|
سمره ضيف انا المدير الجديد
|
تسلميلي نبض ع اختيارك إلي :137:، بس استغربت الصراحه ههههه سبئ وئلتلك، يمكن لإني بعرفش اضحك كتير وبحس الموضوع فيه ضحك كتير، وبحس حالي فاشله بالمزح =/ ، وكمان مكنتش فاهمه الموضوع من الاساس يعني لو مسالتكش نبض كنت معرفتش اشارك .. رح اجاوب ع الاسئله بصراحه، ورح اضيف شغلات من عندي بحسب كيف انا شايفه المنتدى، وكيف بشعر كل شخص من وجوده ومشاركاته .. بالنهايه مجرد موضوع مش عنجد مديره انا :20: |
رح ابلش مع اسئلة نبض .. ﻣﻴﻦ ﺑﺮﺃﻳﻚ ﻳﺴﺘﺤﻖ ﺍﻟﺘﺮﻗﻴﺔ ﻟﻸﺷﺮﺍﻑ ؟ وردة ليلكيه / angel of love ﻣﻴﻦ ﺑﺪﻙ ﺗﻌﻔﻴﻪ ﻣﻦ ﺍﻻﺷﺮﺍﻑ ؟؟ من البنات lala / ملكة البراءه / وحشنا يا رسول الله / قمرآ / سمو المشاعر / همسة إحساس .. من الشباب حيرتني / إعلان .. ﻣﻴﻦ ﺑﺪﻙ ﺗﺮﻗﻴﻪ ﻣﻦ ﺍﺷﺮﺍﻑ ﻝ ﺭﻗﺎﺑﺔ ﺍﻗﺴﺎﻡ ؟؟ من الشباب صمت اللقاء .. من البنات ريما غزه .. ﻣﻴﻦ ﺑﺪﻙ ﺗﺮﻗﻴﻪ ﻣﻦ ﻣﻦ ﺭﻗﺎﺑﺔ ﺍﻻﻗﺴﺎﻡ ﻝ ﺍﻟﺮﻗﺎﺑﺔ ﺍﻟﻌﺎﻣﺔ ؟؟ من البنات غجريه .. من الشباب حبيب العمر .. ﻣﻴﻦ ﺑﺪﻙ ﺗﻌﻔﻴﻪ ﻣﻦ ﺍﻟﺮﻗﺎﺑﺔ ؟؟ من البنات خمر ايلول / نسائم الماضي / عشق / تولين .. من الشباب ايمن aiman .. ﺍﻗﺴﺎﻡ ﻻﺯﻡ ﺗﻜﻮﻥ ﻣﻮﺟﻮﺩﺓ ﺑﺲ ﻣﺶ ﻣﻮﺟﻮﺩﺓ ﻫﻮﻥ ؟؟ قسم الغناني، ما بعرف ليش مرفوض وفي تواقيع مع موسيقى يعني شو الفرءبين الغناني والموسيقى؟ ما ع الجهتين في لحن ! شو هالتناقض هدا ما بعرف .. بعدين الغناني مانها اشي عيب لا سمح الله او سلبي كل هالئد لحتى وجود هيك قسم غير مرغوب ! إذا بدنا نتأكد ونفحص منلائي اغلب الموجودين هون بسمعه غناني بشكل عام اذا مش يومياً، خليني ئول 90 بالميه بيسمعوا ! ﺍﻗﺴﺎﻡ ﻣﻮﺟﻮﺩﺓ ﻭﺑﺮﺃﻳﻚ ﻣﺎ ﺍﻟﻬﺎ ﻓﺎﻳﺪﺓ ؟؟ طالما كل الاقسام فيها حركه ودايما في مشاركات معناتو ما بلغي ولا قسم .. ﻛﻠﻤﺔ ﻣﻨﻚ ﻟﻺﺩﺍﺭﺓ ﺍﻟﺤﺎﻟﻴﺔ ﻭﺍﻟﻄﺎﻗﻢ ﺍﻻﺷﺮﺍﻓﻲ ﻭﺍﻟﺮﻗﺎﺑﻲ ؟؟ وينك يا امير القلوب، غيرت كتير بالمنتدى والكل مقدر هدا الاشي ولازم تكون موجود دايما لإنه يمكن لسه كتار بيجهلوا إنك انت السبب بهالتغيير الكبير بالمنتدى، بس ليه بتفوتش؟ متل ما انا حابه اشوف مشاركاتك واكيد الكل حابين متلي، ع كلن اكيد الغايب عذره معه بس مش لهالدرجه .. مؤمن هل كان حباً ما بهون شي، مناح ودايما موجودين .. طاقم الرقابه والاشراف في اكم شخص مش رح لازم يكونوا من الرقابه والاشراف، الاجوبه يللي ذكرتها فوء .. ﺍﻭﻝ 3 ﻗﺮﺍﺭﺕ ﺭﺍﺡ ﺗﺘﺨﺬﻫﺎ ؟؟ رح اخفف اشرافات لإنه ما بصير كل اللي بالمنتدى يكون مشرف، هيك الاشراف بعدش إلو طعمه، طبعا هدا رايي، هدا اول قرار .. رح الغي الاداره يللي مكتوبه تحت، الكلمات اللي مكتوبه حدا بعضا من تحت، مش فاهمه ايش يعني اداره والمشكله الاكبر انه ولا حدا إداره، يعني هالكلمه وجودا وعدما واحد .. لإنه المؤسسين مهني بكونوا الاداره شو الفرء يعني؟ لهيك بلغي الاداره، هدا تاني قرار .. رح اسمح بمواضيع الوداع، بغض النظر عن المشاكل اللي صارت اكتر من مره بسبب موضوع وداع لعضو معين إلا إنه مش لازم تلغوا هيك فكره، لنفرض انا رح اترك المنتدى، وجاي ع بالي اكتب كلمه حلوه وبنفس الوئت اشكر اكم شخص ئبل ما ترك المنتدى، رح تحذفوا الموضوع منشان المشاكل يللي صارت ئبل وانا ماليش دخل ولا علائه فيها؟! مش لهالدرجه يعني .. هدا ثالث قرار .. ﺷﻮ ﻋﻨﺪﻙ ﺍﻗﺘﺮﺍﺣﺎﺕ ﻟﺘﻄﻮﺭ ﺍﻟﻤﻨﺘﺪﻯ ؟؟ ﺷﻮ ﻣﻤﻜﻦ ﻧﻀﻴﻒ ﺭﺗﺐ ﺑﺎﻻﺿﺎﻓﺔ ﻟﻼﻋﻀﺎﺀ ﻭﻛﺒﺎﺭ .. في كتير حكي، بعاود برجع .. وملاحظه صغيري اجوبتي جاوبتها مش عن هبل، جاوبتها متل ما انا شايفه كل شخص كيف وجوده هون، يعني صحيح حكيت الصراحه إلا إنه مجرد تخيلات لإني مش عنجد مديره .. راجعه :137: .. |
اختيآر موفق للعضوةة سمره قرآرات راقتني بشخصي عندي ملآحظة صغيرةة بالنسبة لمواضيع الودآع ان كآن سبب ترك المنتدى مشكلة صايرةة هون بيتم نقل الموضوع للقسم الخاص لحل المشكلة و ان كآن السبب شخصي او شي عادي ما بيتم حذف الموضوع متآبعة للنهآية .~ |
عنجد سمره حكيك كله صح وبخصوص الاعفاءات معك لأنو أغلب طاقم الاشراف م بنشوفه وأمير م بفوت إلا صدف |
موفقة سمرة \ وانا معك بهيك قرارات استمري بصراحتك وبحريتك تحياتي الك تحياتي الك نبض شكرا |
عنجد سمره حدا فهمان وبتحكي بعيدا عن اي امور شخصية لهيك انا استضفتها ومتأكده راح نستفيد من حكيها |
عوافي سمرة |
موضوع حلو واجابات حلوه من سمرة تحياتي |
ايزيل هلآ فيك |
سلام عليكم هلا بكم جميعا رغم رفضي لهيك فعالية علي ارض الواقع الا ان هالاستضافة لشخصية من الشخصيات الي بعتز بتواجدهم هون وبعتبرها كنز من الكنوز المكتسبة هون .. عندي تعقيب علي شئ معين فقط بالنسبة للدخول وهيك انا اكثر الاشخاص تواجد سواء اون لاين او اوف لاين هون لانو الموقع موقعي وموقعكم جميعا لكن انا بعرف مصلحة الموقع بكل تاكيد اكثر من اي شخص تاني ... وصراحة انا بحاول اوفق بين عدة امور منها دراسة وشغل والموقع واحتياجاته وادارة السيرفرات وكل شئ بياخد وقت لكن انا اعطيت وعد لما جيت هون وحكيت راح اخلي بنات فلسطين في الصعيد الفلسطيني الاول والصعيد العربي مشهور جدا وهاد يلي بسعا اله .. ان شاء الله التغيرات الي صارت تكون عجبتكم وان شاء الله القادم يعجبكم اكتر تحياتي الك ي سمرة ومشكورة ي نبض عالاستضافة |
بس م عقبت ع حكي سمره ~ |
هاد الاشي يلي كان بدي احكي خميس ههه ان شاء الله و انا واثقة من قدراتك خميسو |
اقتباس:
