|
غسيل مخ !!! بدأت بكتابه رساله إعتذار ووداع لمن تحب فقد قررو الفراق بعد قصة حب طويله احتاجت لفسحة لنفسها مع القلم دموع انهمرت .. مشاعر اجتاحت صدرها ألما فالغالي قد غاب ... ذهب دون كلمة وداع آشتاقت لهمساته .. آشتاقت لابتساماته لرؤيتها حتى لمزاجيته .. لعصبيته .. لكل تفاصيله ولكنه أصبح الغائب الحاضر!! قرر الرحيل وأخذ ضحكتها وسعادتها معه .. امسكت صديقها القلم وبدأت تخط رسالتها الأخيرة لم تكن مهمة سهله فالحروف قد رحلت برحيله .. والكلمات والمفردات غابت لغيابه بدأت رسالتها بكلمة حبيبي.. أضناني الشوق وأرهقني الغياب أعلم انك لن تعود أعلم انك اكتفيت مني ومن جنوني أعلم انك حزمت حقائب الرحيل من مملكتي بعد ان توجتني ملكة عرش قلبك عدت لتنفيني بمنافي الزمان بعد أن أذقتني طعم عشقك عدت لتقتلني جوعا!! فأين السبيل وقد كنت الدليل ؟! أعلن قلبي الحداد ولبس السواد ونبضاته لم أعد أسمعها !! لم تعد تتراقص على أنغام صوتك كلماتي وقبل أن تنهي رسالتها رن هاتفها انها رساله منه !! دون وعي او ادراك لما يحدث إن كان حلما او واقعا قرأت كلماته القليله "حبيبتي ..أنتظرك بمكان لقانا !!" ردت واناملها تداعب الحروف " آتيه ..أمهلني نصف ساعة فقط " مزقت رسالتها .. اختفت دمعتها .. رقصت على دقات قلبها وفتحت باب خزانتها لتلبس أجمل ما لديها من ثياب يعني نشفت دمنا .. وبكتنا وانا شخصيا دعيت ع حبيبها !! وبكلمة نست كل شي فعلا الحب مسلسل تركي ههههههه هاي الحلقة الاولى بس !! ما تستغربو البدايه .. فموضوعي ليست الحب او الفراق موضوعي باختصار : مدى تاثرنا بالمسلسلات التركيه والهنديه والمكسيكيه !! فأصبحنا من عشاقها ومتابعيها نعيش لحظات حب ابطالها ونبكي لفراقهم نبارك للبطله ان حملت من عشيقها وننتظر أخر حلقة لنبارك لهم زواجهم بعد سته أجزاء!!! أصبحنا نقلدهم فكلنا نريد ان نكون نور ولميس وفريحة ونبدأ برحله البحث عن مهند ويحيى !! ﻻ أبالغ حين أقول أننا وصلنا حد الجنون نعم .. تعرضنا لعمليه غسيل مخ جماعي !! ﻻ أنكر اننا بحاجة للرومانسيه احيانا في حياتنا وأنا كغيري أنتظر فارس احلامي ولكن بدون الحصان الأبيض فعصر الأمراء قد آنتهى ... وحل محله مهند !! لهنا أكتفي .. لعل الفكرة وصلت .. مع تحياتي أنا ملك روحي |
ههههههه وربي تآثرت بالبدآيةة المصيبةة واللي لآحظته ان صآر الاطفآل يتآبعو هآ المسلسلات موب بس الكبآر ويتآثرو فيهآ يعطيك العآفية غاليتي ع طرح اعجبني جدآ انفآس الجوري لروحك |
يعطِـــيكْ العَآفيَـــةْ.. عَلَـــىْ روْعـــَــةْ طرْحِـــكْ’.. بإآنْتظَـــآرْ الَمزيِــدْ منْ إبدَآعِكْ .. لــكْ وردّيْ وَأكآليلَ ورْديْ .. |
هههههه يعني بعرف اكتب خواطر ؟؟ههههههه خيتي انا بتابع تركي ما بنكر بس في عالم بعرفها بتحضر 4/5مسلسلات باليوم ومعظمهم صبايا ووﻻد بعمر المراهقة تخيلي شو ممكن يتعلمو !!! نورتي مشاغبه يسعد صباحك |
يعافيكي ملكة الحرف نورتي غاليتي |
بدك احكي بكل صراحه ؟ وبدون زعل لانه الي رح احكيه شي واقعي |
