الحاجة للمادة ؟
 

السلام عليكم ورحمة الله وبركاته

اليوم نقاشنا حيكون حول موضوع لفت انتباهي
كل يوم بطريقي للعمل وهالجو البارد
عم شاهد اطفال بعمر الزهور كل واحد له بسطه وببيع
رغم اني اعرف بعض منهم بيشتغل وكمان يدرس
ولفت انتباهي حاجتهم للمادة وتعبهم وشقائهم من اجلها

الفقر مش عيب ابدا العيب امد ايدي وانا قادر اشتغل
عندك اولاد اغنياء كل شئ نوفر لهم لكن للاسف لا علم ولا عقل
وعندك اولاد فقراء ماشاءالله عنهم متوفقين ومن الاوائل كمان

السؤال المطروح / هل الحاجة للمادة ممكن تخلي اطفال يشتغلوا اشغال شاقة
رغم تفوقهم بالدراسة؟
كمان هل الطفولة البائسة ممكن تخلق شخص عظيم وانسان مسئول
يشار اليه بالبنان ؟

يلا ننتناقش ونشوف الاراء الناضجة والعقلانية
ارق التحايا

مجرد فكرة انو طفل يشتغل هاي بالنسبه لالي مرفوضة

ﻻ دين وﻻ قانون وﻻ اي شي بالعالم بئبل بهيك وضع


والدوله المفروض عليها تأمن لهوﻻد اقل ما يقال عنها حقوقهم


ولكن بما انو احنا بدوله هاي الامور من آخر اولوياتها
بيلجئ الاهل لتشغيل وﻻدهم ليساعدوهم


وهالشي بهاي الحاله بكون مجبر اخاك ﻻ بطل


بضل افضل من فكرة التسول ومد الايد للي بيسوى وللي ما بيسوا

وهالظروف ابدا ما بتمنع الابداع


معظم المشاهير والعلماء كانو فقراء






موضوع كتير حلو ريما




يعطيكي العافيه

كلامك مظبوط ملك
العمل مش عيب ولا يقلل من قيمة حدا
وهالاطفال رغم صغر سنهم لكن عقول متفتحه
يمكن الظروف ما ساعدتهم
ويمكن هالعتب يكون بفايدة ويرتاحوا بحياتهم
نورتي

حسب علمي ريما
هناك شقين للظاهره
في اطفال عندهم اباء او امهات ما عندهم رحمه
اهم شي عندهم الماده والفلوس ولو باي طريقه
وهناك من يضطر للعمل بسبب وفاة والده
وعنده واخوه صغار وما بدو حدا يتصدق عليه
لكن لو في دوله مهتمه في شؤون الشعب
ما بصير هادا الولد يترك مدرسته وينسى طفولته
ويدور بالشوارع لكن للاسف
ما عندا مؤسسات تعتني بهيك امور
اشكرك موضوع هام للنقاش

عمالة الاطفال فكرة مرفوضه نهائيا لايقبلها عقل ولا قلب

لكن الحاجه هيه الى بتجبر الاطفال على العمل لاعالة انفسهم وعائلتهم


وتوفير قوتهم اليومي مع انه لازم يكون في جهات مسؤوله عن هيك حالات


بس للاسف دوله اسلاميه ولكن لا تتطبق فيها احكام الاسلام لهيك وصلنا لهاي الحال


والعمل للاطفال افضل من التسول غاليتي


واكيد الفقر بولد لدى الاطفال حافز للنجاح في المستقبل واغلب العظماء والمفكرين


خرجو من الاحياء الفقيره






سلمتي على الطرح المميز
دمتي بكل الخير

صح مؤيد
لو الطفل لقي مؤسسة تساعده وتقف جنبه ما اضطر للعمل بهيك سجن
ومتل ما حكيت ممكن يكون الولد الاكبر في حال موت ابيه مضطر يشتغل ليربي اخوانه الصغار
وممكن يكون الحاجة كمان لانها ظروفه صعبه ومحتاج المادة للتعليم

نورت مؤيد
ودي

ÁƞġĕŁ òƒ Łŏᶌᶒ

كلامك صح حبيبتي
بس احيانا مافي حدا يسال فيهم
مضطرين يشتغلوا متل هيك شغل
ليقدروا يعيشوا ويكونوا بالمجتمع بين الناس
سعيدة بردك
نورتي

سمره حبيبتي
صح كلامك جدا
ويعجبني عقليتك وتفكيرها
كوني بالقرب دوا
وربي يسعدك