|
هل تقبل بزواج دون رغبتك وتحت ضغوط ؟ السلام عليكم ورحمة الله وبركاته لفت انتباهي موضوع مهم في مجتمعنا الفلسطيني واتمني النقاش يكون صادق وفكر واعي وناضج هو زوجة الاخ يعني عنا لما الاخ يموت او يستشهد الاخ العزابي ياخد زوجة اخوه حتي يحمي شرفه ويحافظ علي اسرة اخوه انا فكرت هالظاهرة انتهت واصبحنا نفكر بموضوعية اكتر يا تري والسؤال لكل شاب هنا دون استثناء هل تقبل بزواج من زوجة اخيك التي لا يربطك بها اي صلة غير انها زوجة اخيك المتوفي و المستشهد وحتي لو كانت اكبر منك سنا؟ هل تقبل بهذا الزواج مع انك ستتعرض لضغوط قوية من الاهل ؟ هل حتقدر ترفض هالزواج هذا ؟ ولو قبلت بالزواج هل سيتغير تخطيطك وطموحاتك لمستقبلك ؟ ما بدي اجابة دبلوماسية وشكر وعلي الماشي بدي اشوف اجابات واعية ناضجة ونلاقي حل معكم لهيك مشكلة ولا تقولوا هالحاجة انتهت لا لسا من يومين حصلت ولسا موجودة اتمني الكل يشارك برائه وارائكم الناضجة ارق التحايا لكم |
موضوع .. حلو .. لي رجعه |
موضوعك ريما ,, ما انتهى .. وانا شفت بعيني هالشي ,, بالنسبه الي طبعا ,, في ظروف ما بتعطي الشب اي فرصه انو يتكلم ف بطر يتزوجها مع العلم انو ما بدو ايااهاا ,, بس الظروف حكمااه . وفي شباب ما بسدقو يتزوجو .. . و ازا هوا راضي وهيا راضيه ,, ف مفيش اي مانع انو يستر رعليهاا ,, بالسبه الي , ممممم ما اتخيلت اكون بهيك موقف ,, وبتمنى تلاقي نقاشات اكتر وعي احترامي , |
موضوع مهم للنقاش ورح اترك الرد للأعضاء الشباب لكن بإجاية بسيطة في شَبآب صآبتهم خيبة من بعد هيك زَوآج رُبمآ لوجود فتآة في حَيآته عدم تقبّله لزوجة الأخ أن تكون زوجته بعد أن كانت بمثابة الأخت أنا بعتبرو إجرام بحق الشاب ولآزم يكون الأمر رآجعلو يسلمو خيتو عالطرح ودي لكِ ~ |
الاجابات فقط للشباب!! معلش اعتبروني شب لكان هههههه ليكي ريما راح نفكر بالموضوع من عدة زوايا حتى ما نظلم الطرفين هل بتعتقدي انو الارملة سهل عليها كمان تتزوج من اخ زوجها اكيد ﻻء معناتو الضغط ع الاخ وع الزوجة معا كمان خلونا ننظر من زاوية الاسرة الي بكون همها انها تحافظ ع بيت ابنهم الشهيد ووﻻدو وهالشي من حئهم اكيد وما عليه غبار يمكن الشب يحكي هاد ظلم وانا معو بهالشي بس شو المانع تحافظ ع بيت اخوك طبعا ازا كان في موافقة من زوجة الاخ سابقا وتتزوج بمن ترغب الدين حللك اربعة استخدم هالحق وين المشكله!! بالنهايه وﻻد اخوك امانة برئبتك بس ازا الموضوع انو متخيل حالك زوجا لارملة اخوك كمان هاد حئك وﻻ يحق لاحد يضغط عليك رايي الشخصي تحياتي الك ريما |
نقآش وآقعي حقيقة عآدةة يتم تطبيقهاآ في حآضرناآ للأسف برأيي هالشي غلط و غلط كبير بحق الشبآب شآب كآمل حرآم يآخد وحدةة كآنت مجوزةة من قبل طبعاً تحريمي مش شرعي لكن عاطفي و ما بظن في شبآب بتمر تحت ضغوط في هيك موآضيع الرجآل الوو كلمتوو طبعاً هآد رأيي متآبعة طبعاً لرؤية آرآء الشبآب تحيآتي ~ |
