|
كلنا بنحكي ملل وروتين برأيك ليش هالشي .... ؟؟! مساكم جوري .. باختصار سؤال ببالي سألتو لكل اهلي ماشوفت جواب منطقي .. حابه اشوف اجوبتكم .. " ايش سبب الملل والزهق يلي احنا فيه " من شي اسبوعين شوفت برنامج اردني كل اتصالات ع البرنامج انو الحياة ممله ؟؟؟!! يعني عنا بفلسطين وبالاردن و .....الخ في ملل برأيك انت /ي .. ايش السبب .. بتمنى شوف اجوبه تقنعني .. :) |
لنو نفس الروتين موجود ما في تغير بحياة الناس كمان التلفزيون والانترنت اخذ اغلب اهتمام الناس وضيع العلاقة الاجتماعية والودية بين الناس لهيك صارت الحياة محصور باشياء محدودة وقليلة موضوع رائع للنقاش تحياتي الك |
اقتباس:
ماشي نفس الشي كل يوم بتعمل انت صح ؟؟ طيب لايمتا هالشي بدو يضل متى رح يتغير وكيف ؟؟ العفو اشكرك |
لانه الحياة هيه هيه بتكرر معانا نفس المواقف يوميا روتين قاتل لاجديد بالحياة لدرجه انه الواحد صار يقدر يعرف شو راح يصير معاه كمان شوي من كثر التكرار |
اقتباس:
ماشي يعني الواحد يضل عايش بهالشي ويضل مزاجو لامنيح ولا سيء كيف رح تصير الحياة ازا ضل هيك |
اكيد لا مايضل هيك يغير من حياته يعمل اشي جديد ما يستسلم للامر الواقع انا من الاشخاص الى كنت اواجع ملل وروتين قاتل وماقدرت اتحمل بدأت اغير بحياتي و اعمل اشياء جديده مو شرط يوميا بس انه اقتل الفراغ الى عندي الى مسبب الى هاي المشكلة |
اقتباس:
ايوا يعني المطلوب النشاط والابتكار مو نصير مملين يعني لازم نواجهو بقوة وما نستسلملو بس احنا كشعب ما بنصدق فيها لنضل صافنين ببعض من الملل |
لانه ببساطه احنا شعب مستسلم للواقع وبنخاف من التجدد وتكالي بدنا غيرنا يفكر عنا ويحكي النا شو نعمل |
اقتباس:
نتيجة هالشي ... انو خلص عادي نعيش متل مابدو الواقع وهو يتحكم فينا عادي شو يعني،صح |
بالنسبه الى مو عادي لاني مابتحمل هيك وضح وغيرته على طول بتجديد اما عن باقي الناس مابعرف بس الاغلبيه عندهم صار عادي |
اقتباس:
يسعد صباحك .. للأسف صار عندهم عادي .. الله يهدي الجمسع للنشاط ومقاومة الحياة .. |
كتير امو بتسبب الملل والزهق عند الشخص . لما نكرر فعل امر بنفعله بطريقة دورية بدون تغيير . لما بنخلي طريقة تفكيرنا متل ما هيا وما بنغيرها . هروبنا من مشاكلنا بيخلينا نقضي وقتنا بالتفكير بمشاكلنا وبينسينا باقي جوانب الحياة . غير هيك , نحنا بنتعب جسدنا و تفكيرنا وروحنا بدون ما نعطيها اجازة وفترة راحة . هادي امور قليلة من عدة امور تانية ممكن تؤدي للملل والزهق و تخلينا نفوت بهيك حالة .. |
لإنه الانسان بطبيعته بيحب التغيير، بس للاسف اغلب الناس بكونوا عايشين بواقع يللي ما بيسمحلون إنه دايما يصير تغيير بحياتون حتى بأبسط الاشياء، يعني بإختصار لإننا بعيدين عن الاشياء اللي منحب نعملها بغض النظر شو كانت طبيعتها، لو منعمل اللي بدنا اياه كنا مستحيل نحكي "الحياة ملل او روتين"، مع إنه في كتير ناس برضوا بالموجود وبالواقع اللي عايشين فيه وبتلائيهون مبسوطين بنبسبة معينه بس هدا بئلش انون بيعملوا اللي بدن اياه، ئد ما كانوا مبسوطين رح يحسوا بفراغ ويحسوا ئديش بينئصون شغلات كتير بحياتون وكل هالمشاعر بتودي للمل اليومي للاسف .. شكرا :137: .. |
اقتباس:
النتيجة .. الاهمال وعدم التجديد بالعقل الباطني والروحي يعني هالشي بايدنا لانو متل مااحنا بنكرر اي شي بنعملو |
راح احكيلك رايي باختصار الانسان الي ع طول بحس بالملل غالبا انسان ممل |
اقتباس:
يعني انا دايما بحكي كل الناس عندها ملل سواء غني او فقير لانو هالشي بالانسان نفسه بتروحي تسألي حدا مو غني ليش حياتك ملل بيحكيلك من ئلة المصاري وعند الغني انداري هيك الحياه |
دعيني اتحدث لكي بمنتهي الشفافية والمصداقية نحن كشعوب عربية ما بلبقلنا غير الوجع والحزن والالم والآه أدمنا الحزن وأصبح جزء لا يتجزء من عالمنا واعتدنا الوجع واعتدنا السهر معه لدرجة اننا نتغنى به ونسأل عنه إن غاب نتوقعع كثيراً في مستنقع الألم ونهب انفسنا لاي وجع ونستسلم لكدمات الحياة نعيش على الماضي ولا يوجد لدينا رؤية للغد نعمل فقط ليومنا ونعيش فقط لوقت محدود نضع انفسنا في دائرة الملل بحجة ظروف الحياة واعباء الايام وقسوة بعض الناس ببساطة شديدة نحن من وضعنا انفسنا رهن الأحزان وجعلنا من الملل والروتين عنواين الأيام واللحظات لم نعش الحياة بحلوها ومرها رغم انها مرحلة من العمر وستنقضى بحلوها ومرها قريباً لم نطرق ابواب التفاؤل والأمل ونعرف ان الحياة جميلة ان رأيناها جميلة وتعايشنا معها بكل ما فيها لم ننظر بعين التفاؤل الى الوجود ولو نظرنا بعين التفاؤل إلى الوجود، لرأينا الجمال شائعاً في كل ذراته لم نعلم أن أحياناً يغلق الله سبحانه وتعالى أمامنا باباً لكي يفتح لنا بابا آخر أفضل منه، ولكن معظم الناس يضيع تركيزه ووقته وطاقته في النظر إلى الباب الذي أغلق، بدلا من باب الأمل الذي انفتح أمامه على مصراعيه بإختصار يا عزيزتي الملل والروتين نحن من نصنعه ونحن من يختاره بإيدينا ونجلبه لأنفسنا ولو نظر كل واحد منا الى الحياة وتأمل الطبيعة وجمال الكون والخلق لعرف أن الحياة جميلة ويجب ان نعيشها بكل ما فيها |
لك يسلم لسانك قصي حكيت الانسان الي ع طول بحس بالملل هو انسان فعلا ممل |
الله أكبر طخي ملك ههه |
:93: :93: |
اقتباس:
فعلا الانسان هيك .. طيب ليش |
اقتباس:
قصي حكيك ميه بالميه .. طيب برأيك هالشي صح .. احنا فعلا بنتحجج بشي فاضي وممل .. يعني لانو الدول بتحكي شعب فلسطين شعب معاصر وذاقه المر وللحزن و المأساه .. بس للأسف قي عنا شبب بيتحجج بهالشي وما بيهتمو اصلا من فلسطين او لا .. هالشي لانو واقعنا هيك حزين .. احنا ما لازم نسكت عن هالسي لازم نغير |
هالشيء بعكس مدى الضعف والوهن عند الشباب الشباب لازم يكون منفتح ومنطلق على الحياة بصورة أكبر ولازم ما يستسلم تحت اي ظرف منن ظروف الحياة نعم نعيش تحت الفقر واغلب الناس تعاني الضيق وقلة الإمكانيات وأعلم ان الحال لا يسر ولا يروق لأي إنسان ولكن لنثق بالله ولنردد الحمد لله على كل حال وما اصابك لم يكن ليخطائك وما اخطاك لم يكن ليصيبك وكله مقدر ومكتوب وعسئ ان تكرهو شيئ وهو خيرا لكم وعسئ ان تحبو شيئ وهو شرا" لكم مادام الامل في الله موجود فالامور بخير انشا الله وفي الحقيقة إن الحياة دون تفاؤل ونافذة أمل تصبح أضيق من سم الخياط |
اقتباس:
بدك هالرسالة توصل .. للكل لانو الوضع مابيمشي هيك بالمرة .. فعلا من دون تفاؤل وقوة مافي حياة .. نقاشك راقني كون بالقربى |
| الساعة الآن 04:58 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.