اي اكيد وسام احكي وخد راحتك :2: |
امممممممم الموضوع لامس شئ بواقعتنا وطرحتيه باسلوب حلو عوافي ملك |
يسلمو نبض بتشرف برايك وبردك نورتي |
اوك رح بلش معك هلا لو في البعض منا رح يتذكر مسلسل كسندرا هذا المسلسل المكسيكي كان هو اول بوادر الخير للمسلسلات التركيه ورح اوصفلك التشبيه بالضبط عنا كيف كانت اجوائو شفتي ايام رمضام لما كات يقترب اذن المغرب وهاد نفس الشي قبل ما يبدء بربع ساعه ما تشوفي جنس مخلوق بالشوارع وثاني يوم ببدء التحليل السياسي بأحداث المسلسل طبعا بتفوتي البيت بتلقي الكبير والمقمط بالسرير قاعد بحضرو عنوانك مكتوب بحذر غسيل مخ اوم بتفق معك انه غسيل مخ لكن الله سبحانه وتعالى القرأن ثنائي المفردات وبأمكانك ترجعي للقرءان وتتفحصيه زوجين اثثنين جنه ونار عقاب وعفو الخ والحياة طريقين طريق يؤدي الى المهلاك وطريق يؤدي الى الراحه الابديه ووضع بينهما العقل والقدر وجميعنا نتفق على هذا ولا مجال للنقاش فيه ابدا لانه منزل من عند الله السياسات الغربيه التي وضعت لنا كلها تؤدي الى طريق الفجور والاعلام هو اكبر مروج لها اي تعلم اولادنا وبناتنا طرق واسليب تؤدي بهم الى الهلاك وهذه السياسات لم تأتي عبثا بل عن دراسه كبيرة ودائما ما نسمع اقوالهم عن العربي أنه يهمه كرشه وجنسه الموضوع بشكل عام مرتبط بنا نحن وما نربي عليه اولادنا من كلا الجنسين لقوله تعالى ولن ترضى عنك اليهود والنصار حتى تتبع ملتهم نحن امة مسلمه عربيه تقلد بدايتك كانت رائعه وارجو ما حدا يزعل مني الفتاة بحد ذاتها وتركيبتها عاطفيه وتصدق اي كلمه تقال لها وكما نعلم العاطفه عند الانثى تغلب العقل الفتاة جٌل ما تريد هو الشعور بالامان بأحضان الرجل وان تكتسب منه الحب لها فقط وانا اقول نعم ما تريده مقبول لكن بالقرن هذا وعلى حالنا ان اصف الرجل بالثعلب اذ يلعب على الوتر الحساس ويعمل على ايقاع الفريسه وبكل وضوح ما يحتاجه الرجل هو اشباع رغبته الجنسيه فقط طبعا لا من رحم ربي وسيقول الي بتحكي مع واحد بتحكي مع الف ومن يساعد هذا الثعلب هيه نفسها الفتاة على برئتها وكما نعلم الفتاة كالزجاج ان شخط لا يمكن ان يصلح ابدا وأن رأئها احد سيقول فلانه ( ؟ ) وهذا الحاصل اليوم بالمجتمع احد الصحابه فقط لانه لمح كعب امرئه ساح بالجبال خوفا من ذنبه من شجع هذا الثعلب ومن اعطى للفتاة الحريه لمجارة الشاب لااطماعه هناك مروج اعلامي خطير وبرامج تساعد على التعليم ومن يساعدها طبعا وبكل فخر سكوت الاباء والامهات على الجلوس امام تلك البرامج لا تضعي اللوم على المسلسلات لانها مدروسه بعناية لكن حطي اللوم على من سمح لمشاهدتها لتغيب العقول عن الحال وان يلتهي كل شخصين بمصائبه جراء هذه الدروس وننسى الامر المهم لم خلقنا على وجه الارض الشاب بعمر 16 سنه كان يقود جيشا والايام هاي والله ما بسلمو مطعم كل راعا مسؤول عن رعيته لماذا تركنا السنه النويه لانها تمنع عن تلك الافعال ؟ او تمنع الشهوات حسننا نترك السنه لكن تذكر امر واحد النار محفوفه بالشهوات والجنه محفوفه بالمكاره ولك حرية الخيار وقتها امة تقرء ولا تطبق اجيال تخرج وقلبت من رجل الى انثى والعكس والجميع يسمع بالجنس الثالث ولا تنسى ان تلك المسلسات فيها مشاهد جنسيه وان شاهدها الطفل سيطبقها حتما بلا منازع وذكرنا ان الطفل بموضوع نبض سريع الحفظ وايضا سريع التطبيق ولي عوده |