هل تقبل بزواج من زوجة اخيك التي لا يربطك بها اي صلة غير انها زوجة اخيك المتوفي و المستشهد وحتي لو كانت اكبر منك سنا؟ إذا كنت غير مرتبط بفتاة آخرى سأقبل بالزواج من زوجة أخي المتوفي بشرط ألا يكون فارق العمر كبير هل تقبل بهذا الزواج مع انك ستتعرض لضغوط قوية من الاهل ؟ نعم أقبل إن إضررت لهذا الزواج خاصة إن كان لديها أبناء من أخي وكان عمرها صغيراً بعد هل حتقدر ترفض هالزواج هذا ؟ نعم القرار سيكون بيدي فقط ولا أحد سيجبرني على هذا الزواج ولو قبلت بالزواج هل سيتغير تخطيطك وطموحاتك لمستقبلك ؟ ربما سيُغير شئ بسيط من تخطيطاتي ولكن ربما أعيد صياغتها بما يتماشي مع الوضع الذى وصلت إليه شكراً لك على الموضوع ريما غزة |
الآ بحآلة تعدد الزوجآت هون ممكن يتزوجهاآ عشآن يستر عليهاآ و عشآن الولآد و هيك |
شو المانع يتجوزها ويتجوز غيرها ع اساس محللكم اربعة هاد موقف استخدمو هالحق بتكونو متجوزين مرتين وتلاته وبدكم الرابعة ولهون وبتصيرو ما بدكم !! |
بعيداً عن الدبلوماسية ومزيداً من الواقعية والشفافية سأتحدث بداية / انا ضد اي ضغوطات تمارس من الأهل على اي طرف من الطرفين سواء الزواج من عازبة أو مطلقة المسألة تعود في المقام الأول والأخير لكلا الطرفين فهما من يمتلكان حق الموافقة وحق الملكية في تقرير المصير وفي القبول او الرفض اما بخصوص ما أثرتي من موضوع حساس وهام وصعب للغاية فأنا أعتقد أن المسألة تختلف من شخص لأخر وتحتاج لقلب شجاع وقوي وجريء ليحتمل عبئها بعد حصولها اذن انا لست ضد هذه الظاهرة لعدة عوامل لا بد أن تأخذ في الحسبان 1 : البعد الانسانيه فى تلك المساله من ناحية الاطفال . 2 : البعد الاجتماعيه وكيف تربية الاطفال والاهتمام بهم . 3 : حقوق المرأة من ان تعيش فرصة ثانيه للحياة الزوجيه . 4 : التكافل الاسري والحافظ عليه من قبل ولي الامر . 5 : القضاء على اكبر عدد من الاحصائيات فى حق النساء الارامل والنظرة من قبل الاخرين لهن بنظره طيبه اذن هناك الكثير من العوامل التى تساعد على انشاء هيك رابط ان صح التعبير اما من ناحية أخرى انا ضد الزواج اذا مارس الأهل اي ضغوطات على أي من الطرفين لأن النهاية ستكون غير محمودة ووخيمة العواقب وفيها الكثير من الكوارث هذا رأي بإختصار راق لي موضوعك أختي الكريمة اشكرك أرق التحيات لكِ |
اقتباس:
لكن لوحدهاآ برأيي مش صح مش عآرفي في نقآط مش قآدرةة أطرحهاآ لهيك أكتفي بالمتآبعة دون نقآش اساساً الموضوع مش ليناآ :44: احترآمي ~ |
