|
مشكلةة مساء الخير عليكم انا عندي وحدة صحبيتي وعندها مشكلة انا والله فكرت فيها كتير ومش عارفة اساعدهاا قد ما وصلت لحلول بس عالفاضي هي حكتلي انا والله خجلانة احكيلك وهيكا بس القصة صارت فوق قدراتي لدرجة انها صار يعلا صوتها ع امها وبتحس حالها من جوا حاقدة عليهاا بتحكيلي المشكلة انها امي المشكلة انو امها الها فيس واكتر من مرة يصير مشاكل بينها وبين زوجها ع هالاشي وبردو الام بترجع لنفس الاشي وخايفة ابوها يمسك امهاا وترجع مشكلة جديدة حكتلي حاولت احكي معها واحكي الها انو الاشي هادا غلط وانتي كبيرة وبتعرفي الاشي الصح من الغلط بتجاوبها انا بس بفوت نت اتسلا بس ع الفاضي ولو بدها تحكي لابوها بتعرفو شو هيسير اكيد راح تتطلق مع العلم ابوها رجل صعب واصلامافي رجل برضى بهيك زوجة ف انتوو شو رأيكم ازا ف امكانية تعطوني حلول وأرائكم |
الحل الوحيد هو انو زوجها يبيع الكمبيوتر او يقطع النت عنها وهي ماتقدر تتكلم مع حدا في الفيس لانو ما عندها كمبيوتر |
اليوم كل شخص عنده حساب عالفيس ما فيها صغير وكبير وزوجه وبنت لكن المهم كيف استعماله حلال ولا حرام لا حرام لازم تخاف الله في زوجها وحياتها لو في الحلال فيها تحكي مع زوجها بلطف وتفهمه لو ما تفهم يقطع النت عن البيت |
مشكلة غريبة من نوعها وخاصه انه النت صار متل المي ومش مشكله اذا هي استخدمته في الحدود المعروفه اما اذا تعدت هاي الحدود فلازم جوزها يقطع النت او يحلف عليها يمين اذا رجعت استخدمته بتكون طالق يمكن هيك تخاف وتبطل |
اقتباس:
حكت لابوها بس مارضي لانو بستخدمه حكتلي لاخبار وهيكا اقتباس:
مهوا اصلا بحتاج النت وشكلو مابقدر يفصلو اقتباس:
طيب وكيف راح نوصل الحكي الوو يعني البنت ازا شايفة الغلط بعينها ومش عارفة تعمل اشي لو حكت لابوها بتخرب العلاقة وبنفس الوقت خايفة ابوها يكتشف الاشي وتدمر العلاقة بردو |
المشكلة هاي الها اكتر من حل بس قبل ما تحكي بالمشكلة لازم تعرف انه امها لشو بتستخدم الفيس بك ..؟ اذا لشي مو كويس بتقدر تشوف المتصفح تبع الانترنت وتشوف امها مع مين بتتواصل وتضيفه عندها ع الفيس وتحكي معه استحي ع دمك قدم امك يلي بتحكي معها خاف الله اعتبرني شب وبحكي مع مرتك بتقبل هيك شي ..؟؟ وتهدد اذا متزوج راح تحاول انه تدور ع مرته وتفضحه تاني شي تقعد ما امها تحكي معها مش بالضروري باسلوب العصبية واسلوب التهجم لا باسلوب التفاهم والقعده تحكي معها بالموضوع بشكل عام ليش بتعمل هيك ..؟ يمكن ابوها مقصر معها يمكن في مشكلة ما براسها تحاول دايما تقعد جمبها لمن تفتح الانترنت وتحاول تعرف كلمة السر وتدخل ع الحساب تفهم طبيعة العلاقة يلي بينها وبين الناس يلي بتحكي معهم واذا عرفت كلمة السر تبعت رسائل تهديد لهدول الناس وانه يحترموا حالهم بالاوول والاخير بدها تصل لحل قبل ما يعرف رب الاسرة لانه اذا عرف مصيبة وامها بتستاهل اكيد تحكي لامها على لساني خافي الله ربنا بستر فيكي لانه عندك بنات وما بده يخرب بيتك وبيت بناتك تسير سيرتكم على كل لسان وشوفوا مرت فلان طلعت خاينه لجوزها وما حد يطلع بوجهك ولا بوجه بناتك ولا اولادك وتجيبي العار الك ولكل واحد بقربلك تحسبها من كل الجوانب حتلاقي حالها امها الخسرانه الشب ما عليه غبار ما بيهمة كتير القصة اذا انفضحت عادي اما البنت بغزة اذا اصابها شي وخاصة بالسمعة بتصل اول الشارع حامل بتمنى من الله يهديها للصواب وتنحل هيك مشكلة تقبلي تحياتي وودي واسف على الاطالة |
