|
صحيح بس انا لما بمر عن متسول لما بدي اعطيه ما بعطيه لني بعرف انو محتاج او مش محتاج انا بعطيه متل ما حكيت لوجه الله تعالى |
الابتسامة بوجه اخوك صدقة ومتل ما حكى ماجيك الهدف من الصدقة اولا رضا الله سبحانه وتعالى والتانيه تكون فعلا سديت حاجة لمحتاج طيب اخدت رضا رب العالمين ما بهمك تكون كمان صدقتك بمحلها ؟؟ |
الواحد مش رح يموت من شيكل ولا حتى عشره شيكل لو اختلط عليه الامر ومش متاكد انه المتسول كزاب ولا فعلا فقير لكن انا الي بعرفه الفقير والمسكين ما بلفو الشوارع ناس بتعرفهم بالاسم وبتروح بيتهم وبساعدوهم وبجيبولهم كل حاجاتهم واغراضهم سواء بالعيد او المناسبات هلا مر علي انا شي نهفه بتجنن كنت بالمسجد بصلي اجا واحد لابس ومتنانكج اخر طرزه وال معه ورقه من دار الايتام برام الله وبدو يجمهلهم مصاري وقفت انا وحكيت هادا واحد كزاب الورقه الي معه مزوره عكل حال الي بدو يعطيه حر والي ما بده حر وضليت استناه بره المسجد بس خرجت العالم وخرج يعد المصاري مسكته حكيتله هات المصاري بلاش هلا تاكل ضرب لتروح اهلك مكسر تكسير في ناس اولى منك وبحاجتهم واخدتهم منع غصب وقلتله اضوي اوعى اشوفك هون كمان مره وفعلا وصلتهم لناس بحاجتهم لاني تاكدت انه نصاب ولو كان عندي شك 1 بالميه ما عملت معه هيك ولا تدخلت لانه انا ما بدي اخد ذنب من وراه هي اصبحت ظاهره التسول عصابات وعنا بنابلس تقريبا ممنوعه والي بشوفوها الشرطه باخدوها السجن او بحققو معهها ليكتشفو بافي العصابه شكرا ملك روحي موضوع مهم وبدو نقاش |
وما هي المواقف التى مرت بك مع المتسولين؟؟؟؟؟؟؟؟؟؟ مواقف عادي , مثل الاشخاص الي بكونوا ف السوق او بيجو ع الجوامعَ ، والاكثَُر دائما بكونوا نسوانَُ ، وحسب ما بحكوَُ انه في عائلاتَُ معينةَُ بس يتزوجوا ان ما نزلتَُ مرتوا تتسول بطلقها وهيكآ صار , حسب قصص الي سمعتهاَُ ، بعدينَُ اذا الدولةَ نفسهاَُ عايشه ع هذه الطريقةَُ بدك يمنعواَُ الناس .. وهل انت مع اعطاء المتسول أو لا ؟؟؟؟؟؟ مع اعطاءهَ بالتآكيدَُ لانو ما بهمنا انَ كان هو محتاج بجدَ او بعملَُ هالشيء ك مهنةَُ المهمَُ النيةَُ عندي انه هالشيء صدقةَُ ولوجه اللهَُ والباقيَ لله ان كآن هالشخص صادق آو لاَُ وبالاخير اذا الدولة بدهَُا تمنعَُ هيكآَُ ظاهرةَُ وتوفرَُ فرصَ عملَُ بالآولَ .. |
اقتباس:
صارو يستخدم طرئ راقيه للشحادة يعني متل صاحبك الي بستاهل الضرب ناس تانيه بتشحد بحجة انها بتجمع لشي مؤسسه او دار ايتام يعني بجد استهبال ومتل ما حكيت مو المصاري المهم المهم انهم عم يتضحكو علينا عيني عينك بجد شي مستفز نورت مؤيد ويسعدلي مساك |
اقتباس:
بس الي بعرفو انو في ناس اولى بالصدقات من غيرهم ليش ما نختار ناس بنعرف ومتاكدين من حاجتهم ونحاول نساعدهم بلا ما نجرح مشاعرهم ناس عندها عزت نفس وكرامة مو ناس عملتها مهنة نورت وسررت لتواجدك تحياتي |
انا برايي المتسول هو الانسان الوحيد يلي ما لازم ينعطى مصاري رح قللك مثل لخص فيه وجة نظري مرة شفت إنسان فاقد رجليه عم يمشي على عكازتين بيشتغل بالخياطة مر من جنب انسان سليم الخلقة قاعد عالارض و عم يشحد فاعطاه للمتسول كمية من المال و مشي المريض مريض براسو المتسول فيه يلاقي 100 شغلة أحسن من هالشغلة يترزق من وراها بس شايف هي اربحلو ف بيشحد .. لهيك من ناحيتي ما بعطيهون , اما عن موقف صار مغي من شي سنة في وحدة متسولة اجت تشحد مني دخيل اللي خلقا ما احلاها ما قدرت ما إعطيها مصاري وشكرا :136: |
ما بعرف إذا فينا نسميها مهنه مع إنه احياناً الانسان بيضطر يشحد مصاري من الناس مش لإنه بدو يكون هيك لأ، وع كل حال بغض النظر ان كانت مهنه او لأ لمن اشوف شحاد بشكل عام بعطيه مصاري، اما إذا كان كذاب او صادء الله اعلم بكون اللي علي عملته والبائي ع الله .. بالنسبه للمواقف ولا مره صار معي مواقف معينه مع الشحادين، كنت اعطيون مصاري واضلني ماشيه، ومرات كنت اصادف ناس مش طبيعين وشحادين بنفس الوئت يعني بتصيري تحسي اذا معطتيهنش مصاري ممكن يهجموا عليكي من اشكالون اللي بتخوف !! مع اني ما يثق بحدا إلا إنه كنت اعطي مصاري للناس اللي كنت احسون عنجد بحاجه، دايما بركز ع ملامح الوجه، إذا بحسه طبيعي بعطيه حتى لو كان كذاب، متل ما ذكرت من ئبل بعمل اللي علي والبائي ع الله، شو بدو يدريني بكذبو؟ اما إذا كانت ملامح وجه مش طبيعيه بفضل ابعد، وضلني ماشيه .. شكرا :137: .. |
موضوع مهم كتير ملك راح احكي وجهة نظري فيه التسول اصبح عادة وشطارة كمان يعني بنشوف ناس مخبية ايدها او رجلها بس لتاخد فلوس وهو كذب ونفاق بس بالاختلاف في ناس بتكون محتاجة فعلا هالحسنة وممكن الشئ الصعب يلي دفعهم يمدوا ايديهم ومش راح اخسر شئ لو شفته محتاج واعطيته المهم ما يكون منافق وكذاب يسلمو علي النقاش ودي |
اقتباس:
برايك وسيم ازا كانت البنت متسوله نعطيها حتى لو مو محتاجة هههههههههههههه بجد انت نهفة راح احكيلك شي بتصور عزيز النفس لو حتى محتاج ما بلجئ للتسول بشكل مباشر يمكن يلجئ لمؤسسات او مراكز بس لما تشوف هالكم الكبير من المتسولين بجد بتصير تسال بخالك معئول كلهم محتاجين معئول كلهم ما في حدا بساعدهم ع كل الله اعلم بلي بالنفوس نورت زميل |
| الساعة الآن 09:40 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.