موضوع مهم للنقاش ريما للاسف كتير صار هالشي بمجتمعنا سواء بضغط او بدون ضغط للم الاسره والابناء وحفظ الزوجه من ومن ومن .. الخ لكن بجد مو هيك بكون حل المشكله ليش ما يتم رعايه الابناء وزوجه الاخ والتكفل بكل لوازمهم الكامله من جميع الاسره وليش يتحمل شخص واحد تبعات الموضوع ولو كان فيه نوع من الشهامه والرجوله ربما على حسب قلبه وطموحه ومستقبله ابدا مو عيب ولا حرام لكن سيظل الزواج ناقصا وستشعر الزوجه طول العمر بان زوجها افضل منها درجات وانه ضحى عشانها وربما هو كذلك سوق يعاتبها ويعايرها ابد العمر انها كانت سبب في عدم زواجه ممن احب او طموحه او رغباته الي خططلها قبل زوجه منها انا عن نفسي لا اقبل بان اضع نفسي مكان اخي ولا بكل الحالات ولا بكل الضغوط ابدا ما بدي طول عليكم الحياه هي مره وحده ليش نعيشها غصب عنا يجب علينا نحن من نختار حياتنا وسعادتنا لانه اكيد رح يحب عليها او يتزوج عليها او يخونها وهون بتكون حياه ناقصه الحب والحنان والالفه زوجه الاخ سؤاء ارمله او زوجه شهيد هي في العين والقلب وكل شي الها رح يتوفر لو حبت تتزوج حدا بعد الاخ حياها الله مناخد الولاد لا نسمح بحدا يربى ابنائنا وهي تروح لحياتها الله معها |
اسير الصمت اسعدني وجودك وشرفتني بردك الراقي لا حرمني الله اطلالتك الجميلة ودي |
حبيبتي ظل انثي انرت الموضوع بوجودك الحلو واسعدتني طلتك ودي |
حبيبتي ميناس لوجودك جمال وروعة لا تضايها اي شئ ردك راقي مثلك نورتي ياقلبي اسعدني وجودك ودي |
ملك حبيبتي نورتي وشرفتي وردك راق لي وسارجع لاحقا للتعقيب عليكم لروحك الورد ودي |
الرائع هل كان حبا اشكرك علي صراحتك التي عودتنا عليها وشرف كبير وجودك هنا نورت وشرفت واسعدتني بتشريفك وراق لي ردك لانك اجبت بصدق وعفوية ارق التحايا لك |
اخي قصي شرف كبير تشريفك الراقي جميل ردك كحضورك وراق لي لانه ردك بصدق وواقعية نورت اخي ولا تحرمني طلتك وردودك الجميلة ارق التحايا |
مؤيد الراقي رائع بردك ووجودك واسعدني تفكيرك الجميل يسلمو علي تواجدك الحلو لروحك الورد نورت وشرفت ودي |
انا بعرف ناس عملوها وم حبيتها لهلحركه بلعكس بشمئز من الي بيعملوها يعني صحيح انا واخويا مش اقراب لبعض ولكن م بتخيل انو مرتو تصير مرتي مش ممكن اتوقعها او اتخيلها يعني مرتو صارت مرتي وشو م كانت تعمل معو تعمل معي عنجد بلنسبالي الموضوع مقرف جدا ومش ممكن اقبلو لو ع موتي م بقبلها مش لانها متزوجه وانو حرام اتجوز متزوجه لاء مو هون القصه القصه انها بيوم من الايام ولو ليوم واحد كانت زوجت اخي شكرا ع الموضوع |
خالد نورت وشرفت اسعدني ردك نابع من صدقك وعفويتك رد جميل يدل علي الوعي والتدارك لروحك الورد |
ما بقبل ـ وما بقبل اي ضغوط تذكر وما بفكر مرتين /~ٍ بس بدي اعطي رأئي انا حضرت عرسين عنا بهاد الاسلوب وما بعرف لي الضغوطآت بتصير من قبل الاهل ع الاخ ،ـ يعطيك العافيه ع قولتك وهي جوآب وع لماشي احترآمي لك |
مرسي ع الموضوع هو للشباب بس بدي جاوب من ناحيتي لا انا برفض هيك فكره نهائيا |
ايمن يسلمو علي ردك نورت وشرفت اكيد قناعتك هذه واليك الحرية ودي |
انثي ابكاها القدر يسلمو حبيبتي اكيد نورتي وشرفتي اسعدني وجودك وردك ودي |
| الساعة الآن 02:25 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.