|
ستتزوج ولكن ... صباح / مسا الخير للكل :137:، في موضوع ببالي من فتره بس ولا بعمري تخيلت شو ممكن تكون ردة فعل الناس بهالموضوع، لإنه ئليل ما بنحكى فيه حتى بالمجتمع لإنه هيك شغلات "سريه" بالنسبه للاغلب، وئلت أطرحوا هون وشوف آرائكوا، البنت يللي بتفئد عذريتها بغض النظر مين السبب يمكن يكون حبيبها بالغلط ويمكن ابن حرام اغتصبها او يمكن هيي نفسها !! ومرء فتره واجا يوم شب طلب ايدها، وهي وافئت لإنها قررت تنسى ماضيها ومعنيه إنها تتزوج وتفتح بيت وتصير إم ، ولحتى تكفّي وتستمر بعلائتها معه لازم ترجع عذريتها ئبل الجيزه، ومعروف اليوم بيعملوا عمليات ليرجعوا عذرية البنت، برأيك هل بيحلئها تعمل هالعمليه لحتى تستر ع حالها وتتزوج بهدف إنه من حئها تتزوج زي اي بنت وتصير إم، وجوزها يضل مخدوع مستئبليا بعذريتها المزيفه؟ ولا الافضل تئضي عمرها فالبيت بدون هالعمليات؟ وبرأيك هل لازم يسمحوا بهيك عمليات بالمستشفيات؟ وسؤال للشباب لو حبيبتك صارت معها هالمشكله بحياتها، واتبين إنه ما في امل انها تعمل هالعمليه، واعترفتلك وحكتلك الصراحه مع إنه ما بظن في بنات تتجرأ وتحكي، بس خلينا نفرض، كنت بتستعد تتزوجها بدون عذريتها؟ بتمنى الكل يشارك بهيك موضوع مهم .. :137: |
يعني بصراحه موضوع جريئ وبما انه ممكن يصير بالمجتمع لا مانع انه نحكي فيه بصوره منطقيه ومحترمه يا اختي الله سبحانه وتعالى خلق البنت وغشاء بكارتها معها يعني هو شرفها وراس مالها هلا لوالشي صار غصب عنها الكل رح يعرف والي بتقدملها أكيد بيعرف حكايتها وبوافق لو البنت غلطت مع حدا او مع نفسها تتحمل نتيجه عملها وما بصير من ناحيه دينيه او شرعيه انها تعمل عمليه ترقيع لانها غش واحتيال للزوج واي طبيب بيعملها كمان يعاقب حسب القانون الشرعي او المدني احنا عايشين بمجتمع شرقي عربي مسلم ما بصير نتجاوز الشرع ولا الدين ولا العرف غير ما ذكرت بكون كله احتيال اما لو انسان حب انسانه واعترفتله شو فيها من عيب وهو تقبل ممكن يستر عليها وباخد اجر وثواب كبير عندالله الشي لازم يكون مفهوم وواضح مابني على باطل فهو باطل هادا الي انا بعرفه شكرا لموضوعك اختي سمره بنتظر اراء اخرى مع الاحترام |
برأيك هل بيحلئها تعمل هالعمليه لحتى تستر ع حالها وتتزوج بهدف إنه من حئها تتزوج زي اي بنت وتصير إم، وجوزها يضل مخدوع مستئبليا بعذريتها المزيفه؟ هالنقاش بيختلف من مجتمع لمجتمع بمجتمعنا هاد الحل الوحيد و المثالي ولا الافضل تئضي عمرها فالبيت بدون هالعمليات؟ ما بفضل تضل بالبيت هالشي الو اثار سلبة ع نفسيتا وكمان مرحلة الزواج و تأسيس أسرة هو مرحلة جميلة ولازم كل شخص يعيشها وبرأيك هل لازم يسمحوا بهيك عمليات بالمستشفيات؟ نعم .. اولا لان هيك بتنحل فضائح كتير ابنات , ثانيا في اشياء بتحرم البنت من عذريتها منذ الولاد يعني مو بكيفا متل بعض العيوب الخلقية وممكن يتمزق الغشاء يسبب بعض الرياضات بالخطا كركوب الخيل و الدراجة مثلا وبهي الاحوال العملية كتير بتساعد بهيك حالات وبتستر عالانثى وسؤال للشباب لو حبيبتك صارت معها هالمشكله بحياتها، واتبين إنه ما في امل انها تعمل هالعمليه، واعترفتلك وحكتلك الصراحه مع إنه ما بظن في بنات تتجرأ وتحكي، بس خلينا نفرض، كنت بتستعد تتزوجها بدون عذريتها؟ بتختلف الإجابة حسب اختلاف القصة والحادثة يلي أدت الى حرمان البنت من عذريتها بتمنى الكل يشارك بهيك موضوع مهم .. شكرا :136: |
السلاآم عليكم و رحمة الله موضوع جريء و لكن وآقعي اول شي مهماآ كآن السبب لآزم الشب اللي بيتقدم للبنت يكون عندوو علم و مآ بصير تكمل حيآتهاآ بالخدآع لنفرض انوو هالشغلة صآرت بفعل فآعل و غصب عنهاآ او بسبب ممآرسة الريآضة او مآ شآبه و تقدملهاآ شب و بدو يآهاآ ممكن هو يطلب منهاآ تعمل العملية لأنوو هالشغلة من حق كل رجآل لكن ازآ السبب كآن حبيب او نفسهاآ فبعتقد بدهاآ تتحمل مسؤولية غلطهاآ الآ بحآلة انوو حد بدوو يآهاآ بعض النظر عن السبب بالنسبة للعميلة صرآحة مآ بعرف كيف من نآحية الشرع و بعتقد انوو مش حرام كونو في أطبآء بيعملوو هالعمليآت هآي و مآ حد موقفهم من نآحية تآنية هي سترةة للبنت مش اكتر شكراً |
شكراً سمره مواضيعك النقاشيه جداً تروق لي انا شخصياً ارفض هالاشي في حاله رضاها لان سمعتها بتكون راحت والناس ما بترحم في حاله الاغتصاب فهذا امر ثاني والله يستر علي بنات المسلمين |
موضوع جريء سمره وبالفتره الاخيره صارت كتير عمليات لارجاع عذرية الفتاة صراحة انا بعد ما شفت موضوعك حبيبت اشوف شو رأي الشرع في هيك عمليات هل هي جائزه او لا وببعد ما قرأت عرفت انه الشرع بجيز هيك عمليات في حالة الاعتصاب والاكراه او يكون السبب حاذث ولا يجوز عندما يكون السبب الفاحشه والزنا معروف في مجتمعنا انه شرف البنت هو أغلى ما تملك فلما يعرف اهلها او الزوج الذي سيتزوجها بفقدان عذريتها ممكن هالشي يأدي الى قتلها او انه زوجها يطلقها في لبلة زواجهم بالنسبة لرأيي حتى لو الشرع أجاز هالشي لازم الفتاه تحكي للشخص يلي بدها تتزوجه عن هالشي وما تبني علاقتهم على الغش والخداع شكرا لك غاليبتي سمره على موضوعك |
لا يجوز للمسلم أن ينكح المرأة المقيمة على الزنا ولا يصح عقد النكاح عليها لأن من شروط صحة النكاح أن تكون المرأة عفيفة لا تعرف بالفجور قال الله تعالى ( الزَّانِي لَا يَنْكِحُ إلَّا زَانِيَةً أَوْ مُشْرِكَةً وَالزَّانِيَةُ لَا يَنْكِحُهَا إِلَّا زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ ). عن أبي هريرة قال (قال رسول اللّه صلى اللّه عليه وآله وسلم ( الزاني المجلود لا ينكح إلا مثله).