|
اللهم اهدِ بنات المسلمين مساؤكم كما تشتهون موضوعي لليوم مثير للإنتباه وملفت للإنظار وله عواقب وخيمة لا نعلم بها ولا نشعر بخطورتها الا بعد فوت الآوان ابدأ معكم على بركة الله ^ ^ البسى بنطلون ضيق قوى ... لِفى عالمحلات محلّ محلّ ... جربى البنطلون هادا ، وهداك ، ... وِاصحابك يقولولك لا بلاش هادا، مش حلوة فيه ... وافضلى غيرى وغيرى لغاية ما تلاقى أحسن بنطلون يبيّنك بأكتر منظر مثير ... دَوّرى على أكتر بَادي ضيق ... روحى البيت وشوفى الطقم هادا ممكن يكون عايز يضيَقّ شوية !!! أُقفى قدّام المراية كدا وأتأكدي ان كلّ سنتيمتر فى جسمك ظاهر قوى !!! وانتى نازله رشي بارفان فواح قوى ... انزلى ... هتلاقى عيون الناس بتاكلك أكل ... هتلاقى نفسك من جواكى بتقلك : قدّ إيــ انتي أمّورة وحِلوَة ... لحستي دماغ الناس كلها هتلاقى اصحابك بيقلولك wow دانتي مفيش منك اتنين ؛ مجننة الشباب يا بنتي ... !!! بُصي بيبصُّوا عليكي ازاي ... افرحي قوي انتى لميتى اليوم أقل واجب : 5000 نظرة ، وفــ يومين: 10000 وكل امَّا تلفى فى الشوارع أكتر : تلمِّي أكتر وَاكْتر !!! و تفتني شباب أكتر و أكتر ... اللي عايز يتوب و مش قادر ... و اللي بعد ما يشوفك شهوته هتزيد و يلجأ للعادة الخبيثة أو يلجأ للزنا و كله في ميزانك ... أيام ورا أيام ، وشهور بَعْد شهور ، وسَنَة ورَا سَنَة ... العمر كله راح فرجة على جسمك مِن عُيُونِ الناس !!! جمعتى أكبر رَقَم ذنوب × التاريخ !!! كنتى أستاذه قوي × إغْرَاءِ الشَّبَاب ... إنتي كُنتي فوق الوصف !!! عملتى أضخم عدد مِن الذنوب فى تاريخ البنات !! و فوق هادا كله ... أصبحتِ من الكاسيات العاريات اللي أخبرنا عنهم النبي صلى الله عليه و سلم و قال ( لا يدخلن الجنة ولا يجدن ريحها ) فرحانة كدة ؟!!! يا حفيدة عائشة و فاطمة و خديجة ؟!!! اللهم اهدِ بنات المسلمين يسرني رؤية ارائكم في الموضوع دعونا نتحدث بصدق وواقعية أكثر |
مشكور قصي اثرت موضوع جميل ورائع لكن للاسف الشديد ما حدا منتبه وللاسف لاحياة لمن تنادي وللاسف الشديد انه عنا بغزة والضفة كمان كاسيات عاريات واكيد هالشئ برجع لقلة الدين والتربية السليمة البنات عم تجري وراء الموضة وتقليد الغرب وتعال قلها تعالي لدرس دين او حفظ تقلك يلي حفظ حفظ خليه اليكم كم تعبنا واحنا نحكي ونقول وللاسف ما حدا سامع عن نفسي والحمدلله محجبة من صف سادس وهيدا يرجع للبيئة المحاطة بي وتربية الاهل لي عودة اكيد |
فعلا عزيزيتي ريما ضعف الوازع الديني وانعدام المستوى الأخلاقي والبيئة التي نشأتي فيها والتربية الحسنة ومتابعة الأهل ومراقبتهم لأبناءهم كلها عوامل مؤثرة ومهمة في الموضوع أشكرك ريما سرني مرورك وراق لي حضورك واتفق معك فيما أثرتي وتفضلتي |
كتير حلو موضوعك قصي اسمحلي احكي رايي ليك ما في بنت بتهتم بالموضة واللبس الحلو وبالاكسسوارات والبنت الي بتحكيلك العكس بتكون كزابه ومش ئادرة تتماشى مع الموضة حتى اللباس الشرعي ماشي مع الموضه متل الجلباب والعبايه نصيحة بوجهها للبنت من خلالك فيكي تلبسي شو ع بالك وشو بخطرلك ولكن بحدود بيتك واهلك وابدا الموضة منا العري هلا في عالم بتبالغ وبتزيدها اوك ما اختلفنا بهالشي لهيك ربنا امر الشباب بغض البصر وحفظ الفروج لهيك راح نحكي للبنت التزمي شوي وللشب خف شوي مشكور للطرح تحياتي |