هآدآ وسآم فيلسوف زيآدة هههههه عم بمزح عنجد رأيك مقنع ربي يحميك |
وسام الملك ما فينا نلوم الاهل ع كل شاردة وواردة راح احكيلك شي فيك تمنع وﻻدك عن التلفزيون او عن النت؟؟! صعب جدا حتى مع المراقبه /جيل وعندو فضول كبير هاي نئطة تاني شي اللوم الاكبر على اعلامنا العربي بشكل خاص يمكن بفترة حكينا مرحله وبتروح بس شكلها ما راح تروح للاسف حتى معظم الممثلين العرب اتجهو لمجال الدبلجة وبطلو يعملو مسلسلات عربيه تحاكي واقعنا العربي المسلم برايي عم نتعرض لعمليه غسيل مخ مبرمجة واهدافها معروفة ونتائجها بلشت تبين واللوم كل اللوم بيرجع لحكوماتنا النايمة واعلامنا العميل |
ههههههههه والله من شعرك بدي اشدك :37: صح حكيك اتأثرنا وكتير كمان هاي المسلسلات صارت ماخدة اغلب وقتنا بس من الفراغ شو الواحد بدو يعمل كماان احنا البنات بس بدنا هيك اشي بنموت بالرومنتيك وهيكاا ههه بس ع يلي بنشوفه (الواقع)مخالف يعطيكِ العافية ملوكة |
مزبوط كلامكون انلتو الكل بس بالنهاية وبالواقع والشي يلي ما بنئدر نغيره او نتجاوزه انو التفكير الغربي بيختلف عن التفكير الشرئي والعادات وكل شي بيختلف كلياَ يعني بمجتمعاتنا الشرئية من المستحيل يسير متل ما عم يسير بالمسلسلات بس معك حئ بخصوص المتابعة للمسلسلات التركية والهندية انا عني بتابع بس العشق الاسود مسلسلات سورية اما هندي ومدري شو نونونونو خطيرة بطروحاتك ملك |
اقتباس:
عشتي اللحزة مو ؟هههههههههه الله يعافيكي رقة بجد نورتي وانبسطت لوجودك ورداتي |
اقتباس:
حبيبتي روز بجد نورتي اي انا خطيرة ههههههه يسعد صباحك |
ملك رح اقنعك شوفي انتي بتحكي مو كل شي على الاهل ورميتي على الحكومه ماشي اذا الحكومه شيطان ليش اتبعها وانا كوالد لطفل ليش اسمح لطفلي ان يتبع الشيطان مني بحيلك ربنا اعطيكي طريقين صح وغلط جنه ونار عذاب ورحمه ولمعلوماتك كل واحد رح ينسئل عن كل شي بحياته ورح يتحاسب على ذريته فكيف مو كل شي على الاهل المجتمع من وين بنطلق بنطلق من مؤسسه ولا من الفرد بنطلع السلم درجه درجه اذا ما بدي اطلع جيل يوكب المجتمع فليس اعمل حالي رجال وأخلف هو بس اخلف وارمي بالشارع طبعا كل اللوم على الاهل همه اساس التربيه الرسول كم تعرض من أغراءت ترك الرساله؟ افهميني سياسات حبكت ووضعت كرهان وكلها مسلطه على الشباب لان الشباب ان رجعت للعقيده الصحيح سوف تقوم ولن تقعد لذا باشرو بتضيعهم من سن الطفوله الى ما نهايه ولي عوده |