رواه أحمد وأبو داود. *أما إذا تابت المرأة من الزنا جاز للمسلم أن يتزوجها ويشترط لذلك شرطين: 1- أن تقلع عن الزنا وتندم على ما فات منها وتعزم على عدم الرجوع إليه مرة أخرى. ويعرف ذلك باستقامتها وحسن سلوكها. 2- أن تستبرأ لرحمها فتعتد بحيضة فإذا طهرت جاز نكاحها. ونسال الله الستر والعفاف لبنات المسلمين والله يحفظهن جزاك الله خير اختي موضوع مهم صراحه |
موضوع جريئ كتير سمرة ويمكن ما جدا ممكن يحكي فيه علنا وعلى الملأ برأيك هل بيحلئها تعمل هالعمليه لحتى تستر ع حالها وتتزوج بهدف إنه من حئها تتزوج زي اي بنت وتصير إم، وجوزها يضل مخدوع مستئبليا بعذريتها المزيفه؟ هاد اسمو غش ونصب وبالنهايه ما في شي بتخبا ع طول لو فقدت عذريتها غصب عنها ﻻزم تحكي لزوجها المستقبلي ومن حقو انو يقرر ازا ممكن يتحمل هالوضع او ﻻء بس ازا فقدت عذريتها عفوا يعني نتيجة غلطة تتحمل غلطتها وما تورط وﻻد الناس معها ولا الافضل تئضي عمرها فالبيت بدون هالعمليات؟ ليش لتئضي عمرها بالبيت هلاء ع الحالتين الحياه ﻻزم تستمر وربنا غفور رحيم يمكن يكون مخبيلها شي احسن بالمستئبل وبرأيك هل لازم يسمحوا بهيك عمليات بالمستشفيات؟ بتصور انها عمليه سهله وازا كانت البنت بالغة واهلها او خطيبها معها وين المشكله!! وسؤال للشباب لو حبيبتك صارت معها هالمشكله بحياتها، واتبين إنه ما في امل انها تعمل هالعمليه، واعترفتلك وحكتلك الصراحه مع إنه ما بظن في بنات تتجرأ وتحكي، بس خلينا نفرض، كنت بتستعد تتزوجها بدون عذريته ......... مشكورة سمرة ع الطرح وربنا يستر ع الكل تحياتي |
اقتباس:
عايشين بمجتمع شرقي بس مش ميه بالميه او فيني ئول "كان" نوعا ما، لإنه إذا بتلاحظ هالايام غير، خصوصاً إنه ما فينا ننكر ئديش عم نتأثر بحياة الغرب لإنه كل هالعمليات وهالتطورت اجت من الغرب، وهالاشي سلبي اكيد بس للاسف موجود ورح يضل موجود، ولفت نظري لمن ئلت إنه دينياً هالشغله ممنوعه، خلينا نكون منطئيين شوي، فكرك في حدا ماشي حسب الدين بهالايام؟ اوك في ناس بتفكر بالدين ئبل ما تعمل اي شغله بحياتها، بس لمن يصير متل هيك مشاكل محرجه مع البنت وئتها بتنجبر تعمل عمليه واحياناً "برضى" اهلها كمان، هيك بكونوا مشوا حسب الدين يللي بيرفض هالعمليات؟! شكرا حبيب :137: .. اقتباس:
يللي بيتعمق بأجوبتك بيحس ئديش مفهوميتك للحياة كبيره وعئليتك متفتحه رغم صغر سنك نوعا ما، بحييك ع اجوبتك يللي اكتر اشي اقنعتني، شكرا وسيم :137: .. |
اقتباس:
بعرفش ليه اخدتي الامور بهالبساطه، إنه الشب ممكن يتئبل هيك موضوع بكل سهوله وإنه هو يللي يطلب منها تعمل العمليه، ما بظن في شب عربي عايش بمجتمع شرقي يكون ويتصرف هيك، لإنه اكيد فاهمه مين وايش وكيف مجتمعنا، شكرا بريئه :137: .. اقتباس:
ممكن إنه احياناً بصير فضايح بس تنساش في كتير اهل بستروا ع بنتون يعني الموضوع بكون سر بدون علم حدا، مش كل وحده بتتشوه سمعتها متل ما انت مفكر، اغلب الاهالي بغطوا ع الموضوع مدى حياتون، وإلا كيف عم تصير كل هالعمليات؟ اكيد بالسر .. شكرا مؤمن :137: .. |
اقتباس:
ردك ورد حبيب العمر متناقضين، بتئولي إنه الشرع بيسمح بهالعمليات، بغض النظر اذا بيسمح او لأ ما بظن في بنت رح تهتم للشرع لمن تكون بهيك مواقف صعبه بحياتها، بتفكرش مرتين دغري رح تعمل العمليه، وحبيت جوابك بالنهايه، إنه لازم يكون في صراحه بين كل تنين، بس ما بعرف إذا ممكن ينوجد هيك زوج عربي متفهم لإنه الموضوع مش بسيط لهالدرجه متل ما انتوا مفكرين إنه ينحكى فيه بسهوله، شكرا لونلي :137: .. اقتباس:
ليش ركزت ع الزنى؟ يمكن البنت تكون ادميه وبنت عيله وناس والاشي بكون صار معها غصب كمان بتكون زانيه هون؟! شكرا الفقير :137: .. |
اقتباس:
"هاد اسمو غش ونصب وبالنهايه ما في شي بتخبا ع طول"، كإنك عم تئولي إنه الزوج ممكن يعرف بالموضوع لحاله بدون ما هيي تحكيله، ممكن ليش لاء ! طالما صرنا عايشين بهالتطور يللي كل يوم عم بزيد وبكبر، بطل في اشي صعب بهالايام، فينا نعرف ونكشف كل اشي بدنا اياه حتى لو كان من اصعب الاشياء .. "بس ازا فقدت عذريتها عفوا يعني نتيجة غلطة تتحمل غلطتها وما تورط وﻻد الناس معها"، اوك بس من حئ كل بنت تتزوج وتعيش الامومه، متل عم تئولي لازم تحكي لجوزها إنها تعرضت لإغتصاب ويمكن يتفهم، برضو مفش اشي يمنعه إنه يتفهمها إنها فئدت عذريتا بالغلط، صح؟ شو الفرء بيناتون يعني؟ ع الحالتين نفس الئصه انو عذريتا راحت، وإذا بتفكري منيح، بتلائي إنه يكون اصل الموضوع "غلطه" اهون من إنه يكون "اغتصاب"، لإنه غلطه محداش بكون لمسها، بس اغتصاب لمسوها، وجهة نظر ولا شو رأيك؟ شكرا ملك :137: .. |
حسب مآ فهمت من كلآمك سمره انتي بشتى الأمور مآشية مع البنت تمآم ممكن كونك بنت عآطفية >> بتحكي انوو من حق البنت تتزوج متل غيرهآ و تكون أم لنفرض انوو غلطة و كآنت برضآهاآ هآد النوع من البنآت كمآن من حقهم يتزوجوا متل غيرهم ! و طبعاً اكيد مش رح تحكيلي البنت غلطت او جآهلة أو هيكآ شي في الزمن هآد زمن التطورآت مآ في حد جآهل و اناآ اخدت الأمر ممكن بسهولة لأنوو بعرف شب من العيلة صآر معوو نفس الموقف و هو طلب من البنت اللي بدو يآهاآ تعمل هالعميلة بغض النظر ايش السبب صح نحناآ مجتمع اسلآمي و شرقي و ممكن صعب لكن مش كل النآس متل بعض او تفكيرهم متل بعض |
