|
اسئلة بخصوص المواضيع والردود عليها سلام لكل للاعضاء حابة اسئلكم بالنسبة لاي موضوع بمر عليك بالمنتدى ازا ما عجبك ...يا هل ترى بترد عليه مجاملة ولا بتكتفي بس بالقراءة ولا ازا كان لعضو بخصك بترد عليه مهما كان الموضوع وشو رأيكم باللي عم بردوا بس مجاملة من دون ما حتى يناقشوا بالموضوع يمكن تقولوا عني. تافهة وتحكوا عن موضوعي مش مهم مش مشكلة بس حبيت اشوف رايكم لانه هاد اللي عم بلاحظه تقبلوا انتقادي |
بصراحه موضوع جميل ملاك ولا بد من الرد عليه انا عن نفسي كلمه يسلمو وشكرا ويعطيك العافيه مش رد هذه ليست ردود بل مجرد حروف أشغل بها الموضوع لـ سد الفراغ أو لزيادة عدد المشاركات هذهـ ليست ردود بل تبلد في الكلمات وشلل في المعاني وغثيان فكري مع احترامي ردود معلبة ومكدسة في مستودعات منتهية الصلاحية نريد ردود تكون أروع مما كتبه صاحـب الموضوع ردود تجعله يخجل من نفسه ومما كتبه حين رأى روعة الرد نريد ردود تصيب عقول المعاجم وفهارس الكلمات بالدوخان نريد ردود تجعل من أراد أن يكتب موضوع جديد أن يضرب ألف ألف حـساب لـ هذه الردود لأنه سوف يعرف أنها له بـ المرصاد العبقري الثقافي أنا لا أقول أجعل صاحب الموضوع قيصر زمانه لا أقول أجعله فيلسوف عصره وشاغل الدنيا فقط أحترم موضوعه على الأقل فـ ردك الجميل هو أحترام للكاتب وللكلمة وللقلم رد رد لائق او بلا منه الرد من اصله اسف للااطاله اشكرك ملاك البريئ |
بالعكس موضوعك ابدا منو تافه بل كتير مهم وحابه احكي شي بهالخصوص وشي بخصني انا شخصيا انا كملك بحاول ارد ع كل المواضيع وصدقا ما برد ع اي موضوع الا ازا تمعنت فيه منيح ويمكن تفهمو من ردودي ازا كنت فهمت الموضوع منيح او ﻻء فمتلا مواضيع سفير القلعة احيانا بتكون مستواها عالي وبحكيلو بالرد ما فهمت هههههه بالنسبه للرد ازا عجبني الموضوع بعطيه حئو وازا ما عجبني ما برد ابدا وﻻ كأني شفتو يعني بفضل ما ارد وﻻ ارد مجامله واحسس العضو انو مو عاجبني لانو مو ضروري الي ما عجبني ما يعجب غيري هالشي بتعلئ بالزوء بتمنى تكون وصلت الفكرة تحياتي لالك الملاك البريئ |
بالعكس موضوع رائع واسئئلتك بمكانها انا بحكي عن نفسي اي موضوع بنزل بدخل عليه وبشوف اعجبني النقاش بشارك وما عجبني ما بشارك مين ما كان صاحبو احنا هون في المنتدى اخوة واصدقاء وعيلة وحدة يعني المواضيع ما فيها مجاملة ولا فيها هاد صاحب الموضوع بخصني او ما بخصني بس في مواضيع بتنزل على المنتدى متل الازياء او الموضة او المكياج هاي امور ما بحب اشارك فيها موضوعك رائع كثير يعطيكي العافية تحياتي الك |
المواضيع الي ما بتعجبني ما برد عليها وما بكمل قراءتها , بس اوقات كتير بفوت مواضيع كتيرة ما بكون جاي ع بالي اشارك وقتها ما راح اعطي المواضيع حقها بالرد , وهان ما في مواضيع حدا بخصني وحدا ما بخصني و ما بحب اجامل حدا لانه المجاملة بأغلبها كذب , موضوعك انيق والاسئلة في محالهآ ومن واقع المنتدى .. |
