|
مذكرات مدرسيه ح 2 ملك روحي
|
بانتظأر الراقة ملك كل الشكر الك وسام |
حلوو كتيير الموضوع بانتظاررهاا لملوكه تحيياتى الك اخى |
حًلوْ كًثيرْ الموضوعْ والفٍكرةة إسآ لً شفتهآ ن م شفتآ معْ مينآأآسْ ، يعطيكْ العافيةة وسآأآمْ ، أكييدْ متاابعًةة ودٍ |
قطوف جميلة و راقية سلمت الأنامل على جميل الجلب |
فكرآ رآئعةة ابدعت ي ألق دمتُ كمآ تريد |
إختيار جميل لأختنا ملك .. ربي يسعدها .. يعطيك العافيه أخوي وسام ع المجهود الرآئع منك إحترامي ^__^ |
اقتباس:
مبسوطة كتير انو تم اختياري لاكون ضيفتك بموضوعك المميز والي الشرف وبتمنى اكون ضيفة خفيفة يسعدك وسام شو زوء راح بلش باسم الله لالك ورداتي |
وطن /ملكة الاحساس/عجريه ملكة الحرف /مشاغبه /مي صباحكم سعادة ورضا ي رب منورين وشكرا لمتابعتكم |
صباحكم تفاؤل بما انو الموضوع عن زكرياتي المدرسيه راح بلش معكم من اول ع ئد ما في بهالصندوق من زكريات راح طلعهم بلشت رحلتي مع التعليم كتير بدري لانو كنت بحضانه اطفال ودرست بالروضة سنتين صف البستان وصف التمهيدي ما بتزكر انو كنت ابكي بالروضة لانو متعودة ع هيك جو وع وﻻد كتير حوالي وع مس ع طول ترائبني وتهتم فيني بتزكر ما كان عندي صاحبات بنات كلهم كانو وﻻد وكنت عامله معهم عصابه انا ممنوع انضرب لانهم ما شالله كانو حمايه لالي هههه بس انا كنت اضرب كتير بنات ههههه بتزكر من الروضة فرع الصم والبكم للاطفال الي بيحكو بالاشارة كنت ع طول بصفهم ورغم انو المس كانت تطردني وشكتني لامي الا اني كنت اعاند واحضر حصة لغة الاشارة ولهلا بعرف الحروف بلغة الاشارة وشويت كلمات كمان كمان بتزكر وئت التخرج من الروضة اللعبه الي المس جابتلي ياها كانت احلى هديه وئتها وكتير فرحت فيها |
الصف الاول واول يوم لالي بالمدرسهكان كابوس بالنسبه لالي كل صحابي اتفرئو ضاعت شلتي وصفيت براسي اخي الي اكبر مني كان بالصف العاشر وكان مطلوب منو انو يدير بالو علي بالمدرسه بس اول ما طلعنا من البيت اطلع فيني وحكالي اوعك تيجي ناحي بالمدرسه هههه لانو كان بصف كبير وكان يضل مع صحابو وهيك كنت كل ما ائرب يطلع فيني بعصبيه انو روحي وهيك كان يوم اسود بحياتي هههه اتعرفنا ع المس الجديدة كانت قمة بالحنان والانسانيه ولاني حبيتها حبيت المدرسه وهي حبتني كمان هههه بس لفترة حسيت بالوحدة وﻻ مرة بتزكر انو حدا ضربني او اخد مصروفي او ساندويشتي وكانت امي ع طول تتواصل مع المس والمديرة حتى اخي كان من بعيد لبعيد يتابعني وعينو علي بس كان يكابر حتى ما ألزء فيه ههههههه وكتير كان يعطيني من مصروفو كمان بالصفوف الاولى ع فكرة انا كنت مجتهدة رغم شئاوتي وكترت حركتي وكنت اخد شهادات تميز كمان بس كان عندي مشكله زغيرة ع طول المس تئعدني بالدروج الخلفيه وكنت بحب الدرج الامامي بس طولي كان حاجز بيني وبين حلمي هههههههه كل المرحله الابتدائيه كانو شبه بعض تقريبا بس كونت شله جديدة وصحاب جداد اه صح نسيت احكيلكم احلى حصة بالتسبه لالي حصة الرياضة كنت يمكن اتمارض واغيب باي يوم الا اليوم الي بكون علي فيه رياضة بجد ايام وﻻ احلى |