اهلين بريئه، مكنتش بعرف انه مواضيع الوداع ما بتنحذف يمكن لإني سبئ وشفت مواضيع محذوفه من ئبل، اسا فهمت عليكي بالزبط، منيح كتير معناتو، منوره :137: .. |
اقتباس:
تسلميلي، اكيد كلامي بمحله، يمكن يكون في انتقادات معينه إلا إنه بشوف كل كلمه كتبتها بمحلها .. منوره :137: .. |
استضافة رائعة لالك سمرة وقرارات جدا جريئه وانا معك انو فعلا الاشراف صار ما الو طعم وعفوا لهالكلمة مشرفين كتار ما بستحقو متابعة انا |
اقتباس:
اهلين سفير، حبيت كونك معي بآلاراء، واكيد مش رح احكي غير الصراحه، منور :137: .. |
اقتباس:
منوره :137: .. اقتباس:
تسلم كلك زوء، دايما منور :137: .. اقتباس:
اسا بعلق بخصوص امير القلوب بالرد اللي بعدو، منوره :137: .. |
كتيييييير حلوووووة قراراتك وانا معك بقرار اني ما اكون مشرفة هههههه :124: متابعه لالك يا مديرتنا :p |
اقتباس:
يسعد مساك امير، بديش اطول بالرد واخرب فكرة الموضوع، ما بعرف ليش رافض فكرة الموضوع ع اساس انه عنجد رح اصير مديره ههه، مجرد موضوع مش اكتر، ع العموم هدا رايك اكيد، بعرف انك مشغول، الله يوفئك بامتحاناتك وحياتك، بس انا ئصدت اننا يا دوب منشوف مشاركاتك بمواضيع المنتدى، حلو نعتبرك حدا متلنا مش بس نشعر بوجودك كمدير، لإنك من سيعة ما صرت مدير لليوم كل الوئت بتتواجد كمدير مش اكتر، ع العموم ان شاء الله تفضا بالايام الجايي ونصير نشوفك ونئدر نفهم اطباعك ونعرف افكارك من خلال مشاركاتك بكل المنتدى .. منور :137: .. |
اقتباس:
تسلميلي، فعلا مش حلو كل اشي يزيد عن حدو ببطل حلو، دايما منوره بردودك :137: .. اقتباس:
هههههه دخل ئلبك، منيح انك بتعترفي، و رغم هيك دايما منوره :137: .. |
ليكي سمرة وبتمنى امير القلوب يشوف ردي كل عضو بفوت جديد المنتدى بحاول يثبت حالو يا اما بنجح وبستمر يا اما بفشل وبروح بتمنى جد من الادارة لما ترقي شخص ما ما تتسرع لانو اسماء كتير فاتت حميانه واليوم ما الهم مكان مو انتقاد للادارة بس رايي الشخصي |
اجاباتك حلوة كثير وصريحة بشكل شكرا على انك ذكرتيني بالخير يعطيكي العافية تحياتي الك سمرة |
اول شي استضافة بمحلها بحب آرائها لأثورة ، انا معك بكلشي وبحييك ع صراحتك ، عوافي نبض |
كبار الشخصيات اللي بلون رمادي، وكبار المبدعين اللي بلون ليلكي، انا مش شايفه في فرء بيناتون بالمره، عشان هيك بشيل وحده منون او بشيلون التنتين وبخلي اشي واحد "عضو مميز" مش اكتر، لانه مفش فرء بين كبار المبدعين وكبار الشخصيات تئريبا نفس المعنى .. ونفس الاشي بالنسبه لكلمة اداره، رح شيلها او بخليها وبشيل كلمه مؤسسين، لانو تنيناتون نفس المعنى برضه .. وكمان شغله كل الصلاحيات اللي موجوده برقابة الاقسام رح تكون بالرقابه العامه .. يعني رح يكون هيك الاداره - الرقابه العامه - مشرفين ومشرفات - المميزين - الاعضاء - المحظورين .. |