جريئ كتير بس ما في شب بيتقبل انه تكون خطيبته ليلة الدخلة مو بنت او يمكن صعب تلاقي مين يتقبل هالوضع حسب تفكير شبابنا واللي بيشوفوه بدك تقوليلي في بقبلوا بحكيلك بنعدوا عالاصابع بس لحتى يستروا عليها ولانهم بخافوا على عرضهم بالنسبة للعمليات اكيد بتستر البنت بس الدين ما بظن يقبل هالشي الناس ما بترحم عنا ومهما تابت البنت والله غفرلها فالناس ما بتغفر بسرعة |
اقتباس من سمره عايشين بمجتمع شرقي بس مش ميه بالميه او فيني ئول "كان" نوعا ما، اختي سمره قد ما نتطور بضل الشرف عنا خط احمر وهادا واقع لإنه إذا بتلاحظ هالايام غير، خصوصاً إنه ما فينا ننكر ئديش عم نتأثر بحياة الغرب صحيح ما مننكر اناه اخدنا كتير من الغرب تكنولوجيا بس اخلاقيا لازم نحافظ عالاقل عهويتا وعاداتنا وتقاليدنا ما بصير نتبعهم بكل شي عمياني لإنه كل هالعمليات وهالتطورت اجت من الغرب، في الغرب كل شي مباح اصلا ما بلزم عندهم غشاء البكاره ولا حتى بسالو فيه وما عندهم شرف ليحافظو عليه وهالاشي سلبي اكيد بس للاسف موجود ورح يضل موجود، شفتي حكيتي انه سلبي يعني غلط اتباعهم وتقليدهم ولفت نظري لمن ئلت إنه دينياً هالشغله ممنوعه، خلينا نكون منطئيين شوي، فكرك في حدا ماشي حسب الدين بهالايام؟ بعدنا عن الدين غلط فينا و ما بنفي انه محرم وفي حساب وعقاب اوك في ناس بتفكر بالدين ئبل ما تعمل اي شغله بحياتها، لانه هادا الي بخاف من الله وبعمل حساب يوم القيامه بس لمن يصير متل هيك مشاكل محرجه مع البنت وئتها بتنجبر تعمل عمليه واحياناً "برضى" اهلها كمان، هيك بكونوا مشوا حسب الدين يللي بيرفض هالعمليات؟! الاهل بعملو اي شي ليتسرو على بنتهم من الفضيحه لكن لا يمنع انه الي عملوه غلط وحرام وتضليل وخداع شكرا حبيب .. شكرا اختي انتي عجبك رد وسيم لانه عقلاني اوكانا بعترف انه عقلاني لكن الشرع ما في عقلانيه اما حلال اما حرام لو بدك اجبلك الف حكايه وروايه شو بصير بالمجتمع من ضلال وفسوق لكن يا اختي احنا ماشيين عالايه الكريمه الي بتقول بسم الله الرحمن الرحيم وما كان لمؤمنٍ ولا مؤمنةِ اذا قضى الله ورسوله امراً ان يكون لهم الخيرة من امرهم ) صدق الله العظيم هون ما في نقاش ولا جدال حول حرمه العمل انا وضحت الموضوع من ناحيه شرعيه وفي اعضاء وضحوه من ناحيه عقلانيه لكن الدين هو العقلانيه بحد ذاته ولا نقاش ولا جدال حول الحلال والحرام يسعدك اختي ضروري كان نوضح الموضوع عشالن اي بنت تعرف انه الغلط كارثه الها وما نشجع الموضوع وكانه في حل لوغلطت |
البريئه، فاجئتيني الصراحه إنه صار متل هيك ئصه والشب "العربي" هو يللي طلب منها تعمل العمليه! حبيب العمر، ردك فيو تناقض نوعا ما، بتئول انه "الشرع ما فيه عقلانيه"، وبعدين بتئول "لكن الدين هو العقلانيه بحد ذاته"! ومتل ما انا بعرف الفرئيه بيناتون مش كبيره كتير، خصوصاً إنه الشرع جزء من الدين، الملاك البرئ، مزبوط ئليل ما تلائي عرب متفهمين، الاغلبيه متشددين ومع هيك بتلائيون متناقضين، بينون وبين نفسون بئولوا ممنوع بس لمن تصير هالئصه معون بستروا ع البنت وبصير مسموح! ع العموم كلنا مش رح نختلف بأهم نئطه يللي هي إنه الشرف غالي، بس انا شخصياً بدي وئت لأقتنع إنه في عرب ماشيه حسب الدين، كل الشكر إلكوا :137: .. |
