|
ما الحل من وجهة نظركم ؟ السلام عليكم ورحمة الله وبركاته لفت انتباهي مشكلة كتير صعبة جدا وقلت اطرحها معكم نلاقي حل باختصار شاب في مكتمل العمر خاطب عن حب وخطيبته كل مواصفات البنت المثالية فيها لكن بيوم الشاب هيدا قاعد علي النت موقع الدردشة عم يحكي ويضحك ويمزح وفي وسط هالكلمات والضحكات تعرف علي سيدة في مقتبل الثلاثين محامية ونقدر نقول غنية وايه في الجمال والرقة اصبح بينهم حديث ومحاورات ومناقشات وتقربت العقول والافكار بينهم وفي لحظة دون توقع عرضت عليه الزواج لكن بشرط ان يفسخ خطوبته وكل شئ يريده مجاب شقة سيارة فلوس كل ما يتمني نسيت اقول انه الشاب ماديته مش كتير وهو موظف بيجري علي راتبه واصبح في حيرة ومش عارف كيف يتصرف عزيزي الشاب لو انت مكانه كيف حتتصرف ولا تجاوبني بدبلوماسية وكلام الحب وعنتر وعبلة بدي واقع وحل عملي وسريع يلا نشغل العقول شوية واشوف الافكار والنقاشات الجادة الراي متروك للشباب والصبايا ارق التحايا |
بأختصار يواخد القرد على ماله بيروح المال وببقى القرد على حالو وبهيك بتكون المره م اتجوزتني بتكون اشترتني وسهل جدا عليها تبيعني لهيك م راح اقبل طبعا ولانو كما تدين تدان يعني متل م تركت خطيبتي عشان وحده الوحده هادي هتتركني عشان حدا تاني او لما تشوف حدا احسن مني هادا رأيي |
انتي طلبتي رايي الشباب مو ؟؟ لهيك انا راح حط حالي محل خطيبتو للشب مجرد انو يفكر ويحتار بالموضوع بكون اصلا انسان متردد وما الو كلمة و متل ما حكا ماجيك ياماخد الئرد ع مالو بروح المال و بضل الئرد ع حالو مشكورة ريما هاي ئصة حئيئية وﻻ مسلسل تركي ؟؟ بمزح :12: |
ملك انا م قلت الئرد قلت القرد ولى ليكونو لتنين حيوان واحد |
ﻻ ماجيك وﻻد عم بكونو ههههه تبا لك |
هادا كلام بصير كتير بالمجتمع الشب بصير عمره فوق التلاتين ومش موفر حتى المهر وين لسا بيت وعفش ومصاريف طبعا الطفران او الي ما عنده مبدا بالحياه الا مصلحته وبس رح يقبل لانه بدو يعيش ولو على حساب قلبه وحبه لكن لما نحكي بجد شو الفايده من زواج لمصلحه تتحكم فيه متل الطرور روح تعالي وما بكون اله عندها قيمه مهي شترته بفلوسها لمده معينه الحياه اغلى واحلى وانقى واروع من انه الواحد يبيع نفسه بيع في اجمل من الحياه معه انسانه بحبها يبلش معها من الصفر ويكبر معها ويخلف منها ولو عاشو حياه بسيطه بعتقد لو غرفه رح يكون قصر بنظرهم لانه بملؤه الحب والحنان والسكينه هادا للي بفهم شو معنى الحب والحياه على اصولها لانه الواحد بعيش مره ليش ليضيع حياته مع انسانه بضل حاسس حاله انه عبئ عليها موضوع رائع ريما كل الشكر الك خيتي |
برغم الخلاف الي بينا دائما ي مؤيد بهيك مواضيع بتبهرني ي زلمه استمر |
ما في خلاف اخي ابدا هي مجرد اراء لا اكثر ومابتصل لحد الحقد اكيد بحترم رايك وبتحترم رايي لانه كل واحد بشوف من واقعه ومنظوره |
بعيداً عن الحب و قصص الغرآم الشب مع خطيبتوو >> و البنت مآ فياآ شي ليش ليفكر بوحدةة تآنية و لاآ هاد بيدور عالمصالح و بيفكر بنفسوو بس على قول ملك و رح كون مكان الخطيبة مجرد انوو يفكر بهالشي رح ينزل من عيني و ممكن اناآ اتركو شكراً |
شايفة بالله ميناس يكون عندو خطيبه متلي ويفكر بوحدة تانيه !! بربك ما بستاهل الحرء؟؟ |
طبعاً أصلاً يآ خسآرةة كلمة رجآل فيوو هآد |
انا برايي يلي ببيع خطيبتو بهيك حالة مشان المصاري ببيع ضميرو مشان المصاري و ببيع دينو مشان المصاري و ببيع شرفو واهم شي ببيع كلمتو لذا القضية مرفوضة :136: رغم ان المثل يقول .. أحبها محامية لتجعل من حبك لها قضية أحبها محامية لتجعل من سعادتك تشريعا قانونيا أحبها محامية لتجعلك ملكا تتملك عرش قلبها رفعت الجلسة :37: |
