شاركونا الرأي ما السبب بذلك ؟
 

السلام عليكم ورحمة الله وبركاته

مسائكم ورود جورية

نرجع للنشاط شوي ونشغل العقول لنتحاور

لفت انتباهي خاصة بمجتمعنا الفلسطيني

بقولك ممنوع زواج البنت الصغري قبل الكبري

ما بعرف هي عادات تقاليد تفكير خاطئ

انا اعرف صديقة لي والدها ضل يرفض زواجها

من كتير تقدمولها الا لما يزوج اخواتها الاكبر

وللاسف الاخوات الثلاثة سنة ولا سنة العمر جري فيهن

ولا وحدة فيهن تزوجت وقاعدات الان بوجهه والدهن

وحين يشتد الاسي عليهن يدعين عليه

برايكم هالشئ غلط
وما السبب بهيك تفكير وتحكيم الرأي
بزواج البنت الكبري قبل الصغري ؟
بدي اشوف ردود معاصرة لما نعيشه
ونجد حلول بعقولكم النيرةا

نتظركم انا

صراحة موضوعك بمحله وانا متلك كتير عم بسمع بهيك قصص الشي يلي بفكروا فيه الاهل انهم يزوجوا الصغيرة قبل الكبيرة مو قصة عادات وتقاليد
القصة من خوف انه البنت الكبيرة تاخد على بالها لو تزوجت اختها الاصغر منها قبلها
بس هالشي غلط وتفكير الاهل هيك بظلم البنات حرام طبعا لانه كل وحدة بجيلها نصيبها بالاخر

ممكن خوف بأنه اذا اتزوجت الصغيرة قبل
انه ما حدا يتقدم للكبيرة , وانه الناس ممكن يحكوا ايش السبب الي خلى الصغيرة تتزوج قبلها ,
وهذا تفكير غلط ، هيهم بعيلتنا زوجوا الصغار قبل عادي ورجعوا الكبار واتزوجوا ,
ممكن الشب الي يتقدم امه شافت انه الصغيرة مناسبة اكثر او احلى
وممكن الشب يكون اصغر من الكبيرة , هيكا تفكير اكيد غلط , ومثل ما حكيتي ضر بالصغير والكبيرة
وما اتزوجوا ال2 بسبب هدا الشيء

كلامك سليم

بس حترام الي الاخت الكبيره

بتحز في نفسها هيك لأن هي الاكبر

دآيماً الأهل بفكروا و بيتصرفوا
على أسآس مصلحة لأولآدهم
و محبة أيضاً

لكن بعض التصرفآت تكون كَ عآدآت
و تقآليد و كَ تصرفآت ورآثية
و للأسف تكون عن جهل
و منهاآ هذآ التصرف


لكن قليل من الآبآء يتصرفون بعقلآنية
و يزوجوا البنت الصغيرةة قبل الكبيرةة


السبب هو شيء وآحد
خوفاً على مشآعر الأخت الأكبر
حين ترى زوآج اختهاآ الأصغر سناً منهاآ




نقآش جميل
كل الإحترآم .~

مفيشش أهل ما بيحبو الخير لأولادهم

أكيد هالشي صحح يلي بيبعملو

لأنو موش عادات و تقاليد بالأهل هاد إسمو تخلف بالناس و بتفكيرهم

إنو إزا البنت الصغيرة تزوجت قبل الكبيرة بتكون البنت الكبيرة عيبة بنظرهم

مجرد رأي لا أكتر

تقبليني بين حروفك

#رجل المستحيل

هِي فعلاً عآهات و تقآليد عِند المُجتمع
؛
يَعني م بجوزوآ الصغيرة لتتزوج الكبيرة
طَيب يلي بيجي نصيبها بالأول .. آلله معهآ
بَس الناس رح تصير تحكي شو السبب يلي خلاهم يجوزوآ الصغيرة
و حتى لو كآنوآ فكروآ بالبنت الأكبر بمحوآ هالتفكير ..
؛
طبعا ان مِش مع هالشي ابداً
و يا ريت المجتمع يتخلص من هالعادة السلبية
؛
شُكرا
http://www.a5fi.com/vb/images/smilies/1%20%28175%29.gif

الزواج قسمه ونصيب
لكن اعتقد كل الحكايه
انه الاهل بخافو على مشاعر البنت الكبيره
لوتزوجت اخت او اختين قبلها
يعني انا مالي شي
اوفيني عيب او مظهري مش حلو
يعني الافضل يتزوجو البنات بالترتيب
لكن كل فوله والها كيال
ههههههههههههه
يسلمو موضوع حلو للنقاش

انا بشوف انو هاد التفكير عند معضم الناس في الدول العربية مو بس فلسطين
و هاد السبب بيرجع لطريقة تفكيرهم المتخلفة و كمان قوة تشبثهم بالتقاليد
و يمكن في سبب هوا بيهتمو بحكي الناس يلي حوليهم اكثر ما بيفكرو بمصلحة اولادهم

مممم ع فكرا هالاشي بنشوفه
بس مش عند الكل
مش عارفة كيف بفكرو الاهل يعني بعملو هيك لمصلحة بناتهم الكبار
طيب هالاشي بضر بالكبيرة والصغيرة
كل حدا بجيه نصيبه بس عاد الجهل وقلة الوعي
طيب وين الام وين دورها رأيها
والاخوة مافي حدا يحاول يفهم الاب ويقنعو
مفرود يكون في وعي في ناس تنصح
يعطيكِ العافية ريما ع الموضوع ^^