الطب عنا بالبلد لوين رايح!!

10-26-2014

للاسف اصبح الطب تجاره
وكل دكتور باقل مده
بدو يكون عنده فيلا وسياره
وهادا الشي بخليه يروح
للمستشفيات الخاصه
يعني نفس الطبيب في الحكومي هو في الخاص
لكن هناك رعايه 5 نجوم لكن مكلفه جدا
والحكومي اهتمام اقل بتامين صحي
هلا اخطاء موجوده بالجمله
وناس بتموت ما حدا بسأل
ولو طلبت لجنه طبيه بطلع الحق عالمريض
لانهم الاطباء كلهم ما برمو في بعض
هلا انا بعرف صار في تشديد ومتابعه
عالاقل لما صار شكاوي كتيره
ولو انت قد حالك والك واسطه
وصوتك عالي الكل بخاف وبعملك حساب
وهادا الشي الي حصل معي بمرض ابوي
لما صوتي كان عالي الاطباء كلهم كانو في خدمتي
وشو بدك حاضر المهم لا تفضحنا
انا حصل معي شخصيا شي
اكلت شظيه صغيره جدا براسي
في اجتياح 2002
ما حسيت فيها الا بعد سنه لما تصورت
حكولي معي سرطان ويلا عالخاص
وبدك عمليه وجيب 2000 دينار تحت الحساب
طبعا هادا راس ما بسلمه لاي طبيب بالبلد
سافرت الاردن وعملت عمليه ما كلفت 500 دينار
ورجعت سالم لبلدي ومعافي بازن الله
هلا الطب مهنه راقيه
لكن بدها مراقبه شديده ومتابعه صارمه
من لجان متخصصه غير حكوميه
عشان الطبيب يعرف لو غلط رح يتعاقب
مش الطبيب فوق القانون وشايف حاله اشي كبير
هو انسان ممكن يخطئ وممكن يصيب
لكن ما يكون الخطأ اهمال ولا مبالاه
لكن بشكل عام اخيرا اقول
الطب في الضفه افضل بكتير من غزه
والمعدات متوفره لكن ينقص الاطباء المهره
مو اطباء متخرجين جديد
ببلشو سلخ بغرفه العمليات
وبعملو المريض حقل تجارب

ملاحظه
انا في الي ممرض صديق حكالي سر
انه الادويه عند السلطه باخدوها مجاني
من دول اجنبيه فقط عشان يشوفو نتائجها
واديش مدى فعاليتها قبل اعتمادها في الدول عندهم
على ذمه الراوي انا ما دخلني
هههههههه
واخيرا الي اله عمر بعيش
والي ما اله عمر بموت ولو من ابره
عافانا الله واياكم وشفى كل مريض
لو بدي احكي كل شي
بكتب 3 جرايد بكفي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الطب اسئل و انا برد	Soso	صِحِتِكـَ تِهُمٍنٍآ	7	09-24-2016 05:39 PM
الطب اسئلو و انا برد	Soso	صِحِتِكـَ تِهُمٍنٍآ	9	09-24-2016 04:58 PM
صعيدي رايح جاي	لمشتاقة لروحي	النكت والطرائف	2	11-25-2013 11:54 PM

الطب عنا بالبلد لوين رايح!!

السلام عليكم كيفكم حابه احكي عن موضوع معين لفت نظري من فترة واليوم اتاكدت انو ما في دخان بلا نار الحكايه وما فيها اتعرضت اختي لوعكة صحيه وتم نقلها لمشفى