مهو لو حب وخطب محاميه يمكن تخطفه قاضيه ههههههههههه خلص وسيم ان كيدهن عظيم |
وازا حب قاضيه ممكن يحلى بعين وزيرة العدل وحلوها لشوف ع اساس الي خلئو ما خلئش غيرو ههههه |
مآ بدها دبلومآسية ولآ كلام حب حتى لو الشب مش خآطب ومآ بحب هيكآ انسان بدهآ شخص تشتريه وتتحكم فيه مش زوج ، وآنآ عني مآ بقبل آتزوج هيكآ ولآ بالشكل هدآ بحب آكون المسؤول بكرآ عن بيتي وآنا اجيب كل شيء فيه ، لانه هذا دوري ، مش دورهآ هي ، بس بتلآقي كتير شبآب تقبل هيكآ |
اقتباس:
لانو الشرع بيسمحلنا ب 2 و أكتر :34: |
متابعة بابتسامة هه |
اكيد بفسخ خطبتي وبتزوج هالغنية مو عشان سبب انها غنية لانه اللي خطبتها الاول ما اكون مستاهلها شكرا لكي اختي |
الماجيك نورت وشرفت اسعدني وجودك وردك ودي |
ملك روحي نورتي حبيبتي اسعدني وجودك ودي |
ميناس نورتي حبيبتي اسعدني ردك ووجودك ودي |
الصياد ياهلا والله ردك جميل وانيق كعادتك نورت وشرفت ودي |
لفتت انتباهي هاي العباراة خاطب عن حب ؟؟؟؟ اي حب هذا ؟؟؟ انا بطلت اعرف شو مفهوم الحب اذا كان الحب متل هيك وبقودنا لهيك امور شوهتوا سمعة الحب ولوثته شرف الحب وما عاد في حب وبرائيي الشخصي كون ان الشاب في فترة خطوبة ولم يتزوج هاادا يضع علامات استفهام كثيرة وهون المصيبة والكارثة بجد يعني بالعامية الشاب لا تزوج ولا جاب خلفة ولا اله سنين بالزواج لنحكي الشاب مل وزهق العلاقة وممكن يخرج لهيك امور ويحاكي بنات شاب خاطب وبفكر بست وبفكر بفلوسها من اولها لازم البنت الي تخلعه وما تقبل فيه لو كان اخر زوج بالكون لأنه بإختصار شخص غير منضبط أخلاقياً ولا سلوكياً ولا حسياً وحيسبب لها الكثير من المهالك والصعوبات في الحياة وانا برائيي لازم تحمد الله وتشكره لانه هالشيء تم بفترة الخطوبة والاامور في بدايتها وسهل انهائها بس انا الي بجد غايظني بكل القصة المحامية أثارت مقتي وغضبي كثيراً يعني لو طلبت تتزوج منه بوهو متزوج وبشرط ما يترك خطيبته كان الامر مستساغ نوعا ما اما يطلق ويرتبط فيها بتصور انها انانية جداً وقاسية للغاية وعديمة الرحمة ولا يوجد لديها اي مشاعر وهادا النوع من الستات محتاج للقتل والإعدام |
العقل المفكر الفهمان حيختار الحب . بآخر مطاف الحياة الحب بيبقى و ما بيندفن مع موت الشخص . لكن الفلوس و المال تنقضي بانقضاء صاحبها . |
مع إنه مفش جواب معين لإنه بيتعلئ كل شب كيف تفكيره وكيف طبعه، لهيك كل شب ردة فعله رح تكون مختلفه عن التاني، خلينا نحكي بالمنطئ شوي، اليوم معروف مجتمعنا صار مجتمع ماديات، يعني معك مصاري بتعيش، معكش مصاري انتي ميت بهالمجتمع (هيك الاغلبيه بفكروا)، لهيك بظن الاغلبيه رح يركضوا ورا المصاري، رح يعني يوافئوا إنه يتزوجوا هيك نسوان كبيره بالعمر ملانه مصاري، اما إذا الحب يللي بينه وبين خطيبته الاولى حب "حئيئي" ما بظن انه يتركها ولا حتى يفوت ع النت يحكي مع بنات من ورا ظهرها، بس ما بظن هالحب الحئيئي موجود هالايام .. شكرا :137: .. |
ميناس نورتي حبيبتي اسعدني ردك ودي |
مؤيد ياهلا بالردود الجميلة اسعدني تواجدك ودي |
قصي ردك جميل وراقي نورت وشرفت اسعدني وجودك ودي |
دارك نورت وشرفت اسعدني ردك ووجودك ودي |
عاشق الصعاب نورت وشرفت اسعدني وجودك وردك ودي |
حبيبتي سمره نورتي ياقلبي ردك جميل وراقي يسلمو كتير ودي |
وسيم ياهلا بالطلة الحلوة اسعدني ردك ونورتني بوجودك ودي |
الملاك البرئي نورتي حبيبتي اسعدني وجودك ودي |
| الساعة الآن 09:01 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.