البنت الفلسطينيه (بلهجتنا الرائعه)

البنت الفلسطينيه مختلفه عن البنت العربيه

الفلسطينيه شموخها حد الغيم .. وبجمالها حوريه

فيها هدوء مثل موسيقى رومنسيه

مشيتها مثل الملكه والخطوه غزاليه

وريحتها احلى من الياسمين ..و عطر الجوريه

وبشرتها مثل السما صافيه و نقيه

اما خدودها بجمال قصيده قبانيه

وعيونها ذباحه خصوصاً لما تكون سوداويه

أوخضراويه أو زرقاويه أو بنيه أو عسليه

يعني بنظره وغمره بتذبح ميه

البنت الفلسطينيه مش طبيعيه

بتكون بين الف زلمه وشخصيتها قويه

بعذوبتها ورقتها ونعومتها الورديه

لا تقلي البنت الحلبيه والبنت البنانيه

انا بتعجبني الي شالها كوفيه

والي ما بتخاف من البندقيه

بنت بلادي كلها عز وفيها منبع وطنيه

بنت بلادي ما بتنهز وهامتها عاليه

مثل النجمه والقمر ضاويه

ومستواها من الدرجه الراقيه

العز تاجها والكرامه عندها رايه

صحيح بكلامها هاديه وناعمه

بس صرختها في وجه الظالم راعبه

واذا جن جنونها ضربِتها قاضيه

الها مواقف رجوليه وانوثتها مش ناسيه

جرب عاكسها. بتبزق في وجهك وبتقلك انا مش واطيه

عندها الشرف فوق كل شي بأختصار لسخافتك مش فاضيه

بنت فلسطين مثل البحر حلوه وبطبعها هاديه

وعند الشِده بتقلب الأرض وراها وبضلها ماشيه

ما بتهتم مدامها مقتنعه وراضيه

هيك الفلسطينيه عنيده بس مش قاسيه

حنونه وخلوقه وفيها العافيه

يا سلام ع البنت الفلسطينيه

شو احكيلك عن القدسيه

صفاتها. كلها سحريه

شو احكيلك عن الغزاويه

صفاتها. كلها شموخيه

شو احكيلك عن النابلسيه

صفاتها. كلها جنونيه

شو احكيلك عن القلقيليِه

صفاتها. كلها ملائكيه

شو احكيلك عن الكرميه

صفاتها. كلها جوهريه

شو احكيلك عن الرملاويه

صفاتها. كلها قمريه

شو احكيلك عن الجِننيه

صفاتها. كلها حريريه

شو احكيلك عن الطوباسيه

صفاتها. كلها ورديه

شو احكيلك عن التلحميه

صفاتها. كلها مش عاديه

شو احكيلك عن الخليليه

صفاتها. كلها خياليه

شواحكيلك عن الريحاويه

صفاتها. كلها ماسيه

شو احكيلك عن صفات الفلسطينيه

والله عجزت اوصفها بقصيده نثريه

شو احكيلك تحكيلك عن هالشخصيه

اسمع مني بأختصار بالعاميه

بنت بلادي من السما هديه

ومحبتها محبه ربانيه

سجل عندك((ملاحظه قانونيه))

لما تكون قدامك فلسطينيه

دق التحيه...