|
اهلا وسهلا حنان يسسعدك ربي ^^ |
ننوش هلا ي حب انا اخترت ناس فهمانة ل نكيف سوا ههههه ^^ نورتي |
عضوين اكتر من رائعتين اكيد متابعة ^^ |
متلك ي حب نورتي ^^ |
حبيبتي نبض مشكورة لاختياري ومشكورة لاختياري مع اكتر عضوة تعجبني طريئتها بالنقاش وفي نقاط مشتركة كتير بيني وبينها لحد ما بتمنى اكون ضيفه خفيفة الظل مرة تانيه يسلمو حبيبتي |
اختيار رائع لشخصتين بحبهم وبحب نقاشهم أكيد رح نستمتع برفقتهم متابعه معكم يعطيكِ العافيه نبض |
يسعد مساكوا، شكرا ع اختيارك إلي نبض، انبسطت اخترتيني مع ملك، واكيد رح يكون الموضوع حلو، لإنه تنيناتنا عنا اسلوب للنقاش .. منورات صبايا :137: .. / ملك يسعد مساكي، حابه تبلشي انتي؟ انا بتفرئش معاي اكيد :137: .. |
يلا ببلش انا بما اني فاضيه .. س1/ ماهو العضو الذي تمنيت أن يكون معك بالمواجهة داخل القفص؟ مفش عضو معين، عندي استعداد ناقش الكل .. س2/ ما رأيك بنفسك كعضو في المنتدى؟ هل أنت راضي على ما قدمته إلى حد الآن؟ بعرفش اقيم نفسي بس على ما اظن الاغلب اعجبوا وحبوا مواضيعي، وبتمنى دايما اكون عند حسن ظن الكل .. س3/ هل إستفدت من منتدى بنأت فلسطين أكثر أم أفدت أكثر؟ هيك وهيك .. س4/ اكثر موضوع اعجبك للطرف الموجود معك داخل القفص ؟ كل مواضيعها بقسم النقاش، وموضوع "تخيلات الاعضاء" بقسم فسحة الروح، وموضوع "عن مين عم بحكي" بقسم الالعاب .. س5/ موقف صارلك معه؟ صار موقفين، الاول بموضوع بيشبه هالموضوع، مواجهه بين عضو وعضوه وعلى ما اظن الموضوع لسمو المشاعر اذا مانيش غلطانه، صار سوء تفاهم بيني وبينها وبالاخر اتفاهمنا اكيد :137: .. والموقف التاني لمن صار معها مشكله مع شب هون وزعلت عليها وئتها لإني حسيتها مظلومه وئمت بعتلها رساله، تمنيت اساعدا اكتر بس مطلعش بإيدي اكتر من هيك .. س6/ أكثر صفه تعجبك فيه؟ روحها الحلوه .. س7/ ما رأيك بالعضو المقابل بكل صراحة وشفافية ؟ ملك بنت روحها كتير حلوه بتحب الضحك كتير، عفويه كتير، يعني بتفكرش ئبل ما تحكي، اللي بئلبها ع راس لسانها، شخصيتها ئويه وبتسكتش عن حئها، وصريحه .. س8/ هل تتابع مواضيعه بالمنتدى ؟ بأغلب الاحيان اه، لإنها بنت خلّائه، يعني دايما بتفكر بمواضيع حلوه، او بالاحرى مواضيع تلفت نظر الاعضاء، وفعلا بعد ما اتحط الموضوع بتلائي الكل شارك فيه .. س9/ هل سبق ووجدت نفسك في مواجهة مع عضو بالمنتدى؟ ما بعرف .. س10/ هل تذكر اول موضوع قرأته للطرف الآخر ؟ مش متذكري الصراحه، ملك صرلها فتره هون .. س11/ نصيحه تقدمها له ؟ تضل دايما صريحه وعفويه ان كان بالنت او بالواقع، هيك بتكون مرتاحه اكتر، وتضل دايما تضحك وتتفائل حتى لو صارت ظروفها صعبه بيوم من الايام .. س12/ أهدي لنا بيت شعر يعبر عن احساسك في هذه اللحظات؟ بصراحه انا ماليش بالشعر بس رح اهديها كلمات غناية نجوى كرم "الوفيه"، "اذا بحكي بهندس كلماتي، واذا بمشي بركز خطواتي، وإذا بضحك بدرس بسماتي، بتباهى بحالي شرقيه" س13/ شو أكثر قسم تشارك فيه بالمنتدى؟ قسم النقاش، قسم الالعاب، قسم بوح المشاعر، قسم فسحة الروح .. س14/ لو طلبوا منك اتغير شي في ملفك الشخصي , شو تغير؟ عاجبني ولا مره فكرت اغير فيه، من سيعة ما سجلت فالمنتدى ولساتو زي مهو .. س15/ كم مرة قلت: أوووووووووووف خلاص بطلع من المنتدى نهائيا؟ ولا مره فكرت اترك ولا رح افكر .. إلا إذا غبت فجأه سيعتها اعرفو انه ظروفي تغيرت ومستحيل تسمحلي ارجع افوت .. س16/ من العضو إللي مباشرة لما تدخل المنتدى تشوف إذا كان متواجد أم لا؟ بصراحه مفش جواب معين لإنه في اعضاء كنت اهتم لوجودن وبطلت اهتم، وفي اعضاء ولا مره اهتميت لوجودن وفجأه صرت اهتم، وفي اعضاء كنت اهتم لوجودن ولساتني، وفي اعضاء ولا مره اهتميت ولا رح اهتم على ما يبدو .. س17/ ماهو السؤال إللي توقعت أوجهه لك بس أنا ما وجهته؟ مفش سؤال معين .. س18/ لو طلبت منك تقدم هدية للطرف الثاني فماذا تهديه؟ بهديها سواره مكتوب عليها احرف اسمها "اسمى" وتضل ذكرى مني إلها .. او بهديها كتاب نكت عشان تضل تضحك .. س19/ عبر عن ما أنت فيه الأن بثلاث كلمات ؟ مبسوطه محتاره متشوقه .. س20/ كلمه اخيره تقولها له؟ النصيحه يللي نصحتها اياها فوء، وبتمنالها كل التوفيئ والنجاح بحياتها بمختلف المجالات :137: .. |
حبيبتي سمرة سعيدة جدا بكلماتك وبرايك فيني وما في داعي احكي عن معزتك لانو بكل فرصة تيجي عم عبرلك عن هالشعور اوك وانا كمان راح جاوب واحاول اكون صريحة ئد ما فيني لانو بجد بخجل ما اكون هيك ئبال شخصيه متلك ع بركة الله |
س1/ ماهو العضو الذي تمنيت أن يكون معك بالمواجهة داخل القفص؟صراحة ما فكرت بالموضوع يمكن لانو ما اتخيلت حالي بمواجهة مع حدا ابدا بس جدا سعيدة انو سمرة بالزات معي بقفص المواجهة س2/ ما رأيك بنفسك كعضو في المنتدى؟ هل أنت راضي على ما قدمته إلى حد الآن؟ هالسؤال بتمنى الاعضاء يجاوبوه انا عن نفسي بحاول اكون راضيه ع ئد ما فيا وانشالله اكون فعلا هيك س3/ هل إستفدت من منتدى بنأت فلسطين أكثر أم أفدت أكثر؟ استفدت وبتمنى اكون افدت س4/ اكثر موضوع اعجبك للطرف الموجود معك داخل القفص ؟ موضوع صارحني /و كل القضايا الي بتطرحها بقسم النقاش س5/ موقف صارلك معه؟ هي حكت عن موقفين بس كمان حابه احكي عن موقف تاتي انا بفترة اضطريت اغيب شي اسبوع عن المنتدى اول ما فتت بعتتلي سمرة تسأل عن غيابي ما تتصورو فرحتي بسؤالها س6/ أكثر صفه تعجبك فيه؟ واقعيه وانسانيه لابعد الحدود والصراحة شي اساسي بشخصيتها س7/ ما رأيك بالعضو المقابل بكل صراحة وشفافية ؟ يكفي انو احكي انو جدا جدا جدا بحبها وبحترمها س8/ هل تتابع مواضيعه بالمنتدى ؟ بلا وشك وردودها كلها باي موضوع انا متابعتهم كمان س9/ هل سبق ووجدت نفسك في مواجهة مع عضو بالمنتدى؟ ﻻء س10/ هل تذكر اول موضوع قرأته للطرف الآخر ؟ صراحة ﻻء /انا وسمرة زمان النا ﻻجئات هون ههههه س11/ نصيحه تقدمها له ؟ حبيبتي سمرة خليكي متل ما انتي /ماشيه صح س12/ أهدي لنا بيت شعر يعبر عن احساسك في هذه اللحظات؟ بجد مو ببالي شي هلا بس انا شعوري بهاي اللحزة سعادة مع حذر شديد باعتبار انو سمرة مو اي حدا وﻻزم اكون ع ئد التحدي والمواجهة س13/ شو أكثر قسم تشارك فيه بالمنتدى؟ كل الاقسام بشارك فيهم ع طول انا حريصة ارد ع كل مواضيع الاعضاء ومستحيل اهمل اي موضوع باي قسم س14/ لو طلبوا منك اتغير شي في ملفك الشخصي , شو تغير؟ وﻻ شي /ملفي ما اتغير من تاريخ تسجيلي هون ونو واي اغير شي س15/ كم مرة قلت: أوووووووووووف خلاص بطلع من المنتدى نهائيا؟ مرة وحدة س16/ من العضو إللي مباشرة لما تدخل المنتدى تشوف إذا كان متواجد أم لا؟ كتار والله بس خليها بالئلب س17/ ماهو السؤال إللي توقعت أوجهه لك بس أنا ما وجهته؟ ما في اسم الله عليكي نبض اسئلتك شامله س18/ لو طلبت منك تقدم هدية للطرف الثاني فماذا تهديه؟ راح ائدملها الكوفيه الفلسطينيه س19/ عبر عن ما أنت فيه الأن بثلاث كلمات ؟ مشتائه /خايفة /منتظرة س20/ كلمه اخيره تقولها له؟ حبيبتي سمرة ربنا يوفئك وتحئئي احلامك واتاكدي انك من الشخصيات الي جدا مميزة بارائك وتفاصيلك ضلك هيك ورداتي |
| الساعة الآن 05:09 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.