ممتاز سمره لهلاء م في ع كلامك غبار بس الشي الوحيد الي بعتقد انو في لبس بلموضوع مؤسس المنتدى مو متل مدير المنتدى ع حسب اعتقادي مؤسس المنتدى معاه صلاحيات اكتر من المدير بلنسبه لكبار الشخصيات والمبدعين فعلا فيهم شبه كامل وانا قبل هيك حكيت بموضوع رقابه الاقسام م الها داعي الرقابه العامه بتكفي سوري ع المداخله سمره وموفقه |
وبقترح كل قسم يكون بلون معين منشان "التميز"، يعني كل شخص بحسه مميز بقسم معين بغير لون اسمه للون القسم، عشان كلنا نفهم ونعرف انه هالعضو مميز بهالقسم، وهاي الشغله كتير منيحه للاشخاص اللي بنشالوا من الاشراف والرقابه، مش كل عضو منلائيه وصل عشرين الف معناتو لازم يكون مراقب او مشرف او اذا نشيط يوميا معنانو لازم يكون مراقب او مشرف، يمكن نلائيه مميز باشياء تانيه .. عشان هيك لازم نركز ع مشاركات العضو يعني "الكيف لا الكم" .. واعطيكوا مثال لحتى تفهموا قصي، ايزل، وسام الملك، لونلي هيرت، ورده ليلكيه، ملك روحي، بحسون مميزين بقسم النقاش، ونفرض هالقسم لونو ازرق فبغير لون اسمون للازرق .. او متلا قسم التصاميم بلون رمادي، بحط اعلان، خمر ايلول، غجريه بلون رمادي كونون اكتر اشخاص مميزين بهالقسم .. وهكذا للبائي .... |
بشيل مؤمن من الاداره وبحط محله البريئه، او بخليه وبحط زياده عليون البريئه لانها اكتر شخص بستحئ يكون من الاداره، هدا حسب رايي طبعا .. |
اقتباس:
مزبوط وانا معاكي، دايما صريحه بآرائك، بكرا بتشوفي كيف المنتدى رح يتغير من ناحيه تواجد الاعضاء، محداش رح يضل غير اللي عنجد صرلون فتره ولساتون موجودين ودايما رح يضلون .. :137: .. |
اقتباس:
شكرا صمت، من زوئك، الله يزيدك عافي، منور :137: .. |
اقتباس:
تسلميلي احلام هههه، بحب اشوفك دايما، منوره كتير :137: .. |
إستضافة جميلة للأختنآآ سمرة ... متــابعة لهـــآآ يعطيكِ العافية حبيبتي نبض تحياتي |
اقتباس:
انبسطت بحكيك، مكنتش بعرف انه في فرء بين مؤسس واداره، شكرا ع التوضيح ايزل، وما تتأسف فيك تعطي رأيك، عادي يعني :137: .. |
اقتباس:
تسلميلي مي، منوره :137: .. |
السلام عليكم بما انو المشاركه مفتوحه للجميع حابب احكي شي اول شي موضوع وفكرته حلوه وجذابه كثيررر وضيفك كمان رائع ومن اسلوب كلاه كمان رائع وانا جربت هالشي دائما الكلام المنطقي والصريح بيكون فيه زخم كبير حتى الواحد يشارك فيه سمرة ذكرت عددت نقاط لكن ما ننسى اغلب الاعضاء عندهم امور بتجبرهم ما يفوتو والامور كثيرة درااسه او انققطاع كهرباء متل اخوانا بغزة والي ما عندو