الصف السادس كان نئطة تحول لالي لعدة اسباب بهاد الصف اجانا مجموعة جديدة من طلاب مدارس تانيه ليكملو بمدرستنا كانو مجموعة بنات ووﻻد متفوقين بدراستهم كانو من قرى رام الله هون بلشت حرب ما بينا وبينهم طبعا بزعامتي انا وكمان اكمن بنت وولد معي كنا ع طول نردح لبعض هههههههه اخدو وئت لاندمجو معنا بالصف واحنا اخدنا وئتنا لصرنا صحاب معهم كان من ضمنهم بنت اسمها أسماء كانت قمة بالذكاء وخاصة بالرياضيات ئدرت تثبت حالها بالصف كالطالبه المتفوقة بس من ناحيه تانيه كانت تئيله دم جدا وما بتطاء ابدا ابدا بس لانها شاطرة كنا نغار منها كتير هههههه وهي كانت كتير مغرورة وصلت بيني وبينها للكره كنا ع طول متل الفحم والنار ما حبيتها و ﻻ حبتني حتى لما كانت المعلمة تحكيلها انتي المسؤؤله عن النظام بالصف وئت الفرصة انا ائضيها مشاغبه وحكي واتنطنط من هون لهون جكر فيها ولما تشكيني للمعلمة ما يهمني المهم استفزها لاسماء واحكي انها مو ئد المسؤؤليه هههه اي كنت شريرة ما دخلكم :34: المهم بهديك المرحله بلشت اتراجع بدراستي ومو شوي كتير كمان ما بتزكر كنت افتح الشنته الا لتغيير جدول الحصص كانت امي تحكيلي الله يرحمها ماما افئدي شنتك ومسحيها من الغبرة ع الائل هههههه وئتها كنت ملتهيه باللعب والحركشه بس رغم هيك كانو المعلمات يحبوني والله وكتير يطنشو لالي حركات هههه |
بهاي المرحله اتعلئت كتير بالرياضة وشاركت بعدة مسابقات للركض والوثب الطويل وكنت اخد مراكز كتير منيحة معلمة الرياضة مس باسمة ﻻحزت انو انا سريعة بالركض وباللعب اخدتني ودربتني مع الصفوف الاكبر مني ع كرة الطائرة واحلى ما في الموضوع كانت تستأزن وتاخدني من اي حصة لاتدرب وهالشي كان شي واو بالنسبه لالي غير المباريات الي اروح احضرها مع فريق المدرسه بمرة بشي مباراه رجلي ما انكسرت بس صارت كتير توجعني لاني وئعت عليها وضليت فترة شي اسبوعين ما اشارك بالتدريب واحضر كل الحصص ... تبا ههههه بس الحمدلله ما طولت ورجعت وبالنسبه لعلماتي كانو من سيئ لاسوأ يعني افوت الامتحان واسلم الورئه نضيفة استلم نضيف واسلم نضيف ههههه ما بكزب عليكم انا التهيت بالرياضة والشلل والصاحبات وكنا نئضيها ضحك ومئالب وهيك ضليتني لوصلت للمرحله الثانويه نفس وبرجع اكمل تعبت ههههه |
اختيار جميل ورائع وسام لانسانه جميله ونقيه وشقيه ومحبوبه لا تكزبي بشي اسمى انا بعرف تاريخك كله ههههههههههه متابع استمري موضوع جميل واختيار اجمل |
ملك حبيبتي احلا اختيار بانتظارك ملك ميرسي وسام |
اقتباس:
ليكني بحكي كنت كسلانه ههههههههه يعني ابدا ما ادعيت انو كنت الاولى ﻻ سمح الله |
اقتباس:
|
كلو كوم وانك كاينه تضربي البنات كوم شريرة :57: كملي كملي |
هههههههههه كان ضهري ئوي كنت ع طول بشله الولاد يعني ع راي مؤيد بعرف من وين بتاكل الكتف ههههه راح كمل بعد الفطور |
ال شريره ال تعال اطلع على وجهي كله مخرمش هههههههههههههههه |
رجعت وصلت مرحله الثانوي وهون كان تحدي صار في منافسه كتير ئويه بين الطلاب ووصلت لمرحله الغيرة انو بدي اكون متلهم متميزة وفعلا حاولت كتير وابوي صرف كتير هههههه كنت اخد دروس خاصة كتير رياضيات /انجلش/علوم بانواعها يعني كنت انجح والحمدلله ما كان هالمعدل الكبير بس كنت راضيه عن حالي والمعلمات حسو بفرء حتى اهلي كمان حسو بالتغيير بالعطله الصيفيه ئبل التوجيهي كثفت من الدروس الخصوصيه حتى انو كمان درست وتعبت وبالتوجيهي رغم انو ما كان يفوتتي وﻻ مسلسل او اي برنامج بحبو بس كنت كمان ادرس وادرس وبالنهايه حصلت معدل 77% واتفاجئت انو في قانون بالتربيه اضافة 5علامات للمتميزين بالرياضة وهون كانت الفرحة الكبيرة معدلي صار 82% يعني لعب الرياضة جاب نتيجة هههههه |
