بدي رأيكم .... يا متعلمين يا بتوع المدارس

#1 12-20-2014

بدي رايكم

بدي رأيكم .... يا متعلمين يا بتوع المدارس

بصراحة أنا جمعتكم (( هاد ع أساس في حدا فات ع الموضوع )) ،،

المهم لأستشيركم بقصّة صارت مع (م) من النّاس

المهم وبدون طولة سيرة ،، هاي الحجة اللي إسمها (م) بتشتغل مس يعني teacher ،، المهم السنة الماضية درّست صف تامن وكانت تفوت ع البنات معصبة وما تضحك للرغيف السخن ،، وما تعطي البنات عين بالمرة بالمرة ،، حتّى كانت لما يتباردن أو ينسين الواجب تضربهن ،،،

المهم في بنت من البنات بالصف كتيرة غلبة وعليها أسئلة غبيّة وما في حد من المعلمات طايقتها ومن بينهم هاي الــ(م) ،، بس ما كانت تبهدلها زي بقية المعلمات وتطفسها ،،

كانت تاخدها عقد عقلها وتجاوبها ،،

دارت الأيّام ع رأي الحجّة أم كلثوم والبنت صارت تتعلّق بالمعلمة اللي ياما بهدلتها وشرشحت أهلها متلها متل باقي بنات صفها ،،

وبعتت للمس مسجات ع الفيس وهون وهون ورسائل شسمو حب وهبل مراهقة والمس زابلتها ،،

إجت العطلة الصيفية ،، والبنت إنصرعت وهي تبعت للمس ع الفيس إضافة والمس ترفض ،،

تبعت مسجات والمس تعمل بلوك ،،

لدرجة إنها البنت عملت بجوز 10 حسابات ودخلت من حسابات عيلتها كلهم وكلهم أكلوا بلوكات ....

طيب والحل ؟؟؟

البنت كانت سامعة إشاعة إنها المس بدها تهج ع غير بلد فراحت قرفت أهل المس وهي تترجاها من هون وهون ع الفيس

لحد ما بيوم من الأيّام في شب بعت للمس ع الفيس مسج إنه دخيل الله إحكي مع هالعاهه وخلّيها تفك عنّي !!!!!

طبعاً هالشب هو أدمن صفحة المس عاملتلها لايك فالبنت الغبية دخلته واسطة مشان المس تحن عليها ع أساس إنه من تالي أهلها ورح يمون عليها !!!!

الشب محترم وتفهّم القصة وقام هو كمان عمل للبنت بلوك !!!!

راحت البنت بعتتله ع بروفايله كمان عمللها من هناك بلوك بزّلها عينها فيه !!!

البنت جابت رقم المس من تلفون إمها وصارت ترن منه ع المس بنصاص الليالي يعني ع ال2 ع ال3 وهكزا ،،

المس فقعت معها ،، هددتها بمسج بالشرطة

هلأ إجا الدوام ،،

وداومت المس بنفس المكان ،،

صارت الغبية تطلع من حصصها وتطارد ورا المس من قرنه لقرنه ،، وين ما تكون المس تلحقها ع غرفة المعلمات، ع الصفوف حتى ع غرفة المديرة ،،،

المعلمات عرفوا بالموضوع وكزلك الامر مع الشسمو المديرة ///

طيب والحل ؟؟؟؟

حكت المديرة للمرشدة وهاي بدها حد يرشدها

المهم حكت مع البنت المعاقة وهاي البنت حكت للمس أخيراً إنها رح تحسس المدرسة كلها إنها بتكرهها بس الحب رح يظل بقلبها !!!!

طبعاً لا تحلموا إنه وقفت المطاردات ،، بالعكس صارت تلحقها بالشوارع وهي مروحة الحزينة ،

، ما بتصدق وتيجي سيارة مشان تهرب ع بلدها وما تشوف هالعينات ....

شو برأيكم الحل مع هاي البنت ؟؟؟؟؟

أنا بقول طبيب نفسي أو شيخ يقرأ عليها قرآن أو الإثنين معاً !!!!

إنتو شو رأيكم ؟؟؟؟

حابّة أسمع رأي البروفيسور شوتر بحكم إنه شسمو مربي أجياال

يلا فيدوني
المصدر: منتديات بنات فلسطين - من قسم: الـטּـِقآشآتُ الجَّآدة والـפـوَآر..!

f]d vHd;l >>>> dh ljugldk fj,u hgl]hvs f]d vhd;l

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعليم اللغة التركية في المدارس الفلسطينية من الصف السابع	خالد	الأפֿـُبآر والـأפـدَآث	8	09-27-2014 08:02 PM
فكرة جونان جدا لطلاب المدارس والجامعات لا يفوتك ,,!!	المايسترو نمر	النكت والطرائف	35	05-04-2014 01:17 PM
عاااااجل : ظاهرة التسرب من المدارس	رقة قلب	װ.. ξــآلَمُ الأطـفَـآل \|~	3	11-24-2013 08:35 PM
عروس ولا مش عروس يا متعلمين يا بتوع المدارس	ناثرة الورد	استراحة الألعاب	12	08-21-2013 03:56 PM

بدي رأيكم .... يا متعلمين يا بتوع المدارس

بصراحة أنا جمعتكم (( هاد ع أساس في حدا فات ع الموضوع = 500) this.width = 500; return false;" /> )) ،، المهم لأستشيركم بقصّة صارت مع (م) من النّاس