نت بالبيت متل خلاتي هههه انا ما الي رئي بالاشرف لانه الي بستحق بنحط مشرف او مراقب او غيرو لكن الي بهمني كعضو بالمنتدى عندي رئي بسيط جدا انا ما بشوف توقيت للموااضيع يعني كل شي بنزل مع بعضو وما بنلحق نقرء الموضوع او نرد عليه و 90 بالمئه منها منقوله ليش ما نركز على انو يكون الموضوع حصري من انتاج العضو يعني بنوخد نفس وبنلحق كل المواضيع لنرد عليها بشكل جيد ومرموق خلينا انحط موضوع ان شاء الله يكون مقال او مشكله من فكر العضو نفسه والي بتميز المنتدى اكثر هو قلة المواضيع المنقول باالنسبه للاقسام كلها منيحه لكن كل التركيز بالمتتدى على سجل دخول اغلب اقسام المنتجى فيها سجل دخول بكذا او بكذا يالنهاية سمرة كلامك رائع وصريح ونبض طرحك جميل كجمال تواجدك هنا وتقبلو ردي بكل ود |
اقتباس:
اهلين وسام، اكيد فيك تعطي رأيك دايما وبتئبل اراء غيري بصدر رحب :137:، انا بعرف انه في كتير اشخاص حياتون الشخصيه ما بتسمحلون يفوتوا، بس كمان لازم نفكر فيها شوي، يعني مش حلوه إنه يكون في مشرفين ومراقبين منظر وبس، هدا اللي كنت بئصده، ومن ناحه تانيه في منون بفوتوا بأغلب الاحيان وبنلائيهون مهملين بنفس الوئت، فبظن لازم نشيل الاشراف والرقابه عنون ونغيرون لأشخاص مميزين .. مش شرط اشراف او رقابه، التميز يمكن احلى من الاشراف والرقابه، وهيك منكون مظلمناش حدا .. وبالنسبه للمشاركات والمواضيع اكيد انا معك، انه منكترش مواضيع منقوله، هيك بيصير المنتدى مميز اكتر، اذا كان في موضوع معين منقول وبنفس الوئت مميز كتير فمش مشكله اذا منحطه .. منور :137: .. |
اقتباس:
هآي شهادةة بعتز فياآ سمره ربي يسعدك و يديم توآصلك بينآ شرف لإلي يكون اسمي مذكور بين قراراتك و بمشآركة لوحدهاآ اناآ سواء كنت ادارية او عضوة عادية بيكفيني محبة الجميع لإلي هآد اكبر انجاز عملتوو من لماآ سجلت هون تفكيرك فيني كتير فرحني ربي يسعدك قلبك دووم و اكيد متآبعة .~ |
اجوبة رائعة وشكرا على صراحتك سمرة تحياتي |
اقتباس:
تسلميلي ويسعدك كمان، انتي من الاشخاص اللي وجودن مهم بالنسبه إلي، وصرلك زمان بهالمنتدى، يعني لو مره تركتي المنتدى، رح تتركي بصمه كبيره لإني بحس شخصيتك اثرت فالكل، وبالنسبه للاداره، دايما نشيطه ومنتبها لكل اشي وهاي من الاشياء اللي لازم تنوجد بالاداري، مع انه في كتار بيتعبوا برضه بس اكيد مش متلك، لهيك بتستحئي الاداره لانك رح تكوني ئدها وان شاء الله مع الايام مين بيعرف .. منوره :137: ... |
اقتباس:
اهلين حيرتني، او احمد متل ما بيحكولك، كلك زوء، منور :137: .. |
| الساعة الآن 11:18 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.