لا حول ولا قوه الا بالله ما بعرف شو اقول لكن الله يهدي بنات المسلمين مشكور علي الانتقاء |
اقتباس:
وبخصوص ما اثرتي وتفضلتي حتى تكون الامور على بينة أكثر انا ضد الحجاب الشرعي عندما يكون على الموضة ويخدش الحياء وفيه من الإيثارة والإغراء ولا مانع لدي ان تهتم المرأة بزينتها وتواكب الموضة بكل انواعها واشكالها وترتدي ما تشاء ولكن في بيت زوجها وليس في الشارع كما نرى في الوقت الحالي ترى المرأة بأكمل زينتها واجمل حللها وابهج صورها وفي بيتها لا تخلع ملابس المطبخ ورائحة الأكل تتشبع بملابسها الا من رحم ربي واما بخصوص غض البصر بالنسبة للشاب فانا لا ابرر للشباب موقفهم ولا اعطي الحجج والدلائل لينظر الشاب لما حرم الله من النظر اليه فالشاب المتدين والذي لديه الكثير من العفة والطهارة والايمان والخوف من الله يغض البصر وإن لو كانت الأنثى التي امامه بقمة الايثارة والعراء اشكرك ملك أرق التحيات |
بارك الله فيك قصي كنت حرد ردك لكن سبقتني اكيد الله جميل يحب الجمال لكن للمراة والبنت في بيتها مو للشارع وقصدنا بالموضة كتير حاجات مخافلة لديننا واسلامنا كمان تذكرت نقطة مهمة الاهل بالدرجة الاولي مسئوليين عن بناتهم وخروجهم من المنزل لانه كتير بنات مدارس وجامعات للاسف الشديد انمسكوا في حاجات مخزية دون التوضيح يعني اذا اختلفنا بش اكيد نرجع لرسولنا عليه الصلاة والسلام لي عودة تاني |
الله يهدي جميع بنات المسلمين صدقت بكل كلمة وهاد شيء مؤلم وموجع عندما نفكر فيه والكن جزء من الحق يقع على الاهل الي بكيفو على بناتهم لما يطلعو وهن لابسات على الموضه وحلوه والكل بمدح فيها وبتغزل فيها وبرضو قلت الوعى الديني وموت الضمير عند البنت الى بتبطل تهتم بقواعد الدين ومغريات الحياة الكثيرة الى بتواجهها برضو وصديقات السوء في اسباب كثير بتاثر على البنت وبالنهايه مابنحكي غير الله يهدديهن ويسامحهن تحياتي لك اخي وعلى طرحك الرائع دمت بكل الخير |
نتفق أول شي ع شغله اللبآس مآ بحدد أخلاق البنت !! في بنآت و انا منهم بلبس ع الموضة !! هلا هآد الشي ما فيو نقآش حرآم طبعآ لانو الله سبحانه وتعالي حدد شو لبآس البنت المسلمه هلا هاي بترجع لـ الشخص نفسو وعلاقتو بربو يعني في مسلمين مآ بصلو !! شو احكي عنهم كفآر بنحكي الله يهديهم !! و البنآت يلي بتلبس ع الموضه الله يهديهآ و تلبس متل مآ امرنآ الله سبحانه و تعآالى بس عتبي عليك لو كملت موضوعك و نزلت عن لبس الشبآب المقزز !!! وهآد رأي وممكن غلط او صح !! بآآي |
اقتباس:
واخرى المتابعة والاهتمام من جانب الاهل على اي حال سرتني مشاركتك وسعيد بتواجدك كوني بخير |
اقتباس:
نورت أخ مؤمن ارق التحيات |
بالبداية ربنا يهدينا كلنا يارب ويحسن خاتمتنا ويهدى البنات كلها يارب انا بعتبر البنت المحجبه والي بتلبس جلباب بنت واثقه من حالها بتعتز بدينها وعاداتها وتفاليدها وبتفرض احترامها ع الجميع بلبسها الي بكون طبعا مو متبرج زياده عن اللزوم بدون مكياج طبعا لبس بسيط يبرز جماااااااااال طبيعي رباني بحترم كل بنت بتعتز بحجابها وجلبابها صراحه تحياتي |
اقتباس:
بداية دعيني أٌحيكِ على صراحتك وجرائتك في الحديث واتفق معك ان اللباس لا يحدد أخلاق الفتاة وليس مقياساً فحسب للحكم على الفتاة فأنا أعرف ان هناك ثمة الكثير من المحجبات لكنهم قليلات دين وكثيرات فواحش وعيوب واخطاء وفي المقابل هناك الكثير من الفتيات غير محجبات لكنهم على خلق كبير وسلوك قويم ولا يقبلن بما حرم الله ولكن لنتفق أيضاً أنه يٌقلل من إحترام المجتمع لهن ويعكس صورة سئية عنهم وانطباع غير حسن عند الكثير من الناس لا سيما عندما يكون فاضحعاً و خادشاً للحياء ويشعل غرائز الشباب والأهم انه لا يرضى ديننا الحنيف بأي حال من الأحوال الأمر الأخر الذي استرعي انتباهي ان كثير من الناس يخلط بين الأمور الدينية ويجهل حقيقة الدين ولا يعلم بحدوده جيداً اعلم جيداً ان علاقة الانسان بربه لا يعلمها الا هو فهوا خالقنا ويعرف ما يدور في اذهاننا وما تحمله قلوبنا ويعلم خفايا الصدور لكني لا اتفق معك في ان ذلك حرية شخصية ولا يحق لأحد التدخل بها وههي علاقة بين الفرد وربه فعلاقة الإنسان بربه ليست شخصية كأن الله ترك الناس فوضى من غير شرع يحكمهم ويبين لهم الجائز والممنوع أخيراً وبخصوص ما اثرتي في موضوع لبس الشباب لكل حادث حديث وانا اليوم بصدد الحديث عن موضوع يتعلق بالفتاة وفي الماضي ان لم تخني الذاكرة تحدثت عن الشباب في موضوع منفصل وسياق اخر وبالمناسبة الصنف الذي ذكرتيه من الشباب يٌثير اشمئزازي ولا اصنفه من ضمن الرجال ارق التحيات |
يقول الله سبحانه وتعالى وما كان لمؤمن ولا مؤمنة اذا قضى الله ورسوله امراً أن يكون لهم الخيرة من امرهم صدق الله العظيم الحجاب فرض من الله ما فيها لا حريه ولا ديمقراطيه بدك تلبسي البسي شو ما بدك بالبيت اما تتعطري وتتمكيجي وتبلسي اخر صرعه وتنزلي السوق والكل يشوف مفاتنك ويشتهوكِ الشباب وتحكو ما عندهم ذوء وبتحرشو فينا وبسمعونا كلام هادا كلام فاضي صح الشب لازم يغض بصر كمان البنت لازم تتستر وتبلس لباس شرعي هلا ما حدا يقنعني انه الحجاب والمكياج والموضه في الحجاب تستر لاااااا الحجاب اله شروطه وضوابطه لا يشف ولا يخف ولا يوصف بدك تردي على رب العالمين وتفوزي برضاه وبجنته واخرته هادا بكون الافضل الك ولاهلك وللمجتمع وللشباب اما بدك حريه وتخرجي متل ما بدك وتحكي انا حره تخلي عن دينك اول بعدها اعملي شو ما بدك اخرجي بحجابك اشتغلي شو بدك ما في حدا بمنعك المجال مفتوح لكل بنت محجبه هادا رأي وراي الشرع والدين متزمت ولا مو متزمت هادا الي انا مقتنع فيه وكل بنت ما بعجبها كلامي بكون عندها نقص بشخصيتها او دينها او تربيتها الدين ما في جدال بدكم دين ولا تين ؟ وانت ايها الشاب اتقى الله في نفسك وفي لبسك وفي سلوكك شكرا لصاحب الموضوع قصي الراقي |
اللهم أمين أشكرك أخي قصي علي موضوعك القيم كلام واقعي للاسف ربنا يهديهم تحياتي |
اقتباس:
يسلمـو ع ردك الرآقي توقعت ترد بهجوم ههه !! هلأ شوف انـآ مآ بحكي والله حرية شخصيه البس لبس كأني بنت أجنبيةة !! لبس يكون جد فآضح و مآ احترم حرمة الأسلآم !! في لبس مستور و لبس عن لبس بفرق !! و انا بتمنى الهدآيه الي و لكل المسلمآت وجد مآ فيني نآقش اكتر كلامك لانو كلامك صح !! وشي مفروغ منو اسفه لـ ردي مره تآنيه |
اقتباس:
وكل بنت ما بعجبها كلامي بكون عندها نقص بشخصيتها او دينها او تربيتها الدين ما في جدال بدكم دين ولا تين ؟ يعني انت حكيت كلام موجود بـ القرآن و بـ السنة !! مآ في حد مآ رح يعجبو بس ممكن اسلوبك قآسي و مآ عجبني بصراحه لو اجت بنت عندك ي سيدي اعتبرها جاهله !! بس تشوف كلامك ح تضل متل مآ هي و مآ وصلت فكرتك و مآ كسبت اجر ممكن تكون سبب انو تنهدى من كلامك (( وانا مو ضعيفة شخصيه ومربيه كمآن و علاقتي مع ربي مآ حد بعرف شو هيه !! بس انا بحبش اتغطى بردآء الدين !! واسفه ع ردي الك و تدخلي |
في شي نسيت احكيه معلش مو عصبيه لا اختي كلكم ما شاء الله متعلمات ومثقفات ما منخاطب ناس من المريخ احنا ان شاء الله كلنا مسلمين ومنعرف الصح من الغلط الي بدي اقوله ونسيت احكيه مو كل بنت محجبه بتكون ملاك ولا كل بنت عالموضه بتكون سيئه لا سمح الله فهمتي كلامي بغير طريقه الله يهدي الجميع يا رب الا ان سلعة الله غاليه الا ان سلعة الله هي الجنه الجنه يا عالم ما نبيعها لاجل لحظه او متعه زائله والله ما كتبت كلامي الا حبي الكم وخوفي عليكم الكلام مو موجه الك ننوش انا موجه كلامي لكل من يقرأ هذا الموضوع من اعضاء وزوار وبشكر اخي قصي كمان مره واسمحلي بمشاركتين عزيزي |
اقتباس:
امممم ما اعتقد اني ممكن بيوم تتملكني العصبية او أتحدث باسلوب غير لبق و قاسي نوعا ما حتى لا افسد روح النقاش وأيضاً لإرساء مبادئ وقيم وسلوك الحوار من باب أولا الإحترام للطرف الأخر ولرائيه الخاص به ومن باب أخر وهو هام بالنسبة لي لاني اكره التشدد والتعصب والتزمت في الرأي نحنا ها جميعاً متفقين على أن نتفق ونصل الى حوار هادف وراي يرضى يجتمع عليه أغلب الأعضاء ولا يوجد مشكلة بالنسبة لي في تغيير رائيي لو كان رائيي ليس ببناء او هادف ولا تتفق حوله معظم الأراء اشكرك مرة أخرى عزيزتي وأحييكِ على روحك الجميلة ولبقاتك في الحوار كوني بخير |
اقتباس:
وأشكر على تعليقك وأحيي فيك حرصك على دينك وخوفك وحبك لبنات الاسلام والمسلمين واتفق معك فيما تحدثت ولا غبار على ما تفضلت ولكن تعليقي الوحيد كن أكثر هدوء واكثر ليونة في الحوار حتى تستطيع إقناع من لا يتفق معك ^ ^ ومنور حبيبي وتحياتي لعيونك |
يسعد مساك :137:، لمن نشوف بنات فلتانه باللبس، مش لازم نلومن، لإنون بكونوا جاهلات رغم كبر سنون! لازم نلوم الاهل مش اكتر، لإنه حسب رأيي الاهل هني الاساس بكل اشي، تربيتون بتئدم وبتأخر، وع العموم الله يهدي كل البنات .. |
اقتباس:
رغم اتفاقي معك بدور وأهمية الأهل في تربية بناتهم ومسؤليتهم الكاملة والمباشرة عن ملابسهم عند الخروج من البيت لكن هذا لا يعني ان يكون الاهل شماعة تٌعلق الفتيات عيوبها عليها بحجة ان الأهل لم يجبروها على ارتداء الحجاب ولم ينصحوها بعدم اظهار مفاتنها في الطرقات وايثارة غرائز الشباب من خلال الملابس الضيقة والعطور الكثيرة والألوان التي تطلي بها وجهها وتزين بها عيونها هنا يجدر بي الإشارة الى ان الفتاة حتى وان لم تجد المتابعة والإهتمام والتدقيق من جانب الأهل يجب عليها من ان تتمسك بحجابها وتلتزم بلباسها الشرعي وتستر مفاتنها وتحافظ على حياؤها لا سيما ان وقت الحساب لن ينفع مال ولا بنون الا من أتى الله بقلب سليم ويوم يفر المرء من أخيه وامه وابيه بمعنى ان لا احد يتعرف على احد حتى من هم من دمك ولحمك ولن تكون الحجة قوية امام الله بان اباها اهمل تربيتها ولم يهتم لمظهرها وطريقة لبسها اشكرك سمرة سعيد بمشاركتك أرق التحيات لكِ |
| الساعة الآن 10:46 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.