مع الاسف مش بس ام صحبيتك متاكد انه في كثير ناس هيك .. اكيد انا معكم انه تصرف الام غلط بس نا بتعرفو هي ليش بتعمل هيك ؟؟ او كيف زوجها بعاملها بالبيت يمكن يكون جو الاسرة مخليها ما تهتم ببيتها وتتهرب وتتسلا باشي تاني قطع النت مش حل لانه النت صار متل الكهرباء ضروري للبيت وكمان بتقر تدخل من اي مكان تاني لانه اغلب الناس صار في عندهم نت .. البنت لازم تتأكد اول شي مت طبيعة العلاقة يلي بتعملها امها ولازم تكون اكثر حكمة وتحكي مع امها باسلوب احترام حتى لو كانت على غلط ما تنسى انها بتضل امها وبالتفاهم كل شي بينحل تحاول تقنع امها انو هاد الاشي غاط وما بصير هيك ودينا وعد يلي بيعملو هيك بالعقاب والهلاك وانت في عندك عيلة وبنات لازم تخافي عليهم برضو سمعتك من سمعتهم وديري بالك على زوجك وولادك لانه هما نعمة من الله وامانة برقبتك ليوم الدين واهم شي الاب ما يوصله خبر لانه رح يعصب كتير وما بتوقع في زوج ممكن يتقبل هيك كلام على زوجته لان هي سنده وعرضه والله يهديها ويهدي الجميع هي ام وفي عليها مسؤولية يعني اذا هي بتعمل هيك فما عتب على اولادها بالنهاية هي قدوتهم .. اعتذر لطيل كلامي لكن ارجو ان اكون افدت .. تحياتي ~ |
المشكلة انو امها الها فيس واكتر من مرة يصير مشاكل بينها وبين زوجها ع هالاشي وبردو الام بترجع لنفس الاشي أولاً: معنى هذا أن الأب يعلم أن لزوجته حساب على الفيس بوك وإن كان لا يعلم فهي مصيبة وإن كان يعلم فالمصيبة أعظم .. وهو عاجز عن إتخاذ القرار الذي يليق في مثل هذه الأمور ثانيًا : كي لا نقع في إثم الظن .. ونظن بالأم الظنون التي ربما تكون بريئة منها وهذا ما أتمناه التهديد والوعيد لا يليق بمكانة الأم ولا يليق بالموقف على الإبنة أن تتصرف بعقلٍ وحكمة وأن تتعامل مع والدتها بإسلوب مهذب وأن تتحدث إليها بالمعروف والقول الحسن فإن لم ترجع هناك حلآن من وجهةِ نظري أن تجلس مع أمها أثناء وجودها على النت وتحاول أن تشترك لها في صفحات تخص الدين والأسرة فإن لم تستطع . فلتشارك البنت أو أنتِ أنيقة بحسابٍ جديد باسم شاب وتعمل اضافة لأغلب أصدقاء الأم وبعد فترة تضيف الأم وتتحدث معها على أنها شاب وعنده برامج تحسس ويفاجأها بأنه يعلم عنها كل شيء وأنه يعرف زوجها وأخوانها وبناتها ويعلم عائلتها كلها وسيخبرهم بكل ما تفعله على الفيس بوك قد تكون فكرة جريئة ولكنها ان تمت بنجاح سوف تخاف الأم وتتراجع الأهم ألا تتحدث صديقتك مع أمها بإسلوب تُحاسب عليه وليكن منهجها في هذا الأمر قوله تعالى : ( وإن جاهداك على أن تشرك بي ما ليس لك به علم فلا تطعهما وصاحبهما في الدنيا معروفا ) صدق الله العظيم أدعو الله رب العالمين أن يهديها إلى الصواب وأن يفتح بينها وبين أهلها بالحق تقديري |