راجعة ~~~ |
مواقف حصلت معي بيوم بحصة الدين كان علينا واجب يمكن هالحكي بصف سادس او خامس لما اجت المس حكت هاتو دفاتركم انا اصلا ما كان معي دفتر حتى احل الواجب هههه حكتلها مس نسيتو بالبيت حكت اوك بكرة بتجيبيه كان الدرس رقم 20او حتى اكتر وكل اسئله الدروس ﻻزمهم حل وانا وﻻ حاله شي روحت البيت وانا افكر انو بدي اليوم بطولو وانا احل ما راح اخلص روحت وحكيت لماما صار هيك هيك انجنت يومها فيي وبهدلتني وحكت بتستاهلي ما كان في حل الا اجيب دفتر وابلش بالواجبات اول درس حليتو والتاني حليتو وع التالت صرت ابكي ههههههه حكت ماما خلص بساعدك شوي وبلشت المسكينه بحل الاسئله طول النهار لخلصتلي كل الواجب وانا عملت حالي مصدعة ونمت لخلصت ههههه وتاني يوم فرجيت الدفتر للمس الي كيفت ع ترتيب ونظافة الدفتر واخدت علامة زيادة ههههههه |
يآلهوي !!! هاد كآينة مصيبة تباً ههههههه على فكرةة كان في بنات متلك كتير هههه متآبعة اناآ |
هههههه والله والمخفي اعظم كنت مافيا بس هلا بطلت :96: |
والله هالموضوع بكشف الخبايا ههههههههههههههههه لسى في كمان ولا خلصتي شكلو لسى في :19: |
في شغله حابه احكيها شي صار معي وبسببو بطلت اعمل حالي مريضة بالمدرسه ههههه |
بتزكر بيوم ما كنت بدي احضر حصص وبدي اروح البيت عملت بطني بوجع كانت الحصة التانيه او التالته مسكت بطني وع آي وأخ المس المسكينه بعتت للمديرة والمديرة بعتت لاهلي ما في ربع ساعة الا ماما وبابا بالمدرسه وطبعا انا كنت لساتني عايشه الدور هههه المشكله انو بابا اخدني ع الدكتور وانا مكيفة انو خطتي نجحت اتفاجئت الدكتور بحكي خدها للمشفى بسرعة ﻻزمها عمليه الدودة الزايدة طبعا انا ما سدئتو وحكيت شكلو كشفني او بتخوت المهم ركض ابي فيي ع المشفى الي قررو ﻻزمني عمليه سريعة ئبل لينفجر الالتهاب ويصير تسمم دم كل هاد وانا من الصدمة مش ئادرة افكر هههههه وفعلا عملت العمليه ومن يومها حرمت اعمل هالحركة فعلا من تمارض مرض هههههه خلصت هيك اي اسئله انا حاضرة |
ههههههههههههههههههههههههههههههههه هههههههههههههههههههه |
:2: |
خلصتي هههههههههههههههههههههه راجعلك يا مجرمه :31: |
اي خلص بكفي فضايح ههههههه ناطرتك ههههه |
سؤال رقم 1 من 100 من اعز صديقاتك :44: |
بعدك بتتواصلي مع صديقتك لليوم :31: |
مين من المدرسات بتكرهيها :19: |
1من100؟؟؟؟؟ههههه ماشي خد راحتك اعز صديقة لالي سارة وبلشت علاقتنا بالاعدادي تصير ئويه ورحنا جامعة مع بعض وتخصصنا ادارة اعمال مع بعض بس انا حولت لصحافة واعلام اي لهلا بنتواصل ع طول مع بعض تلفونات او نت بحسها اصلا بتشبهني |
اقتباس:
مس مريم كانت كشرة كتير ومجرمة يخرب بيتها مرة اكلت منها بهدله بحياتي كلها هههههه |
نتابع ومين بكرهك من المدرسات :19: |
انطرو اعيش الصدمة ههههههههه و رآجعة بأسئلة هههههه |
اقتباس:
ﻻ والله كنت محبوبه كتير ما بعرف مين هههههه |
| الساعة الآن 03:07 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.