|
الطب عنا بالبلد لوين رايح!! السلام عليكم كيفكم حابه احكي عن موضوع معين لفت نظري من فترة واليوم اتاكدت انو ما في دخان بلا نار الحكايه وما فيها اتعرضت اختي لوعكة صحيه وتم نقلها لمشفى خاص فيكم تحكو من ارقى مستشفياتنا المهم بعد 3ايام تم تحويل اختي للمستشفى الحكومي!! الحجة انو التجهيزات بالحكومي متوفرة اكتر! والاطباء الي بداومو بالخاص نفسهم بداومو بالحكومي !! ما تستغربو بس هاد الي صار يعني ع شو خاص وع الليله اكتر من 1000شيكل لهلاء ما فهمت المهم اتوجهنا للحكومي ومتل كل الناس هناك كل واحد بحكي عن تجربتو الخاصة وهون كانت الصدمة التانيه اخت من الاخوات حكت عن معاناه قريبهم الي عمل عمليه قلب مفتوح والي كان المفروض يعملو دكتور معين بس وئت العمليه ما اجا الدكتور فعملها دكتور تاني والي صار انو اسنمرت العمليه 12ساعة!! للعلم فقط طبيا عمليه القلب المفتوح ﻻ تحتمل اكتر من 6ساعات ونتيجة لخطا طبي اتوفي المريض حاله تانيه حكو عنها دخول فتاه وسيدة لغرفة العمليات الفتاه لازالة كيس ماء من الرحم والسيدة لازالة الرحم المصاب بمرض خبيث النتيجة : ازالة الرحم للفتاه (خطأ طبي ) سؤالي للكل مستشفياتنا والطب لعنا لوين ؟؟؟! صفت تجارة وﻻ شو !! ع اي اساس بشتغلو دكاترة!! والاحلى لو طلبت تحويل لمستشفى اسرائيلي يتم احتقارك والاستهانه بقرارك ومعاملتك معامله كانك مرتد واكثر!! موضوع كتير شاغلني وبالاحرى كتير مخوفني سامحوني لركاكة اللغة ارائكم؟؟ |
كلامك صحيح ميه بالميه احنا بغزه بنعااااني من هالشي برروح الواحد سليم بخلو في مليون مرض واذا كان عيان كتير بقلك ولاشي فيك روح احسن او بعطيك تحاليل خاطئه تخليك تاخد ادويه مش ضروريه تؤدي لموت الملاين الطب عنا فقيييييييييييير جدا سواء من الشخص او الادويه او الادوات او الدكتووور انا عاااانيت من هالشي نفسه اختي انا صاحبه مرض الي من عمر 13 سنه ولهلا ما قدرت اروووحه مني او هل اله حل يقوله في بره يمكن بس اكتر الكلام والابحاث الي حاولتها انه ما اله دوا تااام يخخفف عن المرض ويروح للابد بس علاج يخفف الحاله لك اول ما روحت لاتعالج وانا مغمى عليا وفتحت عيوني شويه بس سمعت الدكتور بقول لبابا روحها ما فيها شي وانا لساتني ما اصحيت من الاغمااااء فلاحول ولا قوه الا بالله ما عنا اصحاااب ضماااائر بس بدهم فلوووووس ويقول عنه دكتوووور وهو ما بفهم الطخه من اللخه هههه هههههههه لا تآخذيني طولت باللكلام بس بتعرفي في غزه تعاني من الطب وبالاخص بعد الحروب واصاباتها مشكوووره على المساحه والسؤال جزيتي خيرا |
موضوع مهم ملك حاجز مكان لي ساعود للاجابه باسهاب لكن هلا عندي مشوار لانه رح احكي كلام عن تجربه :80: |
ربي يعينكم هذا ما استطيع قوله |
الله بعين اخت اريج |
اقتباس:
تانيا بحس كل شي بغلى عنا بالبلد البنزين/الاكل /البيوت /الاراضي ....الخ بس شي واحد عم يرخص احنا البشر!! جد شي بكاني وانا اسمع بئصص عريبه عجيبه لكن الامل بوجه الكريم فقط ﻻ غير ربنا يصلح الاحوال تحياتي لالك |
امين يارب العالميين |
اقتباس:
بمزح هههههههه بتنور اكيد يسعد مساك |
اقتباس:
|
ههههههههه ملك صح مكانوا دايماااا محفووووووووووظ والله ضحكتيني كتييييير يا مؤيد |
ملك الاطباء بينهم وبين مولاهم ربي ينتقم منهم يارب |
دوم ضحكتك اريجربي يسعدك وما تشوفي شر |
والله انا م بعرف رام الله او الضفه بشكل عام بس بدي احكيلك شي المكتوبلو يموت هيموت لو مين م كان عملو العمليه فتوكلي ع الله ونموت ع ايد دكتور فاشل احسن م نعيش ع ايد دكتور يهودي |