مع انه الفيس مش عيب، متل اي موقع بالنت، بس شكله ابوها كتير معئد وعئله صعب، ومش رح يتفهم اصلا، يعني لو فكرت بنته تشرحله عن النت مش رح يستوعب ولا رح يحلف يمين، دغري رح يطلقها مش رح يفكر مرتين، يعني هدا مش حل، لانه عئله صعب، فمش رح يسمع ولا كلمه، وصحبيتك مش نائصها فضايح مع اهلها، مفش غير البنت نفسها هي اللي تحل الموضوع ع السكت بدون ما ابوها يعرف، تطلب من شخص ئريب منها وتوثق فيه يحذف حساب امها، سيعتا ما بعتئد انه ترجع تفوت لانه الناس اللي عم تتواصل معاهون بكونوا بالفيس اللي رح ينحذف، وما بظن انها رح تئدر تتذكر اسمائهون كمان مره، وع كل حال اذا فكرت تعمل فيس جديد، فهون الحل انك تعملي حظر لموقع الفيس نفسه، هاي الطريئه بعرفش كيف بعملوها، انتبهي انا حكيت حظر لموقع الفيس كله مش لحسابها، هاي الطريئه بدها واحد عندو خبره، انك تعملي حظر لمواقع معينه، متل ما بيعملوا الاهل فالبيت حظر ع المواقع الشاذه لحتى ما يفتحوها اولادون الصغيري .. واذا بنتها عندها حساب فلمن تحتاج الفيس، تفوت ع الفيس بدون ما امها تعرف، تتحمل هالضغط لفتره معينه ولئدام لا بُد امها تنسى اشي اسمه فيس، اما تفصلو النت كله، هدا مش حل!! النت اليوم صار اشي كتير مهم وجوده فالبيت، بتمنى كون ساعدتك شوي، ويهدا الوضع عندون :137: .. |
اقتباس:
ي رب لا ابداا استفدت كتير من كلامك والله الله يخلييك امير ان شاءالله بصلها الكلاام تسلم مرة تانيةة ^^ |
اقتباس:
مممم صح حكيك الراجل دايما نايم لل4 وصعب مابحب لاطلعات ولا نزلات يعني هوا حازم وبعصب ع كل اشي شكرا الك اميمة فدتيني اكييد نورتي ي عسل |
اقتباس:
ممم بتعرفي والله فكرة حلوةة ان شاء الله راح نمشي ع هالنصيحة و يرب تزبط شكرا الك ولمرورك ربي يسعدك ^^ |
اقتباس:
صح كلامك عندها جوال وبتفوت منو كمان بس وقت جوزها يكون مش بالبيت شكرا الك سمرة ولكلامك اكييد فادني نوورتي ي عسل |
ك انا ملك الاحزان مش امير ههههههههه ع العموم ان احتجتي ايا مساعدة بالقصة او حتى اختراق حسابها ممكن اقدم مساعدة تقبلي تحياتي |
ييي اسفة امسح امسح النصيحة ههه معلش امير ولا ملك كلكم ع راسي :40: وشكراا مرة تانيةة |
هههههه لا عادي ولو المهم نساعد بحب المشكله قبل فوات الأوان ويخرب البيت |
السلاآم عليكم و رحة الله في البدآية مش وآضح الأم ايش بتعمل على موقع الفيس بوك ؟؟ بنحكي مع شآب ؟؟ أو بتقضي وقتهاآ كلوو على الفيس و مهملة مسؤوليآتهاآ كَ ربة منزل ؟؟ قرأت ردود الأعضآء لكن لآحظت انوو مآ حد تطرق لسبب وجود الأم على الفيس بوك !! ان كآنت بتحكي مع شآب .. دآيماً الأنثى بتفتش على الشي الي نآقصهاآ بتمر بحآلة مهماآ كآن الثمن و بأي طريقة بدهاآ تحصل على ماآ ينقصهاآ في حآلة متل هآي العلاآج لآزم للأب قبل الأم لو انوو معطي الأم جميع حقوقهاآ لماآ لجأت لهذاآ الشيء و ان كآنت مهملة و تقضي طيلة الوقت على الإنترنت هذاآ هو الإدمآن بعينه علاآجه ... شيء يشغل الأم عنه كَ وظيفة ..شغل يدوي و الكثير إن قصدناآ نجده و مع ذلك نقآش الأم بماآ تفعله و ادخآل آيآت قرآنية و أحآديث شريفة به و نسأل الله الهدآية للجميع نحيآتي ~. |
ممم ي رب والله شو بتعمل بالزبط مش معروف بس حكتلي بتفوت نت وقت طويل اقتراحك حلوو بس مابعرف ازا يعجبها هالحل شكرا الك البريئة ع رآيك ^^ |
اقتباس:
كون السبب مش معروف تبقى الأم في أمآن صرآحة مش داخلة عقلي ست كبيرةة بالعمر يغرهاآ فيس :/ و ان كانت بس بتقضي وقت بيقدروآ الأولآد يلهوو الأم بأي شي |
اقتباس:
وعليكم السلام ورحمة الله وبركاته وجهة نظر أحترمها وجدًا ولكن أختي الفاضلة .. مهما عَظُمَ السبب ومهما كانت المشكلة التي ربما يكون الأب طرف فيها أو المسبب الأول لها ... مهما كان لا يبرر للأم فعلتها فلا يجوز للأم أن تقع في هذا الخطأ وعليها مواجهة الأمر ومحاولة حل المشكلة .. لأن الأم هي القدوة الأولى لأبنائها وبناتها فلما الهروب لهذا العالم ؟ لو بحثنا عن السبب لبترناه من البداية ووجدنا الحل حتى تهدأ أمور الأسرة وهنا نحن نتعامل مع عقلية أب كما فهمت صعبة وغير مرنة .. حتى تتناقش معه هذه البنت في هذا الأمر وفي نفس الوقت نحن أمام مشكلة يجب أن يوضع لها حل سريع تقديري لكِ |
ممم مهيا طالمة شايفة اللي حوليهاا هيكا راح تصير متلهم انا عارفة ربنا يهديهاا |
اقتباس:
فآهمتك عطر لكن جميعناآ نعلم ان الأنثى انسآن ضعيف و في أغلب الأوفآت العآطفة تتحكم بهاآ و لاآ يكون للعقل دور ابداً لنفرض أنه حدث ما حدث لآ نضع اللوم على الأم و تحميلهاآ كآفة المسؤولية و هذاآ يسآعدناآ بعلاآج المشكلة أيضاً مع العلم انه الى هذه اللحظة الأم بريئة من تلك الظنون كونناآ لاآ نعلم أهيَ تغلط أم تقضي الوقت فقط ! لهذآ طرحتُ البحث عن شيء يشغل الام عن موآقع الإنترنت تحيآتي لكِ .~ |
اقتباس:
وأعلم تمامًا أن الأنثى في جميع مراحل حياتها العمرية ضعيفة وأنا عندما عرضت الحل هنا لم أقصد أبدًا أنها تفعل أشياء خاطئة وحتى لو كانت تفعل هذا الأمر فــ والله أختي لن أقسو عليها أو أحكم عليها بحكمٍ خاطىء علمني أبي رحمه الله ألا أتخذ أي موقف تجاه أي مخطيء حتى لو كان قاتل أو سارق قبل أن أعرف دوافعه فلربما دوافعه تجعلني أقف معه وليس ضده وكلنا نخطئ فنحنُ لسنا بملائكة ولكني عندما عرضت الحل عرضته كـ حل سريع فقط حتى لا تتفاقم الأمور ولكن ويعلم الله أنني كنت سأقوم بمتابعة الأمر مع الأخت أنيقة وكنت أفكر بالتواصل معها هنا لتزويدها ببعض الأمور التي ربما تنقلها لصديقتها حتى تُحل المشكلة بهدوء ومن الجذور فهي قبل كل شيء أم وربة أسرة ونحن في مجتمع وللأسف كل ماهو خطأ وفيه فساد يٌنسب للأم وكل ما هو صائب وفيه صلاح يُنسب للأب والمرأة مهما كانت قوية فهي لا حولَ لها ولا قوة تقديري |
البريئة عطر الاندلس مقدرة اهتمامكم ومحاولتكم بتقديم المساعدةة ربي يسعدكم ويوفقكم |
اقتباس:
هآد اللي بدي اوصل ليه عطر النآس اللي متلك نوآيآهم الصآدقة وآضحة بدون تبرير بالنهاية النتيجة اللي بدي اوصللهاآ و اللي بدك توصليلها انتِ وحدةة مهماآ كانت الطريقة شرف لياآ النقآش مع شخصية متلك كل الإحترآم ~ |
والله ما بعرف لشوو هجل هاد تقعد نفسي اسمو هاد اكيد فادووك الاعضاء |
مو المشكلة إنو يكون عندها فيس عادي هاد صار للغة العصر لكن بترجع طريقة استخدامها الو امرأة متزوجة وإلها أولاد لازم تصون بيتها وحالها الحل يصل الكلام للأب بطريقة غير مباشرة من البنت لأنو ما في سبب يخلي الأب يقطع النت الا لسبب يقنعو لأنو الوضع ممكن ينكشف للاب بطريقة وبوقت غلط وبوقتها البيت كلو بدمر ...~ الله يهدي امها ودي لك~ |
انشاء الله الاعضاء بكونوا فادوكي كل انسان بيستعمل النت على طريقته امام الله ورسوله ولا نريد سوى الاستفاده منه وليس الاشياء السيئه وهي بنظري مش مشكله كبيره تحل بالتفاهم قبل ان تنجر الامور الى الهاويه ويندم الجميع على افعاله الوطن والغربه |
اقتباس:
اقتباس:
حالياا ببالي اكم حل ان شاءا لله بتزبط معناا نورتي ظل ^^ اقتباس:
بس المشكلة اولها بكون اشي صغير بعدين بتكبر الغربة شكرا لمروك ولكلامك ^^ |
| الساعة الآن 01:40 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.