وسام انا ما عم اعفي الاهل بس كمان الكف ما برد المخرز !! يعني باختصار هجمة منظمة على افكارنا وثقافتنا غزو من نوع جديد للفكر وللعقل اعلامنا الو يد كبيرة بالموضوع يمكن اهلي واهلك متل ما بحكو كانو بس متابعين قناه وحدة بتعرض مسلسل واحد فقط مراقب واي لقطة خارجة يتم حذفها طيب واليوم ؟؟!! بدل القناه الف وبدل المسلسل الاف لو ئد ما يحاولو الاهل ما بزبط ازا ما كان في مراقبه من الحكومة والاعلام ووزارة الثقافة وما بعرف شو كمان وبعدين انت عم تشبه مين برسولنا محمد ؟؟؟!!! ما في تشبيه ابدا وسط اغرائات و ملذات ﻻ حصر لالها |
الي بقدر يحذف اللقطه بقدر يحذف القناة بدك اعلمك محسوبك بقدر اركب وابرمج الستلايت مش صعبه وفي موضوع كل ممنوع مرغوب ليش انا ما احذف الممنوع مشان يبطل يصير مرغوب وبعدين تعالي محنا متفقين انها هجمه اعلاميه غربيه بجميع المقايس وهيه الشيطان الاكبر انا ليش ادخل الشيطان على اسرتي بلا اعتبر التلفاز شيطان الي جواته بقدر احذف الشيطان منه واحنا رح انظل نقول كف ومخرز ونندب حظنا لمتى طيب في حلول معنا نتبعها |
ما بعرف شو ممكن انا كأم او أبو اعمل بهيك شي بتخيل حالي ام عندي مراهقين شي ع النت وشي ع التلفزيون وشي ع الجوال أنا كأم اعطوني حل؟؟ |
هاد الشي رح تشوفيه لما تصيري على خير ام ورح تعرفي انو هالحكي صحيح لانه الحكومه بتعطي ترخيص لخمارة بس ما بتعطي ترخيص للسب يروح يسكر يا ملك وانا اذا بدي اشوف ابني حامل قنيه وبشرب شو رح تكون ردة فعلي اقول كلو من الحكومه وين كنت عن ابني طيب انا لما كان يطلع بنص اليل كنت فاتح قناة او تي في وبحضر برنامج النكت |
ههههههه اكيد معك حئ ربنا يهونها علينا بس بجد واقع مزعج |
الواقع لا يتغير لكن من يسكنه هم بيدهم التغير والطريق واضح |
ملك اسمعي كلمات هاي بتمثلك موضوعك كلو لا تتبعي اللحن بس اتبعي الكلمات والرساله الي فيها https://www.youtube.com/watch?v=WYJObSPwQT4 |
هي المسَلسَلاتٌ بحدَ ذاتهَُا غسيلَ مخَ مش بالتحديدَُ التركيَةُ فقطَ ولو انهَُ هالمسَلسلأتَُ شدتهمَُ الها آكثرَُ لحتَى وصل الحالَ بالبعَُض للطلاقَ بسبب بعضُ ممثليهمَُ ، فكرتكَُ التيَ اردتيَ ايصالهَُا لنَا وصلتَُ وهيَ جميلةَ بصدقَ .. |
قبل ما ارد تمنيت ان تكون المقدمه في نهايه الموضوع يعني الاسباب ثم النتائج عكل حال اقول اعتقد ان المسلسلات التركيه الهابطه استطاعت ان تلفت انظار هاذا الجيل الذي هو جيل العطاء والنمو من جيل مهم ومتقدم الى جيل سطحي تافه لا ينظر ابعد من قدميه ان كان في الاعلام ام الافلام ام الاغاني اغرائات بالجمله وكل شي مباح ومتوفر وبتنا شباب مستهلك لمنتوجاتهم الحقيره وندخلها بيوتنا بمحض ارادتنا فبالله عليكم اب واولاده يحضرون مسلسل بنت تركيه حامل من زنا والكل يساندها ويشفق عليها وقبلات حاره ومناظر مخله بالادب والاب مبهور ونسي ان اولاده امانه في عنقه واصبحت التربيه محصوره فقط بالاب والام غير ما كان سابقا الجد والجده والعم والخال كل له دوره في تربيه ونشاه الاجيال فما بالك لو كان المربي الان التلفاز وعالم النت والقدوه الممثلات والمغنيات الحديث يطول ملك روحي أشكرك على طرحك لهذا الموضوع الهام وأسأل الله تعالى أن يردنا وسائر المسلمين الى دينه ردا جميلا ويبعد عنا الفتن ما ظهر منها وما بطن آمين |
