل ايامك تكون حلوة تحياتي |
اقتباس:
ومتعب جدا . لانو بقضي اغلب اليوم مشاوير . يسعدك . وبيسعدني اعجابك بهالشيء . يسلمو كتير . |
اقتباس:
مرهق جدا كان . كلو طلبات . دعبول وليلي و نعنع نعنع ابني :$ يسلمو يسعدك خيتو . منورة دايما . |
يتربى بعزك نعنع هههه نورك خيو يسلمو |
اقتباس:
عمررو 6 سنوات . كتير بحبه :$ يسعدك :) |
بيتكوا كتير حلوو حبيتوو بجد كان يوم حلوو كمآن دارك و استمتعت بالقرآءةة و بجد حياتك حلوة بس ليه كل الطلبات عليك :( |
من أجمل الاختيارات..ف إنتظاارك ي أنيييق . شكرا سمرةة . |
اقتباس:
يعني 48 سنة او اكتر عمره :$ يسعدك يا رب بيسعدني اعرف هالشيء . لاني ما بناقش كتير وبرد بسرعة :( ف كل شي عليا :( |
اقتباس:
خلصت الاستضافة انا :$ منور حب . |
عبود رائع ي فنان عنجد يوم ممل ي زلمه هههه انتا لليوم م بتشيش او بدخن مع العلم حاولت اعلمك الدخان بس م ظبطت معي م عندك اخ صغير ترمي عليه كل الطلبات بس عنجد اتمتعت وانا بقرأ بيومك |
اقتباس:
ههههه ي وييل قلبي :74: . انا نطيت من أول الموضوع ع أخره :64: . . يووومك احلى من يومي والله . :74: تتهنى ي رب . |
اقتباس:
دايما ايامي مملة :( هههه انا بشيش شوي متل ما بتعرفني . اما دخان لا ولا عمري بتقبلو . عندي بس عشان انا برد بسرعة وما بعترض ف بيطلبو مني انا . هههه حبيبي الله يسعدك :$ منورني :$ |
اقتباس:
معلش . بتهيألك . يومي ممل ومتعب شوي :/ يسعدك يا رب منوور |
نعنع بشبه القط تبعي أنوش هههه يومك كان حلو واستمتعت وانا بقرأ شو كتبت والصور عجبتني خاصة القطط يعطيك العافيه دارك |
هههه يوم حلوو انسجمت بالقراءة منيح انو في جامعة وصحاب تغير جو لسا الروتين الممل جد بس تخلص جامعة اكتر شي لفت انتباهي عشقك للقطط انبسطت كتيروانا اقرأ ^^ |
اقتباس:
في اسم تاني ل نعنع اسمو "لَلُوش" يسلمو كتير خيتو لونلي هارت . ربي يسعدك انا بعشق الحيوانات بشكل عام . بداية من القطط مرورا بالكلاب والذئاب نهاية بالأسود . |
| الساعة الآن 06:49 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.