متل هاد اليوم عرفتك ووعدتك تكوني ام ولادي

أشتقتلك كتير وينك ما بتفوت نت من كم يوم وجوالك مسكر !؟

هو ما برد عليها و مر ع الحال هاد أسبوع و هي صارت خايفة عليه وافكارها تروح لبعيد ،

بعد شي تسع أيام أجاها عريس هي صارت تعيط كتير وتبعت إلها مسجات وهو ما يرد لحد ما رن عليها ،

هي بترد و هو مش فاهم منها حرف بتغلط وبتبهدل وبتعيط بنفس الوقت

هو بضحك وبحكي : ولك اسكتي شوية بكفي تحكي ..

انت واحد غبي ولك كنت راح اموت بسببك فكرت صايرلك شي ..

ولي يا هبلة انا بخير واشتقتلك كتير بس كنت مشغول بشي ..

هي بتعيط وما بتحكي شي ..

شو يا دبه هالقد مشتاقة إلي وبتحبيني !؟

انا اجاني عريس ،،

ولك ما أنا بعرف ^^

شو كيف عرفت وليش مبسوط !؟

لأنو أمي حبتك كتير وضلت تتغزل بعيونك الحلوة يا قمري ..

شو عم تحكي أنت ما فهمت !؟

ولك يا حمارة لهلأ ما فهمتي !؟

هئ شو بدي أفهم !!

عنجد أنا بحب وحدة غبية هههههه

وله بكفي تغلط عنجد شو قصدك .. استنى استنى ليكون قصدك انو أنت العريس !؟

ههههه اخيرا فهمتي يا روحي ..

وله عنجد بتحكي ولا هادا مقلب !؟

دبه متل امبارح انا عرفتك قبل سنة ووعدتك راح تكوني ام ولادي ..

وله بحبكك انا ~

وانا بموت فيكي يا ام ولادي العشرين .

هي بتضحك من قلبها وبتطير من الفرحة ..