الرد على المقدمه والقسم الاول من الموضوع يعني نشفت دمنا .. وبكتنا وانا شخصيا دعيت ع حبيبها !! وبكلمة نست كل شي هاذا يدل على طيبه ورقه ونقاء بناتنا بكلمه ممكن ترضى وتسامح لكن على الشاب ان يقدر هذه الجوهره الثمينه ولا يتلاعب بمشاعرها لاجل متعه فقط فالمراه عندنا اعظم واكبر قدرا وهي كل شي في حياتنا هي الحب والحنان والامان والجمال هي القلب والروح والوجدان لولاها ما كانت السعاده على وجه الارض رفقا بالقوارير وتعاملو معهم بكل حنان ولطافه فان احبتك اعطتك كل ما عندها واياك والقسوه والاهانه فان كرهتك فقد فقدت شيئا كثيرا |
اقتباس:
وسعيدة انو الفكرة وصلت نورت |
اقتباس:
فعلا اجدت مؤيد واختصرت الموضوع يسلمو على الاضافة يسعد مساك |
اقتباس:
فعلا شكرا لالك مؤيد فعلا انا طرحت اكتر من فكرة بالموضوع وكنت حابه حدا ينبهلها يسلمو ع تعليقك ووجودك بمتصفحي يسعد مساك |
فعلا ملك كلامك اجا هلمره كتير صحيح كل الي بصير هلاء من ورا المسلسلات هادي الي انا بقول عنو صار في حرمان عاطفي الشب بدو يجرب والبنت بدها تجرب طبعا الحب فبقعدو يعملو حالهم بحبو بعض وهما ولى فهمين حاجه عن الحب بس لمجرد يشبعو الحرمان الي عندهم عنجد دمرو الحب ودمرو كل شي حلو فيه بس والله سمر حلوه بلعشق الممنوع |
العيب منو بالحب ما جيك العيب بالتقليد انو بدنا نعيش قصة حب متل سمر ويحيى او نور ومهند متجاهلين شرقيتنا وثقافتنا وهون كان الخلل والمصيبه نورت كعادتك |
ليش مبالغين كل هدا بردودكمَُ ع المسلسلاتَ التركيةَ انا حضرتَ وتابعتَُ 3 وما شوفتش كل هالحكي موجودَ فيهنَ بالعكسَ انظف من المسلسلات المصرية ومحترمين عنهمَُ بمسلسلاتَ كتيرَ , ممكنَ يكون البعضَ فيه ابتذال مثل ما في عند العرب وعند الغرب ابتذال في هيكا اشيء , كل هدا الحكي ما بتعمم ع الكل .. |
|
اقتباس:
فعلا في مسلسلات مو مبتذله ومسلسلات عربيه بتخجل وانت بتحضرها بس كمان منا ثقافتنا هاد القصد من الموضوع نورت /يسعد مساك |
مينَُ حكَىيَُ بحضرَ المسَلسلاتَُ العربيةَ المبتذلَةَ والي بتخجلَ .. ما بتابعشَُ هيكَُاَ اشيَ .. |
انا بتابع النوعين ههههه بس بجب المسلسلات السوريه اكتر شي بحسها الاقرب لالنا وغالبا قصصهم بتجذب وواقعيه |
معكَ حق انا بحب المسلسلاتَ السورية لانوَ نظيفةَ ومافيها شيءَ خاصة الشاميةَ زي باب الحارة وهالنوعية من المسلسلاتَ .. |
الصياد نبهنا لامر جميل فعلا في مسلسلات حلوه ما فيها هبوط اخلاقي انا حضرت مسلسل حياة كان اكتر من رائع وتابعته للنهايه يمكن لانه حزين وانا بحب هادا اللون وفي افلام عربيه اهبط واحقر من التركي يعني الافلام والمسلسلات متل الحياه بشكل عام وين بدك بتروح الريمونت عندك وانت مخير بنفسك احسنت محمود عجبني ردك ولفت انتباهك |
اي اكيد وانا معكم وبأيد كلامكم لانو لو حكيت غير هيك راح تطيروني هههههه |
| الساعة الآن 09:44 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.