اول شي لا تافهة ولا شي خلي عندك ثقه بنفسك ي بنتي وبخصوص الموضوع في منو هلحكي الاغلب بجامل او حتر برد بدون م يقرأ الموضوع |
صراحة موضوعك كتير حلو وبمحله أنا ححكي عن نفسي مالي علاقة قوية مع أي من الاعضاء لافوت شارك بمواضيع لاشخاص محددة عم فوت وعم شارك بأغلب المواضيع مو دايما بكون قادرة فوت شارك بكم كبير من الموضوعات وهناك مواضيع بفوت بقرأها عجبتني بشارك وبعطي رأيي ما عجبتني بكتفي بالقراءة وخلص بس ملحوظة وسبق وحكى فيها حبيب العمر :- يجب أن يعطى كل موضوع رد المناسب له ويلي عم بستحقه موضوعك حلوو الملاك البريئ تحياتي |
موضوعك مهم عزيزتي صراحة انا بحاول ارد على معظم المواضيع وما كتير بنتبه مين صاحب الموضوع الا لما ارد بالنهايه لحتى اشكره في كتير اوقات ما بكون جاي عبالي ارد على مواضيع فما برد عليه لاني بهيك ما رح اعطيها حقها وفي مواضيع بتجذبني بلاقي نفسي فيها وبحب اناقش فيها وفي مواضيع التنسيق والخط مش مريح فما بحاول اقرأها حتى لو كانت حلوه وكمان المواضيع الطويله ما بحاول ارد عليها لاني ما رح اقرأها للنهاية وبالتالي ما رح اعطي رأيي بشكل جيد واكون راضيه عن ردي في شي تاني بحب اضيفه العنوان وطريقة طرح الموضوع واسلوب النقاش ومتابعة صاحب الموضوع للردود كمان هاي امور مهمه لحتى تجذبني وتخليني اشارك بالموضوع شكرا لك غاليتي على طرحك مودتي |
سؤآالك حلو أول شي آنـآ بنسبآالي مآ بدخل ع قسم معين و بدور مين نزل هون أو مين نزل هون لأرد يلي بطلع قدآمي بدخل بقرئو عجبني هيوتني رديت مآ عجبني بهرب هههههههه :p بس بلآحظ هون البعض بردو ع حسب إسم صآحب الموضوع نوع من انوآع المجآملآت ممكن !! بآآي خلصصت ههههههه |
انا ما بدور عالمواضيع ولا على أصحابها بفوت عال مواضيع المهمة يلي ما بيتجاوز عددا ال 1 او ال 2 بالنهار واحيانا كل النهار ما بينزل شي مهم وبس ادخل عليها بناقش واذا شي يوم حطيت رد " شكرا او يعطيك لعافية " بكون استفدت من الموضع بشي معلومة لهيك شكرت صاحبا وبفوت على كم موضوع ضحك مشان اتسلى شوي وطق براغي للاعضاء واحيان بكتب خاطرة او معلومة او بحط كلمات اغنية وبطلع لكن اذا موضوع نقاشي مهم بناقش فيه ما بكتفي بالشكر وشكرا عالنقاش :136: |
عجبني رد حبيب العمر أهم شي بردك تحسسي صآحب الموضوع انك فهمتي المحتوى او حبيتي الشي الي عملوو الشغلة مش الرد من كم كلمة الشغلة معنى الكلآم اللي موجود بالرد انا ممكن انسخ رد من أحسن موقع و يكون هالرد عدةة اسطر بس مش طالع مني كوبي و ممكن أرد بكلمتين و احسس صآحب الموضوع انوو عمل انجآز بطرحوو للموضوع الشغلة هآي بدهاآ شوية تفكير و اختيآر كلمآت ليهاآ معنى قوي اناآ عن نفسي بتقبل من العضوو كلمة شكراً لكن يحسسني فياآ انوو قرأ موضوعي و تمعن فيوو بس شكراً |