عآدي حبيبتي ما تنصدمي من شي يفوت الواحد ماشي عاجري يطلع محمل :104: عن تجربة بتخص قريبي الرجال كان عندو تضخم بالطحال وعادي اخد اجازة من شغلو عاساس عملية ويستأصل الطحال بعد ما صحي بحكي للدكتور انا حاس بشي جواي قلو لا عادي ووضع طبيعي خمس ساعات بعد العملية و والرجال ما حدا فكر يعملو فحوصات يطمن المهم اخر شي نهايتو كانت بنزيف بالمعدة 8 ايام وتوفى - الله يرحمو نتيجة شو ؟؟! اهمال .... وبعدها بجيك هالوجة ليحكي " هاد قدرو " طيب قدرو وانا مؤمنة فيه بس كمان مو اضربو وصيبو وقول نصيبو ... للأسف الله يهدي هالاطباء وهالمستشفيات يلي قضت عارواح بريئة بسبب تعجرفهم واهمالهم وعدم تحمل المسؤولية واعذري ثرثرتي الزائدة بس موضوع اكثر من رائع بواقع مرير بنعيشو ...~ مودتي لك~ |
للاسف اصبح الطب تجاره وكل دكتور باقل مده بدو يكون عنده فيلا وسياره وهادا الشي بخليه يروح للمستشفيات الخاصه يعني نفس الطبيب في الحكومي هو في الخاص لكن هناك رعايه 5 نجوم لكن مكلفه جدا والحكومي اهتمام اقل بتامين صحي هلا اخطاء موجوده بالجمله وناس بتموت ما حدا بسأل ولو طلبت لجنه طبيه بطلع الحق عالمريض لانهم الاطباء كلهم ما برمو في بعض هلا انا بعرف صار في تشديد ومتابعه عالاقل لما صار شكاوي كتيره ولو انت قد حالك والك واسطه وصوتك عالي الكل بخاف وبعملك حساب وهادا الشي الي حصل معي بمرض ابوي لما صوتي كان عالي الاطباء كلهم كانو في خدمتي وشو بدك حاضر المهم لا تفضحنا انا حصل معي شخصيا شي اكلت شظيه صغيره جدا براسي في اجتياح 2002 ما حسيت فيها الا بعد سنه لما تصورت حكولي معي سرطان ويلا عالخاص وبدك عمليه وجيب 2000 دينار تحت الحساب طبعا هادا راس ما بسلمه لاي طبيب بالبلد سافرت الاردن وعملت عمليه ما كلفت 500 دينار ورجعت سالم لبلدي ومعافي بازن الله هلا الطب مهنه راقيه لكن بدها مراقبه شديده ومتابعه صارمه من لجان متخصصه غير حكوميه عشان الطبيب يعرف لو غلط رح يتعاقب مش الطبيب فوق القانون وشايف حاله اشي كبير هو انسان ممكن يخطئ وممكن يصيب لكن ما يكون الخطأ اهمال ولا مبالاه لكن بشكل عام اخيرا اقول الطب في الضفه افضل بكتير من غزه والمعدات متوفره لكن ينقص الاطباء المهره مو اطباء متخرجين جديد ببلشو سلخ بغرفه العمليات وبعملو المريض حقل تجارب ملاحظه انا في الي ممرض صديق حكالي سر انه الادويه عند السلطه باخدوها مجاني من دول اجنبيه فقط عشان يشوفو نتائجها واديش مدى فعاليتها قبل اعتمادها في الدول عندهم على ذمه الراوي انا ما دخلني هههههههه واخيرا الي اله عمر بعيش والي ما اله عمر بموت ولو من ابره عافانا الله واياكم وشفى كل مريض لو بدي احكي كل شي بكتب 3 جرايد بكفي:28: |
اه فعلا صح حكيك اكتر من قصة مرت علياا وسمعتهاا دكاترة بس بتعلمو بالناس وبجي الك معو الف شهادة بس حرام يكون دكتور بقتلو الناس والله هادا الاشي قهرني لانو للاسف بموتو ناس بعز شبابهم بتمنى الطب يتطور والطلاب اللي مجالهم طب يتعلمو بضمير لانو بين ايديهم اروااح يعطيك العافيةة ع الطرح..~ |
انا من مده كنت بمستشفى رفيديآ الجرآحي عنآ بنابلس وكنت اتخرف بسبب هيك مواضيع انا ودكتور بخصني المهم / في رائي الخاص والسبب الرئيسي ـ من كل هيك امور تتعلق قلة رقابه وعنايه من ادارة المستشفى يعني لما بدخل مريض مصاب وبدو يعمل عمليه ع سبيل المثال الدكتور المتخصص بالعميله بجيب معه اثنين متدربين او متخصصين جدد بعمل اول عمليه قدامهم ـ وثاني مره بطلب منهم اعمل هيك واعمل هيك وهو واقف قدامهم؟ وهمه قليلين الخبره ـ اكثر الاسباب هيك بتصير واكثر الاخطاء بسبب قلة الخبره والفلسفه الزائده من قبلهم وعدم الرقابه الكامله لطاقم التمريض بالكامل .. مؤيد مش لهدرجه صديقي ههه الادويه باخدوها مشان يجروبها فينا مش لهدرجه برضو احنا يا ورد في حيوانات بجربو فيها الادويه اول ما تتصنع حسب آعتقآدي .. يع\طيك العافيه والله والله يشفي كل مريض يارب |
