|
بدي استشيركم .. مسا الخير ..كيفكم .. جاييكم اليوم باستشارة ..$ هلا انا سجلت بالزهر ادارة واتمتة مكاتب بس اليوم نزلو مفاجاه انهم مغيرين مفتاح التنسيق ل التمريض .. شو رايكم احول تمريض . ولا افضل متل ماا انا .... ومين مجالو ل التوظيف اوسع ... بستنااا |
اللي افهمتو انك مسجل بقسم ادارة و أتمتة مكاتب بس شو علاقتو بالتمريض هلأ من وجهة نظري ادرس يلي انت حابو و بناسب قدراتك و موفق بإذن الله |
انا لساتني جديد هههكنت بدي فوت تمريض بالاول بس مفتاح التنسيق ما كان يقبلني . بس هلا غيرووه .. وصصار فيا افوتوا .. وهلا سرت متحير هههه |
يا بتروح للي حابو يا بتصلي استخارة اتمنى اكون فدتك تقبل مروري |
فوت تمريض اخي لكن كون مستعد للتضحيه وتكون حابب هالشي ورغبانه لو طلعلك تمريض لا تضيع الفرصه مجالها واسع بكل المستشفيات وما رح تكون عاطل عن العمل وانت اخبر بامورك موفق اخي |
يبدو انك من غزة , سجل تمريض اخي , افضل الك لو شديت حيلك بالتمريض , يعني لو كنت انتا بدك تمريض من اول و حابب التمريض ف فوت تمريض , حتى مجال التمريض مطلوب بغزة ع حسب اعتقادي , فوت تمريض و اتوكل , الادارة و اتمتة مكاتب ان كانت شبيه لتخصص الادارة نفسو , ف ما بنصحك الادارة بغزة مليانين خريجيها و قليل الي بيتوظفو , اما ازا مقرر تطلع برا غزة , ف الكلام بيختلف , |
تمريض أفضل :136: |
انصحك بالتمريض الادارة واتمتة المكاتب راح يتعبك بلا جدوى وكل دراستك تروح سدى |
اعتقد انو التمريض مجالها اوسع والي فهمتو كانت رغبتك من الاساس وانشالله بالتوفيق تحياتي |
إدارة مكاتب مجال حلو وبتلائي شغل بس مش ميه بالميه، ما في ضمان، حاول تفكر لئدام وتعمل حساباتك، لنفرض صار معك شهاده بمجال اداره مكاتب ولئيت شغل بمكتب او شركه معينه، بس شو بيضمن انه هالشركه رح تضل موجوده طول العمر؟ صح؟ اما تمريض هون اختلف الموضوع، لو اشتغلت بمستشفى وكنت ئد الشغل سيعتا رح تضلك طول عمرك بالمستشفى اللي بتكون فيها، لانه فكر فيها المستشفى اشي والشركات والمكاتب اشي تاني، لهيك التمريض مجال ناجح اكتر من ناحية الشغل بالمستئبل نوعا ما، وبالنهايه القرار بيرجع إلك، بعد ما تستشير فكر بينك وبين نفسك يللي بتلائيه مناسب إلك اعمله، موفئ .. |
طبعا دبلوم خليك فاهم انك حتى لما تخلص تمريض بدك اقل شي سنتين تطوع عشان تتوظف انا بقول الخيره فيما اختره الله وخليك ع الي سجلت في |
بدك تحسبا صح .. اذا بدك تضل بهالبلد خليك عالتمريض مجالا افضل واوسع بس اذا بدك تهاجر من هالبلاد العربية الحلوة الامنة المستقرة الجميلة خليك ع ادارة واتمتة المكاتب هونيك وظائفا أكتر ومجالا اوسع و اختصاصاتا اكتر هونيك هالفرع مهم كتير والو قيمة ووين ما شلحت حالك بتشتغل اذا بالبلد تمريض اذا خارج البلد ادارة مكاتب :136: |
شكر الكم .. وسيم . ما اظن راح نطلع برا هالبلد هههه . لهيك هلا راح شوف الجامعه وان شاء الله خيير . |
هلا اسير الصمت بجد الجد انا تمريض وخلصت مجال التمريض اوسع كتير وسريع للعمل تقدر تشتغل بعدها بسرعة موفق |
هو التمريض حلوو بس اخو شيكل بدهم 25 دينار ع الساعه مش قاعد ع بنك هههه بطلت .. |
التمريض دراسته حلوة وشغله كذلك وفي له مجال في غزة بالذات بالفترات الجاية انا بشجع عليه وبشدة لكتير من طلاب وطالبات يلي تخرجو جديد من الثانوية العامة باينهم رافعين سعره للتمريض! لكن 25 دينار ما تفرق كتير عن غيرها لما تنوي حكاية الرسوم بتتسهل لوحدها! عموما بالتوفيق ان شاء الله |
25 ... لا بتفرق ..الوضع ربنا ساتروا .. والواحد بدو يدرس مش يدبح اهلو بالدفع سرت مسجل وبس خلص ربنا بفرجها والي كاتبو ربنا بسيرر |
الاقتباس غير متاح حاليا كنت أقصد بتدبر ممكن بتقسيط الرسوم أو ممكن بمنح .. بالذات لو بالأزهر فالرسوم مو شرط يندفع دفعة واحدة بيتساهلو بها عموما الخيرة فيما اختاره الله .... والتخصص التاني رغم اني ما أعرفه بس ان شاء يكون موفق |
رائي وكلامي يلي بدي حكيه هو طبق الاصل لكلام الاخ dark devil .. مع انو ما بحب التمريض لكن اتوكل علي الله مجاله كتير حلو .. لكن بالنسبة لسعرو 25 دينار .. انا نفس الشئ بدفع 25 دينار لساعة الاي تي في الاسلامية ومبسوط لانو انا اخترت هالمجال بعد ماكنت بدي ادخل طب .. الي انت حاس حالك رح تبدع فيه فوتو بدون نقاش ولا تهتم للفلوس واساسا في الازهر فيه قروض واعفاءات ومنح شوف وضعك شو بيكون .. تحياتي ياعسل |
| الساعة الآن 01:34 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.