منتديات بنات فلسطين - بدي رأيكم .... يا متعلمين يا بتوع المدارس

بصراحة أنا جمعتكم (( هاد ع أساس في حدا فات ع الموضوع http://forum.ramallah-land.com/image...es/4chsmu1.gif )) ،،

المهم لأستشيركم بقصّة صارت مع (م) من النّاس http://forum.ramallah-land.com/image...es/biggrin.gif

المهم وبدون طولة سيرة ،، هاي الحجة اللي إسمها (م) بتشتغل مس يعني teacher ،، المهم السنة الماضية درّست صف تامن وكانت تفوت ع البنات معصبة وما تضحك للرغيف السخن ،، وما تعطي البنات عين بالمرة بالمرة ،، حتّى كانت لما يتباردن أو ينسين الواجب تضربهن ،،، http://forum.ramallah-land.com/image...es/msgdaha.gif

المهم في بنت من البنات بالصف كتيرة غلبة وعليها أسئلة غبيّة وما في حد من المعلمات طايقتها ومن بينهم هاي الــ(م) ،، بس ما كانت تبهدلها زي بقية المعلمات وتطفسها ،،

كانت تاخدها عقد عقلها وتجاوبها ،، http://forum.ramallah-land.com/images/smile/mnky46.gif

دارت الأيّام ع رأي الحجّة أم كلثوم والبنت صارت تتعلّق بالمعلمة اللي ياما بهدلتها وشرشحت أهلها متلها متل باقي بنات صفها ،،

وبعتت للمس مسجات ع الفيس وهون وهون ورسائل شسمو حب وهبل مراهقة والمس زابلتها ،، http://forum.ramallah-land.com/image...and1%20(7).gif

إجت العطلة الصيفية ،، والبنت إنصرعت وهي تبعت للمس ع الفيس إضافة والمس ترفض ،، http://forum.ramallah-land.com/images/smile/arn14.gif

تبعت مسجات والمس تعمل بلوك ،،

لدرجة إنها البنت عملت بجوز 10 حسابات ودخلت من حسابات عيلتها كلهم وكلهم أكلوا بلوكات .... http://forum.ramallah-land.com/images/smile/arn11.gif

طيب والحل ؟؟؟

البنت كانت سامعة إشاعة إنها المس بدها تهج ع غير بلد فراحت قرفت أهل المس وهي تترجاها من هون وهون ع الفيس http://forum.ramallah-land.com/image...ob1%20(14).gif

لحد ما بيوم من الأيّام في شب بعت للمس ع الفيس مسج إنه دخيل الله إحكي مع هالعاهه وخلّيها تفك عنّي !!!!! http://forum.ramallah-land.com/image...rab%20(14).gif

طبعاً هالشب هو أدمن صفحة المس عاملتلها لايك فالبنت الغبية دخلته واسطة مشان المس تحن عليها ع أساس إنه من تالي أهلها ورح يمون عليها !!!!

الشب محترم وتفهّم القصة وقام هو كمان عمل للبنت بلوك !!!!

راحت البنت بعتتله ع بروفايله كمان عمللها من هناك بلوك بزّلها عينها فيه !!! http://forum.ramallah-land.com/image.../brakelamp.gif

البنت جابت رقم المس من تلفون إمها وصارت ترن منه ع المس بنصاص الليالي يعني ع ال2 ع ال3 وهكزا ،،

المس فقعت معها ،، هددتها بمسج بالشرطةhttp://forum.ramallah-land.com/image...p1_e%20(4).gif http://forum.ramallah-land.com/images/smilies/ang.gif

هلأ إجا الدوام ،،

وداومت المس بنفس المكان ،،

صارت الغبية تطلع من حصصها وتطارد ورا المس من قرنه لقرنه ،، وين ما تكون المس تلحقها ع غرفة المعلمات، ع الصفوف حتى ع غرفة المديرة ،،، http://forum.ramallah-land.com/image...and%20(14).gif

المعلمات عرفوا بالموضوع وكزلك الامر مع الشسمو المديرة ///

طيب والحل ؟؟؟؟

حكت المديرة للمرشدة وهاي بدها حد يرشدها

المهم حكت مع البنت المعاقة وهاي البنت حكت للمس أخيراً إنها رح تحسس المدرسة كلها إنها بتكرهها بس الحب رح يظل بقلبها !!!! http://forum.ramallah-land.com/image...and%20(12).gif

طبعاً لا تحلموا إنه وقفت المطاردات ،، بالعكس صارت تلحقها بالشوارع وهي مروحة الحزينة ، http://forum.ramallah-land.com/image...nd1%20(16).gif

، ما بتصدق وتيجي سيارة مشان تهرب ع بلدها وما تشوف هالعينات ....

شو برأيكم الحل مع هاي البنت ؟؟؟؟؟

أنا بقول طبيب نفسي أو شيخ يقرأ عليها قرآن أو الإثنين معاً !!!!

إنتو شو رأيكم ؟؟؟؟

حابّة أسمع رأي البروفيسور شوتر بحكم إنه شسمو مربي أجياال http://forum.ramallah-land.com/image...s/grotelol.gif

يلا فيدوني