ما كل المواضيع بحب العضو انوا يرد عليها وهذا ليس بخلا ابدا لانوا بالفعل في مواضيع ما تستاهل الرد عليها اصلا رغم موضوعك جميل كلام رائع وجميل انا من مراقبتي لمعظم المواضيع هيك بشوف بعض الاعضاء بيدخلوا على المنتدى وبنزلوا مواضيع ويبتجاهلوها او بيتجاهلوا شخص معين بالرد على مواضيعهم من هيك انا ما عاد ادخل على كل المواضيع لتجاهلهم للرد على ردي على مواضيعهم واذكرها هنا والجميع يعلم انا لا اجامل احدا ما بهمهن الا مواضيع منسوخه ويكتروا منها حتى يصيروا مميزين او ما بردوا على بعض المواضيع لاعضاء معينين ليجاملوا بعض الاعضاء الاخرين الوطن والغربه |
انا بصراحة كنت مستنية هيك ردود لاعرف مدى رقي اعضاء المنتدى وبالفعل انا فخورة لانه كل اللي حكيتوه بدل على اد ايه انتوا بهمكم المواضيع تكون راقية ومميزة بكلشي فيها بس كمان من دون زعل في مواضيع خسارة تنزل عالمنتدى بتدل على. سخافة العضو ولا مبالاته بالشي اللي عم بنزله بسبجد كل اراءكم بمحلها من دون مجاملة ومتاكدة انه في اعضاء ما عجبهم اسئلتي بس لا تزعلوا انا هيك بحب الصراحة |
اقتباس:
رد متواضع تصبحين على خير الوطن والغربه |
اقتباس:
لفت نظري ذكرك عن موآضيع خسآرةة تنزل عَ المنتدى او بتدل على سخافة العضوو طبعاً لمست هالشي من ردود غير ردك كمآن اول شي كل الموآضيع اللي بتنزل في اللمنتدى هادفة و مآ بتكون خسآرةة >> مآ بتفيدك بتفيد غيرك لكن ازآ بتقصدي موآضيع قسم فسحة الروح او استرآحة الألعآب فَ هون اقسآم للترفيه و التسآلي فقط و اساساً المشآركآت مش محسوبة >> خلي الأعضآء تنبسط يعني اللي بيحب بفوتهم و اللي ما بحب ما بفوت و ما بدنا ننسى شي مهم انوو الأذوآق تختلف من عضوو الى آخر و دآمك بتحكي كلآم لاآ يسيء لأحد مآ حد رح يعترض على موضوعك |
اكيد ميناس انا ما بدي اجرح حد ولا بقصد عضو معين صح كل واحد اله زوقه بالقراءة وبالقسم اللي بلاقيه مناسب اله اكيد انا مو قصدي انه المواضيع مو مفيدة قلتلكم رح تفهموني غلط بس انا بقصد في مواضيع كوبي وبست وطويلة بمل الواحد لما يشوفها يمكن تكون منيحة بس القارئ ما بحب الملل تقبلوا نقدي |
اقتباس:
وبتمنى ما كون مكروه لاني حكيت الصراحة :136: |
انا برأيي انو الموضوع لو عجبني برد عليه . لو ما عجبني ما بكمل قراءته احيانا وبطلع منو . اما بالنسبة انو هادا عضو بحبو و هادا لا . ف ما عندي هيك شي . اعتمادي ع الموضوع فقط . |
اول اشي غالبا انا من الكسل ما برد ع مواضيع كتتيير ههههه لكن المواضيع الملفتة والي بتعجبني ، اكييد برد عليها رد مزوئ ويستاهل الموضوع ، اما المواضيع العادية برد عليها عادي ، اما ازا المواضيع ما عجبتني ، ما برد ، مين ما كان صاحب الموضووع ، بس اكيد بهمني اعرف مين صاحب الموضوع ديما بس هاد ما بأثر ع كوني ارد ولأ شكرا الك |
اكيد غاليتي الموضوع يلي يشدني محتواه ومضمونه ارد بنطاق واسع لكن اذا كان مو كتير عجبني اكتفي بالرد العادي يسلمو ودي لكي |
موضوع حلو وسبق ونزل ع المنتدى بصور تانيه ولكن دائما المضمون واحد بلنسبه للموضوع اسمعي في مواضيع بدها ردو متل شكر ويعطيكي العافيه وابصر شو لانها بتكون عباره عن شعر قصيده نثر ..... ألخ يعني الي بينزل هدول المواضيع انا شو هيكون الرد المتوقع مني في بيكتبو شعر تاني بلرد لكن انا م بحب جامل لهيك بكتب شكرا او يعطيك العافيه |