موضوع حلو كتير , ونفسي اناقشه من زمان . بالنسبة الي ك شخص و اخويا دكتور و بيشتغل بمستشفى , بيجي بيحكيلنا عن الي بيصير معو بالمستشفى . ما ببالغ لما اقول انو الطب عنا متل التجارة بالزبط . كيف لما تشوف تاجرين م يضاربو ببعض بالاسعار , و كيف التاجر لما يكون فيه عندو سلعة و يحاول يمشيها بأي شكل من الاشكال . الطب عنا هيك . كل طبيب ماخد الطب ك شهادة مش اكتر , اخويا حكالي عن كتير قصص اهمال الدكاترة بالمشفى المريض بيتعاملو معه كانه مرتد او يهودي . بيمشو مصالحهم كاملة عن طريق المستشفى . ما عندهم ضمير ابدا . طبعا غير الي شغالين بالواسطة و هما ما عندهم فكرة عن الطب شو هوا اصلا . كتير احيان يحكي اخويا عن مواقف للاطباء تدل ع جشعهم . كتير من الممرضين كل همهم الفلوس هون . ما عندهم عقل او تعامل او او او . قلبي مغلول انا من الدكاترة .. قد ما حكيت و قد ما احكي ما حقدر اوصف حجم الشجع الموجود جوا المستشفيات عنا بغزة . كل هالسبب بيرجع لانو التوظيف كان اغلبو بالواسطات من مدراء الافرع للممرضين . |
اقتباس:
وﻻ اموت ع ايد دكتور فاشل بالنهايه الطب وظيفة انسانيه بحته نورت ماجيك |
اقتباس:
لك انا مغلولة من المستشفى الخاص لشو خاص ازا بعد فترة بحولو للحكومي وﻻ بس يضمنو شويت مصاري؟!! الله يهونها ي رب نورتي اختي |
اقتباس:
بالاخر صرنا فيران تجارب كمان!!! الله يهونها مؤيد ويشفي الوالد لاحكيلك انو شعري شاب بهالفترة ما تستغرب يمكن اطلع ادور ع دكتور نفساني هههههه يسعد مساك |
اقتباس:
هلا طالب الادبي ابو 50%بيروح مصر وبيرجع دكتور تبا للمهزله نورتي اختي |
احم احم ... بيحكو عن الدكآترة :39: اول شي اي عملية ف الطب الها نسبة فشل اكييد بس انا معك ف كلامك اول شي هلأ معظم الدكآترة اللي عندنا اكيد يفتقرو للخبرة .. و هاي فئة كبيرة منهم .. و الطب معروف انه كل يوم بكتشفو شي جديد فييه و احنا عندنا الدكآترة دمآغهم قديم للأسسف .. و هاد لأنه الدكآترة اللي شآطرين هما اللي درسو برا و كملو برا واشتغلو برا مثل ما هعمل ان شاء الله تاني شي الأدوات الطبية اللي عندناا مش كآفيه بصرآحة .. لازم يكون عندنا نقص ف كثير ادواات .. تالت شي شكله مفيش عندنا رقابة صحية ع المستشفيات و كداا .. يعني كل دكتور بعمل ع كيفوو و وقت ما بده بدآوم و بشتغل و وقت ما بده ما بيشتغلل و انا ف مصر برضه شايف انه المستشفيات الخاصه افضل من الحكومي ف المعآمله كدا .. و فيهم دكآترة شآطرين اكثر ... مع انه نفس الدكتور بكون بشتغل ف المسشفى العمومي .. بس برضه معظم الدكآترة مآديين شوي ...عشان كدا بفضو حالهم للخآص مو للعآم ...... .... مووضوع حلوو و هآم فعلاا .. ان شالله بتنحل القصص هآي ف بلدناا و يصير عندنا شوي تقدم ف الطب ع الأقل تح ـيآتي |
اقتباس:
|
اقتباس:
نورت خيو |
اقتباس:
نورت |
كلامك صحيح 100 % عنا مستشفى اسمه الاوروبي هادا المستشفي تم تلقيبه بمستشفى الموت ناس مرضى تعرض لحاجة بسيطة برووح بطلع منه بكفن دكاترتناا للاسف لا يفقهون شيء باخد معدل 50 بتوجيهي بطلع بره وباخد شهادة دك تووور هذا لا ينقص من قيمة بعض الدكاترة المتكنين الله يجزيهم الخير بعين الله اختي ربنا يشفي اختك لا بأس عليها |
الله يسعدك سوريتيربنا يصلح الاحوال كان للدكتور وزن وئيمة بس هلا ما بعرف صار في شكوك حواليه طبعا انا ما بشمل الكل بس جد سمعت ئصص بتشيب الراس ربنا يفرجها ع سورية الحبيبه تحياتي لالك |
اقتباس:
المشكلة بتحكي الحق على الدكاترة لكن بعللوا سبب الموت او الخطأ الطبي اللي بحصل ...(قضاء وقدر ) ربنا يفرجهاا على سوريا وفلسطين و الاقصى ياااارب اختي ملك شكرا لك |
| الساعة الآن 09:40 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.