موضوع رائع للنقاش سمره اول شي من ناحيه قانونيه هاي العمليات مرفوضه نهائي لانو كلها تعتبر غش وخداع ولو وحده كانت عنجد اغتصبت او م شابه هتكون من بين 10 عملوها بأرادتهم وبنظري لو صارت لازم الزوج يعرف وهو الي يقرر مصير نفسو ي بيقبل ي بيرفض واه عادي تقعد بلبيت بدون زواج الا لما ربنا يبعتلها واحد يقبل فيها طبعا لاء م راح اقبل بهيك وحده لانو قلتلك المش منيح م خلى شي للمنيح |
صحيح العذريه بتكون مزيفه، بس للاسف هالعمليات صارت وعم بتصير وبأغلب الاحيان بدون علم حدا، وانا معك إنه لازم يكون في صراحه بين التنين حتى لو كانت المواضيع محرجه لإنه إذا الوحده فكرت تخبي عن جوزها او خطيبها، ممكن هو بأي لحظه يعرف بدون علمها ومن هون بتبلش المشاكل والفضايح!! اكتر اشي اقنعني جملتك الاخيره "انه الوحده تضلها فالبيت بلا هالعمليات ولا بد يجيها نصيب بالنهايه يرضى فيها متل مهي"، مُقنع! شكرا ماجيك :137: .. |
برأيي الموضوع معقد شوي . انو الموضوع مشربك ببعضو . يعني لكل طرف بالمجتمع الو دخل بطبيعة التعامل مع الموضوع و الو دخل بمسرى و جريان الامر . يعني مثلا . العائلة : اول شيء البنت لما تكتشف انها فقدت عذريتها ان كان من حادثة او رياضة او حتى من نفسها او برضاها , العائلة كيف موقفها و تقبلها للامر , في عائلات ما بتقبل يحدث هيك وعقليتها متحجرة بتجبر العائلة انها تقتلها احيانا خوفا من كلام الناس والفضيحة حتى لو كانت فقدتها من رياضة او اغتصاب او غيرو . فرضا انو العائلة تقبلت الموضوع , طبعا حتتقبل الموضوع ممكن بعد فترة مشاكل كبيرة تحصل بينهم تخلي وضع العائلة متفكك احيانا وبأغلب الاحيان . لكن نحط هالشي بحالة شاذة ونقول الموضوع مرق طبيعي بالنسبة للبنت . وقتها بيجي دور المجتمع . دور المجتمع بيكمن بوقت زواجها . يعني معروف عنا بالدين انو لما تتجوز حد لازم تحكي كل عيوبك البدنية لشريكك والا الزواج يكون باطل . ف البنت وقتها حتطر انها تحكي الي صار معها . المجتمع و بشكل اكيد ما رح يفكر الا بالامور السلبيه ف هيك حيخلي سمعة البنت والعائلة توصل الارض بسبب هالشي حتى ولو كان من رياضة او اغتصاب . ف هنا بيلزم الها انها تعمل عملية لحتى تغطي ع الموضوع . ولازم تعرف بالعقيدة والشريعة انو هل بيزبط تتجوز بدون ما تحكي لجوزها انو صار معها هيك هيك خوفا من انو سمعتها تتشوه . لانو معروف بدينا انه الضرورات تبيح المحظورات . ومتل هيك امور بتكون ضرورية . ازا بحالة كانت البنت عملت هيك