اقتباس:
اناآ هون بكلآمك هآد معك لأني شخصياً بمل ازآ كآن الموضوع كبير بحب الموآضيع المختصرةة اللي فياآ العبرةة برغم اختصآرهاآ صدقيني اناآ فهمتك لكن حبيت عقب على كلآمك عشآن ازآ حد فهمك غلط .! شكراً لنقآشك .~ |
زميلة كلام الملاك البريئ سليم و ما بينزعل منو ولا غبار عليه طبعاً يعني انا للي بعرفو انو المواضيع المثبتة المفروض تكون مواضيع مهمة في مواضيع مثبتة بكل الأقسام وبلا قيمة مع احترامي لاصحابها يوميا بتتنشط وبتطغي عالمواضيع الاهم منها مثل " سجل دخولك ب " وغيرا .. بكل قسم تقريبا مسجل موضوع متل هاد .. طب بالله العظيم شو الو قيمة ؟ هآي موآضيع متجددةة >> يعني بتقدر كل يوم تعمل رد عليه لكن موآضيع غير ذلك >> لو شفتهاآ كل يوم رح يكون عندك رد وآحد لهيك المثبت هو الموآضيع المتجددةة اما عن قسم التسلية أنا مو ضدو بس ضد تتنشط نفس الموضوع فيه يوميا هو او ثرثرة وهذيان حرف يعني انا مع انو كل يوم يتم نشر 100 موضوع بقسم التسلية ونشارك فيهون كلون بس نشارك بالموضوع ويمشي .. مو شارك فيه و يتنشط كل يوم وكل ما اتصفح المنتدى لاقي الاعضاء منشطينو كانو ما في غيرو وبالنهاية هو موضوع بلا قيمة طغى على مواضيع ذات قيمة ما أخدت حقها مهماآ كآنت قيمة الموآضيع هآي لولاآ انهاآ اعجبت الأعضآء لكآن مآ بيتم تنشيطهاآ بشكل يومي كتر المشاركات بهي المواضيع يلي عم احكي عنها بتمنعني انو شوف المواضيع المهمة واستفيد منها لانو المواضيع المهمة بتصير بالمؤخرة وما عد بتبين .. ومو دائما العضو معو وقت يتصفح الاقسام واحد واحد ويدور عالمضوع المهم بمآ انوو بنحكي عن الموآضيع المثبتة فَ الموآضيع المهمة اللي بتحكي عنهاآ رح تكون تحت المثبت عَ طوول و اكيد بتقدر توصللهاآ مع العلم اني اي موضوع غير متجدد و شفت انوو بيستآهل التثبيت شخصياً بثبتوو و لو لفترةة محددةة وبما انو الإدارة سامحة بهالشي ومثبتة هيك مواضيع معناه الادارة بهمها كمية المشاركات مو نوعها وبهالحالة ما فينا نلوم الأعضاء اناآ مش رح قلك مآ بهم الإدآرةة عدد المشآركآت لأنوو عدد المشآركآت بيزيد من مستوى المنتدى لكن عندك وجهة نظر شكراً لنقآشك وسيم :136: |
اقتباس:
على فكرةة مش بكرهك اناآ :136: المهم اناآ ههههه |
قناعتي انو الصراحة بشعة و بتكون طاقة سلبية عند الآخرين ما رح تتغير هههههههه وبعرف انو انت ما ح تكرهيني المهم انت http://store2.up-00.com/2015-01/1421094826421.png |
كل عضو هون إلو "حريه شخصيه" يرد ع المواضيع او لأ، وانا بفوت ع الموضوع بالاول وبئراه إذا شدني بجاوب وإذا لأ بطلع، وانا من النوع لمن الموضوع يعجبني، بحاول اعطيه حقه حتى لو كان سلبي او انتقاد المهم كل اللي جواتي وعئلاتي تجاه الموضوع بطلعو، وهدا ئليل ما ينوجد مع احترامي لكل الاعضاء اللي بالمنتدى بس في كتير ردود مالاش طعمه وبالذات يللي بيفكروش غير كيف يزيدوا مشاركاتون ! عنجد الاشي مزعج، يعني يللي بيكتبوا كلمتين وبطلعوا، إذا بتحس حالك انك مش رح تعطي الموضوع حقه بالرد المناسب لشو بتفوت عليه؟ لحتى تكتب يعطيك العافي وتطلع؟ يعني ايش بدو يطلع منها هاي "يعطيك العافي"؟! المشكله إنه ما فينا نتحكم بأي عضو هون بغض النظر كيف كانت ردوده، والمشكله كمان إنه في كتير اعضاء معندنش خبره وبعرفوش يجاوبوا بس بتعرفي شو؟ منيح انون موجودين بالمنتدى، لعل وعسى ويجي يوم ويصير عندون خبره بالحكي والردود لإنه المنتديات مش بس لحتى نكتب ردود كمان بتعلم كيف نكتب ردود ومع الوئت بصيروا يعرفوا كل اشي .. شكرا :137: .. |
انا معك يا وسيم بكلشي وكل واحد اعطى رايه بصراحة انا معه لانه لو عجبهمش موضوعي كان ما ردوا عليه اصلا لا سلبي ولا حتى ايجابي عنجد بتمنى الزعل ما يكون بيناتنا والصراحة الزايدة ممكن حد ما يتقبلها بس اللي بقلبي حكيتو بتشكركو لانكوا اعطيتو الموضوع حقه الله يكتر من هيك اعضاء مزوءين |
مسا الخير الملاك وبتشكرك لانو قدمتي الموضوع اول شي بشوف انو الردود مرتبطة بهدف العضو من تسجيلو بالمنتدى بالاساس هو داخل ليقطع وقت ويتسلى وبفرفش ويضحك وبس لما داخل ليستفيد ويفيد لهيك بتلاقي اقسام التسلية والالعاب والالغاز مليانة ردود بينما اقسام متل ثقف نفسك والعلوم التكنولوجيا والى حد ما القسم الصحي ردودو اقل من المفروض والمواضيع ياللي بتنطرح غالبا بيكون عليها شي خمس او ست ردود بكتيرو لأنو في قسم كبير من الاعضاء بيشوف ان المنتدى مكان للتسلية فقط وبعضهم ما خدو مكان للتسلية السلبية للاسف!! -بالنسبة لاسئلتك : *ازا ما عجبك ...يا هل ترى بترد عليه مجاملة ولا بتكتفي بس بالقراءة؟ بمر بمواضيع كتيرة لكن لما بشوف ما في مضمون ما برد بكتفي بالمرور بس. *ولا ازا كان لعضو بخصك بترد عليه مهما كان الموضوع ؟ متل ما حكيت لما بشوف الموضوع م قدملي شي ما برد. *وشو رأيكم باللي عم بردوا بس مجاملة من دون ما حتى يناقشوا بالموضوع ؟ ما عم بقدم شي يفيد بيكون هدفو يكتر من عدد المشاركات لألو وبس بس كمان من ناحية تانية في مواضيع ما بتحتاج نقاش وتعليق فحسب الموضوع بيكون الرد خيت لكن انا بشوف مو من المقبول ابدا انو ارد بشكرا على موضوع نقاشي بيحتاج التعليق وابداء الرأي. ملاحظة: لاحظت انو بعض الاعضاء بينتقدو طول المواضيع في مواضيع بتحتاج التفصيل لحتى تتحقق الفائدة وخصوصي اللي فيها طرح معلومة بتحتاج التوضيح ازا بدنا نقيس المواضيع بالشبر معناتو في كتير من المواضيع ذات الفائدة ما رح يتم الاستفادةمنها نحنا شعوب لا تقرأ وحتى لما بدنا نقرأ ما بدنا نتعمق جيدا في الموضوع ومجال الاطلاع النا صار النت بدل من الكتب شوية دقائق من القراءة لن تضر مع العلم بشوف انو معظم المواضيع ما بتتجاوز الخمس دقائق المغزى مش بطول المواضيع بالشبر انما بفائدتها وهدف كل شخص من دخولو للموضوع هل هو للفائدة لو كات لتحقيق الفائدة واخذ معلومة صحيحة منه بتتحمل قراءة لدقائق اضافية مو من كتر الاشغال ههههههه تحياتي لإلك الملاك البريء. |