بنفسها او بفعل شب بارادتها . ف تتحمل النتيجة كاملة لانها هي السبب بهادا الشي . كان من الاول التزمت بدينها وما وقعت بهيك مشكلة . و الامور الجنسية دائما بتعرض البنت للخطر كيف ما كان . وبرأيي انو ما لازم تنمنع هالعمليات بالمستشفيات . وبرأيي انو يكون في رقابة انو تعرف المستشفى انو شو سبب فقد العذرية بطرق مصدقة . وبالنسبة لسؤال ان صار لحبيبتي مشكلة متل هيك ف لو كان صار هيك بسبب رياضة او اغتصاب . ف ما رح يأثر عندي . بالعكس ممكن اصر اني اتجوزها اكتر من قبل لانو خلاصها رح يكون بين يدي انا . لانو انا بعرف شو صار معها وشو السبب تحديدا . اما لو كان من نفسها او بسبب شب . ف اصلا ما عاد اسمو حب اصلا والعلاقة تنتهي .. |
اقتباس:
اقتباس:
اما اذا كان ئصدك تحكيله وهي لسه معملتش العمليه، ما بظن انه رح يتفهم، لانك عارف المجتمع العربي ئديش متشدد، يعني ع الجهتين رح يصير مشكله .. اقتباس:
وانا هيك فكرت برضه، مع إنه الصراحه كتير ضروريه بيناتون بس ممكن توصل للطلاق وتعمل فضايح، بس بيضل السؤال لو طلع انه الشريعه بتسمح انه متحكيش كل اشي لجوزها هل بيئدر يعرف إنها عملت عمليه بدون ما تئله؟! يعني متل ما انا ذكرت من ئبل إنه هالشغلات صارت موجوده .. اقتباس:
وحبيت انك ممكن تتئبل الموضوع بصدر رحب وتتفهمو لو صار مع حبيبتك! لإنه "غلطه" اشي و"الاغتصاب" اشي تاني .. شكرا دارك :137: .. |
لن افتي بدون علم ولن ابت في هذا الامر لانه الموضوع شائك ومحير واختلفت فيه الاراء ولكن الموضوع بسيط برائيي وغير معقد وهنا انا اتحدث عن نفسي انا ارى اي علاقة في الكون اذا اراد اصاحبها النجاح والاستمرارية على اصحابها الالتزام بامرين هامين هما الصدق والأمانة وأكرر أنني هنا اتحدث عن نفسي فأنا عندما يجمعني القدر بإمراة فاقدة لعزريتها لأي سبب كان وأخبرتني من البداية عن هذا الامر بالتأكيد سأحترم صدقها وأقدر أمانتها وستعلو مكانتها وتتوسع محبتها ويتضاعف تقدير لها كما انني سأحترمها وأثق بها أكثر لانها لم تخدعني وأوضحت الامر لي من البداية بقي لي ان أشير ان نفوس الناس مختلفة من شخص لأخر وأن العادات والتقاليد الواهية التي ورثناها عن أجدادنا وما زلنا نتمسك بها تفرض على الكثير واقع مغاير لما تحدثت وترفض بزوغ علاقة كهذه |
اهلين قصي، استغربت من وجهة نظرك شوي، لإنه مكنتش بتوقع إنه في شب عربي متلك ممكن يفكر بهالطريئه، خصوصاً إنه موضوع عذريه البنت مش هوين وكتير صعب ورح تتئبله بصدر كبير وتتفهم الموضوع، عنجد بحييك والله يكتر من امثالك، وختام جوابك مزبوط ميه بالميه، كل إنسان البيئه يللي بيخلئ فيها بتعكس تصرفاته وافكاره .. شكرا قصي :137: .. |
| الساعة الآن 10:27 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.