وردة ليلكية ردك في منه بس انا قصدي مو كل المواضيع بدها كلمة شكرا وبس يعني قبل كم يوم دخلت موضوع نقاشي وتفاجأت برد بيحكي شكرا للطرح احنا بدنا نشكر اي بس نعطي النقاش اهميته تحياتي |
سؤالك بمحله وجميل المناقشه بخصوصه لكن برئي انا اجد كل موضوع يتم تنزيله هنا مهم حتى وان لم يتم الرد عليه يمكن من احد الاسباب لعدم الرد يكون عدم القدرة او لا يوجد تعليق مناسب ومع هيك لو تم وضع بعض الكلمات التي تسعد الكاتب بكون افضل ول كانت يعطيك العافيه تكفي لكن من يريد الرد على اي موضوع يجب عليها يقراءة المووضع من البدايه حتى يتمكن من فهم المحتوى والرد عليه بشكل جيد وهنا المشكله اننا نقرءة من الموضوع العنوان فقط او اول سطرين وبعدها لو نريد التعليق سنرد بكلمتين فقط ردود سطحيه لااكثر لحين ان الموضوع فقط رونقه من ناحيتي يجب على القارء ان يتفحص الموضوع حتى يستنتج رد مناسب ومن ناحيه اخرى ان أرد لفلان واترك فلان اصبح الامر مجرد تميز والبعض يرد بدود سطحيه فقط لتزيد عدد المشاركات طبعا اسف على التعبير بما انه نفتح الموضوع ولا مجال للزعل لكن حتى نرتقي يجب علينا التمعن والتفحص والتفكير بشكل جيد والرد بما يناسب الموضوع لاننا لسنا الوحيدين هنا من يقرء بل هناك زوار غير مسجلين ايضا يقرءون اعتذر عن الاطاله لروحك الجوري |
اختي ملاك اول شي يعطكِ الف عافية يارب ع المجهود الحلوو ما راح طول بالرد انا بالنسة الي نادر بس رد ع المواضيع ما بنتبه مين نزل الموضوع او مين صاحب الموضوع والموضوع الي بعجنبي برد علي والمجاملات بالرودو ما بعرف اكتبها اصلا بفضل ما رد وانسحب من الموضوع ادا ما عجبني او ادا بالرد ما اوفيتو حقوو ما برد عليه حبيبت اقترح شغلة بما انو حكت اختي ميناس فيها موضوع المشاركات في قسم الالعباب والاستراحة ممكن يقف عداد المشاركات باي قسم يعني المشاركات ما بتحسب بعداد المشاركات بتمنى ما كون طولت بالحكي موفقة اختي ملاك كل الحب والتقدير |
اقتباس:
صحيح أخ المشآركآت بقسم استرآحة الألعآب و فسحة الرووح و مدونآت الأعضآء المنقولة مشآركآتهاآ مش محسوبة و برغم هالشي الأعضآء بتفضل هالأقسآم شكراً |
فعلا الاغلب هنا بحسو بس بيدور ع اصحاب المواضيع مش ع المواضيع وهالشي انا اكتر من مرة قولت بحس في عنصرية هنا وهالشي مش منيح بخاصة بمنتدى بيحوىآ اعضاء كتير وبتمنى الكم التوفيق بهالمنتدى وانكم تكونو ايد وحدة وبالنسبة للمجاملة بعيدة عني كتير انا برد ع مين ما كان لو عجبني موضوعو وبالرد الي بتسحقو . . احترامي للجميع |
اقتباس:
وتحط شكرا للطرح او يسلمووو ....وتمشي الاساس انو تبدي رأيك وتعبر عنو بكل وضوح ازا ما عندك القدرة للمناقشة خلص اترك الموضوع وامشي بدون رد وانا بعتقد وبرأيي الشخصي انو ياللي عم يحط هيك رد بموضوع مفتوح للنقاش بس بدو عدد الردود يزيد عندو مو اكتر . تحياتي والجوري لالك خيت. |
| الساعة الآن 08:35 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.